Услуги в области бытовых отходов и отходов (Грузия - Тендер #59336690)

1.1.1 ქ. ბათუმში, სანიაღვრე ქსელების მიმდინარე მოვლა-ექსპლუატაცია

1.2.1. მიმწოდებელმა უნდა უზრუნველყოს:
• ქალაქის ტერიტორიაზე არსებული სანიაღვრე ჭების გაწმენდა შლამის ამოღება დაგატანა. შლამის ამოღება უნდა განხორციელდეს ძირითადად შლამმწოვის საშუალებით. მიმწოდებელმა უნდა უზრუნველყოს ყოველთვიურად ქალაქის ტერიტორიაზე არსებული ჭების გაწმენდა საჭიროებისამებრ, აგრეთვე ყოველი დიდი წვიმების შემდეგ დამატებით. აღნიშნული მომსახურება უნდა აწარმოოს ხელშეკრულების გაფორმებიდან 2024 წლის 31 დეკემბრის ჩათვლით;
• ქალაქის ტერიტორიაზე არსებული სანიაღვრე ჭების მიმდინარე შეკეთება (გატეხილი სახურავების შეცვლა, კედლების წამოწევა). მიმწოდებელმა უნდა უზრუნველყოს საჭიროებისამებრ, წლის განმავლობაში სანიაღვრე ჭის მიმდინარე შეკეთება;
• ქალაქის ტერიტორიაზე არსებული სანიაღვრე მილების გაწმენდა მიმწოდებელმა უნდა უზრუნველყოს მილსადენების მაღალი წნევის შემქმნელი და გამრეცხი სპეციალური მანქანით ჭურვის გატარებით, შემდეგ მოხდება გაწმენდის შედეგად დაგროვილი შლამის ამოღება და გატანა.
მიმწოდებელმა უნდა უზრუნველყოს საჭიროებისამებრ და ყოველი დიდი წვიმების დროს დამატებით;
• ქალაქის ტერიტორიაზე არსებული დახურული არხების გაწმენდა მიმწოდებელმა უნდა უზრუნველყოს მილსადენების მაღალი წნევის შემქმნელი და გამრეცხი სპეციალური მანქანით ჭურვის გატარებით. შემდეგ მოხდება გაწმენდის შედეგად დაგროვილი შლამის ამოღება და გატანა. მიმწოდებელმა აღნიშნული მომსახურების გაწევა უნდა უზრუნველყოს საჭიროებისამებრ და ყოველი დიდი წვიმების შემდეგ დამატებით. აღნიშნული მომსახურება უნდა აწარმოოს წლის განმავლობაში, ხელშეკრულების გაფორმებიდან 2024 წლის 31 დეკემბრის ჩათვლით;
• ქალაქის ტერიტორიაზე არსებული ზღვაში გასასვლელები უნდა გაიწმინდოს ექსკავატორით ფაქტობრივად არსებული მდგომარეობის შესაბამისად და ყოველი შტორმის შემდგომ დამატებით. აღნიშნული მომსახურება უნდა ხელშეკრულების გაფორმებიდან 2024 წლის 31 დეკემბრის ჩათვლით პერიოდის განმავლობაში;
• 10-15 სმ სისქის გადახურვის ფილის გამოცვლა საჭიროებისამებრ;
• სანიაღვრე არხების სანიტარულ-ჰიგიენური დამუშავება ცხიმდამშლელი და სუნის გამქრობი სპეციალური ხსნარებით ძირითადად წლის ზაფხულის (ივნისი, ივლისი, აგვისტო, სექტემბერი) პერიოდის განმავლობაში შემსყიდველის მიერ მიწოდებული მისამართების მიხედვით;
• ქალაქის ტერიტორიაზე არსებული ღია სანიაღვრე არხების (˂ 2 მ) გაწმენდა არხის სიგანის შესაბამისად ან ექსკავატორით, ან ხელით, შემდეგ მოხდება გაწმენდის შედეგად დაგროვილი შლამის ამოღება და გატანა. მიმწოდებელმა აღნიშნული მომსახურების გაწევა უნდა უზრუნველყოს საჭიროებისამებრ და ყოველი დიდი წვიმის შემდეგ დამატებით. აღნიშნული მომსახურება უნდა აწარმოოს ხელშეკრულების გაფორმებიდან 2024 წლის 31 დეკემბრის ჩათვლით;
• ქალაქის ტერიტორიაზე არსებული ღია სანიაღვრე არხების (˃ 2 მ) გაწმენდა არხის სიგანის შესაბამისად ან ექსკავატორით, ან ხელით, შემდეგ მოხდება გაწმენდის შედეგად დაგროვილი შლამის ამოღება და გატანა. მიმწოდებელმა აღნიშნული მომსახურების გაწევა უნდა უზრუნველყოს საჭიროებისამებრ და ყოველი დიდი წვიმის შემდეგ დამატებით. აღნიშნული მომსახურება უნდა აწარმოოს ხელშეკრულების გაფორმებიდან 2024 წლის 31 დეკემბრის ჩათვლით;
• მდინარეების ფსკერების გაწმენდა საჭიროებისამებრ წლის განმავლობაში;
• ღია სანიაღვრე არხებზე არსებული ლითონის ცხაურის კაპიტალური შეკეთება;
• მშთანთქავი ჭების მონტაჟი საჭიროებისამებრ წლის განმავლობაში;
• სანიაღვრე მილების/არხების შეცვლა/შეკეთება, 500 მმ-მდე დიამეტრის, საჭიროებისამებრ;
• სანიაღვრე მილების/არხების შეცვლა/შეკეთება ეზოებსა და ქუჩებში 100 მმ-დან 300 მმ-მდე დიამეტრის, საჭიროებისამებრ;
• ბეტონის არხის კედლების შეკეთება წლის განმავლობაში საჭიროებისამებრ;
• გზის საწრეტი დრენაჟის შეკეთება წლის განმავლობაში საჭიროებისამებრ;
• მიმწოდებლმა უნდა უზრუნველყოს ხელშეკრულებით განსაზღვრული, ა(ა)იპ საქალაქო ინფრასტრუქტურისა და კეთილმოწყობის სამმართველოს ტექნიკური ზედამხედველის თანდასწრებით, სახელშეკრულებო ვალდებულებების შესრულება შემსყიდველი ორგანიზაციის მოთხოვნით, საჭიროებისამებრ.
• მიმწოდებელმა უნდა უზრუნველყოს თითოეულ ობიექტზე მოტო-საათის მიერ აღრიცხული მონაცემების მიწოდება (ყველა გამოყენებულ ავტოტექნიკას უნდა გააჩნდეს მოტო-საათი).
1.2.2. სამუშაო ადგილის მომზადება, გარემოს დაცვა
მიმწოდებელი პასუხისმგებელია:
ა) შეასრულოს სამუშაოები შრომის უსაფრთხოების პირობების დაცვით;
ბ) უზრუნველყოს სამუშაო ადგილის ფარგლებში გარემოზე ეკოლოგიური ზემოქმედების მინიმუმამდე დაყვანა;
გ) უზრუნველყოს სამუშაო ადგილის ფარგლებში მდებარე ხეების და მცენარეების სიცოცხლისუნარიანობა;
დ) მინიმუმამდე დაიყვანოს მომსახურებასთანთან დაკავშირებული ხმაურის, ვიბრაციის და მტვრის გავლენა გარემოზე;
ე) მომსახურების გაწევის დასრულების შემდეგ შემსრულებელი თავისი ძალებითდა სახსრებით ვალდებულია გაათავისუფლოს სამუშაო ადგილი სამშენებლო მოწყობილობა-დანადგარებისაგან, მასალებისაგან, დროებითი ნაგებობებისაგან და ა.შ;
ვ) მომსახურების გაწევის პირობები უნდა შეესაბამებოდეს საქართველოს მოქმედი კანონმდებლობით დადგენილ წესებსა და ნორმებს
1.2.3. მიმწოდებელმა მომსახურების შესრულება უნდა უზრუნველყოს: კვირაში 7 (შვიდი) დღის განმავლობაში მინიმუმ 9 სამუშაო ბრიგადით, თითოეული 10 (ათი) კაცის შემადგენლობით; 2 ინჟინერით (სპეციალისტი).

1.4.1 სამუშაოს შესრულების ვადაა ხელშეკრულების გაფორმებიდან 2025 წლის 31 დეკემბრის ჩათვლით.

1.5.1 სამუშაოების შესრულების ფორმა მოცემულია ტექნიკურ პირობებში და ფასების ცხრილში.
სამუშაოს შესრულების ადგილია ქ. ბათუმი, ხოლო კონკრეტული ობიექტი მითითებული იქნება ხელშეკრულების გაფორმების შემდეგ, შემსყიდველის მიერ გამოგზავნილ წერილობითი შეტყობინებაში.

2.2.1.1 ტენდერში მონაწილე პრეტენდენტს უკანასკნელი წლების განმავლობაში (2022 წლის 1 იანვრიდან ტენდერის გამოცხადების დღემდე) შესრულებული უნდა ჰქონდეს ტენდერით გათვალისწინებული ანალოგიური ხასიათის, სირთულისა და შინაარსის (სანიაღვრე არხების მოვლა-ექსპლოატაცია) მომსახურება საერთო ღირებულებით არანაკლებ 4 000 000 (ოთხი მილიონი) ლარის ოდენობით;
2.2.1.2 პრეტენდენტმა უნდა წარმოადგინოს ტენდერით გათვალისწინებული ანალოგიური ხასიათის, სირთულისა და შინაარსის სამუშაოს შესრულების დამადასტურებელი დოკუმენტების ასლები (ხელშეკრულების ასლები, მიღება-ჩაბარების აქტის ასლები, ფორმა №2 ან/და ანალოგიური ტიპის დოკუმენტები, საიდანაც შესაძლებელია სამუშაოების შინაარსისა და ღირებულებების იდენტიფიცირება).
2.2.1.3 იმ შემთხვევაში თუ პრეტენდენტი გამოცდილების სახით წარმოადგენს არასახელმწიფო შესყიდვის ხელშეკრულებებსა და მათი შესრულების დოკუმენტაციას, გარდა „2.2.1.2“ ქვეპუნქტით მოთხოვნილი დოკუმენტაციისა პრეტენდენტი ვალდებულია დამატებით წარმოადგინოს აღნიშნულ სამუშაოებზე დადასტურებული საგადასახადო ანგარიშ-ფაქტურების ქსეროასლები.ამასთან, სახელმწიფო შესყიდვის ხელშეკრულების ქვეკონტრაქტორობის შემთხვევაში, პრეტედენდენტმა დამატებით უნდა წარმოადგინოს ამ ხელშეკრულებაში მითითებული ქვეკონტრაქტორთან დაკავშირებული მოთხოვნების შესაბამისი დოკუმენტები (შეტყობინება, ან/და თანხმობა, ან/და % შეზღუდვა და სხვა) (ხელშეკრულებაში ასეთი მოთხოვნის არსებობის შემთხვევაში).
2.2.1.4 სატენდერო დოკუმენტაციის მოთხოვნებთან შესაბამისობის დადასტურების მიზნით, უცხოური საწარმოს/უცხოური საწარმოს ფილიალის/წარმომადგენლობის მიერ ან სახელმწიფო შესყიდვების ერთიან ელექტრონულ სისტემაში სხვა პრეტენდენტის მიერ წარმოგენილ უცხო ქვეყანაში შედგენილ გამოცდილების შესახებ დოკუმენტზე ხელმოწერები დამოწმებული უნდა იყოს ნოტარიუსის ან შესაბამისი საჯაროსამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა-ლეგალიზებული ან აპოსტილით დამოწმებული და მას თან უნდა ერთვოდეს ნოტარიულად დამოწმებული ქართული თარგმანი.
2.2.1.5 სახელმწიფო შესყიდვის შემთხვევაში, თუ პრეტენდენტის მიერ მითითებული იქნება NAT/SPA/CMR ან სხვა ნომრები და ხელშეკრულების შესრულების მიმდინარეობის ანგარიშზე არსებული ინფორმაციებით და ატვირთული დოკუმენტაციებით შესაძლებელი იქნება სამუშაოების შინაარსისა და ღირებულებების იდენტიფიცირება, დამატებითი დოკუმენტის წარმოდგენას არ საჭიროებს.
2.2.1.6 ინფორმაცია წარმოდგენილ უნდა იქნეს დანართის შესაბამისად.

2.3.1.1 პრეტენდენტს საკუთრებაში უნდა გააჩნდეს მინიმუმ:
- ორი ერთეული თვითმცვლელი
- ორი ერთეული ბორტიანი გადამყვანი
- ორი ერთეული გამრეცხი ავტომანქანა ჭურვით
- ექვსი ერთეული ამოტუმბვის ავტომანქანა
- ოთხი ერთეული ბორბლებიანი ექსკავატორი
- ორი ერთეული მაღალი წარმადობის ტუმბო
- ორი ერთეული მაღალი გამავლობის ტრანსპორტი
2.3.1.2 პრეტენდნეტის მიერ წარმოდგენილი უნდა იქნას საკუთრების დამადასტურებელი დოკუმენტების ასლები.
2.3.1.3 ტექნიკური საშუალებები განლაგებული უნდა იყოს საქართველოს ტერიტორიაზე (ადგილმდებარეობის მითითებით).
2.3.1.4 ინფორმაცია ასევე წარმოდგენილი უნდა იქნას დანართის(.pdf) შესაბამისად.

2.8.1.1 მიმწოდებელი ვალდებულია შემსყიდველს წერილობითი ფორმით მიაწოდოს ინფორმაცია შესყიდვის ობიექტზე მომუშავე ყველა ქვეკონტრაქტორი ორგანიზაციის შესახებ ამ ორანიზაციათა გამოცდლების შესახებ ინფორმაციაზე მითითებით არაუგვიანეს 5 დღით ადრე სანამ ქვეკონტრაქტორი შეუდგება საქმიანობას.
2.8.1.2 აღნიშნულ ვადაში შესაბამისი ინფორმაციის წარმოუდგენლობის ან/და არასრულად წარმოდგენის შემთხვევაში, მიმწოდებელს დაეკისრება ერთჯერადი ჯარიმა 1000 (ათასი) ლარის ოდენობით, ხოლო აღნიშნული პუნქტით განსაზღვრული ვადის 10 (ათი) კალენდარულ დღეზე მეტით დარღვევის შემთხვევაში, შემსყიდველი უფლებამოსილია ცალმხრივად შეწყვიტოს ხელშეკრულება და მოითხოვოს ზიანის ანაზღაურება.
2.8.1.3 მიმწოდებელი ვალდებულია, შემსყიდველის დასაბუთებული მოთხოვნის შემთხვევაში, შეცვალოს ქვეკონტრაქტორი კომპანია, რომელიც არაჯეროვნად (უხარისხოდ/დაგვიანებით) ასრულებს სამუშაოებს. აღნიშნული მოთხოვნა უნდა დაკმაყოფილდეს არაუგვიანეს 15 (თხუთმეტი) კალენდარული დღისა. ხსენებული ვადის დარღვევის შემთხვევაში, მიმწოდებელს დაეკისრება ჯარიმა 1000 (ათასი) ლარის ოდენობით. ამასთან, აღნიშნული ვადის 10 (ათი) კალენდარულ დღეზე მეტით გადაცილების შემთხვევაში. მიმწოდებელს დამატებით დაეკისრება პირგასამტეხლო ხელშეკრულების საერთო ღირებულების 0.05 (ნული მთელი ხუთი მეასედი) %-ის ოდენობით ყოველ ვადაგადაცილებულ დღეზე ან შემსყიდველი ისარგებლებს ხელშეკრულების ცალმხრივად მოშლის უფლებით და მოითხოვს ზიანის ანაზღაურებას.

4.1.1.1 სავარაუდო ღირებულებასთან შედარებით საბოლოო ფასის 20%-ით ან მეტით კლების შემთხვევაში ფასწარმოქმნის ადეკვატურობის დასადასტურებლად პრეტენდენტმა უნდა წარმოადგინოს: სსიპ „ლევან სამხარაულის სახელობის სასამართლო ექსპერტიზის ეროვნული ბიუროს“ ან სხვა აკრედიტებული პირის დასკვნა (აკრედიტებული პირის მიერ გაცემულ დასკვნასთან ერთად წარმოდგენილ უნდა იქნას დასკვნის გამცემი პირის აკრედიტაციის დამადასტურებელი დოკუმენტის ასლი);
4.1.1.2 ფასწარმოქმნის ადეკვატურობის დამადასტურებელი დოკუმენტი შედგენილი და გაცემული უნდა იყოს საქართველოს მთავრობის 2017 წლის 26 სექტემბრის N439 დადენილებით დამტკიცებული "სამშენებლო სამუშაოების ხარჯთაღრიცხვის ფასწარმოქმნის ადეკვატურობის დადგენის მეთოდის" მოთხოვნების შესაბამისად;
4.1.1.3 პრეტენდენტის მიერ წარმოდგენილი ექსპერტიზის დასკვნა უნდა პასუხობდეს კონკრეტულად დასმულ კითხვას: პრეტენდენტის მიერ წარმოდგენილი ხარჯთაღრიცხვით შესაძლებელია თუ არა საპროექტო-სახარჯთარრიცხვო დოკუმენტაციით გათვალისწინებული სამუშაოების შესრულება.

5 Процентов

10 Процентов

6.3.1 ხელშეკრულების უზრუნველყოფის საბანკო გარანტიის მოქმედების ვადა 60 (სამოცი) კალენდარული დღით უნდა აღემატებოდეს ხელშეკრულებით გათვალისწინებული სამუშაოების შესრულების ვადას

6.4.1 უპირობო, გამოუთხოვადი ხელშეკრულების შესრულების გარანტია წარმოდგენილი უნდა იქნას საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან, ეროვნულ ვალუტაში - ლარში. შემდეგი ფორმის დაცვით: დაბეჭდილი გარანტიის გამცემი დაწესებულების ტიტულიან ფურცელზე (ბლანკი), ხელმოწერილი უფლებამოსილი პირის მიერ და ბეჭედდასმული.

7.2.1 ანგარიშსწორების ფორმა - უნაღდო, ვალუტა - ლარი.
7.2.2 ანგარიშსწორება მიმწოდებელთან განხორციელდება ეტაპობრივად, მიღება-ჩაბარების აქტის გაფორმების, გადახდის სერთიფიკატის და დღგ-ს ანგარიშ-ფაქტურის წარმოდგენის შემდეგ;
7.2.3 თუ შემსყიდველის მიერ ხელშეკრულებით განსაზღვრული შესასრულებელი სამუშაოების ღირებულებამ არ შეადგინა გამარჯვებულ ორგანიზაციასთან დადებული ხელშეკრულებით გათვალისწინებული თანხა, ასეთ შემთხვევაში შემსყიდველი გადაუხდის მიმწოდებელს ფაქტიურად შესრულებული სამუშაოების მოცულობების ღირებულებას. აღნიშნულიდან გამომდინარე მიმწოდებელს პრეტენზია არ უნდა გააჩნდეს აუთვისებელ სამუშაოთა მოცულობების ღირებულების ანაზღაურებაზე.
7.2.4 საავანსო ანგარშსწორება არ გამოიყენება.

7.3.1. ანგარიშსწორებისთვის აუცილებელი დოკუმენტების სრულყოფილად გაფორმებიდან არაუგვიანეს 10 (ათი) სამუშაო დღის განმავლობაში

მარიკა ვარშალომიძე, 593142828, ketilmotskobaspa@gmail.com ტექნიკურ საკითხებთან დაკავშირებით მიმართეთ ნოდარ ძირკვაძეს 597036555

10.1.1 ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე, რომელშიც, თარგმანის სისწორე ან/და მთარგმნელის ხელმოწერის ნამდვილობა დამოწმებული უნდა იყოს ნოტარიული წესით;
10.1.2 სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა.