Запасные части и аксессуары для автомобилей и для автомобильных двигателей (Грузия - Тендер #59983494)

წინამდებარე სატენდერო დოკუმენტაციით განსაზღვრულ შესყიდვის ობიექტს წარმოადგენს მცირე ტვირთამწეობის ავტომანქანების საბურავები.

1.2.1 პრეტენდენტი ვალდებულია, დანართი №1-ის შესაბამისად, წარმოადგინოს შემოთავაზებული საბურავების შესახებ ინფორმაცია.
1.2.2 შემოთავაზებული საბურავები უნდა იყოს ახალი, ქარხნული წარმოების და დამზადებული უნდა იყოს არაუადრეს 2024 წლისა აღნიშნულის თაობაზე პრეტენდენტმა ერთიანი ელექტრონული სისტემის მეშვეობით უნდა წარმოადგინოს ინფორმაცია (შემოთავაზებულ საბურავებზე შესაძლებელი უნდა იყოს მისი დამზადების თარიღის წაკითხვა).

1.4.1 მიმწოდებელი ვალდებულია საბურავების მიწოდება (სერვის ცენტრიდან გაცემა, ან შემსყიდველის „საწყობში“ მიტანა) განახორციელოს ეტაპობრივად, 2025 წლის 15 მარტიდან 2025 წლის 31 ოქტომბრის ჩათვლით (აღნიშნული ვადა შესაძლებელია ხელშეკრულებით გაიზარდოს არაუმეტეს 30 კალენდარული დღით). მხარეთა შეთანხმების შემთხვევაში, შესაძლებელია მიწოდება განხორციელდეს 2025 წლის 15 მარტამდეც.

1.4.2. თუ ხელშეკრულების გაფორმების მიზნით, გამარჯვებულს შემსყიდველი ორგანიზაცია მიმართავს გამარჯვებულად გამოვლენიდან 2025 წლის 31 მარტის ჩათვლით, საბურავების მიწოდება უნდა განხორციელდეს ხელშეკრულების გაფორმების შემდეგ, შემსყიდველის მოთხოვნიდან 5 სამუშაო დღის ვადაში (სატენდერო დოკუმენტაციის 1.4.1. პუნქტში მითითებული თარიღების გათვალისწინებით). ხოლო, თუ შემსყიდველი ორგანიზაცია გამარჯვებულს მიმართავს, გამარჯვებულად გამოვლენიდან 2025 წლის 31 მარტის შემდგომ, გამარჯვებული პრეტენდენტი უფლებამოსილია საბურავების მიწოდება განახორციელოს ხელშეკრულების გაფორმების შემდეგ, შემსყიდველის მოთხოვნიდან 30 კალენდარული დღის ვადაში.

1.4.3. შემსყიდველის მხრიდან საბურავების დასაწყობების შემთხვევაში, მიმწოდებელი ვალდებულია საბურავების მიწოდებიდან არანაკლებ 1 წლის განმავლობაში უზრუნველყოს საბურავების დემონტაჟი, მონტაჟი ბალანსირება თბილისის, ქუთაისის და ბათუმის მასშტაბით.

1.5.1. მიმწოდებელი ვალდებულია საბურავების გაცემა (დემონტაჟი, მონტაჟი, ბალანსირება) განახორციელოს სავალდებულოდ შემდეგ ქალაქებში, ან მათ მიმდებარე ტერიტორიაზე არაუმეტეს 15 კმ-ის რადიუსში (გარდა ქ. თბილისისა) განთავსებულ სერვის-ცენტრებში:

• ქ. თბილისი;
• ქ. ქუთაისი;
• ქ. ბათუმი;
• ქ. თელავი;
• ქ. ზუგდიდი;
• ქ. ახალციხე;

1.5.2. მიმწოდებელი საკუთარი ხარჯებით უზრუნველყოფს საქონლის მიწოდებას თბილისის, ქუთაისის, ბათუმის მასშტაბით თუ შემსყიდველის მოთხოვნის შესაბამისად მისაწოდებელი საბურავების რაოდენობა ერთ ჯერზე მინიმუმ 100 ერთეულია. ზემოაღნიშნულ შემთხვევაში, მიმწოდებელი ვალდებულია, საბურავების მიწოდებიდან (თბილისის,ქუთაისის და ბათუმის მასშტაბით შემსყიდველის მეირ მითითებულ მისამართზე მიტანიდან) 1 წლის განმავლობაში, შემსყიდველის მიერ ავტომანქანისა და საბურავების თბილისის, ბათუმის ან/და ქუთაისის სერვის ცენტრში წარდგენის შემთხვევაში უზრუნველყოს საბურავების დემონტაჟი, მონტაჟი და ბალანსირება.

1.7.1.1 პრეტენდენტის მიერ შემოთავაზებულ საბურავზე საგარანტიო პირობები ვრცელდება: საბურავის სწორი ექსპლუატაციის შემთხვევაში არანაკლებ 50 000 კმ გარბენზე. საგარანტიო პერიოდში ნორმების დაცვით ექსპლუატაციისას საბურავის გამოყენება არ უნდა იწვევდეს საფრთხის შექმნას მგზავრებისათვის და საბურავმა არ უნდა გამოავლინოს ისეთი დეფექტი, რომელიც ხელს შეუშლის სატრანსპორტო საშუალების ნორმალურ ექსპლუატაციას.

1.7.1.2 საბურავმა საგარანტიო ვადის ამოწურვამდე არ უნდა განიცადოს დეფორმაცია და უნდა ექვემდებარებოდეს ბალანსირებას, წინააღმდეგ შემთხვევაში საბურავი უნდა შეიცვალოს იდენტური პარამეტრების მქონე ახალი საბურავით.

1.7.1.3 გარანტია არ ვრცელდება ქვემოთ ჩამოთვლილი მიზეზებით დაზიანებულ საბურავებზე:

ა) მექანიკური;
ბ) გარეგანი ზემოქმედებით (გადახურება/“დაბუქსავება“);
გ) ტვირთამწეობის გადაჭარბება;
დ) ბორდიურზე მიჯახება;
ე) ჩარტყმა.

1.7.1.4 შემსყიდველი უფლებამოსილია განახორციელოს კონტროლი, შესყიდვის ობიექტის მიწოდების პარალელურად, ასევე საბურავის საგარანტიო ვადის განმავლობაში. კონტროლის აქტის საფუძველზე, საჭიროების შემთხვევაში, ჩატარდება მოწოდებული შესყიდვის ობიექტის ექსპერტიზა. იმ შემთხვევაში თუ ექსპერტიზა დაადგენს, რომ შესყიდვის ობიექტი არ შეესაბამება ხელშეკრულებითა და სატენდერო დოკუმენტაციით გათვალისწინებულ მოთხოვნებს, ექსპერტიზის ხარჯებს აანაზღაურებს მიმწოდებელი, ხოლო შესაბამისობის შემთხვევაში - ექსპერტიზის ხარჯებს აანაზღაურებს შემსყიდველი.

2.1.1.1 პრეტენდენტმა შემოთავაზებული საბურავების ბრენდის, მოდელის და წარმოშობის ქვეყნის დასახელება, ასევე ერთეულის ფასი და ჯამური ღირებულება უნდა მიუთითოს დანართი N1-ის შესაბამისად.

2.1.1.2 იმ შემთხვევაში, თუ სატენდერო წინადადებით წარმოდგენილი არ იქნება ინფორმაცია საბურავების ბრენდის, მოდელისა და წარმოშობის ქვეყნის დასახელება, პრეტენდენტი დაექვემდებარება დისკვალიფიკაციას. საბურავების ბრენდის, მოდელისა და წარმოშობის ქვეყნის შესახებ ინფორმაცია არ ექვემდებარება ცვლილებას და უნდა იყოს საბოლოო, წინააღმდეგ შემთხვევაში პრეტენდენტი ასევე დაექვემდებარება დისკვალიფიკაციას.

2.1.1.3 შემოთავაზებული საბურავი უნდა იყოს მსოფლიოში აღიარებული ბრენდის, რომელიც მსოფლიო ბაზარზე არანაკლებ 30 წელი იყიდება. აღნიშნულის თაობაზე პრეტენდენტმა ერთიანი ელექტრონული სისტემის მეშვეობით უნდა წარმოადგინოს შემოთავაზებული საბურავების ქარხანა მწარმოებლის წერილი ან/და მწარმოებლის ოფიციალური ვებ-გვერდი სადაც მითითებული იქნება ზემოაღნიშნული ინფორმაცია.

კონსოლიდირებულ ტენდერში მონაწილე პრეტენდენტს 2023 წლის 1 იანვრიდან წინამდებარე ტენდერის გამოცხადების თარიღამდე უნდა გააჩნდეს წინამდებარე ტენდერის სავარაუდო ღირებულების ოდენობის არანაკლებ ნახევრის (არანაკლებ 50%) ღირებულების (ლარის) საბურავების მიწოდების გამოცდილება. აღნიშნულის დასტურად, პრეტენდენტმა ელექტრონულ სისტემაში უნდა ატვირთოს პროდუქციის მიწოდების დამადასტურებელი დოკუმენტები:
ა) აუდიტორული ფირმების ან/და აუდიტორების სახელმწიფო რეესტრში რეგისტრირებული პირის მიერ გაცემული შესაბამისი დასკვნა (დასკვნაში მითითებული უნდა იყოს დასკვნის გამცემი პირის სახელმწიფო რეესტრში რეგისტაციის ნომერი და აღნიშნული უნდა იძებნებოდეს https://www.saras.gov.ge ვებ-გვერდზე შესაბამის რეესტრში), რომლითაც უნდა დასტურდებოდეს, რომ პრეტენდენტს ზემოაღნიშნული პერიოდის განმავლობაში გააჩნია მოთხოვნილი ღირებულების საბურავების მიწოდების გამოცდილება,
ან
ბ)- ხელშეკრულებ(ები)ა და ამ ხელშეკრულების საფუძველზე გაფორმებული მიღება-ჩაბარების აქტ(ებ)ი (თუ მხოლოდ მიღება-ჩაბარების დამადასტურებელი დოკუმენტიდან ირკვევა საბურავების მიწოდება, მაშინ აუცილებელი არ არის ხელშეკრულების წარმოდგენა) ან/და
- სახელმწიფო შესყიდვების ერთიანი ელექტრონული სისტემის მონაცემები (SPA/NAT/CON/CMR… ნომრები, რომელშიც ატვირთული იქნება შესაბამისი დოკუმენტები ან/და ინფორმაცია) ან/და
-საგადასახოდო დოკუმენტი, სასაქონლო ზედნადები, ან საგადასახადო ანგარიშფაქტურა.

მიმწოდებელი ვალდებულია საბურავების გაცემა (დემონტაჟი, მონტაჟი ბალანსირება) განახორციელოს სავალდებულოდ შემდეგ ქალაქებში ან მათ მიმდებარე ტერიტორიაზე არაუმეტეს 15 კმ-ის რადიუსში (გარდა ქ. თბილისისა) განთავსებულ სერვის-ცენტრებში:

• ქ. თბილისი;
• ქ. ქუთაისი;
• ქ. ბათუმი;
• ქ. თელავი;
• ქ. ზუგდიდი;
• ქ. ახალციხე;

აღნიშნულის თაობაზე პრეტენდენტმა ერთიანი ელექტრონული სისტემის მეშვეობით უნდა წარმოადგინოს ინფორმაცია, რომელშიც მითითებული იქნება სარვის-ცენტრების მისამართები და სამუშაო საათები.

შემოთავაზებული საბურავის ხარისხი უნდა დასტურდებოდეს ევროპის ეკონომიკური კომისიის (the Economic Commission of Europe „ECE“) რეგულაციის შესაბამისად გაცემული სერტიფიკატის ფლობით. აღნიშნული დადასტურებული უნდა იყოს უცხოენოვანი და ქართულ ენაზე ოფიციალურად ნათარგმნი შესაბამისი დოკუმენტის წარდგენით სატენდერო წინადადებასთან ერთად.

ერთიან ელექტრონულ სისტემაში ასატვირთი დოკუმენტები:

ა) დანართი #1 (განფასება);
ბ) ინფორმაცია საბურავების წარმოების წელის შესახებ, სატენდერო დოკუმენტაციის 1.2.2 პუნქტის შესაბმისად;
გ) ინფორმაცია საბურავის მსოფლიო ბაზარზე რეალიზაციის შესახებ სატენდერო დოკუმენტაციის 2.1.1.3 პუნქტის შესაბამისად;
დ) მიმწოდებლის გამოცდილების შესახებ ინფორმაცია სატენდერო დოკუმენტაციის 2.2.1 პუნქტის შესაბამისად;
ე) ინფორმაცია სერვის-ცენტრების (მიწოდების ადგილების) შესახებ, სატენდერო დოკუმენტაციის 2.3.1 პუნქტის შესაბამისად;
ვ) სატენდერო დოკუმენტაციის 2.7.1 პუნქტის შესაბამისად შემოთავაზებული საბურავის ხარისხი უნდა დასტურდებოდეს ევროპის ეკონომიკური კომისიის (the Economic Commission of Europe „ECE“) რეგულაციის შესაბამისად გაცემული სერტიფიკატის ფლობით.

იმ შემთხვევაში, თუ ტენდერში პრეტენდენტის მიერ დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტმა უნდა წარმოადგინოს ფასწარმოქმნის ადეკვატურობის დასაბუთება. ფასწარმოქმნის ადეკვატურობის დასაბუთება უნდა მოხდეს სსიპ ,,აკრედიტაციის ერთიანი ეროვნული ორგანო აკრედიტაციის ცენტრი’’-ს (https://gac.gov.ge/ka) მიერ აკრედიტებული ორგანიზაციის (პირი) დასკვნის საფუძველზე (დასკვნასთან ერთად ერთიან ელექტრონულ სისტემაში წარმოდგენილი უნდა იყოს აკრედიტაციის დამადასტურებელი დოკუმენტი), ან სსიპ ლევან სამხარაულის სახელობის სასამართლო ექსპერტიზის ეროვნული ბიუროს (http://expertiza.gov.ge/) დასკვნით, ან აუდიტის დასკვნით (დასკვნას თან უნდა ახლდეს „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის შესაბამისად უფლებამოსილი ორგანოს (https://saras.gov.ge/) მიერ გაცემული საექსპერტო ან/და აუდიტორული საქმიანობის განხორციელების უფლების დამადასტურებელი დოკუმენტი).
ფასწარმოქმნის ადეკვატურობის დამადასტურებელი დოკუმენტით უნდა დასტურდებოდეს (ტექსტობრივად მკაფიოდ უნდა იკითხებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეული ფასებით და აგრეთვე ჯამური ღირებულებით წინამდებარე ტენდერით განსაზღვრული საქონლის მიწოდების შესაძლებლობა.

20445

5

10

ხელშეკრულების უზრუნველყოფის საბანკო, ან სადაზღვევო გარანტიის მოქმედების ვადა არანაკლებ 30 დღით უნდა აღემატებოდეს ხელშეკრულებით გათვალისწინებული საქონლის მიწოდების საბოლოო ვადას.

6.2.4.1 ტენდერში გამოყენებული იქნება საბანკო ან სადაზღვევო კომპანიის მიერ გაცემული ხელშეკრულების შესრულების უზრუნველყოფის უპირობო (გარანტიით გათვალისწინებული თანხა შემსყიდველმა უნდა მიიღოს ყოველგვარი დამატებითი განმარტებებისა და მტკიცებულებების წარდგენის გარეშე, პირველი მოთხოვნისთანავე) და გამოუთხოვადი საბანკო გარანტია, ხელშეკრულების საერთო ღირებულების 5%–ის ოდენობით, ხოლო იმ შემთხვევაში, თუ პრეტენდენტის მიერ სისტემაში დაფიქსირებული სატენდერო წინადადების საბოლოო ფასი 20%-ით ან მეტით ნაკლები იქნება შესყიდვის სავარაუდო ღირებულებაზე, ხელშეკრულების საერთო ღირებულების 10%-ის ოდენობით. მიმწოდებელმა უნდა წარმოადგინოს გარანტია წინამდებარე ტენდერის საფუძველზე გასაფორმებელი თითოეული ხელშეკრულების ფარგლებში ინდივიდუალურად, თუ სახელშეკრულებო ღირებულება შეადგენს, ან აღემატება 200 000.00 (ორასი ათასი) ლარს.

6.2.4.2 ხელშეკრულების უზრუნველყოფის საბანკო გარანტია წარდგენილ უნდა იქნეს შემსყიდველ ორგანიზაციაში ხელშეკრულების გაფორმების მომენტში.

6.2.4.3 უპირობო, გამოუთხოვადი ხელშეკრულების შესრულების გარანტია წარმოდგენილი უნდა იქნას საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან, ეროვნულ ვალუტაში - ლარში.

6.2.4.4 პრეტენდენტის მიერ წარმოდგენილ ხელშეკრულების შესრულების უზრუნველყოფის გარანტიაში არ უნდა იყოს მითითებული, რომ გარანტია მცირდება შესრულების პროპორციულად.

ანგარიშსწორება განხორციელდება ეტაპობრივად, ან მთლიანად საქონლის მიწოდების შემდეგ, შესაბამისი "მიღება-ჩაბარების" აქტ(ებ)ის გაფორმებისა და საქართველოს კანონმდებლობით დადგენილი შესაბამისი დოკუმენტების წარმოდგენის შემდეგ;
- ანგარიშსწორების ვალუტა - ლარი;
- გადახდის ფორმა იქნება უნაღდო, გადარიცხვა მოხდება მიმწოდებლის საბანკო ანგარიშზე;

ანგარიშსწორება განხორციელდება ეტაპობრივად, ან მთლიანად საქონლის მიწოდების შემდეგ, შესაბამისი „მიღება-ჩაბარების “აქტ(ებ)ის გაფორმებისა და საქართველოს კანონმდებლობით დადგენილი შესაბამისი დოკუმენტების წარმოდგენიდან 10 (ათი) სამუშაო დღის განმავლობაში.

ლაშა კირვალიძე, 571255255, lkirvalidze@spa.ge

10.1.1. წინამდებარე სატენდერო დოკუმენტაცია შემუშავებულია „სახელმწიფო შესყიდვების შესახებ“ საქართველოს კანონის (შემდგომში - კანონი) მე-20 მუხლის 2 პრიმა მუხლის, სახელმწიფო შესყიდვების სააგენტოს თავმჯდომარის 2018 წლის 14 დეკემბრის N14 ბრძანებით დამტკიცებული „კონსოლიდირებული ტენდერის ჩატარების წესისა და პირობების დამტკიცების შესახებ“ და აგრეთვე, საქართველოს მთავრობის 2024 წლის 07 ოქტომრის N1436 განკარგულების „2025-2026 წლების განმავლობაში სხვადასხვა სახის საქონლისა და მომსახურების სახელმწიფო შესყიდვის კონსოლიდირებული ტენდერ(ებ)ის საშუალებით განხორციელების თაობაზე“ პირველი მუხლის „ე“ ქვეპუნქტის („2025-2026 წლების განმავლობაში საბურავების სახელმწიფო შესყიდვის კონსოლიდირებული ტენდერ(ებ)ი") საფუძველზე.

10.1.2 სისტემაში რეგისტრირებული ყველა შემსყიდველი ორგანიზაცია ვალდებულია 2025 წლის 31 ოქტომბრის ჩათვლით წინამდებარე სატენდერო დოკუმენტაციით განსაზღვრული მცირე ტვირთამწეობის საბურავების შესყიდვა განახორციელოს კონსოლიდირებული ტენდერის საშუალებით, გარდა უცხო ქვეყანაში საქართველოს შინაგან საქმეთა სამინისტროს, საქართველოს სახელმწიფო უსაფრთხოების სამსახურის, საქართველოს თავდაცვის სამინისტროს, თავდაცვის ატაშეს, აგრეთვე საქართველოს დიპლომატიური წარმომადგენლობისა და საკონსულო დაწესებულების მიერ საბურავების შესყიდვის შემთხვევებისა. სხვა მიმწოდებლისაგან შესყიდვის საჭიროების შემთხვევაში, შემსყიდველი ორგანიზაცია შესაბამისი დასაბუთებით მიმართავს სატენდერო კომისიას. ამ პუნქტით გათვალისწინებულ შემთხვევაში, შემსყიდველი ორგანიზაციის მიერ სხვა მიმწოდებლისგან საბურავების შესყიდვა შესაძლებელია მხოლოდ სატენდერო კომისიის თანხმობის შემთხვევაში.

10.1.3 იმ შემსყიდველ ორგანიზაციებს, რომლებზეც სატენდერო დოკუმენტაციის მიხედვით სავალდებულოდ არ ვრცელდება კონსოლიდირებული ტენდერის მოქმედება, საბურავების შესყიდვის შესახებ ხელშეკრულების დადების მიზნით შეუძლიათ მიმართონ კონსოლიდირებულ ტენდერში გამარჯვებულ პრეტენდენტს სატენდერო კომისიასთან შეთანხმების საფუძველზე. ხელშეკრულების დადების შემთხვევაში, მათზე სრულად გავრცელდება წესითა და სატენდერო დოკუმენტაციით დადგენილი მოთხოვნები.

10.1.4 კონსოლიდირებულ ტენდერში ელექტრონული ვაჭრობა გაიმართება სავარაუდო ჯამურ ღირებულებაზე;
10.1.4.1 სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით. ფასის წარმოდგენა დასაშვებია მხოლოდ ლარში;
10.1.4.2 პრეტენდენტი ვალდებულია საქონლის ერთეულის ფასი დააფიქსიროს ლარის (დაამრგვალოს) მეასედის სიზუსტით;
10.1.4.3 ვაჭრობის შედეგად ჯამური ღირებულების კლებამ არ უნდა გამოიწვიოს მის სატენდერო წინადადებაში საბურავის ცალკეულ ზომებზე თავდაპირველად დაფიქსირებული ერთეულის ფასის ზრდა.

10.1.5 კონსოლიდირებულ ტენდერში გამარჯვებულად ჩაითვლება ის პრეტენდენტი, რომელიც ვაჭრობის შედეგად დააფიქსირებს ყველაზე დაბალ ჯამურ ღირებულებას და ამასთან, დააკმაყოფილებს სატენდერო დოკუმენტაციითა და შესაბამისი სამართლებრივი აქტებით დადგენილ მოთხოვნებს.

10.1.6 კონსოლიდირებულ ტენდერში პრეტენდენტის მიერ წარდგენილი სატენდერო წინადადების (მათ შორის დაზუსტებული წინადადების) ან/და სხვა დოკუმენტების სატენდერო განცხადებასთან ან/და სატენდერო დოკუმენტაციის მოთხოვნებთან შეუსაბამობის შემთხვევაში, პრეტენდენტი დაექვემდებარება დისკვალიფიკაციას. ამასთან, თუ პრეტენდენტს ეთხოვა დოკუმენტაციის დაზუსტება და იგი არ დააზუსტებს ტექნიკურ დოკუმენტაციას დადგენილ ვადაში, არასრულყოფილად დააზუსტებს ან/და დაზუსტების შედეგად არსებითად შეცვლის მას, ექვემდებარება დისკვალიფიკაციას.

10.1.7 პრეტენდენტის მიერ სატენდერო წინადადების, ან მისი შემადგენელი დოკუმენტის წარდგენა შესაძლებელია როგორც ქართულ, ასევე უცხოურ ენებზე. დოკუმენტის უცხოურ ენაზე წარდგენის შემთხვევაში, მას უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე. დოკუმენტთან დაკავშირებული სადავო საკითხ(ებ)ის გადაწყვეტისას უცხოურენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია. სატენდერო კომისია, უფლებამოსილია, მოსთხოვოს პრეტენდენტს შესაბამისი დოკუმენტის ორიგინალის ან/და ნოტარიულად დამოწმებული ასლის წარმოდგენა, რომლითაც შესაძლებელი იქნება წარმოდგენილი დოკუმენტების ნამდვილობის დადასტურება;

10.1.8 ხელშეკრულებების გაფორმების ვადები განისაზღვრება წინამდებარე სატენდერო დოკუმენტაციის დანართი N3-ით (ხელშეკრულების გაფორმების ვადები).

10.1.9 გამარჯვებული პრეტენდენტის სატენდერო წინადადება ძალაშია 2025 წლის 31 ოქტომბრის ჩათვლით. საქონლის მიწოდების ვადა გამარჯვებული პრეტენდენტის სატენდერო წინადადების ვადას შესაძლებელია აღემატებოდეს არაუმეტეს 30 კალენდარული დღით;

10.1.10 სატენდერო კომისია სატენდერო წინადადებებს განიხილავს გონივრულ ვადაში და შედეგები გამოქვეყნდება სისტემის მეშვეობით.

10.1.11 სატენდერო კომისიასთან მიმოწერა კონსოლიდირებულ ტენდერთან დაკავშირებულ ნებისმიერ საკითხზე შესაძლებელია განხორციელდეს შემდეგი ელექტრონული ფოსტის tire2025-2026@spa.gov.ge ან/და კონსოლიდირებული ტენდერების მენეჯმენტის სისტემის ctd.spa.ge მეშვეობით. აღნიშნული ელექტრონული ფოსტისა და კონსოლიდირებული ტენდერების მენეჯმენტის სისტემის საშუალებით გაგზავნილი კორესპონდენცია წარმოადგენს იურიდიული ძალის მქონე დოკუმენტს.

10.1.12 სტატისტიკის წარმოების მიზნით, შესაბამისი მოთხოვნის შემთხვევაში, მიმწოდებელმა ყოველი თვის 10 რიცხვამდე სატენდერო კომისიას უნდა წარუდგინოს ინფორმაცია კონსოლიდირებული ტენდერის ფარგლებში ფაქტობრივად მიწოდებული საქონლის შესახებ (მათ შორის იმ შემსყიდველისათვის მიწოდებული საქონლის შესახებ, რომელიც შემდგომ შემოუერთდა აღნიშნულ ტენდერს), სატენდერო კომისიის მიერ დადგენილი ფორმით.

1000