Земляное оборудование, землеройные машины и их запасные части (Грузия - Тендер #59369331)

შესყიდვის ობიექტია 1 (ერთი) ერთეული მუხლუხა ბულდოზერი.

მუხლუხა ბულდოზერის მინიმალური ტექნიკური მახასიათებლებია:

1. უნდა იყოს ახალი, ქარხნული და მოწოდებამდე ექსპლუატაციაში არ მყოფი.
2. გამოშვების წელი - არაუადრეს 2024 წ.
3. საექსპლუატაციო მასა - არანაკლებ 18 ტ.
4. ძრავის ტიპი - 6 ცილინდრიანი, დიზელი, წყლის გაგრილებით, ტურბოდაბერვით.
5. მართვის სისტემა - ჯოისტიკით.
6. ემისიის დონე - EU stage IIA ან/და Tier 2 EPA tier2 ან/და China Stage II ან/და შესაბამისი.
7. საექსპლუატაციო სიმძლავრე (კილოვატებში) - არანაკლებ 140 (კილოვატი).
8. კლირენსი - არანაკლებ 400 მმ.
9. დანის მოცულობა - არანაკლებ 4,6 მ3.
10. დანის სიგანე - არაუმეტეს 3500 მმ.
11. დანის ვერტიკალურად მიწაში შეჭრის სიღრმე - არანაკლებ 470 მმ.
12. ბულდოზერის სიგრძე (დანით და გამაფხვიერებლით ) - არაუმეტეს 6800 მმ.
13. ბულდოზერის სიმაღლე (კაბინის დამატებითი დამცავის გარეშე) - 3200 მმ.
14. გრუნტზე დაწოლის ძალა (კილოგრამი სანტიმეტრ კვადრატზე) - არაუმეტეს 0.65 კგ/სმ2.
15. გადაცემათა კოლოფის ტიპი - ავტომატური ან/და ნახევრად ავტომატური ან/და ჰიდროსტატიკური.
16. მოძრაობის სიჩქარე ბუქსირების არ არსებობის დროს - წინ/უკან -არანაკლებ 8 კმ/სთ.
17. მუხლუხოების სიგანე - არაუმეტეს 560 მმ.
18. ძრავის მოცულობა (ლიტრი) - არაუმეტეს 10.
19. გაწევის ძალა დაძვრისას (drawbarr Pull) - არანაკლებ 280 კნ/kn.
20. ბულდოზერის დანის ტიპი - ნახევრად სფერული, დახრის ჰიდრავლკური რეგულირებით.
21. ბულდოზერის კაბინა უნდა იყოს სრულად შემინული ჰერმეტულად, აღჭურვილი გამათბობლით, კონდიციონერით, ROPS /FOPS კაბინის დამცავი სისტემით (კაბინის მინები აღჭურვილი უნდა იყოს მინების დამცავი ლითონის ბადით);

მოწოდებისას ტექნიკას თან უნდა ახლდეს კატალოგი და ექსპლუატაციის წესების სახელმძღვანელო (ინგლისურ ენაზე) ასევე ცეცხლმაქრი, სააფთიაქო ყუთი, ინსტრუმენტების ნაკრები, ყვითელი საგანგებო ციმციმა და დამატებითი სანათი ღამის სამუშაოებისათვის.

შენიშვნა:
პრეტენდენტმა უნდა წარმოადგინოს მწარმოებლის მიერ გაცემული წერილი, რომლითაც დადასტურებული უნდა იყოს ყველა ზემოთჩამოთვლილი ტექნიკური მახასიათებელი.
უცხო ენაზე წარმოდგენილ დოკუმენტს თან უნდა ახლდეს ნოტარიული წესით დამოწმებული ქართულენოვანი თარგმანი.

მუხლუხა ბულდოზერის მიწოდება და შემსყიდველის სახელზე გადაფორმება უნდა განხორციელდეს ხელშეკრულების გაფორმებიდან 190 კალენდარული დღის ვადაში.
მუხლუხა ბულდოზერის მიწოდების და შემსყიდველის სახელზე გაფორმების ხარჯებს ანაზღაურებს მიმწოდებელი.

საქონლის მიწოდება უნდა განხორციელდეს ონის მუნიციპალიტეტში, შემსყიდველის მიერ დამატებით მითითებულ მისამართზე.

ბულდოზერის საგარანტიო ვადა უნდა იყოს მიღება ჩაბარების აქტის გაფორმების თარიღიდან არანაკლებ 1 წელი ან 3000 (მოტო) სამუშაო საათი, (რომელიც უფრო ადრე შესრულდება). საგარანტიო მომსახურება უნდა განხორციელდეს მწარმოებლის მიერ გაცემული ქარხნული გარანტიის პირობების შესაბამისად, გარდა სწრაფცვეთადი ნაწილებისა (ელექტრონათურები, ელექტრო მცველები და ა. შ.)

საგარანტიო პერიოდში, მიმწოდებელი ვალდებულია წერილობითი შეტყობინების (მათ შორის შესყიდვების სააგენტოს ელექტრონულ გვერდზე მითითებულ მეილზე) მიღებიდან 2 (ორი) სამუშაო დღის განმვალობაში მოახდინოს ექსკავატორის დათვალიერება და დეფექტური აქტის შედგენა. მიმწოდებელი ვალდებულია გამოასწოროს ხარვეზი ან/და შეაკეთოს ბულდოზერი დეფექტური აქტის შედგენიდან 15 (თხუთმეტი) კალენდარული დღის განმავლობაში გარდა დეფიციტური ნაწილისა, რომლის შეცვლის პერიოდიც განისაზღვრება დეფექტური აქტის შედგენიდან 30 (ოცდაათი) კალენდარული დღის განმავლობაში.

საგარანტიო პირობებით განსაზღვრული მოთხოვნები ძალაშია მთელი საგარანტიო ვადის განმავლობაში, მიუხედავად ხელშეკრულების მოქმედების ვადის ამოწურვისა;

წუნში იგულისხმება უფლებრივი ან/და ნივთობრივი ნაკლი, ქარხნული წუნი, ნორმალური ექსპლუატაციის ან/და შენახვის პირობებში ხელშეკრულებით განსაზღვრული მახასიათებლების ან სხვა საექსპლუატაციო თვისებების დაკარგვა და ა.შ.

საგარანტიო პერიოდში როგორც საგარანტიო ასევე მიმდინარე მომსახურების გაწევა უნდა განხორციელდეს მობილური სერვის ჯგუფის მეშვეობით.

პრეტენდენტმა უნდა წარმოადგინოს ინფორმაცია შემოთავაზებული საქონლის მარკის, მოდელის, მწარმოებელი კომპანიისა და წარმოშობის ქვეყნის შესახებ.

პრეტენდენტს უნდა გააჩნდეს მსგავსი ტიპის ნებისმიერი ახალი მუხლუხა ტექნიკის (ბულდოზერი, ექსკავატორი და/ან სხვა) მინიმუმ 500000 (ხუთასი ათასი) ლარის ღირებულების რეალიზაციის გამოცდილება საქართველოს ტერიტორიაზე.

პრეტენდენტს ან მის ქვეკონტრაქტორს (რომლის მიმართ განსაზღვრული მოთხოვნები მოცემულია 2.8.1 პუნქტში) უნდა გააჩნდეს შესყიდვის ობიექტის მსგავსი ტიპის ტექნიკის შეკეთების და ტექნიკური მომსახურების მიწოდების გამოცდილება, ჯამში არანაკლებ 30 000 ლარის ოდენობით.

გამოცდილების დადასტურების მიზნით პრეტენდენტი ვალდებულია წარმოადგინოს საქონლის/მომსახურების მიწოდების თაობაზე გაფორმებული ხელშეკრულება(ები), ამ ხელშეკრულებ(ებ)ის საფუძველზე გაფორმებული მიღება-ჩაბარების აქტები და დადასტურებული საგადასახადო ანგარიშ-ფაქტურები, საიდანაც უნდა იკვეთებოდეს მიწოდებული ტექნიკის/მომსახურების სახეობა/მომსახურების შინაარსი და ღირებულება.

იმ შემთხვევაში თუ საქონლის/მომსახურების მიწოდება განხორციელებულია სახელმწიფო შესყიდვების ერთიან ელექტრონულ სისტემის მეშვეობით, ასეთ შემთხვევაში დასაშვებია მხოლოდ სახელმწიფო შესყიდვების ერთიან ელექტრონულ სისტემაში რეგისტრაციის ნომრების (SPA/NAT/CMR და სხვა) წარმოდგენა.

პრეტენდენტს საქართველოს ტერიტორიაზე უნდა გააჩნდეს მინიმუმ 1 (ერთი) სერვის ცენტრი, რომელიც განკუთვნილი უნდა იყოს შესყიდვის ობიექტის მსგავსი ტიპის ტექნიკის ტექმომსახურებისათვის.
ასევე, პრეტენდენტს უნდა გააჩნდეს არანაკლებ 1 (ერთი) მობილური სერვის ჯგუფი.
პრეტენდენტმა ელექტრონული სისტემის მეშვეობით უნდა წარმოადგინოს დოკუმენტაცია/ინფორმაცია:
ა) - ინფორმაცია სერვის-ცენტრის ადგილმდებარეობის და მობილური სერვის ჯგუფების შესახებ.
ბ) - ინფორმაცია შემოთავაზებული სერვის-ცენტრი იმყოფება თუ არა პრეტენდენტის სარგებლობაში ან მმართველობაში (საკუთრება ან იჯარა ან ქვეკონტრაქტორი).
გ) - პრეტენდენტმა იჯარის (სარგებლობაში/მმართველობაში) ან/და ქვეკონტრაქტორის არსებობის შემთხვევაში აღნიშნულის დადასტურება უნდა განახორციელოს ამ მიზნებით გაფორმებული ხელშეკრულებ(ებ)ის საფუძველზე. საკუთრების შემთხვევაში დადასტურება უნდა განახორციელოს შესაბამისი საკუთრების დამადასტურებელი დოკუმენტები საფუძველზე.

პრეტენდენტი უნდა იყოს შემოთავაზებული შესყიდვის ობიეტის მწარმოებლის ოფიციალური წარმომადგენელი (დისტრიბუტორი/დილერი) საქართველოში, რაზედაც პრეტენდენტმა ერთიანი ელექტრონული სისტემის მეშვეობით უნდა წარმოადგინოს საქართველოში ოფიციალური წარმომადგენლობის (დისტრიბუტორი/დილერი) დამადასტურებელი დოკუმენტი, გაცემული მწარმოებლის მიერ (უცხოურენოვანი დოკუმენტის წარმოდგენის შემთხვევაში მიმწოდებელი ვალდებულია წარმოადგინოს ნოტარიული წესით დამოწმებული ქართულ ენაზე შესრულებული თარგმანი).

პრეტენდენტს უფლება აქვს წარმოადგინოს ქვეკონტრაქტორი, მხოლოდ სერვისის მომსახურების მიწოდების მიზნით.

ტექ.მომსახურებაზე ქვეკონტრაქტორ(ებ)ის შემოთავაზების შემთხვევაში სახელმწიფო შესყიდვების ერთიან ელექტრონულ სისტემაში ატვირთული უნდა იქნას პრეტენდენტსა და ქვეკონტრაქტორ(ებ)ს შორის გაფორმებული ხელშეკრულებ(ები)ა, სადაც მკაფიოდ იქნება დაფიქსირებული ქვეკონტრაკტორი კომპანიის მზაობა, მიმდინარე ტენდერით შემოთავაზებული საქონლის ტექ.მომსახურების მოწოდების შესახებ, ასევე ატვირთული უნდა იქნეს ქვეკონტრაქტორის შესახებ ყველა ის ინფორმაცია და დოკუმენტი, რომლებიც მოეთხოვება პრეტენდენტს ტექ.მომსახურების მიწოდების გამოცდილებასთან დაკავშირებით სატენდერო დოკუმენტაციის 2.2.1 პუნქტის მიხედვით.

ქვეკონტრაქტორი, ნებისმიერი პრეტენდენტი/მიმწოდებელი (როგორც ფიზიკური, ისე იურიდიული პირი), არ უნდა იყოს რეგისტრირებული სახელმწიფო შესყიდვებში მონაწილე არაკეთილსინდისიერ პირთა რეესტრში – „შავი სია“; წინააღმდეგ შემთხვევაში მოხდება პრეტენდენტის დისკვალიფიკაცია წინამდებარე ტენდერიდან დაზუსტების გარეშე.

პრეტენდენტის მიერ წარმოსადგენი ინფორმაცია/დოკუმენტაცია:

1. ფასების ცხრილი.
2. ინფორმაცია შემოთავაზებული საქონლის მწარმოებელი ქვეყნის, მწარმოებლის/მარკის და მოდელის შესახებ.
3. მწარმოებლის მიერ გაცემული დოკუმენტი, რომელიც დაადასტურებს შემოთავაზებული საქონლის, ტექნიკური დავალებით განსაზღვრული მახასიათებლებთან შესაბამისობას.
4. ინფორმაცია საგარანტიო მომსახურების ვადებისა და პირობების შესახებ სატენდერო დოკუმენტაციის 1.7.1 პუნქტის მოთხოვნათა გათვალისწინებით.
5. დეტალური ინფორმაცია საგარანტიო პერიოდში გასაწევი მომსახურების პერიოდულობის შესახებ (excel- ფორმატში), მოტო საათების მიხედვით (რა დროს რა ნაწილი/მომსახურება უნდა შეიცვალოს/გაეწიოს).
6. ინფორმაცია/დოკუმენტაცია პრეტენდენტის/ქვეკონტრაქტორის გამოცდილების შესახებ სატენდერო დოკუმენტაციის 2.2.1 პუნქტის მოთხოვნათა გათვალისწინებით.
7. ინფორმაცია/დოკუმენტაცია მატერიალურ-ტექნიკურ ბაზასთან დაკავშირებით, სატენდერო დოკუმენტაციის 2.3.1 პუნქტის მოთხოვნათა გათვალისწინებით.
8. ოფიციალურ წარმომადგენელობის (დისტრიბუტორი/დილერი) დამადასტურებელი დოკუმენტი, სატენდერო დოკუმენტაციის 2.7.1 პუნქტის მოთხოვნათა გათვალისწინებით.
9. ინფორმაცია/დოკუმენტაცია ქვეკონტრაქტორის შესახებ სატენდერო დოკუმენტაციის 2.8.1 პუნქტის მოთხოვნათა გათვალისწინებით.
10. სატენდერო წინადადების ხელისმომწერისათვის უფლებამოსილი პირის მიერ გაცემული მინდობილობა (საჭიროების შემთხვევაში).

1) იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია შემსყიდველის მოთხოვნის შესაბამისად უზრუნველყოს ფასწარმოქმნის ადეკვატურობის დამადასტურებელი დოკუმენტის წარმოდგენა. ფასწარმოქმნის დასაბუთება შესაძლებელია განხორციელდეს სსიპ - ლევან სამხარაულის სახელობის სასამართლოს ექსპერტიზის ეროვნული ბიუროს ან დამოუკიდებელი აუდიტორული კომპანიის ან დამოუკიდებელი აუდიტორის მიერ გაცემული დასკვნით, რომლითაც დადასტურდება პრეტენდენტის მიერ დაფიქსირებულ წინადადების ფასად დასადები ხელშეკრულებით ნაკისრი ვალდებულებების შესრულების შესაძლებლობა.
2) ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

2 Процентов

5 Процентов

გარანტია ძალაში უნდა იყოს საქონლის მოწოდების ვადის გასვლიდან არანაკლებ 30 (ოცდაათი) კალენდარული დღის განმავლობაში.

1 ტენდერში გამოიყენება ხელშეკრულების შესრულების უზრუნველყოფის საბანკო გარანტია, სახელშეკრულებო ღირებულების 2%-ის ფარგლებში, ხოლო თეთრ სიაში რეგისტრირებული მიმწოდებლებისათვის საბანკო გარანტიის მოცულობა განისაზღვრება სახელშეკრულებო ღირებულების 1%-ის ფარგლებში.
2. პრეტენდენტის მიერ სისტემაში დაფიქსირებულ საბოლოო ფასსა და სავარაუდო ღირებულებას შორის 20%-ით ან მეტი ოდენობით სხვაობისას, ხელშეკრულების შესრულების უზრუნველყოფის საბანკო გარანტიის ოდენობა განისაზღვრება სახელშეკრულებო ღირებულების 5%-ის ოდენობით, ხოლო თეთრ სიაში რეგისტრირებული მიმწოდებლებისათვის საბანკო გარანტიის მოცულობა განახევრდება.
3. ხელშეკრულების შესრულების უზრუნველყოფის საბანკო გარანტია უნდა იყოს უპირობო, გამოუთხოვადი.
4. გარანტია გაცემული უნდა იყის საქართველოს კანონმდებლობის შესაბამისად ლიცენზირებული დაწესებულების (უცხო ქვეყნის საბანკო დაწესებულების შემთხვევაში, იგი გადაზღვეული უნდა იყოს საქართველოს ეროვნული ბანკის მიერ ლიცენზირებული საბანკო დაწესებულების მიერ) მიერ.

წინამდებარე ტენდერში გამოყენებული იქნება სახელშეკრულებო ღირებულების სრული ოდენობის საავანსო ანგარიშსწორება, მიმწოდებლის მიერ წარმოდგენილი, საავანსო თანხის იდენტური ოდენობის საბანკო გარანტიის საფუძველზე, რომლის მოქმედების ვადა 30 (ოცდაათი) კალენდარული დღით უნდა აღემატებოდეს ხელშეკრულების მოქმედების ვადას.

გარანტია გაცემული უნდა იყის საქართველოს კანონმდებლობის შესაბამისად ლიცენზირებული დაწესებულების (უცხო ქვეყნის საბანკო დაწესებულების შემთხვევაში, იგი გადაზღვეული უნდა იყოს საქართველოს ეროვნული ბანკის მიერ ლიცენზირებული საბანკო დაწესებულების მიერ) მიერ.

1. ანგარიშსწორება მოხდება უნაღდო ანაგარიშსწორებით ლარებში.
2. ანგარიშსწორება განხორციელდება ანგარიშსწორებისათის საჭირო შესაბამისი დოკუმენტაციის (მიღება ჩაბარების ან საავანსო გარანტიის) საფუძველზე.

სატენდერო დოკუმენტაციით გათვალისწინებული ანგარიშსწორებისათვის საჭირო ყველა დოკუმენტის მოწოდებიდან 10 სამუშაო დღის ვადაში.

გიგა მენაბდიშვილი, 577925757, giga.menabdishvili@gmail.com

1. სატენდერო დოკუმენტაციის შესახებ დამატებითი ინფორმაციისა და განმარტებების მიღება პრეტენდენტს შეუძლია „კითხვა-პასუხის“ მოდულის საშუალებით სახელმწიფო შესყიდვების სააგენტოს თავმჯდომარის 2017 წლის 14 ივნისის ბრძანება №12-ის მე-8 მუხლის გათვალისწინებით.
2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. აღნიშნული დოკუმენტები დამოწმებული უნდა იყოს კანონმდებლობით დადგენილი წესით (ლეგალიზებული ან აპოსტილით დამოწმებული) და მას თან უნდა ერთვოდეს ნოტარიულად დამოწმებული ქართული თარგმანი.
3. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელმოწერისათვის გაცემული მინდობილობა.
4. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
5. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
6. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯის გათვალისწინებით.
7. პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები დაამოწმოს/დაადასტუროს კვალიფიციური ხელმოწერით/კვალიფიციური შტამპით.