Ремонт и техническое обслуживание транспортных средств и оборудования и сопутствующие услуги (Грузия - Тендер #59336567)

შესყიდვის ობიექტია სსიპ - დაცული ტერიტორიების სააგენტოს ბალანსზე რიცხული ავტომობილების და მათთან დაკავშირებული მოწყობილობების შეკეთება და ტექნიკური მომსახურება თანმდევი საქონლით.

გასაწევი მომსახურების აღწერილობა (ტექნიკური დავალება) და პირობები:

მიმწოდებელმა უნდა უზრუნველყო
• ავტოსატრანსპორტო საშუალებების პროფილაქტიკური და დიაგნოსტიკური მომსახურება, მათ შორის სათადარიგო ნაწილების შეკეთება ან/და შეცვლა;
• საცხებ–საპოხი მასალების შეცვლა;
• საჭიროების შემთხვევაში ევაკუატორით მომსახურება.

ავტომანქანის დაზიანებული ნაწილი უნდა შეიცვალოს ახალი/არამეორადი შესაბამისი სტანდარტების მქონე (მაღალი ხარისხის) სათადარიგო ნაწილით (მეორადი ნაწილის გამოყენება შესაძლებელია მხოლოდ შემსყიდველის მოთხოვნის შემთხვევაში, რაზედაც დამატებით გაფორმდება ურთიერთშეთანხმების აქტი).

მომსახურების მიწოდების პერიოდში, მიმწოდებლის ბრალეულობით ავტოსატრანსპორტო საშუალების დაზიანების შემთხვევაში, შემსყიდველისათვის მიყენებული ზიანის აღმოფხვრის ხარჯების ანაზღაურება სრულად ეკისრება მიმწოდებელს.

მიმწოდებელმა უნდა უზრუნველყოს წინამდებარე ტენდერის სატენდერო პირობებით განსაზღვრული (პრეისკურანტი) ტექნიკური მომსახურების გაწევა როგორც ქ. თბილისში, ასევე რეგიონებში, მის მიერ ტექნიკური დოკუმენტაციით წარმოდგენილ შესაბამის სერვის-ცენტრებში (ადგილმდებარეობის მიხედვით - მითითებულ მისამართზე). მხოლოდ გამონაკლის შემთხვევაში, სააგენტოს წარმომადგენლის თანხმობის შემდეგ იქნება შესაძლებელი ავტომანქანის შესაკეთებლად მისი სხვა სერვის-ცენტრში გადაყვანა, ისიც მიმწოდებლის ხარჯებით.

თუ ხელშეკრულების დადების შემდეგ, ხელშეკრულების მოქმედების პერიოდში აღმოჩნდება, რომ პრეისკურანტში არ არსებობს რომელიმე სახის სათადარიგო ნაწილი/საცხებ-საპოხი მასალა/მომსახურება, აღნიშნული გასაწევი მომსახურების ერთეულის ფასი დადგინდება შემსყიდველი ორგანიზაციისა და მიმწოდებლის შეთანხმებით საბაზრო ფასის გათვალისწინებით. ასეთ შემთხვევაში პრეისკურანტში შესაბამისი მომსახურების ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.

იმ შემთხვევაში, თუ ფასების ცხრილში მითითებული ნაწილი/მომსახურება ამა თუ იმ ავტოსატრანსპორტო საშუალებას არ გააჩნია, პრეტენდენტმა შესაბამის გრაფაში უნდა გააკეთოს აღნიშვნა „X“, ხოლო თუ ხელშეკრულების მოქმედების პერიოდში აღმოჩნდება, რომ ფასების ცხრილის გრაფაში „X“ სიმბოლოთი აღნიშნული ნაწილი/მომსახურება არსებობს და დასჭირდება ავტოსატრანსპორტო საშუალებას, გამარჯვებული უსასყიდლოდ განახორციელებს ნაწილის/მომსახურების მიწოდებას.

თუკი, ფასების ცხრილში მითითებულ რომელიმე პოზიციაზე პრეტენდენტი საქონელსა და მომსახურებას გვთავაზობს უფასოდ, ერთეულის ფასის შესაბამის გრაფაში უნდა ჩაიწეროს ციფრი „0”.

პრეტენდენტის მიერ პრეისკურანტის საერთო ფასის შემცირების შემთხვევაში, ფასის კლება პროცენტულად და პროპორციულად უნდა აისახოს პრეისკურანტების (როგორც საბოლოო ასევე თავდაპირველი) წარმოდგენისას, პრეისკურანტების თითოეულ პოზიციაზე ფასის კლება უნდა განხორციელდეს, მინიმუმ შესყიდვის სავარაუდო (პრეისკურანტის) ღირებულებასა და პრეტენდენტის მიერ სისტემაში დაფიქსირებულ, პრეისკურანტების საბოლოო ჯამურ ღირებულებას შორის არსებული პროცენტული სხვაობის მიხედვით შესყიდვის სავარაუდო (პრეისკურანტის) ღირებულებასთან მიმართებაში.

პრეტენდენტი ვალდებულია, პრეისკურანტებში მითითებული ერთეულის ღირებულებები გამოსახოს და შესაბამისად გაიანგარიშოს ლარის მეასედის - თეთრების სიზუსტით (მძიმის შემდეგ ორი ციფრი).

შენიშვნა: ს.ს.ი.პ დაცული ტერიტორიების სააგენტოს სარგებლობაში არსებული ავტომანქანების ჩამონათვალი მოცემულია დანართში #2.

1) მომსახურების გაწევა უნდა განხორციელდეს ეტაპობრივად ხელშეკრულების გაფორმებიდან მაგრამ არაუადრეს 2025 წლის 1 იანვრიდან - 2025 წლის 31 დეკემბრის ჩათვლით, შემსყიდველის მოთხოვნის შესაბამისად.

2) მომსახურების დაწყება უნდა განხორციელდეს შემსყიდველის სიტყვიერი ან წერილობითი მოთხოვნიდან დაუყოვნებლივ, რიგგარეშე, ამასთან მომსახურების ვადა თითოეულ შემთხვევაზე არ უნდა აღემატებოდეს: სავალი ნაწილებისათვის - არაუმეტეს 2 დღეს; ელექტროობისათვის - 1 დღეს; ძირითდი აგრეგატებისათვის - არაუმეტეს 3 დღეს. იმ შემთხვევაში თუ საჭიროა ძრავის კაპიტალური რემონტის ჩატარება შესაძლებელია მომსახურების ვადა განისაზღვროს შემსყიდველთან შეთანხმებით, მაგრამ არაუმეტეს 10 კალენდარული დღეს, ხოლო თუ ავტოტექმომსახურება ეხება დეფიციტური სათადარიგო ნაწილით უზრუნველყოფას, მომსახურების გაწევის ვადა განისაზღვრება არაუმეტეს 15 (თხუთმეტი) კალენდარული დღით. ამასთან, სათადარიგო ნაწილი არ ჩაითვლება დეფიციტურად თუ საქართველოს ბაზარზე მოიძებნა ერთი მიმწოდებელი მაინც, რომელიც ახორციელებს შესაბამისი სათადარიგო ნაწილის რეალიზაციას.

1) მიმწოდებელმა მომსახურების მიწოდება უნდა უზრუნველყოს არანაკლებ 5 სერვის ცენტრის საშუალებით საქართველოს მასშტაბით, მათ შორის:
1. ქ. თბილისი - მინიმუმ 1 (ერთი) სერვისცენტრი,
2. იმერეთის რეგიონი - მინიმუმ 1 (ერთი) სერვისცენტრი,
3. კახეთის რეგიონი - მინიმუმ 1 (ერთი) სერვისცენტრი,
4. სამცხე-ჯავახეთის რეგიონი - მინიმუმ 1 (ერთი) სერვისცენტრი.
5. აჭარის რეგიონი - მინიმუმ 1 (ერთი) სერვისცენტრი.
თითოეული სერვისცენტრი უნდა იყოს პრეტენდენტის სარგებლობაში ან მმართველობაში (საკუთრება ან იჯარა ან სუბკონტრაქტორი). პრეტენდენტმა იჯარის (სარგებლობაში/მმართველობაში) ან/და სუბკონტრაქტორის არსებობის შემთხვევაში აღნიშნულის დადასტურება უნდა განახორციელოს შესაბამისი ხელშეკრულებების საფუძველზე. საკუთრების შემთხვევაში აღნიშნულის დადასტურება უნდა განახორციელოს შესაბამისი საკუთრების დამადასტურებელი დოკუმენტები საფუძველზე.

2) შემსყიდველის წარმომადგენლის მიერ ავტომანქანის მიმწოდებლის სერვისცენტრში (მათ შორის სუბკონტრაქტორის სერვისცენტრში) შეყვანიდან მაქსიმუმ 1 (ერთი) სამუშაო დღის განმავლობაში მიმწოდებელი ვალდებულია შეადგინოს დეფექტური აქტი, რომლის ელექტრონული ვერსია უნდა გაუგზავნოს შემსყიდველის მიერ გამოყოფილ თანამშრომელს ელექტონული ფოსტის მისამართზე შემდგომი შეთანხმებისათვის, მხოლოდ შემსყიდველის სიტყვიერი ან ელექტრონული ფოსტით თანხმობის შემთხვევაში მიმწოდებელმა უნდა დაიწყოს მომსახურების გაწევა.

დეფექტურ აქტს „შემსყიდველის“ მხრიდან ხელს აწერს სსიპ ,,დაცული ტერიტორიების სააგენტოს” ის თანამშრომელი (პიროვნება რომელზედაც განპირობებულია ავტომანქანა), რომელიც უშუალოდ მიიყვანს ავტომანქანას სერვისცენტრში, ხოლო „მიმწოდებლის“ მხრიდან მის მიერ უფლებამოსილი პირი.

გაწეულ მომსახურებაზე და შეცვლილ სათადარიგო ნაწილებზე ვრცელდება შემდეგი საგარანტიო პირობები: სათადარიგო ნაწილებზე (გარდა სწრაფცვეთადი ნაწილებისა (კერძოდ, გახურების ნათურები, ანთების სანთლები, გახურების სანთლები, დამცველები, სამუხრუჭე ხუნდები, გადაბმულობის ამყოლი და მიმყოლი რგოლები (ფრიქციონები), ზეთის, კონდიციონერის, ჰაერისა და საწვავის ფილტრები, მინის მრეცხავები, ანთების საკონტაქტო ერთეულები და მტვერდამცავები (პილნიკები)) 6 (ექვსი) თვე. ძირითად აგრეგატებზე (ძრავი, გადაცემატა კოლოფი ხიდი, საჭის მექანიზმი (რულავოი კალონკა), ხიდის გამაძლიერებელი (რაზდატკა) 1 (ერთი) წელი, შეკეთებულ სათადარიგო ნაწილებზე გარანტია უნდა ვრცელდებოდეს მინიმუმ 6 (ექვსი) თვის განმავლობაში, აღნიშნული პერიოდის განმავლობაში მიმწოდებელი ვალდებულია დაზიანებისა და წუნის აღმოჩენიდან „10 (ათი)“ სამუშაო დღის ვადაში (განსაკუთრებულ შემთხვევაში გონივრულ ვადაში) ზედმეტი დანახარჯების გარეშე საკუთარი ხარჯებით (ევაკუატორისა და სხვა მომსახურებეი/ნაწილები), აღმოფხვრას აღმოჩენილი წუნი/დაზიანება.
საგარანტიო ვადაში წუნის აღმოფხვრისათვის განხორციელებულ მომსახურებაზე ან/და შეცვლილ დეფექტურ სათადარიგო ნაწილზე, მიმწოდებელმა ხელახლა უნდა გაავრცელოს გარანტია, სათადარიგო ნაწილებზე (გარდა სწრაფცვეთადი ნაწილებისა) 6 (ექვსი) თვე. ძირითად აგრეგატებზე (ძრავი, გადაცემატა კოლოფი ხიდი, საჭის მექანიზმი (რულავოი კალონკა), ხიდის გამაძლიერებელი (რაზდატკა) 1 (ერთი) წელი, შეკეთებულ სათადარიგო ნაწილებზე გარანტია უნდა ვრცელდებოდეს მინიმუმ 6 (ექვსი) თვე,

1. პრედენდენტს უნდა გააჩნდეს ანალოგიური მომსახურების განხორციელების გამოცდილება 2022 და 2023 წლებში (თვითოეული წლისათვის ცალ-ცალკე) არანაკლებ 150 000 ლარზე თითო ხელშეკრულების ფარგლებში.

2. პრეტენდენტმა უნდა წარმოადგინოს 2022 და 2023 წლებში (თვითოეული წლისათვის ცალ-ცალკე) გაწეულ მომსახურებებზე სარეკომენდაციო წერილ(ებ)ი, რომელთაგან არანაკლებ 1 (ერთი) გაცემული უნდა იყოს სახელმწიფო შესყიდვების ერთიან ელექტრონულ სისტემაში შემსყიდველის სტატუსით ფიქსირებული შემსყიდველი ორგანიზაცი(ებ)ისაგან ანალოგიური მომსახურების გაწევის თაობაზე, რომელთა ღირებულებაც თითოეულისათვის არ უნდა იყოს 100 000 (ასი ათასი) ლარზე ნაკლები;

შენიშვნა:

გამოცდილების დადასტურების მიზნით პრეტენდენტი ვალდებულია წარმოადგინოს, საანგარიშო პერიოდში ანალოგიური მომსახურების გაწევის გამოცდილების დამადასტურებელი მხარეთა მიერ ხელმოწერილი დოკუმენტები: ხელშეკრულებები, მათი შესრულების დამადასტურებელი დოკუმენტები: მიღება-ჩაბარების აქტები და დადასტურებული ანგარიშფაქტურები.

სახელმწიფო შესყიდვის შესახებ ხელშეკრულებ(ებ)ის არსებობის შემთხვევაში საკმარისია შესაბამისი განცხადების ნომრ(ებ)ის (SPA, NAT, DAP და ა.შ.) წარმოდგენა.

ინფორმაცია სერვის-ცენტრ(ებ)ის შესახებ მისამართ(ებ)ის, ბოქსების რაოდენობისა და ხელსაწყო/დანადგარების მითითებით.
1.) საქართველოს მაშტაბით პრეტენდენტს უნდა გააჩნდეს არანაკლებ 5 სერვის ცენტრი, მათ შორის:
ა.) ქ.თბილისში - მინიმუმ 1 (ერთი) სერვისცენტრი, არანაკლებ 5 (ხუთი) ,,ბოქსით“
ბ.) იმერეთის რეგიონში - მინიმუმ 1 (ერთი) სერვისცენტრი, არანაკლებ 4 (ოთხი) ,,ბოქსით“
გ.) კახეთის რეგიონში - მინიმუმ 1 (ერთი) სერვისცენტრი, არანაკლებ 4 (ოთხი) ,,ბოქსით“
დ.) სამცხე ჯავახეთის რეგიონში - მინიმუმ 1 (ერთი) სერვისცენტრი. არანაკლებ 4 (ოთხი) ,,ბოქსით“
ე.) აჭარის რეგიონში - მინიმუმ 1 (ერთი) სერვისცენტრი, არანაკლებ 4 (ოთხი) ,,ბოქსით“
შენიშვნა: თითოეული სერვისცენტრი უნდა იყოს პრეტენდენტის სარგებლობაში ან მმართველობაში (საკუთრება ან იჯარა ან სუბკონტრაქტორი).

2.) ქ. თბილისში არსებულ სერვის ცენტრ(ებ)ში პრეტენდენტს უნდა გააჩნდეს არანაკლებ შემდეგი ხელსაწყო დანადგარები:
• ავტომანქანის არანაკლებ 3 ამწე მექანიზმი;
• საბურავის დაშლა აწყობის და ბალანსირების დანადგარი;
• თვლების შეყრის (რაზვალი) დანადგარი;
• კომპიუტერული დიაგნოსტიკის მოწყობილობა;
• საყრდენი დისკოს გასაჩარხი მოწყობილობა;
• ავტომატურ გადაცემათა კოლოფში ზეთის შეცვლის აპარატი;
• ძრავში ზეთის შესაცვლელი აპარატი;
• ელექტრო მომარაგების სარეზერვო წყარო (გენერატორი);
• სერვისცენტრში სამუშაო ფართობი დაფარული უნდა იყოს ბეტონის ან მსგავსი ზედაპირით;
• სერვისცენტრი დაცული უნდა იყოს ჰიგიენური, სახანძრო და ტექნიკური უსაფრთხოების ნორმები;
• დათვალიერების ორმო;
• დიზელის მაღალი წნევის ტუმბოს დიაგნოსტიკის, მფრქვევანების („ფარსონკების“) დიაგნოსტიკისა და აღდგენის დანადგარები

შენიშვნა: იმის გათვალისწინებთ, რომ დიზელის მაღალი წნევის ტუმბოს დიაგნოსტიკის, მფრქვევანების („ფარსონკების“) დიაგნოსტიკისა და აღდგენის დანადგარებით მომსახურება მომავალში სავარაუდოდ პრეტენდენტისათვის შეიძლება წარმოადგენდეს ქვეკონტრაქტორ კომპანიით სარგებლობის ალბათობას, ასეთ შემთხვევაში პრეტენდენტისაგან მოითხოვება მხოლოდ ქვეკონტრაქტორთან გაფორმებული ხელშეკრულება, ქვეკონტრაქტორის გამოცდილების მოთხოვნის გარეშე.


3) იმერეთის, კახეთის, სამცხე ჯავახეთის და აჭარის რეგიონებში არსებულ სერვის ცენტრ(ებ)ში პრეტენდენტს უნდა გააჩნდეს არანაკლებ შემდეგი ხელსაწყო დანადგარები:
• ავტომანქანის არანაკლებ 3 ამწე მექანიზმი;
• საბურავის დაშლა აწყობის და ბალანსირების დანადგარი;
• თვლების შეყრის (რაზვალი) დანადგარი;
• კომპიუტერული დიაგნოსტიკის მოწყობილობა;
• საყრდენი დისკოს გასაჩარხი მოწყობილობა;
• ავტომატურ გადაცემათა კოლოფში ზეთის შეცვლის აპარატი;
• ძრავში ზეთის შესაცვლელი აპარატი;
• ელექტრო მომარაგების სარეზერვო წყარო (გენერატორი);
• სერვისცენტრში სამუშაო ფართობი დაფარული უნდა იყოს ბეტონის ან მსგავსი ზედაპირით;
• სერვისცენტრი დაცული უნდა იყოს ჰიგიენური, სახანძრო და ტექნიკური უსაფრთხოების ნორმები;
• დათვალიერების ორმო;

შენიშვნა:
პრეტენდენტის სერვისცენტრებში დაცული უნდა იყოს ჰიგიენური და შრომის უსაფრთხოების ნორმები.

სერვისცენტრის (მინიმუმ თბილისში და ქუთაისში შემოთავაზებული სერვისცენტრი) ავტოსადგომის ნაწილი იყოს მოასფალტირებული ან დამუშავებული სხვა ისეთი სახის საფარით რაც განაპირობებს ნალექის მოსვლის შემთხვევაში სუფთა გარემოს.

სერვისცენტრი აღჭურვილი უნდა იყოს სათვალთვალო კამერებით (მოთხოვნის შემთხვევაში შემსყიდველს აქვს უფლება გამოითხოვოს სათვალთვალო კამერების საშუალებით გადაღებული ვიდეომასალა)

პრეტენდენტს სერვისცენტრ(ებ)ის ტერიტორაზე უნდა გააჩნდეს სათადარიგო ნაწილების სათავსო:
სათავსო უნდა შეიცავდეს პრეისკურანტით გათვალისწინებული ავტოსატრანსპორტო საშუალებების ძირითად ნაწილზე სავალი ნაწილის სწრაფცვეთად დეტალებს (წინა და უკანა სამუხრუჭე ხუნდებს), ზეთის, ჰაერის, საწვავისა და კონდენციონერის ფილტრებს, მინის მწმენდებსა და ძრავის ზეთებს.

სერვისცენტრის მატერიალურ-ტექნიკურ ბაზასთან განსაზღვრული მოთხოვნების დადასტურებას/შემოწმებას საჭიროების შემთხვევაში განახორციელებენ სსიპ დაცული ტერიტორიების სააგენტოს წარმომადგენლები, ადგილზე მისვლით (დათვალიერებით).

1. ქვეკონტრაქტორის არსებობის შემთხვევაში პრეტენდენტმა უნდა წარმოადგინოს მასსა და ქვეკონტრაქტორს შორის გაფორმებული შესაბამისი ხელშეკრულება, რომელიც ძალაში უნდა იყოს არანაკლებ 2025 წლის 31 დეკემბრის ჩათვლით (აღნიშნული ვადის გასვლა კონტრაქტორს არ ათავისუფლებს ქვეკონტრაქტორის მიერ გაწეული მომსახურების და მომსახურების დროს გამოყენებული სათადარიგო ნაწილების საგარანტიო ვალდებულებიდან) და რომლის შესყიდვის საგანსაც უნდა წარმოადგენდეს წინამდებარე სატენდერო დოკუმენტაციით გათვალისწინებული ავტომანქანების ტექნიკური მომსახურება. ასევე ქვეკონტრაქტორის არსებობის შემთხვევაში პრეტენდენტმა უნდა წარმოადგინოს ქვეკონტრაქტორის უფლებამოსილი პირის მიერ ხელმოწერითა და ბეჭდით დამოწმებული წინამდებარე სატენდერო დოკუმენტაციით გათვალისწინებული მომსახურების შესრულების შესახებ მზაობა;

2. ქვეკონტრაქტორის არსებობის შემთხვევაში პრეტენდენტმა უნდა წარმოადგინოს ინფორმაცია ქვეკონტრაქტორის გამოცდილების შესახებ, ქვეკონტრაქტორს უნდა გააჩნდეს ანალოგიური მომსახურების განხორციელების გამოცდილება 2022 და 2023 წლებში, თვითოეული წლისათვის ცალ-ცალკე არანაკლებ 50 000 ლარზე თითო ხელშეკრულების ფარგლებში.

3. ქვეკონტრაქტორის არსებობის შემთხვევაში პრეტენდენტმა უნდა წარმოადგინოს ქვეკონტრაქტორის სახელზე გაცემული 2022 და 2023 წლებში (თვითოეული წლისათვის ცალ-ცალკე) ანალოგიური მომსახურების გაწევის თაობაზე სარეკომენდაციო წერილ(ებ)ი, რომელთა ღირებულებაც ჯამში არ უნდა იყოს 40 000 (ორმოცი ათასი) ლარზე ნაკლები;

შენიშვნა:

ქვეკონტრაქტორის გამოცდილების დადასტურების მიზნით პრეტენდენტი ვალდებულია წარმოადგინოს, საანგარიშო პერიოდში ანალოგიური მომსახურების გაწევის გამოცდილების დამადასტურებელი მხარეთა მიერ ხელმოწერილი დოკუმენტები: ხელშეკრულებები, მათი შესრულების დამადასტურებელი დოკუმენტები: მიღება-ჩაბარების აქტები და დადასტურებული ანგარიშფაქტურები (ასეთის არსებობის შემთხვევაში).

სახელმწიფო შესყიდვის შესახებ ხელშეკრულებ(ებ)ის არსებობის შემთხვევაში თუ მოცემული დოკუმენტები ატვირთულია სახელმწიფო შესყიდვების ერთიან ელექტრონულ სისტემაში საკმარისია შესაბამისი განცხადების ნომრ(ებ)ის (SPA, NAT, DAP და ა.შ.) წარმოდგენა.


შენიშვნა:

იმის გათვალისწინებთ, რომ დიზელის მაღალი წნევის ტუმბოს დიაგნოსტიკის, მფრქვევანების („ფარსონკების“) დიაგნოსტიკისა და აღდგენის დანადგარებით მომსახურება მომავალში სავარაუდოდ პრეტენდენტისათვის შეიძლება წარმოადგენდეს სხვა ქვეკონტრაქტორი (ტენდერით შემოთავაზებული ქვეკონტრაქტორის გარდა დამატებით ქვეკონტრაქტორი კომპანია კონკრეტულად ზემოაღნიშნულ მომსახურებაზე) კომპანიით სარგებლობის ალბათობას, ასეთ შემთხვევაში პრეტენდენტისაგან მოითხოვება მხოლოდ ქვეკონტრაქტორთან გაფორმებული ხელშეკრულება, კონკრეტულზე ქვეკონტრაქტორის გამოცდილების მოთხოვნის გარეშე

პრეტენდენტოის მიერ სისტემის მეშვეობით წარმოსადგენი ინფორმაცია/დოკუმენტაცია:

1. ფასების ცხრილი (დანართი #1-პეისკურანტი)
2. პრეტენდენტის გამოცდილებასთან დაკავშირებული ინფორმაცია (2.2.1 პუნქტის გათვალისწინებით - სარეკომენდაციო წერილ(ებ)ი);
3. ინფორმაცია სერვის-ცენტრ(ებ)ის შესახებ მისამართ(ებ)ის, ბოქსების რაოდენობისა და ხელსაწყო/დანადგარების მითითებით (2.3.1 პუნქტის გათვალისწინებით)
4. ინფორმაცია შემოთავაზებული სერვისცენტრი იმყოფება თუ არა პრეტენდენტის სარგებლობაში ან მმართველობაში (საკუთრება ან იჯარა ან სუბკონტრაქტორი), პრეტენდენტმა იჯარის (სარგებლობაში/მმართველობაში) ან/და სუბკონტრაქტორის არსებობის შემთხვევაში აღნიშნულის დადასტურება უნდა განახორციელოს შესაბამისი ხელშეკრულებების საფუძველზე. საკუთრების შემთხვევაში აღნიშნულის დადასტურება უნდა განახორციელოს შესაბამისი საკუთრების დამადასტურებელი დოკუმენტები საფუძველზე.
5. ინფორმაცია ქვეკონტრაქტორების შესახებ (არსებობის შემთხვევაში) (2.8.1 პუნქტის გათვალისწინებით)

1) იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია შემსყიდველის მოთხოვნის შესაბამისად უზრუნველყოს ფასწარმოქმნის ადეკვატურობის დასაბუთება (დასაბუთება შესაძლებელია განხორციელდეს სსიპ ლევან სამხარაულის სახელობის სასამართლოს ექსპერტიზის ეროვნული ბიუროს ან დამოუკიდებელი ექსპერტის/აუდიტორის მიერ გაცემული დასკვნით რომელიც ადასტურებს პრეტენდენტის მიერ დაფიქსირებულ ფასად სატენდერო წინადადებით ნაკისრი ვალდებულებების შესრულების შესაძლებლობას). იმ შემთხვევაში, თუ პრეტენდენტის მიერ არ იქნა წარმოდგენილი, ან წარმოდგენილი დასაბუთება შემსყიდველის მიერ არ ჩაითვლება დამაკმაყოფილებლად, მოხდება პრეტენდენტის დისკვალიფიკაცია; პრეტენდენტის მიერ წარდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება.

2) ფასწარმოქმნის ადეკვატურობის დამადასტურებელი დოკუმენტ(ებ)ით, ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით

3 Процентов

6 Процентов

ხელშეკრულების უზრუნველყოფის საბანკო გარანტიის მოქმედების ვადა 40 კალენდარული დღით უნდა აღემატებოდეს ხელშეკრულების მოქმედების ვადას (ხელშეკრულების მოქმედების ვადად განისაზღვრება 2025 წლის 31 იანვარი)

1. ტენდერში გამოყენებულ იქნება ხელშეკრულების უზრუნველყოფის საბანკო გარანტია, ხელშეკრულების საერთო ღირებულების 3%–ის ოდენობით (20%-ით და მეტით ფასის დაკლების შემთხვევაში 6%-ის ოდენობით),
2. უპირობო, გამოუთხოვადი ხელშეკრულების შესრულების გარანტია წარმოდგენილი უნდა იქნას საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან, ეროვნულ ვალუტაში - ლარში.

1. ანგარიშსწორება მოხდება, უნაღდო ანგარისწორებით ლარებში.
2. ანგარიშსწორება მიმწოდებელთან განხორციელდება ეტაპობრივად, ხელშეკრულების შესაბამისად გაფორმებული მიღება-ჩაბარების აქტის და შესაბამისი ფინანსური დოკუმენტაციის საფუძველზე.

სატენდერო დოკუმენტაციის 7.2 ველის მე-2 პუნქტში მითითებული დოკუმენტების წარმოდგენიდან არაუგვიანეს 10 (ათი) სამუშო დღის განმავლობაში.

გიგა მენაბდიშვილი, 577925757, giga.menabdishvili@gmail.com

სატენდერო დოკუმენტაციის შესახებ დამატებითი ინფორმაციისა და განმარტებების მიღება პრეტენდენტს შეუძლია „კითხვა-პასუხის“ მოდულის საშუალებით სახელმწიფო შესყიდვების სააგენტოს თავმჯდომარის 2017 წლის 14 ივნისის ბრძანება №12-ის მე-8 მუხლის გათვალისწინებით.

პრეტენდენტმა ფასების ცხრილის წარმოდგენისას უნდა იხელმძღვანელოს სახელმწიფო შესყიდვების სააგენოს 2018 წლის 27 ნოემბრის #12 ბრძანების შესაბამისად.