Обувные изделия (Грузия - Тендер #59983484)

დაბალყელიანი ფეხსაცმლის შესყიდვა

შესყიდვის ობიექტის ტექნიკური პარამეტრები იხილეთ ატვირთულ ფაილში - დანართი N2 ტექნიკური დავალება.

შენიშვნა: შესყიდვის ობიექტის კონკრეტული ტექნიკური მახასიათებლები პრეტენდენტმა უნდა მიუთითოს ფასების ცხრილში ან/და წარმოადგინოს დანართის სახით ტექნიკური დავალების შესაბამისად.

შესყიდვის ობიექტის მიწოდება უნდა განხორციელდეს ერთიანად ან/და ეტაპობრივად ხელშეკრულების გაფორმებიდან არაუმეტეს 150 კალენდარული დღის ვადაში;

თუ მიწოდების ბოლო დღე ემთხვევა არასამუშაო დღეს შესყიდვის ობიექტის მიწოდება განხორციელდება მომდევნო სამუშაო დღეს.

შესყიდვის ობიექტის მიწოდება და დაცლა/დასაწყობება მიმწოდებელმა უნდა უზრუნველყოს საკუთარი ხარჯით, შემდეგ მისამართზე: ქ. თბილისი, ჟორესის ქ. N10

ა) მიწოდებული საქონელზე უნდა ვრცელდებოდეს გარანტია არანაკლებ 18 (თვრამეტი) თვის ვადით.

ბ) მიწოდებული საქონელის სწორი ექსპლუატაციის შემთხვევაში 18 (თვრამეტი) თვის მანძილზე თუ მოხდა ფეხსაცმლის დაზიანება მიმწოდებელმა საკუთარი ხარჯებით უნდა უზრუნველყოს დაზიანებული ფეხსასცმლის ჩანაცვლება ახლით 10 (ათი) სამუშაო დღეში.

გ) პრეტენდენტმა ერთიანი ელექტრონული სისტემის მეშვეობით უნდა წარმოადგინოს ინფორმაცია ფეხსაცმლის სწორი მოვლა/შენახვის წესების შესახებ.

პრეტენდენტმა ფასების ცხრილში (დანართი N1) უნდა მიუთითოს შესყიდვის ობიექტის მწარმოებელის დასახელება ან/და ბრენდი და მოდელი (მოდელის არარსებობის შემთხვევაში, უნდა მიეთითოს ტექსტი მოდელი არ აქვს). აღნიშნული ინფორმაციის მიუთითებლობა გამოიწვევს პრეტენდენტის დისკვალიფიკაციას.

2.2.1.1. პრეტენდენტს 2022 წლის 1 იანვრიდან ელექტრონული ტენდერის გამოცხადებამდე უნდა გააჩნდეს 600 000.00 (ექვსასი ათასი) ლარის ღირებულების ფეხსაცმლის მიწოდების გამოცდილება.

2.2.1.2. პრეტენდენტმა შესყიდვების ერთიან ელექტრონულ სისტემაში უნდა ატვირთოს 2.2.1.1. პუქნტით მოთხოვნილი გამოცდილების დამადასტურებელი დოკუმენტები - ხელშეკრულება/ხელშეკრულებები, ამ ხელშეკრულების საფუძველზე გაფორმებული მიღება-ჩაბარების აქტ(ებ)ი ან/და სხვა დოკუმენტაცია, რომლითაც დადასტურდება პრეტენდენტის გამოცდილება.

შენიშვნა: იმ შემთხვევაში, თუ მოთხოვნილი გამოცდილების დამადასტურებელი ხელშეკრულება და მიღება-ჩაბარების აქტები სრულად არის ატვირთული შესყიდვების ერთიან ელექტრონულ სისტემაში, საკმარისია შესაბამისი SPA/NAT/CMR ან სხვა ნომრის მითითება.

1. ფეხსაცმელი უნდა შეესაბამებოდეს EN ISO 20347:2022 (ან უფრო ახალი) სტანდარტს, რის დასტურადაც პრეტენდენტმა უნდა წარმოადგინოს მოქმედი შემოწმების სერტიფიკატი - „EU Type Examination Certificate”, რომელიც გაცემული უნდა იყოს EN ISO/IEC 17065 სტანდარტის შესაბამისად აკრედიტებული შემოწმების ორგანოს მიერ.
2. სერტიფიკატთან ერთად წარმოდგენილი უნდა იყოს „ტესტ რეპორტი“ (Technical report), რომლის საფუძველზეც არის გაცემული პირველი პუნქტით განსაზღვრული EN ISO 20347:2022 (ან უფრო ახალი) სტანდარტის სერტიფიკატი.
3. სერტიფიკატის გამცემი აკრედიტებული ორგანო უნდა იძებნებოდეს ევროკავშირის ოფიციალურ ვებ-გვერდზე https://commission.europa.eu

https://webgate.ec.europa.eu/single-market-compliance-space/notified-bodies/free-search?filter=notificationStatusId:1


შენიშვნა: დოკუმენტ(ებ)ის უცხო ენაზე წარმოდგენის შემთხვევაში, მათ უნდა დაერთოს ნოტარიულად დამტკიცებული ქართული თარგმანი.

შემოთავაზებული შესყიდვის ობიექტის ტექნიკური პარამეტრების იდენტიფიცირებისათვის პრეტენდენტმა ერთიანი ელექტრონული სისტემის მეშვეობით უნდა წარმოადგინოს შემოთავაზებული ფეხსაცმლის მწარმოებლის ტექნიკური პასპორტი ან/და მწარმოებლის ოფიციალური წერილი (წერილი უნდა იყოს ხელმოწერილი და ბეჭედდასმული სახით).

- ტექნიკური პასპორტის ან/და მწარმოებლის ოფიციალური წერილის უცხოურ ენაზე წარმოდგენის შემთხვევაში, სისტემაში უნდა აიტვირთოს ნოტარიულად დამოწმებული ქართული თარგმან(ებ)ი.


წუნდებული საქონლის შეცვლის ვადა არაუმეტეს 10 (ათი) სამუშაო დღე.

ა) პრეტენდენტმა შემსყიდველ ორგანიზაციაში უნდა წარადგინოს შემოთავაზებული შესყიდვის ობიექტის ნიმუში ტექნიკური დავალების შესაბამისად.

ბ) პრეტენდენტის გამარჯვების შემთხვევაში შეტანილი საქონელი უნდა იყოს შერჩევა-შეფასების ეტაპზე შემსყიდველ ორგანიზაციაში პრეტენდენტის მიერ წარმოდგენილი შემოთავაზებული საქონლის ნიმუშის იდენტური.

შენიშვნა:
- ტენდერში მონაწილე „დისკვალიფიცირებულ" პრეტენდენტს ნიმუშ(ებ)ის დაბრუნების მოთხოვნა შეუძლია წინამდებარე ტენდერის საფუძველზე ხელშეკრულების გაფორმების შემდეგ 30 კალენდარული დღის განმავლობაში, ხოლო „გამარჯვებულ" პრეტენდენტს საქონლის სრულად მიწოდების შემდეგ 30 კალენდარული დღის განმავლობაში. აღნიშნული ვადის გასვლის შემდეგ, შემსყიდველი ორგანიზაცია იხსნის ყოველგვარ პასუხისმგებლობას პრეტენდენტ(ებ)ის მიერ წარმოდგენილი ნიმუშ(ებ)ის დაბრუნებაზე.
- იმ შემთხვევაში თუ ელექტრონულ ტენდერს მიენიჭება სტატუსი „შეწყვეტილია“ პრეტენდენტს ნიმუშ(ებ)ის დაბრუნების მოთხოვნა შეუძლია სტატუსის მინიჭებიდან 30 კალენდარული დღის განმავლობაში.
- იმ შემთხვევაში თუ კი წარმოდგენილი ნიმუშ(ებ)ი საჭიროებს შემოწმებას/გატესტვას შესაძლოა შესყიდვის ობიექტი პირვანდელი სახით ვერ დაუბრუნდეს პრეტენდენტს.

ქ. თბილისი, ზურაბ ანჯაფარიძის ქ. N18

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, ფასწარმოქმნის ადეკვატურობა უნდა დასაბუთდეს სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესის დამტკიცების შესახებ“ წესის 28-ე მუხლის მე-5 პუნქტის მოთხოვნათა გათვალისწინებით, საშემფასებლო დასკვნით (ამასთან,ბუღალტრული აღრიცხვის, ანგარიშგებისა და აუდიტის შესახებ საქართველოს კანონის 28-ე მუხლის მე-8 პუნქტის ,,გ“ ქვეპუნქტის შესაბამისად, საშემფასებლო მომსახურების გაწევის უფლება ეძლევა მხოლოდ იმ პირს, რომელშიც დასაქმებულია აკრედიტებული შემფასებელთა სერტიფიკაციის ორგანოს მიერ სერტიფიცირებული შემფასებელი. შეფასების განხორციელების და შეფასების ანგარიშზე/დასკვნაზე ხელის მოწერის უფლება ენიჭება აკრედიტებული შემფასებელთა სერტიფიკაციის ორგანოს მიერ სერტიფიცირებულ შემფასებელს) საშემფასებლო დასკვნასთან ერთად ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი)).

2 Процентов

4 Процентов

ხელშეკრულების უზრუნველყოფის საბანკო/სადაზღვევო გარანტიის მოქმედების ვადა 30 (ოცდაათი) კალენდარული დღით უნდა აღემატებოდეს ხელშეკრულების მოქმედების ვადას.

ა) ხელშეკრულების უზრუნველყოფის უპირობო გამოუთხოვადი საბანკო/სადაზღვევო გარანტია, გარანტია წარმოდგენილი უნდა იყოს ეროვნულ ვალუტაში - ლარში.

ბ) მიმწოდებლის მიერ ხელშეკრულებით გათვალისწინებული ვალდებულების დარღვევის (ხელშეკრულებით გათვალისწინებული ვალდებულების შესრულებაზე უარის თქმა, ვალდებულების უხარისხოდ, არაჯეროვნად, არასრულად შესრულება და სხვა) შემთხვევაში, შემსყიდველს უფლება აქვს მიმწოდებელს არ დაუბრუნოს საბანკო/სადაზღვევო გარანტიით გათვალისწინებული თანხა. შემსყიდველს უფლება აქვს ასევე მიმწოდებელს არ დაუბრუნოს საბანკო/სადაზღვევო გარანტიით გათვალისწინებული თანხა იმ შემთხვევაში თუ იგი უარს აცხადებს დაკისრებული პირგასამტეხლოს გადახდაზე (პირგასამტეხლოს პროპორციულად).

გ) ხელშეკრულების უზრუნველყოფის უპირობო გამოუთხოვადი გარანტია წარმოდგენილი უნდა იქნას საბანკო ან სადაზღვევო დაწესებულებიდან (გარანტია წარმოდგენილი უნდა იყოს საქართველოს ეროვნული ბანკის მიერ ლიცენზირებული საბანკო დაწესებულებიდან ან/და სსიპ „საქართველოს დაზღვევის სახელმწიფო ზედამხედველობის სამსახური“-ს მიერ ლიცენზირებული სადაზღვევო კომპანიიდან).

დ) უცხოური ბანკებიდან საბანკო გარანტიების წარმოდგენის შემთხვევაში მათთან ერთად მიმწოდებელმა უნდა წარმოადგინოს ზემოაღნიშნული საბანკო გარანტიების საფუძველზე საქართველოში აკრედიტირებული საბანკო დაწესებულების ან/და სსიპ „საქართველოს დაზღვევის სახელმწიფო ზედამხედველობის სამსახური“-ს მიერ ლიცენზირებული სადაზღვევო კომპანიის მიერ გაცემული „კონტრ გარანტიები“ (მიმწოდებლის მიერ მოთხოვნილ ვალუტაში). საბანკო გარანტიები და მასთან დაკავშირებული დოკუმენტაცია წარმოდგენილი უნდა იქნას ქართულ ენაზე (დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი).

1. მიმწოდებლის მოთხოვნის შემთხვევაში, შესაძლებელია განხორციელდეს საავანსო ანგარიშსწორება არაუმეტეს სახელშეკრულებო ღირებულების 50%-ის ოდენობით. ამ შემთხვევაში, მიმწოდებელი ვალდებულია წარმოადგინოს შესაბამისი ოდენობის საბანკო/სადაზღვეო გარანტია. საბანკო/სადაზღვეო გარანტიის მოქმედების ვადა მინიმუმ 2 (ორი) თვით უნდა აღემატებოდეს შესყიდვის ობიექტის სრული რაოდენობის მიწოდების დასრულებისათვის განსაზღვრულ ვადას. ამ შემთხვევაში ანგარიშსწორება განხორციელდება საავანსო საბანკო/სადაზღვევო გარანტიის წარმოდგენიდან 5 (ხუთი) სამუშაო დღის განმავლობაში.

2. ფაქტობრივად მიწოდებული საქონლის ღირებულების 100% მიმართული იქნება გაცემული ავანსის დასაფარად.

3. თეთრ სიაში რეგისტრირებული მიმწოდებლისთვის, საშეღავათო წინასწარი ანგარიშსწორების შემთხვევაში გაცემული ავანსის დაფარვა განხორციელდება შემდეგი წესით: მიწოდებული საქონლის ღირებულების პროპორციული გადახდისას პირველად იფარება გარანტიით გათვალისწინებული თანხის გარეშე, შეღავათით გაცემული ავანსი მის სრულ ამოწურვამდე, ხოლო შემდგომში მოხდება გარანტიით გათვალისწინებული თანხის დაფარვა მიწოდებული საქონლის ღირებულების 100%-ის ოდენობით.

ანგარიშსწორება მოხდება უნაღდო ანგარიშსწორებით ლარში.

ანგარიშსწორება განხორციელდება შესყიდვის ობიექტის მიწოდების და თანმხლები დოკუმენტაციის წარმოდგენიდან 10 (ათი) სამუშაო დღის განმავლობაში.

ქეთევან პაპელიშვილი, 593571571, ketpapelishvili@sps.gov.ge ტექნიკურ საკითხებთან დაკავშირებით დაუკავშირდით თათია პარუნაშვილს - ტელ: 558181185

10.1.1 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ორიგინალის სახით ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე, რომელშიც, თარგმანის სისწორე ან/და მთარგმნელის ხელმოწერის ნამდვილობა დამოწმებული უნდა იყოს ნოტარიული წესით.
10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.
10.1.3 სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნეს ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა. გარდა, სატენდერო დოკუმენტაციის კითხვარის 1.3 პუნქტით გათვალისწინებული დანართისა (ფასების ცხრილი/ხარჯთაღრიცხვა) რომელიც წარმოდგენილი იქნება Excel-ის ფორმატის სახით.
10.1.4 „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების თანახმად, პრეტენდენტის მიერ Excel-ის ცხრილის სახით წარსადგენი დოკუმენტი არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს).
10.1.5 იმ შემთხვევაში, თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით და პრეტენდენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი/მომსახურება.
10.1.6 სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის და შესყიდვის ობიექტის მიწოდებასთან დაკავშირებული ხარჯის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.7 პრეტენდენტს არ აქვს უფლება წარმოადგინოს ალტერნატიული სატენდერო წინადადება.
10.1.8 მიმწოდებელი ვალდებულია გადასცეს შემსყიდველს უფლებრივად და ნივთობრივად უნაკლო და ახალი საქონელი.
10.1.9 სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული ,,ელექტრონული ტენდერის ჩატარების წესის“ მე-8 მუხლის შესაბამისად.