Следственные услуги и услуги по обеспечению безопасности (Грузия - Тендер #59679070)

საქართველოს კულტურისა და სპორტის სამინისტროს მმართველობის სფეროში მოქმედი ზოგიერთი საჯარო სამართლის იურიდიული პირის შენობების და მასზე არსებული მოძრავი და უძრავი ნივთების დაცვის მომსახურება

მომსახურების გაწევის ადგილი (მისამართები) და დაცვის თანამშრომლების რაოდენობა, სამუშაო გრაფიკი მითითებულია დანართი #1-ში.


მომსახურების დასახელება:
მიმწოდებელმა უნდა უზრუნველყოს საქართველოს კულტურისა და სპორტის სამინისტროს მმართველობის სფეროში მოქმედი ზოგიერთი საჯარო სამართლის იურიდიული პირის ბალანსზე არსებული ობიექტებსა და მიმდებარე ტერიტორიაზე, 24 საათიანი ცოცხალი ძალით დაცვის მომსახურების შესყიდვა.


აღნიშნული მომსახურება გულისხმობს:
- დაცვის ობიექტში ადამიანების შესვლა-გასვლისა და მატერიალურ ფასეულობათა შეტანა-გატანის კონტროლი;
- დაცვის ობიექტის, მისი ცალკეული ნაწილების, დაცვის ობიექტში განთავსებულ მატერიალურ ფასეულობათა დაზიანების ან/და დანაშაულებრივი ხელყოფისაგან დაცვა;
- შენობაში საზოგადოებრივი წესრიგის, მათ შორის ადამიანების სიცოცხლისა და ჯანმრთელობის ხელყოფისაგან დაცვა;
- მომსახურების მიწოდებისას, აუცილებლობის შემთხვევაში მაქსიმალურად მჭიდრო ვადაში შესაძლებელი უნდა იყოს ოპერატიული ჯგუფის გამოძახება, რომელიც დაკომპლექტებული უნდა იყოს მაღალკვალიფიციური კადრებით და გააჩნდეთ ხელკეტი, ბორკილი, ავტომანქანა და სხვა აუცილებელი აღჭურვილობა.
- დაცვის თანამშრომლის აღჭურვა მინიმუმ: უნიფორმით, ხელბორკილებით, რეზინის ხელკეტით, შიდა კავშირის რადიო სადგურებით (რაციით), ელექტრონული სანათი მოწყობილობით (ფარანი), მობილური ტელეფონით (სამორიგეო ნომრით) და სხვა აღჭურვილობით, რომელიც აუცილებელი იქნება მომსახურების სრულფასოვნად გაწევისათვის.
- მიმწოდებელმა, შიდა კავშირის რადიო სადგურებით (რაციით) უზრუნველყოფა უნდა განახორციელოს ნებადართული სიხშირის გამოყენებით.
- დაცვითი მომსახურების განხორციელების გეგმის შედგენა;
- შემსყიდველთან შეთანხმებული საშვის დაშვების რეჟიმის კონტროლი, შემსყიდველის ვიზიტორების რეგისტრაცია და აღრიცხვის წარმოება, შემსყიდველისათვის ყოველთვიური ანგარიშის წარმოდგენის მიზნით;
- დაცვის ობიექტის უსაფრთხოების უზრუნველყოფა.
- საზოგადოებრივი წესრიგის დაცვა და აღმოჩენილი მართლსაწინააღმდეგო ქმედებების დაფიქსირების შემთხვევაში, როგორც შემსყიდველის, ისე მიმწოდებლის წარმომადგენლისა და საჭიროებისამებრ, შესაბამისი ორგანოების ინფორმირება და ოპერატიული ჯგუფის გამოძახება. ამ პუნქტით გათვალისწინებული შემთხვევის არსებობისას ოპერატიული ჯგუფის და/ან შესაბამისი ორგანოების წარმომადგენლების გამოცხადებამდე მიმწოდებელმა უნდა უზრუნველყოს შემთხვევის ადგილის ხელშეუხებლობა და შესაბამისი ოქმის შედგენა მომხდარი შემთხვევის შესახებ დაზიანებული, დაკარგული, განადგურებული ქონების მითითებით.
- სამუშაო საათების დასრულების შემდეგ ჩაიბაროს ობიექტი და უზრუნველყოს დასაცავი ობიექტის ყველა ოთახის გადამოწმება, აუცილებლობის შემთხვევაში მათი დაკეტვა, ელექტრო და სხვა ტიპი მოწყობილობების გამორთვა.
- ყველა სხვა ღონისძიების გატარება, რომელიც დაკავშირებული იქნება მომსახურების სრულფასოვანი გაწევის მიზნით.
- მიმწოდებელი ვალდებულია, უზრუნველყოს სამორიგეო ოთახებში ჰიგიენური ნორმების დაცვა.
მიმწოდებელი ფინანსურ პასუხისმგებლობას იღებს შემსყიდველის შენობებისა და იმ მატერიალური ფასეულობების დაკარგვა, დაზიანებაზე და განადგურებაზე, რომელთა დაკარგვა, დაზიანება ან/და განადგურება გამოწვეულია ხელშეკრულებით აღებული ვალდებულებებისა და მოვალეობების არაჯეროვანი შესრულებით.
- მიმწოდებელი ვალდებულია საქართველოს კანონმდებლობით დადგენილი წესით სრულად აანაზღაუროს ზარალი, რომელიც გამოწვეულია მიმწოდებლის მიერ ვალდებულებების არაჯეროვანი შესრულებით.

საქართველოს კულტურისა და სპორტის სამინისტროს მმართველობის სფეროში მოქმედი ზოგიერთი საჯარო სამართლის იურიდიული პირის შენობების და მასზე არსებული მოძრავი და უძრავი ნივთების 24 საათიანი ცოცხალი არაშეიარაღებული დაცვის მომსახურება უნდა განხორციელდეს ხელშეკრულების გაფორმებიდან 2025 წლის 31 დეკემბრის ჩათვლით.

საქართველოს კულტურისა და სპორტის სამინისტროს მმართველობის სფეროში მოქმედი ზოგიერთი საჯარო სამართლის იურიდიული პირის შენობების და მასზე არსებული მოძრავი და უძრავი ნივთების 24 საათიანი ცოცხალი არაშეიარაღებული დაცვის მომსახურება უნდა განხორციელდეს დანართი N1 - ის შესაბამისად.

ამასთან მიმწოდებელმა ხელშეკრულების გაფორმებიდან 30 (ოცდაათი) კალენდარული დღის ვადაში სსიპ საქართველოს ოლიმპიური რეზერვების მზადების ეროვნული ცენტრის დასაცავ ობიექტებზე (ქ. თბილისი, თიანეთის გზატკეცილი N37; ქ. თბილისი ლილოს დასახლება) უნდა უზრუნველყოს დაცვითი ტექნიკური საშუალებების: სულ 35 (ოცდათხუთმეტი) ცალი დღე-ღამის ხილვადობის მაღალი ხარისხის (არანაკლებ 4 მეგაპიქსელი) გარე და შიდა გამოყენების სათვალთვალო კამერის დაპროექტება - მონტაჟი და ხელშეკრულების ვადით შემსყიდველზე უსასყიდლოდ, დროებით სარგებლობაში გადაცემა, ასევე 24 საათიანი ვიდეომონიტორინგი და ექსპლუატაცია. ამასთან, ლილოს დასახლებაში მდებარე დასაცავ ობიექტზე სათვალთვალო კამერების პარალელურად უნდა დაამონტაჟოს სიგნალიზაცია.

სსიპ თელავის ისტორიული მუზეუმში (მის: ქ. თელავი ერეკლე II -ის გამზ. N1.) მიმწოდებელმა უნდა განახორციელოს 24 საათიანი ვიდეომონიტორინგი და საგანგაშო სიგნალიზაციით დაცვის მომსახურება.

სსიპ - თბილისის ვანო სარაჯიშვილის სახელობის სახელმწიფო კონსერვატორიაში (მის: ქ. თბილისი, ალ. გრიბოედოვის ქ. №8/10) უნდა უზრუნველყოს საგანგაშო სიგნალიზაციის (საგანგაშო ღილაკი) დაპროექტება - მონტაჟი და ხელშეკრულების ვადით შემსყიდველზე უსასყიდლოდ, დროებით სარგებლობაში გადაცემა. ასევე 24 საათიანი ოპერატიული მომსახურება.

ა) ტენდერში მონაწილე პრეტენდენტს 2021 წლის 01 იანვრიდან წინამდებარე ტენდერის სატენდერო წინადადების მიღების დაწყების თარიღამდე პერიოდში გაწეული უნდა ჰქონდეს 1 500 000 (ერთი მილიონ ხუთასი ათასი) ლარის ღირებულების დაცვის მომსახურება. ხოლო აქედან მინიმუმ ერთი ხელშეკრულების ფარგლებში უნდა ფიქსირდებოდეს არანაკლებ 300 000 (სამასი ათასი) ლარის შესრულება თითოეულ წელს. პრეტენდენტმა ასევე უნდა წარმოადგინოს ორი დადებითი რეკომენდაცია ზემოაღნიშნული პერიოდის განმავლობაში მსგავსი ან ანალოგიური მომსახურების გაწევის შესახებ.
რეკომენდაცია გაცემული უნდა იყოს 2024 წელს.
ბ) პრეტენდენტმა უნდა წარმოადგინოს მომსახურების გაწევის დამადასტურებელი დოკუმენტების ასლები, კერძოდ: ხელშეკრულებ(ებ)ის ასლები და მიღება-ჩაბარების აქტ(ებ)ის ასლები.
გ) იმ პრეტენდენტებს, რომლებსაც ზემოაღნიშნული მომსახურება გაწეული აქვთ სახელმწიფო შესყიდვის ფარგლებში და შესყიდვების ერთიან ელექტრონულ სისტემაში ატვირთულია ყველა ის დოკუმენტაცია სრულყოფილად, რაც მოთხოვნილია წინამდებარე ტენდერის სატენდერო დოკუმენტაციის მიხედვით მომსახურების გაწევის დამადასტურებელი დოკუმენტაციის წარმოდგენა არ არის სავალდებულო და საკმარისია შესაბამისი რეგისტრაციის ნომრების წარმოდგენა (SPA, DAP, NAT, DEP, MEP, TEP, GEO, CMR ან სხვა ასეთის არსებობის შემთხვევაში) მხოლოდ დანართი N3-ის სახით.

- პრეტენდენტმა უნდა წარმოადგინოს, შესაბამისი უფლებამოსილი ორგანოს მიერ გაცემული, სანოტარო წესით დამოწმებული ლიცენზიის ასლი, დაცვით საქმიანობაზე ან შესაბამისი ნებართვის დამადასტურებელი დოკუმენტი.
- პრეტენდენტმა უნდა განახორციელოს, შიდა კავშირის რადიო სადგურებით (რაციით) უზრუნველყოფა, ნებადართული სიხშირის გამოყენებით და აღნიშნულის დამადასტურებლად უნდა წარმოადგინოს, საქართველოს კომუნიკაციების ეროვნული კომისიის მიერ გაცემული მოწმობა რადიოსიხშირული სპექტრით სარგებლობის უფლების მინიჭების შესახებ.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, მიმწოდებელი ვალდებულია დაასაბუთოს ფასწარმოქმნის ადეკვატურობა.

ფასწარმოქმნის ადეკვატურობა, შესაძლებელია დასაბუთდეს ექსპერტიზის დასკვნით, ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას, როგორც მის მიერ დაფიქსირებულ წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებაში.

5 Процентов

10 Процентов

ხელშეკრულების უზრუნველყოფის საბანკო გარანტიის მოქმედების ვადა არანაკლებ 30 კალენდარული დღით უნდა აღემატებოდეს ხელშეკრულებით გათვალისწინებული მომსახურეობის გაწევის ვადას.

უპირობო, გამოუთხოვადი ხელშეკრულების შესრულების გარანტია წარმოდგენილი უნდა იქნას საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან, ეროვნულ ვალუტაში - ლარში.

- ანგარიშსწორება განხორციელდება დანართი N1-ით (ფასების ცხრილი) გათვალისიწნებული ორგანიზაციების წილობრივი მონაწილეობით არაუმეტეს დანართ N1-ში მითითებული მაქსიმალური ფასისა.
- ანგარიშსწორება განხორციელდება ყოველთვიურად, უნაღდო ანგარიშსწორების ფორმით ლარში, ფაქტობრივად გაწეული მომსახურების მოცულობის შესაბამისად, მიმწოდებლის საბანკო რეკვიზიტებზე.
- იმ შემთხვევაში, თუ მიმწოდებელი მომსახურების გაწევას დაიწყებს არა თვის დასაწყისიდან, არამედ 2, 3, 4 და ა.შ. რიცხვიდან (ხელშეკრულების გაფორმების თარიღიდან), ანაზღაურება განხორციელდება თვიური გადასახდელის პროპორციულად, დღეების შესაბამისად.
- საავანსო ანგარიშსწორება არ გამოიყენება.

ანგარიშსწორება განხორციელდება 10 (ათი) სამუშაო დღის განმავლობაში, ხელშეკრულების შესაბამისად გაფორმებული მიღება-ჩაბარების აქტისა და საგადასახადო დოკუმენტაციის წარდგენის საფუძველზე.

თეიმურაზი შანიძე, 595308881, temur.shanidze@art.edu.ge

10.1 დამატებითი ინფორმაცია/დოკუმენტები:
10.1.1 ტენდერთან დაკავშირებული დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე. დოკუმენტებთან დაკავშირებული სადავო საკითხების გადაწყვეტისას, უცხოურენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.2 სახელმწიფო შესყიდვების ერთიან ელექტრონულ სისტემაში (შემდგომში – სისტემა), ატვირთული ყველა დოკუმენტი (მათ შორის დანართები) ან/და ინფორმაცია, უფლებამოსილი პირის მიერ (საჭიროების შემთხვევაში ატვირთულ უნდა იქნას უფლებამოსილი პირის მინდობილობა ან რწმუნებულება) დამოწმებული უნდა იყოს ელექტრონული ხელმოწერით ან/და კვალიფიციური ელექტრონული შტამპით, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების გათვალისწინებით.
10.1.3 სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესის“ მე-8 მუხლით დადგენილი წესის შესაბამისად.
10.1.4 პრეტენდენტის მიერ წარმოდგენილ ფასების ცხრილში (დანართი N1) დაფიქსირებული მომსახურების ღირებულება არ უნდა აღემატებოდეს ფასების ცხრილში შესაბამის პოზიციაზე დაფიქსირებულ მაქსიმალურ ფასს.
10.1.5 ტექნიკური დოკუმენტაცია დაზუსტებას არ დაექვემდებარება, თუ ფასების ცხრილში (დანართი N1) არ იქნება წარმოდგენილი, ან იქნება წარმოდგენილი განუფასებლად, ან თუ განუფასებელი პოზიცი(ებ)ის რაოდენობა აღემატება განფასებულის - 1 %, აღნიშნულ შემთხვევაში მოხდება პრეტენდენტის დისკვალიფიკაცია შესყიდვის პროცედურიდან.
10.1.6 სატენდერო წინადადების წარდგენა გულისხმობს, რომ პრეტენდენტი ეთანხმება სატენდერო პირობებს.
10.1.7 სატენდერო წინადადების საერთო და თითოეული ერთეულის ფასის წარმოდგენა დასაშვებია მხოლოდ ეროვნულ ვალუტაში - ლარი.
10.1.8 პრეტენდენტს არა აქვს უფლება წარმოადგინოს ალტერნატიული სატენდერო წინადადება.