Ремонт и техническое обслуживание транспортных средств и оборудования и сопутствующие услуги (Грузия - Тендер #59983424)

შესყიდვის ობიექტს წარმოადგენს შპს ,,ჭიათურის წყალი-ს ბალანსზე არსებული სამი ერთეული ტექნიკის სათადარიგო ნაწილებითა და სარემონტო მომსახურებით უზრუნველყოფის მომსახურება.

ავტოსატრანსპორტო საშუალებების პროფილაქტიკური და დიაგნოსტიკური მომსახურება - სათადარიგო ნაწილების შეკეთება ან/და შეცვლა.

საჭიროების შემთხვევაში ევაკუატორით მომსახურება.

ავტომანქანის დაზიანებული ნაწილი უნდა შეიცვალოს ახალი/არა მეორადი/ მაღალი ხარისხის სათადარიგო ნაწილით (გარდა შემსყიდველის მიერ მოთხოვნილი მეორადი ნაწილებისა) 2 კალენდარულ დღის ვადაში.

მომსახურების გაწევის პერიოდში, მიმწოდებლის ბრალეულობით ავტოსატრანსპორტო საშუალების დაზიანების შემთხვევაში, მიყენებული ზიანის აღმოფხვრის ხარჯების სრულად ანაზღაურება ეკისრება მიმწოდებელს.

თუ ხელშეკრულების დადების შემდეგ, ხელშეკრულების მოქმედების პერიოდში აღმოჩნდება, რომ პრეისკურანტში არ არსებობს რომელიმე სახის სათადარიგო ნაწილი/მომსახურება, მიმწოდებელი ვალდებულია 3 (სამი) სამუშაო დღის ვადაში მოიძიოს და შემსყიდველს შესთავაზოს აღნიშნული
სათადარიგო ნაწილი/მომსახურება და დეტალი საბაზრო ფასებიდან გამომდინარე.
„შემსყიდველს“ უფლება აქვს მიუთითოს „მიმწოდებელს“ საქართველოში აღნიშნულ ნაწილის შეძენის ადგილი, რაც იმოქმედებს საბაზრო ფასის დადგენაზე.
აღნიშნული გასაწევი მომსახურების ერთეულის ფასი დადგინდება შემსყიდველი ორგანიზაციისა და მიმწოდებლის შეთანხმებით საბაზრო ფასის გათვალისწინებით. ასეთ შემთხვევაში პრეისკურანტში შესაბამისი მომსახურების ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.

მომსახურება უნდა განხორციელდეს 2025 წლის პერიოდში - ეტაპობრივად, შემსყიდველის მოთხოვნის შესაბამისად - ხელშეკრულების დადებიდან 2025 წლის 31 დეკემბრის ჩათვლით.

ავტოსატრანსპორტო საშუალებების ტექნიკური მომსახურების გაწევა უნდა განხორციელდეს ქალაქ ჭიათურის ტერიტორიაზე, მიმწოდებლის სერვის ცენტრში. გარდა ისეთი შემთხვევისა როცა შეუძლებელი იქნება სერვისცენტრამდე სატრანსპორტო საშუალების მიყვანა, ასეთ შემთხვევაში პრეტენდენტმა უნდა უზრუნველყოს მომსახურების გაწევა სატრანსპორტო საშუალების მდებარეობის ადგილზე.

ექსპლუატაციის პირობების დაცვის შემთხვევაში (თუ არ აღინიშნება გარეგანი მექანიკური ზემოქმედებით გამოწვეული დაზიანება) მიმწოდებლის მიერ გაწეულ ტექ-მომსახურებზე, ახალ (არამეორად), შეკეთებულ ნაწილებზე უნდა ვრცელდებოდეს არანაკლებ 6 (ექვსი) თვიანი გარანტია (თუ პრეისკურანტში არ არის მითითებული განსხვავებული საგარანტიო პირობა (ვადა/გარბენი).

ტენდერში მონაწილე პრეტენდენტს ბოლო 3 წლის მანძილზე უნდა გააჩნდეს არანაკლებ 60000(სამოცი ათასი) ლარის ღირებულების ავტოსატრანსპორტო საშუალებების ტექნიკური მომსახურების გაწევის გამოცდილება, რომლის დამადასტურებლად პრეტენდენტმა ელექტრონულ სისტემაში უნდა ატვირთოს ტექ.მომსახურების გაწევის დამადასტურებელი შემდეგი დოკუმენტები: ხელშეკრულებ(ები)ა და ამ ხელშეკრულების საფუძველზე გაფორმებული გაწეული ტექ-მომსახურების ამსახველი მიღება-ჩაბარების აქტ(ებ)ი ან/და შესრულების დამადასტურებელი სხვა დოკუმენტაცია.

იმ შემთხვევაში, თუ გაწეული მომსახურებები განეკუთვნება სახელმწიფო შესყიდვებს,საკმარისია ინფორმაციის სახით შესყიდვის შესაბამისი სახეობის და ნომრის წარმოდგენა (SPA, NAT, DAP, CMR).
ინფორმაცია წარმოდგენილი უნდა იყოს დანართი N3-ის მიხედვით.

პრეტენდენტს ქალაქის ტერიტორიაზე უნდა გააჩნდეს შესაბამისი მომსახურებისათვის გასაწევი ადგილი ,რომელიც აღჭურვილი უნდა იყოს მომსახურების გაწევისთვის საჭირო აპარატურით და დანადგარებით და უზრუნველყოფდეს საჭიროების შემთხვევაში ერთდროულად რამდენიმე სატრანსპორტო საშუალების მიღების შესაძლებლობას. შემსყიდველი უფლებამოსილია გადაამოწმოს აღნიშნული ინფორმაცია ტენდერის შერჩევა შეფასების ეტაპზე.

პრეტენდენტის პერსონალს უნდა გააჩნდეს მინიმუმ 5 (ხუთი) წლიანი გამოცდილება. არსებული დოკუმენტი შესაძლებელია წარმოდგენილი იყოს წერილობითი სახით.

1. მიმწოდებელი ვალდებულია ხელშეკრულებით გათვალისწინებული მომსახურების გაწევა
განახორციელოს ხელშეკრულების გაფორმებიდან 2025 წლის 31 დეკემბრის ჩათვლით.

2. მიმწოდებელი ვალდებულია უზრუნველყოს მომსახურების გაწევა მოთხოვნიდან
არაუგვიანეს 2 (ორი) კალენდარული დღის ვადაში.

ა) პრეისკურანტის ღირებულება წარმოდგენილი უნდა იყოს 1.3 პუნქტში მოცემული პრეისკურანტის ჯამური ღირებულების მიხედვით, მაგრამ არაუმეტეს განცხადებაში მითითებული პრეისკურანტის სავარაუდო ღირებულებისა და პრეისკურანტ(ებ)ის თითოეულ პოზიციაზე მითითებული სავარაუდო მაქსიმალური ერთეულის ფასისა. სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.
ბ) სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
გ) ტენდერში ვაჭრობა გაიმართება სატენდერო განცხადებით განსაზღვრული პრეისკურანტის სავარაუდო ღირებულებასთან მიმართებით;
დ) პრეტენდენტის მიერ ელექტრონული ვაჭრობის შედეგად პრეისკურანტის საერთო ფასის შემცირების/კლების შემთხვევაში, ფასთა კლება პროცენტულად და პროპორციულად უნდა აისახოს პრეისკურანტით განსაზღვრულ ყოველ კონკრეტულ პოზიციაზე. საბოლოოდ დაფიქსირებული ერთეულის ფასები უნდა დამრგვალდეს მეასედის სიზუსტით.
ე) პრეისკურატის ფასი მოიცავს ყველა თანმდევი სამუშაოს სრულყოფილად შესრულებას.

იმ პრეტენდენტის სატენდერო წინადადება/ტექნიკური დოკუმენტაცია, რომლის პრეისკურანტშიც პოზიციაზე დაფიქსირებული ერთეულის ფასი გადააჭარბებს აღნიშნულ პოზიციაზე სატენდერო პირობებით განსაზღვრულ ერთეულის სავარაუდო ფასს, არ ჩაითვლება მისაღებად და დაექვემდებარება დისკვალიფიკაციას.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული გასაწევი მომსახურების მიწოდების შესაძლებლობა.

ანგარიშსწორება მოხდება ყოველი გაწეული მომსახურების შემდეგ, გაწეული მომსახურების შესაბამისად, დოკუმენტაციის წარმოდგენიდან 10 სამუშაო დღის ვადაში .

საბოლოო ანგარიშსწორება მოხდება ბოლოს გაწეული მომსახურებიდან 10 სამუშაო დღის ვადაში.

როინი კუსიანი, 577381143, tchiatura.water@gmail.com როინი კუსიანი, 577381143, tchiatura.water@gmail.com

კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით.
- სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი ტექნიკური დოკუმენტაციის 1.3 პუნქტით გათვალისწინებული ფასების ცხრილი ან წარდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.
- პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები (მაგ: ფასების ცხრილი, ინფორმაცია საკუთარი გამოცდილების შესახებ, საგარანტიო პირობები და ა.შ.) დაამოწმოს/დაადასტუროს კვალიფიციური ხელმოწერით/კვალიფიციური შტამპით.
აღნიშნულისთვის პრეტენდენტს აქვს ორი შესაძლო გზა:
• ყველა PDF დოკუმენტი სათითაოდ დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით;
• გააერთიანოს წარსადგენი დოკუმენტები ერთ PDF ფაილად, ხოლო თუ ერთი ფაილის ზომა აღემატება 20 მეგაბაიტს – რამდენიმე PDF ფაილად და ის/ისინი დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით.