Страховые и пенсионные услуги (Грузия - Тендер #59369329)

დავით აღმაშენებლის სახელობის ქუთაისის საერთაშორისო აეროპორტის, თამარ მეფის სახელობის მესტიის აეროპორტისა და ამბროლაურის აეროპორტის მესამე პირთა წინაშე წარმოქმნილი სამოქალაქო პასუხისმგებლობის დაზღვევა.

შესყიდვის ობიექტს წარმოადგენს: დავით აღმაშენებლის სახელობის ქუთაისის საერთაშორისო აეროპორტის, მესტიის თამარ მეფის აეროპორტისა და ამბროლაურის აეროპორტების მესამე პირთა წინაშე წარმოქმნილი სამოქალაქო პასუხისმგებლობის დაზღვევა, 2025 წლის 01 იანვრიდან 2025 წლის 31 დეკემბრის 00:00 საათამდე.

აუცილებელი პირობა:
დავით აღმაშენებლის სახელობის ქუთაისის საერთაშორისო აეროპორტის, მესტიის თამარ მეფის აეროპორტისა და ამბროლაურის აეროპორტის მიერ საავიაციო საქმიანობის განხორციელების შედეგად მესამე პირების სხეულისთვის ან ქონებისთვის მიყენებული ზიანის გამო წარმოქმნილი სამოქალაქო სამართლებრივი პასუხისმგებლობა (აეროპორტის პასუხისმგებლობის დაზღვევის AVN104 პირობების შესაბამისად).
სადაზღვევო თანხები მოცემულია ერთიანი კომბინირებული ლიმიტის სახით:
105,000,000 აშშ დოლარი თითოეულ შემთხვევაზე და აგრეგირებულად დაზღვევის პერიოდზე სხეულისთვის/ქონებისთვის ზიანის მიყენების გამო წარმოქმნილი პასუხისმგებლობისთვის (პროდუქტზე პასუხისმგებლობის ჩათვლით), მაგრამ 25,000,000 აშშ დოლარი აგრეგირებული ქველიმიტი პირადი ზიანის მიყენებისთვის წარმოქმნილ პასუხისმგებლობისთვის - ქუთაისის საერთაშორისო აეროპორტთან მიმართებაში;
2,000,000 აშშ დოლარი აგრეგირებული ქველიმიტი (პირადი ზიანის მიყენებისთვის წარმოქმნილ პასუხისმგებლობაზე 500,000 აშშ დოლარის აგრეგირებული ქველიმიტის ჩათვლით) - მესტიის და ამბროლაურის აეროპორტებთან მიმართებაში;
მზღვეველის მიერ დაფარული სასამართლო/იურიდიული ხარჯები არ შედის ერთიან კომბინირებულ ლიმიტში და იფარება დამატებით.
ფრანშიზა: 2,500 აშშ დოლარი თითოეულ პრეტენზიაზე ქონებისთვის მიყენებულ ზიანთან მიმართებაში, მაგრამ 20,000 აშშ დოლარი თითოეულ პრეტენზიაზე საჰაერო ხომალდისთვის მიყენებულ ზიანთან დაკავშირებით.
გეოგრაფიული ლიმიტები: საქართველო, მაგრამ მსოფლიოს მასშტაბით პროდუქტზე პასუხისმგებლობასთან დაკავშირებით.

დაზღვევის პირობები:
აეროპორტის პასუხისმგებლობის დაზღვევის AVN104 პირობების შესაბამისად და მოიცავს შემდეგს:
დათქმა სამხედრო, გატაცებისა და სხვა ხიფათების გამორიცხვის შესახებ (ავიაცია) AVN48B.
დანართი განვრცობილი დაფარვის შესახებ (საავიაციო პასუხისმგებლობა) AVN52G, აუქმებს AVN48B დათქმის ყველა ქვე-პუნქტს, გარდა (ბ) ქვე-პუნქტისა და ეს დაფარვა შემოიფარგლება ქვე-ლიმიტით, რომელიც უდრის 105,000,000 აშშ დოლარს თითოეულ შემთხვევაზე და აგრეგირებულად ქუთაისის აეროპორტთან მიმართებაში, 2,000,000 აშშ დოლარს თითოეულ შემთხვევაზე და აგრეგირებულად მესტია და ამბროლაურის აეროპორტებთან მიმართებაში.
დათქმა ხმაურის, დაბინძურებისა და სხვა ხიფათების გამორიცხვის შესახებ AVN46B (შესწორებული რედაქცია).
დათქმა ბირთვული რისკების გამორიცხვის შესახებ AVN38B.
დათქმა თარიღთა ელექტრონულ განსაზღვრასთან დაკავშირებული რისკების გამორიცხვის შესახებ AVN2000A.
დანართი თარიღთა ელექტრონულ განსაზღვრასთან დაკავშირებული რისკების ლიმიტირებული დაფარვის შესახებ AVN2002A.
პირადი ზიანის განვრცობილი დაფარვა AVN60A.
დათქმა აზბესტის გამორიცხვის შესახებ 2488AGM00003.
დათქმა კონტრაქტების (მესამე პირთა უფლებების) 1999 წლის აქტის გამორიცხვის შესახებ AVN72.
დათქმა სანქციებისა და ემბარგოს შესახებ.
დათქმა ურთიერთ პასუხისმგებლობის შესახებ AVN63.
დამატებითი დაზღვეული, სუბროგაციაზე უარის თქმა, ზარალის ანაზღაურების პირობები, პასუხისმგებლობისაგან გათავისუფლების შესახებ შეთანხმება, ურთიერთ პასუხისმგებლობის დათქმები და წინამდებარე დაზღვევის დაწყებამდე მოქმედი სხვა ხელშეკრულებები ან ის ხელშეკრულებები, რომლის გაფორმება საჭირო გახდება დაზღვევის პერიოდის განმავლობაში დაზღვეულის ჩვეულებრივი საქმიანობის განხორციელების ფარგლებში, ავტომატურად არის გათვალისწინებული წინამდებარე დაზღვევაში. დაზღვეულის მიერ გაფორმებული სხვა ხელშეკრულებები და წინამდებარე დაზღვევით მათი გათვალისწინების პირობები ექვემდებარება მზღვეველთან წინასწარ შეთანხმებას. კონტრაქტორები/ქვე-კონტრაქტორები დაფარულია წინამდებარე დაზღვევით, დამზღვევის მოთხოვნის საფუძველზე დამატებითი დაზღვეულების სახით, იმ საკონტრაქტო სამუშაოებთან დაკავშირებით, რომლის საკონტრაქტო ღირებულებები არ აღემატება 250,000 აშშ დოლარს აეროპორტის „საჰაერო ზონისთვის“ (airside) და 500,000 აშშ დოლარს აეროპორტის საზოგადო დაშვების ზონისთვის (land side). ამასთან, ეს დაზღვევა დაფარავს ზარალის მხოლოდ იმ ნაწილს, რომელიც აჭარბებს ნიბისმიერი სხვა მოქმედი დაზღვევით გათვალისწინებულ სადაზღვევო ანაზღაურებას. ის კონტრაქტები, რომლის საკონტრაქტო ღირებულებები აღემატება ზემოაღნიშნულ ოდენობებს, და წინამდებარე დაზღვევით მათი გათვალისწინების პირობები ექვემდებარება მზღვეველთან წინასწარ შეთანხმებას.

კონტრაქტორების/ქვე-კონტრაქტორების თანამშრომლების და აეროპორტის თანამშრომლების მიერ აეროპორტის „საჰაერო ზონის“ (airside) ტერიტორიაზე სამუშაოს ჩვეულ ადგილამდე ან ადგილიდან გადაადგილების ან/და პირდაპირ ან არაპირდაპირ დაზღვეულისთვის ან დაზღვეულის სახელით საკუთარი მოვალეობების შესრულების მიზნით მათ მფლობელობაში არსებული სატრანსპორტო საშუალებების გამოყენების შედეგად წარმოქმნილი პასუხისმგებლობის ჩათვლით, მაგრამ ეს დაზღვევა დაფარავს ზარალის მხოლოდ იმ ნაწილს, რომელიც აჭარბებს ნებისმიერი სხვა მოქმედი დაზღვევით გათვალისწინებულ სადაზღვევო ანაზღაურებას. ამასთან AVN104-ის მე-9 გამონაკლისს ყოველთვის ექნება უპირატესი ძალა.

საავიაციო საგანგებო სიტუაციების შედეგად აეროპორტის ტერიტორიის გარეთ სახანძრო და სამაშველო მომსახურების გაწევის გამო წარმოქმნილი სამოქალაქო სამართლებრივი პასუხისმგებლობის ჩათვლთ. ამასთან AVN104-ის მე-9 გამონაკლისს ყოველთვის ექნება უპირატესი ძალა.

შენიშვნა: მიმწოდებელი ვალდებულია რისკების განთავსება (100 %-ით) განახორციელოს ევროპის საერთაშორისო სადაზღვევო ბაზარზე რეიტინგული გადამზღვევი კომპანიის მეშვეობით.

ხელშეკრულების გაფორმებიდან 10 სამუშაო დღეში გამარჯვებული პრეტენდენტის მიერ წარმოდგენილ უნდა იქნას ამავე გადამზღვეველ კომპანიასთან გაფორმებული გადაზღვევის ხელშეკრულება. გადაზღვევის ხელშეკრულების მოცემულ ვადაში წარმოუდგენლობა წარმოადგენს ხელშეკრულების ცალმხრივად შეწყვეტის და გამარჯვებული პრეტენდენტის ხელშეკრულებით გათვალისწინებული ვალდებულებების შეუსრულებლად მიჩნევის საფუძველს.

მომსახურების გაწევის ვადა შეადგენს ხელშეკრულების გაფორმებიდან (არაუადრეს 2025 წლის 01 იანვრიდან 2025 წლის 31 დეკემბრის 00:00 საათამდე) 1 (ერთი) სრულ კალენდარულ წელს

მომსახურება უნდა განხორციელდეს ტექნიკურ დავალებაში მითითებული პირობების შესაბამისად შემდეგ ლოკაციებზე: დავით აღმაშენებლის სახელობის ქუთაისის საერთაშორისო აეროპორტი, თამარ მეფის სახელობის მესტიის აეროპორტი და ამბროლაურის აეროპორტი.

პრეტენდენტმა უნდა წარმოადგინოს ლიცენზია სადაზღვევო საქმიანობის განხორციელების შესახებ.

პრეტენდენტმა უნდა წარმოადგინოს ინფორმაცია სამოქალაქო სამართლებრივი პასუხისმგებლობის სადაზღვევო რისკის 100%-ით გადაზღვევის შესახებ, რომელიც წერილობით დადასტურებული უნდა იყოს გადამზღვეველი კომპანი(ებ)ის მიერ (საბროკერო კომპანიის/ბროკერის წერილი არ მიიღება), შემსყიდველის სატენდერო დოკუმენტაციის მოთხოვნათა შესაბამისად. წერილში მითითებული უნდა იყოს გადამზღვეველი კომპანი(ებ)ის წილობრივი მონაწილეობა სადაზღვევო ლიმიტის ფარგლებში. გადამზღვეველი კომპანია რეგისტრირებული უნდა იყოს ეგთო-ს (ეკონომიკური განვითარებისა და თანამშრომლობის ორგანიზაცია (OECD)) წევრ ქვეყანაში და მას უნდა გააჩნდეს ერთ-ერთი ქვემოთ აღნიშნული საერთაშორისო სარეიტინგო სააგენტოს შეფასება და რომელიმე მათგანის მიერ მინიჭებული მინიმალური რეიტინგი, არანაკლებ: Standard&Poors: A-, A.M. Best: A-, Fitch: A- ან Moodys: A3.

ფასწარმოქმნის ადეკვატურობის დასაბუთება უნდა მოხდეს:

ექსპერტიზის დასკვნით ან/და შესაბამის სფეროში საქართველოს კანონმდებლობით განსაზღვრული უფლებამოსილების/ აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი), საიდანაც ნათლად გამოიკვეთება, რომ პრეტენდენტი შეუფერხებლად და ხარვეზის გარეშე განახორციელებს მომსახურებას დაფიქსირებულ შემოთავაზებულ ფასად.

განახლებული ამონაწერი მეწარმეთა და არასამეწარმეო (არაკომერციული) იურიდიული პირების რეესტრიდან.

არა

არა

არა

მათი ქვეყნის შესაბამისი ორგანოების მიერ გაცემული დოკუმენტი(ები), რომელშიც მითითებულია კომპანიის სახელწოდება, იურიდიული მისამართი, საიდენტიფიკაციო კოდი, ხელმძღვანელობასა და წარმომადგენლობაზე უფლებამოსილი პირების მონაცემები, ასევე სხვა რეკვიზიტები მათი არსებობის შემთხვევაში.
უცხოურ ენაზე წარმოდგენილ დოკუმენტებს თან უნდა დაერთოს შესრულებული თარგმანები ქართულ ენაზე, დამოწმებული სანოტარო წესით.

განახლებული ამონაწერი მეწარმეთა და არასამეწარმეო (არაკომერციული) იურიდიული პირების რეესტრიდან.

5 Процентов

10 Процентов

გარანტიის მოქმედების ვადა სულ მცირე 60 (სამოცი) კალენდარული დღით უნდა აღემატებოდეს მომსახურების განხორციელების ვადას.

გარანტია გაცემული უნდა იყოს საქართველოს ეროვნული ბანკის მიერ ლიცენზირებული საბანკო დაწესებულების ან ლიცენზირებული სადაზღვევო კომპანიის მიერ, შემსყიდველთან შეთანხმებული ფორმით. ხელშეკრულების შესრულების უზრუნველყოფის მიზნით მიმწოდებლის მიერ წარმოდგენილი საბანკო გარანტია შემსყიდველის მიერ გამოიყენება მიმწოდებლის მიერ ხელშეკრულების პირობების შეუსრულებლობის ან არასრულად შესრულების შემთხვევაში. გარანტია არის უპირობო და გამოუთხოვადი და მისი გამოყენება არ საჭიროებს რაიმე სახის პირდაპირ ან ირიბ დადასტურებას ან ნების სხვაგვარ გამოვლენას მიმწოდებლის მხრიდან.

ანგარიშსწორება მოხდება ყოველთვიურად უნაღდო ანგარისწორებით ლარში შემსყიდველსა და მიმწოდებელს შორის გაფორმებული მიღება-ჩაბარების აქტის საფუძველზე.

შესრულების დამადასტურებელი დოკუმენტის გაფორმებიდან არაუგვიანეს 10 სამუშაო დღე.

თამარ ბაღდავაძე, 555585908, t.bagdavadze@airports.ge

1) ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე.
2) სახელმწიფო შესყიდვების ერთიან ელექტრონულ სისტემაში ატვირთული დოკუმენტი ან/და ინფორმაცია დადასტურებული უნდა იყოს უფლებამოსილი პირის მიერ კვალიფიციურად.
3) პრეტენდენტს არა აქვს უფლება წარმოადგინოს ალტერნატიული სატენდერო წინადადება.
4) სატენდერო წინადადებაში საერთო და ერთეულის ფასი გამოსახულ უნდა იყოს ყველა ხარჯის გათვალისწინებით.
5) სატენდერო წინადადების საერთო და თითოეული ერთეულის ფასის წარმოდგენა დასაშვებია მხოლოდ ეროვნულ ვალუტაში - ლარი.