Ремонт и техническое обслуживание транспортных средств и оборудования и сопутствующие услуги (Грузия - Тендер #59336701)

ა(ა)იპ "სპეციალური სერვისების" ბალანსზე რიცხული მსუბუქი ავტომანქანების ტექნიკური მომსახურების შესყიდვა

პრეტენდენტმა უნდა უზრუნველყოს შემსყიდველის ავტომანქანების შეკეთების მომსახურება შესასაბამისი სათადარიგო ნაწილებით:
1. ტექნიკური მომსახურება(სერვისი სათადარიგო ნაწილებით) მოიცავს შემდეგს:
• სავალი ნაწილის შეცვლას ან/და შეკეთებას;
• ელექტროობას;
• აგრეგატების შეცვლას ან/და შეკეთებას;
• სათუნუქე - სამღებრო სამუშაოებს.
• ხანგრძლივ მომსახურებას (ძრავის, სიჩქარეთა კოლოფის შეკეთება);
• მობილური ჯგუფის სერვისს;
• სათადარიგო ნაწილის შეკვეთას
• დიაგნოსტიკური სამუშაოების ჩატარებას
• საცხებ-საპოხი მასალების გამოცვლა
2. პრეტენდენტის მიერ შემოთავაზებული ერთეულის ფასი არ უნდა აღემატებოდეს ფასების ცხრილში მოცემულ ერთეულის სავარაუდო ფასს.
3. პრეტენდენტის მიერ ელექტრონული ვაჭრობის შედეგად, პრეისკურანტის ჯამური ღირებულების
შემცირების შემთხვევაში, ფასთა კლება პროცენტულად და პროპორციულად უნდა აისახოს
შემსყიდველის მიერ პრეისკურანტში (ფასების ცხრილებში) წარმოდგენილ ერთეულის ფასებზე
4. ხელშეკრულების დადების შემდეგ, პრეისკურანტში მომსახურების რომელიმე ერთეულის
არარსებობისას აღნიშნული ერთეულის ფასი, მისი შესყიდვის აუცილებლობისას, დგინდება
შემსყიდველი ორგანიზაციისა და მიმწოდებლის შეთანხმებით საბაზრო ფასის გათვალისწინებით.
5. მიმწოდებელი ვალდებულია შემსყიდველის უფლებამოსილ წარმომადგენელთან ერთად შეადგინოს
სადეფექტო აქტი გასაწევ ტექნიკურ მომსახურებაზე.

გასაწევი მომსახურების კონკრეტული ჩამონათვალი და მანქანების ვინკოდებით მოცემულია ფასების ცხრილში;

მომსახურების მოწოდება უნდა მოხდეს ეტაპობრივად შემსყიდველის მოთხოვნისთანავე ხელშეკრულების გაფორმებიდან 2025 წლის 31 დეკემბრის ჩათვლით

მიმწოდებელმა მომსახურების მოწოდება უნდა უზრუნველყოს საკუთარ სერვის ცენტრში, რომელიც უნდა მდებარეობდეს ქ.ქუთაისის ადმინისტრაციულ საზღვრებში ან/და ადმინისტრაციული საზღვრებიდან არაუმეტეს 5 კმ. რადიუსის ფარგლებში

1.7.1.1 ექსპლუატაციის პირობების დაცვის შემთხვევაში (თუ არ აღინიშნება გარეგანი მექანიკური ზემოქმედებით გამოწვეული დაზიანება) მიმწოდებლის მიერ გაწეულ ტექ-მომსახურებზე, ახალ (არამეორად), შეკეთებულ და მეორად ნაწილებზე გარანტია უნდა ვრცელდებოდეს არანაკლებ 1 წლიანი გარანტია (თუ პრეისკურანტში არ არის მითითებული განსხვავებული საგარანტიო პირობა (ვადა/გარბენი);
1.7.1.2 საგარანტიო პერიოდში, ავტომანქანის სათადარიგო ნაწილზე/გაწეულ მომსახურებაზე დეფექტის/ნაკლის/წუნის/ხარვეზის გამოვლენის შემთხვევაში, ხელშეკრულების მოქმედების ნებისმიერ ეტაპზე და ასევე, მისი მოქმედების დასრულების შემდგომ მიმწოდებელი ვალდებულია შეტყობინების მიღებისთანავე გონივრულ ვადებში (მაგრამ არაუგვიანეს 5 კალენდარული დღისა) ნაკლის/წუნის გამოსწორების მიზნით შეცვალოს იგი ახალი სათადარიგო ნაწილით, - შემსყიდველის მხრიდან დამატებითი დანახარჯების გაწევის გარეშე. ხოლო, საგარანტიო პირობებით ნაკისრი ვალდებულებების შესრულებაზე მიმწოდებლის მხრიდან უარის თქმის შემთხვევაში, შემსყიდველი უფლებამოსილია მიმწოდებელს ჩაატარებინოს ავტოტექნიკური ექსპერტიზა აკრედიტებულ საექსპერტო დაწესებულებაში-სათადარიგო ნაწილის/გაწეული მომსახურების ხარისხის/ვარგისიანობის/დაზიანების გამომწვევი მიზეზის დასადგენად, - შემსყიდველის მხრიდან დამატებითი დანახარჯების გაწევის გარეშე. აღნიშნულ შემთხვევაში ექსპერტიზის ჩატარების ვადად განისაზღვრება შემსყიდველის მიმართვიდან 10 (ათი) კალენდარული დღე. მიმწოდებლის მხრიდან საგარანტიო პირობებით ნაკისრი ვალდებულებების შეუსრულებლობის შემთხვევაში, შემსყიდველი უფლებამოსილია მოსთხოვოს მიმწოდებელს შესაბამისი ხარჯების ანაზღაურება.
იგივე საგარანტიო ვადა უნდა ვრცელდებოდეს საგარანტიო ვადაში შეცვლილ ნაწილზეც

"პრეტენდენტს" უნდა ჰქონდეს გამოცდილება სატრანსპორტო საშუალებების(სპეცტექნიკის) ტექნიკური მომსახურების (სერვისი სათადარიგო ნაწილებით) ანალოგიურ მომსახურებაზე არანაკლებ 2(ორი) წელი, რაზედაც წარმოდგენილი უნდა იქნეს ინფორმაცია/დოკუმენტაცია გაწეული ანალოგიური ტექნიკური მომსახურების (სერვისი სათადარიგო ნაწილებით) შესახებ უკანასკნელი 2(ორი) წლის განმავლობაში.

ზემოაღნიშნულის დასადასტურებლად "პრეტენდენტმა" სატენდერო წინადადებით უნდა წარმოადგინოს ხელშეკრულება და მისი მიღება-ჩაბარების აქტი ან შუალედური მიღება-ჩაბარების აქტი ან საქართველოს სახელმწიფო შესყიდვების ერთიანი ელექტრონული სისტემის ტენდერის/CMR ნომრები, სადაც შესაძლებელი იქნება მოთხოვნილი დოკუმენტაციის გადამოწმება და დადასტურდება აღნიშნული გამოცდილება.

მიმწოდებელს ქ.ქუთაისის ადმინისტრციულ საზღვრებში ან/და ადმინისტრაციული საზღვრებიდან არაუმეტეს 5 კმ. რადიუსის ფარგლებში უნდა გააჩნდეს მინიმუმ ერთი მაინც საკუთარი სერვის ცენტრი, რომელშიც შესაძლებელი იქნება მანქანების მომსახურება, იჯარის შემთხვევაში იჯარის ვადა მინიმუმ ერთი თვით აღემატებოდეს მომსახურების ვადას

მომსახურება გაწეული უნდა იქნას დაუყოვნებლივ, რიგგარეშე, ამასთან მომსახურების ვადა თითოეულ შემთხვევაზე არ უნდა აღემატებოდეს:
• სავალი ნაწილებისათვის - არაუმეტეს 1 დღეს;
• ტრანსმისიისთვის - არაუმეტეს 2 დღეს;
• ელექტროობისათვის - არაუმეტეს 1 დღეს;
• სათუნუქე-სამღებრო სამუშაოებისათვის - არაუმეტეს 5 დღეს, აღნიშნული ვადა შესაძლებელია გაგრძელებული იქნეს შემსყიდველთან შეთანხმებით;
• იმ შემთხვევაში თუ საჭირო იქნება ძრავის კაპიტალური რემონტის ჩატარება შესაძლებელია მომსახურების ვადა განისაზღვროს შემსყიდველთან შეთანხმებით.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან მოითხოვს ფასწარმოქმნის ადეკვატურობის დასაბუთებას, რაზეც პრეტენდენტი ვალდებული იქნება წარმოადგინოს სსიპ - ლევან სამხარაულის სახელობის სასამართლო ექსპერტიზის ეროვნული ბიუროს მიერ გაცემული ექსპერტის შესაბამისი დასკვნა, ან/და შესაბამის სფეროში საქართველოს კანონმდებლობით განსაზღვრული უფლებამოსილების/ აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნა (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას.
ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით. ამასთან, ფასწარმოქნის ადეკვატურობის დასაბუთების (ექსპერტიზის დასკვნის) წარმოუდგენლობა გამოიწვევს შესაბამისი პრეტენდენტის დისკვალიფიკაციას სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესის დამტკიცების შესახებ“ წესის შესაბამისად.

ანგარიშსწორება განხორციელდებაუნაღდო ანგარიშსწორების ფორმით მიმწოდებლის საბანკო ანგარიშზე, ეტაპობრივად, ფაქტიურად შესრულებულ სამუშაოზე ყოველი თვის ბოლოს გაფორმებულის მიღება ჩაბარების აქტის გაფორმების და შესაბამისი საგადასახადო ანგარიშ-ფაქტურის გამოწერის საფუძველზე;

მიღება ჩაბარების აქტის გაფორმებიდან არაუმეტეს 10 (ათი) სამუშაო დღის ვადაში

შოთა ბენიძე, 557936383, specialuriservisebi@gmail.com