Вспомогательные услуги при транспортировке по земле, воде и воздуху (Грузия - Тендер #59336564)

შესყიდვის ობიექტია: ავტოსატრანსპორტო საშუალებაზე GPS მოწყობილობის უსასყიდლოდ დამონტაჟება და მათი გამოყენებით სატელიტური მეთვალყურეობის სისტემის საგზაო მოძრაობის მონიტორინგის მომსახურება.

ტექნიკური დავალება დანართი № 1

შესყიდვის ობიექტია: შემსყიდველის კუთვნილ 250 (ორასორმოცდაათი) ერთეულ ავტოსატრანსპორტო საშუალებაზე GPS მოწყობილობის უსასყიდლოდ დამონტაჟება და მათი გამოყენებით სატელიტური მეთვალყურეობის სისტემის საგზაო მოძრაობის მონიტორინგის მომსახურება.
„შემსყიდველის“ მოთხოვნის შესაბამისად „მიმწოდებელმა” არაუგვიანეს 5 სამუშაო დღისა უზრუნველყოს GPS - მოწყობილობების (GPS - მოწყობილობები „მიმწოდებელის” საკუთრება) შემსყიდველის მიერ განსაზღვრულ სატრანსპორტო საშუალებებზე მონტაჟი (მონტაჟი მიმწოდებელმა უნდა განახორციელოს როგორც თბილისში, ასევე სხვადასხვა რეგიონებში).
მომსახურება უნდა განხორციელდეს GPS - მოწყობილობების შემსყიდველის კუთვნილ სატრანსპორტო საშუალებებზე დამონტაჟებიდან (მომსახურების გაწევის ვადის ათვლა დაიწყება GPS – მოწყობილობების სატრანსპორტო საშუალებებზე დამონტაჟების დღიდან) 2025 წლის 31 დეკემბრის ჩათვლით.
• მომსახურება სათანადო მონიტორინგის ცენტრის საშუალებით უნდა განხორციელდეს ყოველდღიურად 24 საათის განმავლობაში (24/7);
• მონიტორინგის სისტემის კომუნიკაცია კლიენტის და ვებ-სერვერს შორის უნდა იყოს დაცული https პროტოკოლით.
• მონიტორინგის განხორციელება შესაძლებელი უნდა იყოს ,,ონლაინ“ ვებსერვერის საშუალებით. მონიტორინგის სისტემაში წვდომა შესაძლებელი უნდა იყოს ნებისმიერ ინტერნეტში ჩართული მოწყობილობიდან Google Chrome, Mozilla Firefox, Internet Explorer, Safari ინტერნეტ ბრაუზერების გამოყენებით, მხოლოდ შესაბამისი პაროლისა და მომხმარებლის სახელის გამოყენებით;
• უნდა გააჩნდეს Google Streets/Satellite, OpenStreetMap, Microsoft Bing რუქების მხარდაჭერა;
• დამკვეთს უნდა გააჩნდეს საშუალება ადმინისტრატორის მომხმარებლიდან შექმნას მომხმარებლების ულიმიტო რაოდენობა უფლებების და სერვისებზე წვდომის მითითებით;
• მონიტორინგის სისტემა საშუალებას უნდა იძლეოდეს შემსყიდველის ავტოსატრანსპორტო საშუალებების მდებარეობის შესახებ ინფორმაციის მიწოდება ხდებოდეს ,,ონლაინ“ რეჟიმში, ამასთან მანქანის პიქტოგრამაზე კურსორის მიტანისას უნდა ისახებოდეს მონაცემები ა/მანქანის მიმდინარე სიჩქარეზე, კოორდინატებზე, ადგილმდებარეობის მისამართზე, ძრავის მდგომარეობაზე (ჩართული/გამორთული), სატრანსპორტო საშუალების აკუმულატორის ძაბვაზე და მიმდინარე დღის განვლილ მანძილზე; ასევე უნდა იყოს შესაძლებელი ავტომობილების სორტირება მინიმუმ შემდეგი პარამეტრების მიხედვით: დღის განმავლობაში განვლილი მანძილის, სიჩქარის, სახელის და ბოლო განახლების მიხედვით.
• მონიტორინგის სისტემას უნდა ქონდეს საშუალება Chrome Notification-ში ინტეგრაციის, რაც მისცემს მომხმარებელს საშუალებას სისტემაში შესვლის გარეშე მიიღოს შეტყობინებები მონიტორინგის სისტემიდან.
• შესაძლებელი უნდა იყოს სატრანსპორტო საშუალების შესახებ სხვა და სხვა ინფორმაციის მიწოდება:
 პერიოდის მიხედვით მოძრაობის ისტორია ვიზუალურად რუქაზე, მოძრაობის ტრაექტორიაზე გაჩერებების მითითებით;
 მითითებული პერიოდის, კვირის დღეების მიხედვით ან საათობრივად განვლილი მანძილის, მოძრაობის დროის და მაქსიმალური სიჩქარის შესახებ ინფრომაციის მიღება;
 პერიოდის მიხედვით მარშრუტზე ინფორმაციის მიღება: მოძრაობის დაწყების დრო და მისამართი, მოძრაობის დასრულების დრო და მისამართი, მოძრაობის ხანგრძლივობა, ძრავის მუშაობის ხანგრძლივობა, განვლილი მანძილი, დაფიქსირებული მაქსიმალური სიჩქარე და საშუალო სიჩქარე;
 პერიოდის მიხედვით ჩართული ძრავით გაჩერების შესახებ ინფომრაციის მიღება, გაჩერების დროის და მისამართის მითითებით;
• მონიტორინგის სისტემას უნდა გააჩნდეს რუქაზე ნებისმიერი ფორმის და ფერის ზონების დამატება, რომლის მეშვეობითაც მოხდება მითითებულ ზონაში გავლილი მანძილის და შესული/გამოსული სატრანსპორტო საშუალებების გაკონტროლება, ამასთან შესვლა/გამოსვლა კონტროლდებოდეს, როგორც „ლაივ“ რეჟიმში შეტყობინების სახით, ისე სტატისტიკურ მონაცემებში ასახვით;
• მონიტორინგის სისტემაში უნდა იყოს შესაძლებელი თითოეული ავტომობილის, ცალკე დამოუკიდებელ ფანჯარაში თვალთვალი. ასევე ამ ფანჯარაში უნდა იყოს შესაძლებელი ავტომობილის დღის დაძვრა/გაჩერებების ნახვა. ავტომობილების ცალ-ცალკე ფანჯარაში გამოტანა უნდა იყოს ულიმიტო.
• მონიტორინგის სისტემაში უნდა იყოს შესაძლებლობა ულიმიტო ობიექტების დამატების, ასევე დამატებულ ობიექტზე დაჭერისას რუქაზე უნდა იხატებოდეს მისი რადიუსი.
• მონიტორინგის სისტემაში უნდა იყოს შესაძლებლობა, რუქაზე მისამართის და კონკრეტული პერიოდის არჩევით - ძებნა, იმყოფებოდა თუ არა რომელიმე ავტომობილი არჩეულ პერიოდში.
• მონიტორინგის სისტემაში შესაძლებელი უნდა იყოს თითოეულ სატრანსპორტო საშუალებაზე მომხმარებელმა მიუთითოს მარკა/მოდელი, შეცვალოს ვიზუალური ხატულა, მიუთითოს მძღოლის/მძღოლების მონაცემები, მაქსიმალური დასაშვები სიჩქარე ( ქუჩების მიხევდით ან ფიქსირებული ), მიუთითოს სატრანსპორტო საშუალებათა ჯგუფი. მაქსიმალური დასაშვები სიჩქარის გადაჭარბების შემთხვევაში, მიიღოს შეტყობინება, როგორც „ლაივ“ რეჟიმში, ისე ასახვა სტატისტიკურ მონაცემებში;
• მონიტორინგის სისტემაში უნდა იყოს გამოყოფილი შეტყობინებების ცალკე მენიუ, სადაც შესაძლებელი იქნება ნებისმიერი შემოსული შეტყობინების სიის სახით ნახვა.
• შესაძლებელი იყოს ყველა ზემოაღნიშნული სტატისტიკური მონაცემების რეპორტების გენერირება დაექსპორტი Excel, PDF ფორმატში;
• მონიტორინგის სისტემა უნდა უზრუნველყოფდეს შეტყობინებების ელ.ფოსტაზე ავტომატურად გადაგზავნას, მითითებული პერიოდის მიხედვით;


მონიტორინგის სისტემას უნდა გააჩნდეს შემდეგი დამატებითი ფუნქციები:
• მარშრუტის დაგეგმვის ფუნქცია;
• ავტომობილის ტექნიკური მომსახურების კონტროლი (მაგ. ძრავის ზეთის შეცვლის პერიოდი, სერვისზე დახარჯული თანხების მითითებით);
• მონიტორინგის სისტემაში უნდა იყოს ე.წ. „დაშბოარდის“ მენიუ სადაც იქნება ნაჩვენები ზოგადი ინფორმაცია ავტომობილებზე გრაფიკის სახით: მინიმუმ უნდა იყოს ნაჩვენები შემდეგი ინფორმაცია: ავტომობილები რომლებიც დგანან ეხლა მათი მისამართი და დრო, შემოსული შეტყობინებები ავტომობილებზე პერიოდის მიხედვით, ტოპ 5 ავტომობილი დარღვევების მიხედვით, სამუშაო და უქმე დღეებში გავლილი მანძილი, ტოპ 5 ავტომობილი გავლილი კმ-ის მიხედვით.
• მონიტორინგის სისტემაში დამატებით ასევე შესაძლებელი უნდა იყოს დაფიქსირებული ვიდეო ჯარიმების ასახვა.
• EcoDrive ფუნქცია, თუ რომელი ავტომობილი მოძრაობს/იმართება ყველაზე ოპტიმალურად (მონიტორინგი ხდება დაძვრა/გაჩერების სისწრაფეზე, მოძრაობის საშუალო სიჩქარეზე);
• დასახლებული პუნქტებში რუკაზე იძებნებოდეს ქუჩები და შენობები დასახელებისა და ნომრების მიხედვით;
• ლოგირების სისტემა (მომხმარებლების სისტემაში შესვლის ისტორია, მომხმარებელის ID,დროის და IP მისამართისმითითებით);
• GPS მოწყობილობას უნდა გააჩნდეს ავტონომიური კვების ელემენტი, რომელიც უზრუნველყოფს მონაცემების გადმოგზავნას მაშინაც, როდესაც დარღვეულია სატრანსპორტო საშუალებასთან კვების წრედი, რის შესახებაც მონიტორინგის სისტემაში „ლაივ“ რეჟიმში ფიქსირდება შეტყობინება და აისახება სტატისტიკურ მონაცემებშიც; შიდა კვების წყარო უნდა იყოს არანაკლებ 700mAh, რისი საშუალებითაც მთავარი კვების შეწყვეტის დროს შესაძლებელი იქნება მონაცემების გადაგზავნა მინიმუმ 4 საათის განმავლობაში;
• მოწყობილობას უნდა გააჩნდეს ასევე აქსელომეტრი, რომლის საშუალებითაც შესაძლებელი იქნება მოწყობილობიდან ინფორმაციის მიღება იმ შემთხვევაში თუ მოხდა მანქანის დაქოქვის გარეშე გადაადგილება, ასევე მკვეთრი აჩქარება-შენელების პარამეტრების დაფიქსირებისთვის;
• GPS მოწყობილობას უნდა გააჩნდეს AGPS (Assisted GPS) ტექნოლოგია, რომლის მეშვეობითაც მოხდება აღნიშნული მოწყობილობის ადგილსამყოფელის უმალვე გადმოგზავნა ავტომობილის მდებარეობის მაქსიმალური სიზუსტით;
• მოწყობილობას უნდა გააჩნდეს ევროსტანდარტებთან, ელექტრომაგნიტურ თავსებადობასთან შესაბამისობის CE, EN 300/301 სერტიფიკატები;
• GPS მოწყობილობა გამართულად უნდა მუშაობდეს -30 C - +85 C ტემპერატურის ფარგლებში;
• მოწყობილობას უნდა ქონდეს საშუალება GSM/GPRS სიგნალის დაფარვის ზონიდან გასვლის შემთხვევაში მინიმუმ 150000 ჩანაწერების შენახვა;
• GPS მოწყობილობები უნდა გამოირჩეოდეს ელ. ენერგიის მოხმარების მცირე პარამეტრებით. სამუშაო რეჟიმში არაუმეტეს 70mA და ძილის რეჟიმში 8mA-ზე ნაკლები. უნდა გააჩნდეს ენერგიის დაზოგვის რეჟიმი, რომლიდანაც უნდა გამოდიოდეს სატრანსპორტო საშუალების მოძრაობის დაწყებისას;
• მხარდაჭერილი უნდა იყოს თავისუფლად ჩამოსატვირთი აპლიკაცია სმარტფონებისთვის, რომლის საშუალებითაც უფლებამოსილ პირს ეძლევა საშუალება განახორციელოს მონიტორინგი სმარტფონების გამოყენებით. აპლიკაცია უნდა წარმოადგენდეს მონიტორინგის განხორციელების სრულფასოვან საშუალებას და მასში უნდა ჩანდეს შემდეგი ინფორმაცია: მანქანის მოძრაობა და ინფორმაცია პირდაპირ ეთერში, ისტორია, სტატისტიკა და შეტყობინებები. აპლიკაცია უნდა მუშაობდეს Android და iOS ოპერაციულ სისტემებზე.
• მონიტორინგის სისტემაში მუშაობასთან დაკავშირებით შემსყიდველის თანამშრომლებს უნდა ჩაუტარდეს ტრენინგი
• მიმწოდებელი ვალდებულია, შემსყიდვლის მითითების შესაბამისად, უსასყიდლოდ მოახდინოს GPS მოწყობილობის გადაადგილება ერთი სატრანსპორტო საშუალებიდან მეორეზე - ულიმიტოდ;
მიმწოდებელი ვალდებულია შემსყიდველისგან შეტყობინების მიღებისთანავე დაიწყოს ხარვეზის ან/და დაზიანების აღმოფხვრა;

2025 წლის 01 იანვრიდან - 2025 წლის 31 დეკემბრის ჩათვლით.

1.მომსახურების გაწევის ადგილი - საქართველო.
2. „შემსყიდველის“ მოთხოვნის შესაბამისად „მიმწოდებელმა” არაუგვიანეს 5 სამუშაო დღისა უნდა უზრუნველყოს GPS - მოწყობილობების სატრანსპორტო საშუალებებზე მონტაჟი.
მონტაჟი მიმწოდებელმა უნდა განახორციელოს როგორც ქ,თბილისში, ასევე რეგიონებში.

1) პრეტენდენტმა უნდა წარმოადგინოს მოწყობილობის ევროსტანდარტებთან, ელექტრომაგნიტურ თავსებადობასთან შესაბამისობის CE, EN 300/301 სერტიფიკატები;

*უცხოენოვანი დოკუმენტ(ებ)ის წარმოდგენის შემთხვევაში, პრეტენდენტი ვალდებულია წარმოადგინოს დოკუმენტის ქართულ ენაზე ნათარგმნი და შესაბამისი ნოტარიული წესით დამოწმებული თარგმანი.

2) პრეტენდენტმა უნდა წარმოადგინოს მწარმოებლის მიერ გაცემული ინფორმაცია ან/და სერთიფიკატი შემოთავაზებული მოწყობილობისა და მისი ტექნიკური მახასიათებების შესახებ, რომელიც უნდა აკმაყოფილებდეს ტექნიკური დავალებით განსაზღვრულ მოთხოვნებს.

*უცხოენოვანი დოკუმენტ(ებ)ის წარმოდგენის შემთხვევაში, პრეტენდენტი ვალდებულია წარმოადგინოს დოკუმენტის ქართულ ენაზე ნათარგმნი და შესაბამისი ნოტარიული წესით დამოწმებული თარგმანი.

სატენდერო წინადადების საერთო და თითოეული ერთეულის ფასის წარმოდგენა დასაშვებია მხოლოდ ეროვნულ ვალუტაში - ლარი.
სხვადასხვა ვალუტაში გამოსახული სატენდერო წინადადებები არ განიხილება.
ენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
დავის შემთხვევაში უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
პრედენდენტს არა აქვს უფლება წარმოადგინოს ალტერნატიული წინადადება.

დაბალი ფასის მქონე პრეტენდენტი ვალდებულია შემსყიდველ ორგანიზაციაში წარმოადგინოს შემოთავაზებული GPS მოწყობილობის ნიმუში. ასევე, პრეტენდენტმა უნდა უზრუნველყოს შემოთავაზებული GPS მოწყობილობის შემსყიდველის კუთვნილ ავტომანქანაზე დამონტაჟება და მისი დატესტვა. დატესტვა უნდა განხორციელდეს გარემოსდაცვით ზედამხედველობის დეპარტამენტის ტექნიკური ჯგუფის თანდასწრებით. ამასთანავე, შემსყიდელის ტექნიკურ ჯგუფს უნდა მიენიჭოს ე.წ. „ადმინ“ უფლებებზე წვდომა.

ქ.თბილისი, ვლადიმერ წითლანაძის I შესახვევი N1, მე-6 სართული, ყოფილი - ქ. თბილისი გ.გულუას №6

იმ შემთხვევაში, თუ ყველაზე დაბალი წინადადების ფასის მქონე პრეტენდენტის მიერ ელექტრონული ვაჭრობის შედეგად დაფიქსირებული წინადადების საბოლოო ფასი 20%-ით ან მეტით ნაკლებია შესყიდვის ობიექტის სავარაუდო ღირებულებაზე, სატენდერო კომისია პრეტენდენტისგან ითხოვს ფასწარმოქმნის ადეკვატურობის დამადასტურებელი დოკუმენტ(ებ)ის წარდგენას. ფასწარმოქმნის ადეკვატურობა, შესაძლებელია დასაბუთდეს საექსპერტო, აუდიტორული ან/და საშემფასებლო დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას. (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების დამადასტურებელი დოკუმენტი).

ფაქტიურად გაწეული მომსახურების ღირებულების ანაზღაურება განხორციელდება ხელმოწერილი მიღება-ჩაბარების აქტისა და შესაბამისი ფინანსური დოკუმენტაციის მიმწოდებლის მიერ წარდგენის შემდეგ.
ანგარიშსწორება განხორციელდება უნაღდო ანგარიშსწორების ფორმით ლარებში.

ანგარიშსწორება მიმწოდებელთან განხორციელდება ეტაპობრივად ფაქტიურად გაწერული მომსახურების გაწევისა და საქონლის მიწოდების შემდეგ, მიმწოდებლის მიერ მიღება-ჩაბარების აქტისა და შესაბამისი ფინანსური დოკუმენტაციის წარმოდგენიდან 10 (ათი) სამუშაო დღის განმავლობაში, ხოლო დეკემბრის თვეში 5 (ხუთი) კალენდარული დღის განმავლობაში.

ნიკო ხუციშვილი, 591512106, niko.khutsishvili@des.gov.ge

ტექნიკური მოთხოვნები:
როგორც იურიდიული ასევე ფიზიკური პირისათვის პრეტენდენტმა სახელმწიფო შესყიდვების ერთიან ელექტრონულ სისტემაში სატენდერო წინადადების ფასის ატვირთვასთან ერთად უნდა ატვირთოს და წარმოადგინოს შემდეგი ტექნიკური დოკუმენტაცია:
ა) ტექნიკური დავალება დანართი №1-ის მიხედვით;
ბ) სატენდერო წინადადების ფასი (ფასების ცხრილი) დანართი № 2-ის მიხედვით;
გ) პრეტენდენტმა უნდა წარმოადგინოს მოწყობილობის ევროსტანდარტებთან, ელექტრომაგნიტურ თავსებადობასთან შესაბამისობის CE, EN 300/301 სერტიფიკატები;
დ) პრეტენდენტმა უნდა წარმოადგინოს მწარმოებლის მიერ გაცემული ინფორმაცია ან/და სერთიფიკატი შემოთავაზებული მოწყობილობისა და მისი ტექნიკური მახასიათებების შესახებ, რომელიც უნდა აკმაყოფილებდეს ტექნიკური დავალებით განსაზღვრულ მოთხოვნებს.