Ресторан и подача блюд (Грузия - Тендер #59369312)

ქალაქ თბილისის მუნიციპალიტეტის მერიის მუნიციპალური ინსპექციის თანამშრომლებისათვის კვებითი მომსახურების სახელმწიფო შესყიდვა.

1.2.1 კვებითი მომსახურება მოიცავს შემსყიდველის დავალებით განსაზღვრული ულუფ(ებ)ის შესაბამისი მზა საჭმელ(ებ)ის ერთჯერადი ჭურჭლით (ერთჯერადი დანა-ჩანგლის ჩათვლით) შემსყიდველის დავალებით განსაზღვრულ ადგილ(ებ)ზე მიტანას.
1.2.2 დაუშვებელია ვადაგასული და საკვებად უვარგისი პროდუქტების მიწოდება (მიმწოდებელი პასუხს აგებს საქართველოში მოქმედი კანონმდებლობით გათვალისწინებული წესით). მიმწოდებელი ვალდებულია უზრუნველყოს მისაწოდებელი მზა საკვების (კერძები) დამზადება ახალი, მაღალხარისხიანი, ეკოლოგიურად სუფთა, ჯანსაღი პროდუქტებისაგან. მიმწოდებელმა კერძები უნდა მოამზადოს საქართველოში მოქმედი სანიტარულ-ჰიგიენური ნორმების სრული დაცვით.
1.2.3 თითოეული ულუფა მოთავსებული უნდა იყოს შესაბამის ერთჯერად კონტეინერში (არანაკლებ 3 დანაყოფით), რომელსაც უნდა მოყვებოდეს ერთჯერადი დანა-ჩანგალი (მყარი, კარგი ხარისხის) და არანაკლებ 3 (სამი) ცალი ხელსახოცი. ხელსახოცი მოხმარების დროს ხელზე არ უნდა ეკრობოდეს. დაუშვებელია ულუფების პოლიეთილენის პარკებით და სხვა არასათანადო საშუალებებით მიწოდება.
1.2.4 მიმწოდებელმა 1 (ერთი) დღე-ღამის განმავლობაში უნდა უზრუნველყოს 5-დან 150 ულუფამდე შემსყიდველის დავალებით განსაზღვრულ ადგილ(ებ)ზე მიწოდება.
1.2.5 შემსყიდველი უფლებამოსილია, ყოველი დავალების გაცემისას, მომსახურების ხარჯთაღრიცხვაში მოცემული ოთხი მენიუდან აირჩიოს სასურველი მენიუ(ები) (ულუფა/ები) და მიმწოდებელს მოსთხოვოს არჩეული მენიუ(ები)ს (ულუფ(ებ)ის) მიწოდება.
1.2.6 მიმწოდებელი ვალდებულია, შემსყიდველის მოთხოვნის შემთხვევაში არ დაამატოს მომსახურების ხარჯთაღრიცხვით განსაზღვრულ კერძებს საკმაზები, სუნელები და ა.შ. (იგულისხმება არაძირითადი პროდუქტი). ასეთ შემთხვევაში მათი მოწოდება უნდა მოხდეს თითოეულ პერსონაზე გათვლილ ულუფასთან ერთად, ცალკე შეფუთვით.
1.2.7 ყველა კერძი და საკვები უნდა იყოს ახლად მომზადებული, მოთხოვნილი და წინასწარ შეთანხმებული (ასეთის შემთხვევაში) მენიუს შესაბამისი ვარიანტის გათვალისწინებით, შესაბამისი ტემპერატურული რეჟიმის დაცვით (ადგილზე მიწოდების მომენტისთვის) და საკვებად ვარგის ერთჯერად კონტეინერებში (რომელიც უნდა იყოს ტემპერატურის გამძლე და უსაფრთხო) თითო პერსონის ულუფის შესაბამისად განთავსებული.
1.2.8 მიმწოდებელმა უნდა უზრუნველყოს საკვების მიღებასთან დაკავშირებული მოთხოვნილი ვარიანტის შესაბამისად ერთჯერადი ჭურჭლის/აქსესუარების (რომელიც უნდა იყოს ტემპერატურის გამძლე და უსაფრთხო) მოწოდება თითო პერსონისთვის, კერძოდ: ჩანგალი, კოვზი, ხელსახოცი, ჭიქა და სხვა საჭირო აქსესუარი/ჭურჭელი.
1.2.9 შემსყიდველის დავალებით განსაზღვრული ულუფების ტრანსპორტირება მიწოდების ადგილამდე მიმწოდებელმა უნდა განახორციელოს სატრანსპორტო საშუალებით, რომელშიც გათვალისწინებული უნდა იყოს ჰიგიენური ნორმები. დაუშვებელია კერძების ტრანსპორტირება ისეთი საბარგულების მეშვეობით, სადაც განთავსებული იქნება სხვადასხვა ხელსაწყოები, საცხებ/საპოხი საშუალებები, საწვავი და ნებისმიერი სხვა რამ, რაც მიუღებელია საკვებთან ერთად ტრანსპორტირებისათვის. დაუშვებელია მზა საკვების შეხება პოლიეთილენის პარკებთან და სხვა შეუსაბამო საშუალებებთან თუ ობიექტებთან.
1.2.10 საკვები პროდუქტები უნდა შეესაბამებოდეს „სასურსათო ნედლეულისა და კვების პროდუქტების ხარისხისა და უსაფრთხოების სანიტარიული წესებისა და ნორმების დამტკიცების შესახებ“ საქართველოს შრომის, ჯანმრთელობისა და სოციალური დაცვის მინისტრის 2001 წლის 16 აგვისტოს N301/ნ ბრძანების მოთხოვნებს.
1.2.11 შემსყიდველი უფლებას იტოვებს ხელშეკრულების მოქმედების პერიოდში განახორციელოს ინსპექტირება თუ რამდენად სრულდება სატენდერო დოკუმენტაციის მოთხოვნები.
1.2.12 პრეტენდენტის მიერ წარმოდგენილ მომსახურების ხარჯთაღრიცხვაში მომსახურების (ულუფის) ერთეულის ფასების კლება უნდა განხორციელდეს სატენდერო დოკუმენტაციაში მოცემული მომსახურების ხარჯთაღრიცხვის ზღვრული ერთეულის ფასებიდან, არანაკლებ სატენდერო დოკუმენტაციასა და სატენდერო განცხადებაში მოცემული მომსახურების ხარჯთაღრიცხვის ჯამურ სავარაუდო ღირებულებასა და პრეტენდენტის მიერ სისტემაში დაფიქსირებულ საბოლოო ფასს შორის არსებული პროცენტული სხვაობით, რომელიც დამრგვალებული უნდა იყოს მეასედის სიზუსტით, ე.წ. კლების პრინციპით.
1.2.13 პრეტენდენტის მიერ წარმოდგენილ მომსახურების ხარჯთაღრიცხვაში შემოთავაზებული ღირებულებები არ უნდა აღემატებოდეს მომსახურების ხარჯთაღრიცხვაში შესაბამის პოზიციებზე დაფიქსირებულ ზღვრული ერთეულის ღირებულებებს.

1.2.14 ულუფების სახეობები, პარამეტრები (მახასიათებლები) და რაოდენობები მოცემულია მომსახურების ხარჯთაღრიცხვაში, რომელიც ატვირთულია სატენდერო დოკუმენტაციის 1.3 პუნქტში.

1.4.1 ხელშეკრულების ძალაში შესვლიდან ან 2024 წლის 13 დეკემბრიდან (რომელიც უფრო გვიან დადგება) 2025 წლის 06 იანვრის ჩათვლით, ეტაპობრივად, შემსყიდველის დავალების (ზეპირი ან წერილობითი) შესაბამისად.
1.4.2 დავალება უნდა შესრულდეს შაბათ-კვირისა და უქმე დღეების ჩათვლით, დღე-ღამის ნებისმიერ მონაკვეთში, დავალებიდან არაუგვიანეს 8 საათის განმავლობაში.
1.4.3 დავალებაში მითითებული იქნება ინფორმაცია გასაწევი მომსახურების ადგილის, ვადის და მისაწოდებელი მენიუ(ები)ს (ულუფ(ებ)ის) შესახებ.

ქ. თბილისის მუნიციპალიტეტი ან/და ქ. თბილისის მუნიციპალიტეტის მიმდებარე ტერიტორია, შემსყიდველის დავალებით განსაზღვრული ადგილ(ებ)ი.

პრეტენდენტს 2022 წლის 01 იანვრიდან უნდა გააჩნდეს ჯამში არანაკლებ 150 000.00 (ას ორმოცდაათი ათასი) ლარის ღირებულების მზა საკვების მიწოდების მომსახურების გაწევის გამოცდილება. აღნიშნულის დასადასტურებლად პრეტენდენტმა უნდა წარმოადგინოს ხელშეკრულებ(ები)ა და ამ ხელშეკრულებ(ებ)ის საფუძველზე გაფორმებული მიღება-ჩაბარების აქტ(ებ)ი ან/და შესრულების დამადასტურებელი სხვა დოკუმენტაცია.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტის ასლი), რომლებშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო მომსახურების ხარჯთაღრიცხვაში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე მომსახურების ხარჯთაღრიცხვით განსაზღვრული შესყიდვის ობიექტის მიწოდების შესაძლებლობა.
დასკვნის წარმოუდგენლობა ან უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული წესის მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

7.1.1.1 შესყიდვის ობიექტის ღირებულება (შესყიდვის ობიექტის ღირებულების 100%-ის ოდენობით) ანაზღაურდება მიმწოდებლის მიერ წარმოდგენილი წინასწარი ანგარიშსწორების, საავანსო გარანტიის საფუძველზე, ხელშეკრულებით განსაზღვრული საავანსო თანხის იდენტური ოდენობის, უპირობო, გამოუთხოვადი გარანტიის წარმოდგენის შემდგომ.
7.1.1.2 უპირობო, გამოუთხოვადი საავანსო საბანკო გარანტია წარმოდგენილი უნდა იქნას საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის“ მიერ ლიცენზირებული სადაზღვევო კომპანიიდან, ეროვნულ ვალუტაში - ლარში.
7.1.1.3 საავანსო გარანტია მიმწოდებლის მიერ წარმოდგენილი უნდა იქნეს არაუგვიანეს 2024 წლის 25 დეკემბრისა.
7.1.1.4 საავანსო გარანტიის მოქმედების ვადა არანაკლებ 60 (სამოცი) კალენდარული დღით უნდა აღემატებოდეს ხელშეკრულებით გათვალისწინებული შესყიდვის ობიექტის მიწოდების ვადას.
7.1.1.5 მიმწოდებელმა ავანსის თანხები უნდა გამოიყენოს მხოლოდ ამ შესყიდვებთან დაკავშირებული ვალდებულებების შესასრულებლად.
7.1.1.6 საავანსო გარანტიის დაბრუნება მოხდება, მიმწოდებლის მიერ შესყიდვის ობიექტის სრულად მიწოდებისა და მიღება-ჩაბარების აქტის გაფორმების შემდეგ, წერილობითი მოთხოვნის საფუძველზე.

ანგარიშსწორება მოხდება ერთიანად, უნაღდო ანგარიშსწორებით ლარში, 2024 წლის ადგილობრივი ბიუჯეტის სახსრებით.

შესყიდვის ობიექტის ღირებულება (შესყიდვის ობიექტის ღირებულების 100%-ის ოდენობით) ანაზღაურდება მიმწოდებლის მიერ წარმოდგენილი წინასწარი ანგარიშსწორების, საავანსო გარანტიის საფუძველზე, ხელშეკრულებით განსაზღვრული საავანსო თანხის იდენტური ოდენობის, უპირობო, გამოუთხოვადი გარანტიის წარმოდგენის შემდგომ.

ვერიკო ალშიბაია, 577044952, v.alshibaia@tbilisi.gov.ge , ტექნიკურ საკითხებთან დაკავშირებით საკონტაქტო პირი: ჯონდო მაჭარაშვილი, მობილური ტელეფონის ნომერი - 599158381; ელ-ფოსტა: j.macharashvili@outlook.com

10.1.1 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3 სახელმწიფო შესყიდვების ერთიან ელექტრონულ სისტემაში (შემდგომში – სისტემა) ატვირთული ყველა დოკუმენტი ან/და ინფორმაცია ხელმოწერილი უნდა იყოს უფლებამოსილი პირის მიერ (საჭიროების შემთხვევაში ატვირთულ უნდა იქნას მინდობილობა ან რწმუნებულება). პრეტენდენტის მიერ სახელმწიფო შესყიდვების ერთიან ელექტრონულ სისტემაში ატვირთული სატენდერო დოკუმენტაციის დანართ N1-ის (ფასების ცხრილი/მომსახურების ხარჯთაღრიცხვა/პრეისკურანტი) შესაბამისი ინფორმაცია წარმოდგენილ უნდა იქნეს MS Excel-ის ფორმატის ფაილის სახით, რომელიც არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს), ხოლო პრეტენდენტის მიერ ტენდერის ფარგლებში შედგენილ სხვა დოკუმენტაციაზე სავალდებულოა კვალიფიციური ელექტრონული ხელმოწერის შესრულება ან კვალიფიციური ელექტრონული შტამპის დასმა.
10.1.4 იმ შემთხვევაში თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით და პრეტენდენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი/მომსახურება. ამასთან, ტექნიკურ დავალებაში მოცემული პარამეტრები არის შემსყიდველის მიერ დადგენილი მინიმალური მოთხოვნები, რომელსაც უნდა აკმაყოფილებდეს პრეტენდენტის მიერ შემოთავაზებული შესყიდვის ობიექტი.
10.1.5 სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის და შესყიდვის ობიექტის მიწოდებასთან დაკავშირებული ხარჯის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.6 პრეტენდენტს არ აქვს უფლება წარმოადგინოს ალტერნატიული სატენდერო წინადადება.

10.1.7 პრეტენდენტის მიერ ერთიან ელექტრონულ სისტემაში ასატვირთი მონაცემები:
10.1.7.1 მომსახურების ხარჯთაღრიცხვა (დანართი N1) MS Excel-ის ფორმატის ფაილის სახით, სატენდერო დოკუმენტაციის 1.2.12 და 1.2.13 პუნქტების შესაბამისად;
10.1.7.2 დოკუმენტაცია პრეტენდენტის გამოცდილების შესახებ, სატენდერო დოკუმენტაციის 2.2.1 პუნქტის შესაბამისად.