Ремонт и техническое обслуживание транспортных средств и оборудования и сопутствующие услуги (Грузия - Тендер #59336543)

სატრანსპორტო საშუალების რეცხვის და ქიმიური წმენდის მომსახურება.

ავტომანქანების რეცხვისა და ქიმწმენდის მომსახურება უნდა განხორციელდეს შემდეგი პირობების დაცვით:
1. საბარათე სისტემის შემოთავაზების შემთხვევაში, მიმწოდებელი ვალდებულია ხელშეკრულების გაფორმებიდან არაუგვიანეს 5 (ხუთი) სამუშაო დღისა თავის ვებ-გვერდზე გაუხსნას შემსყიდველს რეცხვის მომსახურების რაოდენობების (ჯერადობა) ასახვისთვის სპეციალური ანგარიში (შემდგომ - სპეციალური ანგარიში) და შემსყიდველის წერილობითი მოთხოვნიდან 2 (ორი) სამუშაო დღის ვადაში უზრუნველყოს სახეობების მიხედვით მოთხოვნილი რაოდენობების ასახვა აღნიშნულ ანგარიშზე, პლასტიკურ ბარათზე მისი შემდგომი განაწილების მიზნით, ხოლო ტალონური სისტემის შემოთავაზების შემთხვევაში, ტალონი უნდა დამზადდეს მოთხოვნიდან 5 (ხუთი) სამუშაო დღეში.

2. რეცხვის ბარათი/ტალონი უნდა შეიცავდეს არანაკლებ შემდეგ ინფორმაციას:

2.1 აუცილებელია:
ა) მიმწოდებლის დასახელება;
ბ) ავტომანქანის სახელმწიფო ნომერის მისათითებლად გამოყოფილი გრაფა.

2.2 სასურველია:
ა) ავტომანქანის სახეობა (ტიპი).

3. მომსახურების საბარათე სისტემის შემთხვევაში, სპეციალურ ანგარიშზე, რეცხვის მომსახურების რაოდენობების ასახვის შემდეგ, შემსყიდველს უფლება უნდა ჰქონდეს არსებული რეცხვის მომსახურების რაოდენობების ნაშთის ფარგლებში შეუზღუდავად, 24 საათის განმავლობაში თავისი შეხედულებისამებრ გადაანაწილოს მის კუთვნილ ერთ ან რამდენიმე პლასტიკურ ბარათზე ინტერნეტით, მიმწოდებლის ვებ-გვერდის საშუალებით შემსყიდველის სახელის საიდენტიფიკაციო პაროლის გამოყენებით.

4. მიმწოდებელმა რეცხვის მომსახურება უნდა განახორციელოს შემსყიდველის უფლებამოსილი წარმომადგენლის მიერ მიმწოდებლის ნებისმიერ ავტო სამრეცხაო სადგურზე პლასტიკური ბარათის ან რეცხვის ტალონის წარდგენიდან, არაუგვიანეს 1 საათის განმავლობაში.

5. მიმწოდებელი უზრუნველყოფს ავტომობილების რეცხვას როგორც გარედან, ისე შიდა (სალონი, საბარგული) რეცხვას. რეცხვა მოხდება ხელით სპეციალური მოწყობილობების, ინვენტარისა და სარეცხი საშუალებების გამოყენებით. რეცხვისთვის გამოყენებული უნდა იქნას მაღალი ხარისხის სარეცხი და საწმენდი საშუალებები. რეცხვის დასრულების შემდეგ მიმწოდებელმა უნდა უზრუნველყოს ავტომანქანის გაშრობა.

6. მომსახურების გაწევის დროს მიმწოდებლის ბრალეულობით შემსყიდველის ავტომობილზე მიყენებული ნებისმიერი ზარალის აღმოფხვრის ხარჯების ანაზღაურება ეკისრება მიმწოდებელს. მიმწოდებელი ვალდებულია საკუთარი ხარჯებით დაზიანების აღმოჩენიდან 5 (ხუთი) სამუშაო დღის ვადაში (განსაკუთრებულ შემთხვევაში გონივრულ ვადაში, მხარეთა შეთანხმების საფუძველზე) უზრუნველყოს დაზიანების აღმოფხვრა.

7. მიმწოდებელი უზრუნველყოფს შემსყიდველის მიერ მოთხოვნილი რაოდენობის პლასტიკური ბარათების დამზადებას უსასყიდლოდ ხელშეკრულების გაფორმებიდან არაუგვიანეს 5 (ხუთი) სამუშაო დღის განმავლობაში, პლასტიკური ბარათის დაზიანების ან დაკარგვის (ან ავტომანქანის სახელმწიფო ნომრის ცვლილების) შემთხვევაში მიმწოდებელმა უნდა უზრუნველყოს ახალი პლასტიკური ბარათის/ტალონის შემსყიდველისათვის უსასყიდლო მიწოდება, წერილობითი მოთხოვნიდან არაუგვიანეს 5 (ხუთი) სამუშაო დღის განმავლობაში.

8. მიმწოდებელმა უნდა უზრუნველყოს სატრანსპორტო საშუალებების შიდა (სალონის) ქიმიური წმენდა; მიმწოდებელმა ქიმწმენდის მომსახურების გაწევა, ასევე ავტომანქანის გაშრობა უნდა უზრუნველყოს შემსყიდველის მიერ შესაბამისი ბარათის/ტალონის წარდგენიდან არაუმეტეს 48 საათში.

9. მომსახურება უნდა განხორციელდეს ეტაპობრივად, ხელშეკრულების დადებიდან (მაგრამ არაუადრეს 2025 წლის 1 იანვრისა) 2025 წლის 31 დეკემბრის ჩათვლით, ყოველდღიურად, არაუგვიანეს 09:00 საათიდან არანაკლებ 20:00 საათამდე.

10. გასაწევი მომსახურების რაოდენობა (ჯერადობა):
ა) მსუბუქი ტიპის ავტომობილის რეცხვის მომსახურების სავარაუდო რაოდენობაა (ჯერადობა) 672 ცალი, ხოლო ქიმწმენდის მომსახურების სავარაუდო რაოდენობაა (ჯერადობა) 10 ცალი;
ბ) მიკროავტობუსის ტიპის ავტომობილის რეცხვის მომსახურების სავარაუდო რაოდენობაა (ჯერადობა) 144 ცალი, ხოლო ქიმწმენდის მომსახურების სავარაუდო რაოდენობაა (ჯერადობა) 7 ცალი.
გ) მაღალი გამავლობის მსუბუქი ავტომობილის რეცხვის მომსახურების სავარაუდო რაოდენობაა (ჯერადობა) 48 ცალი, ხოლო ქიმწმენდის მომსახურების სავარაუდო რაოდენობაა (ჯერადობა) 1 ცალი.

ეტაპობრივად, შემსყიდველის მოთხოვნის შესაბამისად, ხელშეკრულების დადებიდან (მაგრამ არაუადრეს 2025 წლის 1 იანვრისა) 2025 წლის 31 დეკემბრის ჩათვლით.

1. ბარათების/ტალონების მიწოდების ადგილია ქ.თბილისი, წერეთლის გამზ. N67ა.

2. რეცხვის და ქიმიური წმენდის მომსახურება უნდა განხორციელდეს ქ. თბილისში, მიმწოდებლის მიერ შემოთავაზებულ ავტოსამრეცხაოებში.

პრეტენდენტს უნდა გააჩნდეს 2020 წლიდან სატენდერო წინადადების დაწყებამდე პერიოდში ანალოგიური მომსახურების განხორციელების გამოცდილება, მინიმუმ 2 (ორი) ხელშეკრულება, ჯამში არანაკლებ 20000 ლარის ღირებულების. აღნიშნულის დასადასტურებლად პრეტენდენტმა ერთიან ელექტრონულ სისტემაში, სატენდერო წინადადებასთან ერთად უნდა ატვირთოს შესაბამისი ხელშეკრულებები და მიღება-ჩაბარების აქტები, ხოლო თუ პრეტენდენტს ხელშეკრულებ(ები)ა გაფორმებული აქვს სახელმწიფო შემსყიდველ ორგანიზაციასთან, საკმარისია მითითებულ იქნეს ელექტრონულ სისტემაში არსებული ტენდერის ან CMR ნომერი.

1. ქ. თბილისში, მიმწოდებელს საკუთრებაში ან სარგებლობაში უნდა გააჩნდეს არანაკლებ 2 ავტოსამრეცხაო, რომლებსაც ექნება კეთილმოწყობილი მოსაცდელი, აქედან მინიმუმ ერთი სამრეცხაო უნდა მოიცავდეს არანაკლებ 5 (ხუთი) ავტომანქანის გასარეცხ ადგილს (ბოქსი), ხოლო მეორე სამრეცხაო - არანაკლებ 4 ავტომანქანის გასარეცხ ადგილს (ბოქსი);

2. პრეტენდენტმა უნდა წარმოადგინოს ინფორმაცია ავტოსამრეცხაოების მდებარეობის შესახებ მისამართისა და ამ მისამართებზე განთავსებული გასარეცხი ადგილების (ბოქსი) რაოდენობის შესახებ;

3. პრეტენდენტმა უნდა წარმოადგინოს ავტოსამრეცხაოების საკუთრების ან/და სარგებლობის დამადასტურებელი დოკუმენტების ასლები. იმ შემთხვევაში, თუ პრეტენდენტს ავტოსამრეცხაო აღებული აქვს დროებით სარგებლობაში (ქირავნობა, იჯარა ან სხვა) სისტემაში უნდა ატვირთოს შესაბამისი ხელშეკრულების ასლი, რომელიც ძალაში უნდა იყოს მინიმუმ 2025 წლის 1 იანვრიდან 31 დეკემბრის ჩათვლით;

4. ავტოსამრეცხაოების მისამართის ცვლილების შემთხვევაში, მიმწოდებელი ვალდებულია აღნიშნულის თაობაზე წინასწარ (არაუგვიანეს 10 (ათი) დღით ადრე) აცნობოს შემსყიდველს;

5. ავტოსამრეცხაოების მატერიალურ-ტექნიკურ ბაზასთან განსაზღვრული მოთხოვნების დადასტურებას/შემოწმებას საჭიროების შემთხვევაში განახორციელებენ სსიპ - სახელმწიფო სერვისების განვითარების სააგენტოს წარმომადგენლები, ადგილზე მისვლით (დათვალიერებით).

1. პრეტენდენტმა სისტემის მეშვეობით უნდა წარმოადგინოს წინამდებარე კითხვარის 1.3 პუნქტით გათვალისწინებული ფასების ცხრილი, ხოლო მისი წარმოუდგენლობის შემთხვევაში სატენდერო წინადადება არ ექვემდებარება დაზუსტებას.

2.პრეტენდენტმა სატენდერო წინადადებასთან ერთად უნდა წარმოადგინოს კომპანიის ანალოგიური მომსახურების გამოცდილების დამადასტურებელი დოკუმენტ(ები)ი.

3. პრეტენდენტმა სატენდერო წინადადებასთან ერთად უნდა წარმოადგინოს ავტოსამრეცხაოების საკუთრების ან/და სარგებლობის დამადასტურებელი დოკუმენტების ასლები.

4. დაუშვებელია პრეტენდენტის მიერ ტენდერში ქვეკონტრაქტორით მონაწილოება. ასევე ქვეკონტრაქტორის გამოცდილება არ ჩაითვლება პრეტენდენტის გამოცდილებად.

1. საბოლოო ფასის 20%-ით ან მეტით კლების შემთხვევაში, ფასწარმოქმნის ადეკვატურობა, შესაძლებელია დასაბუთდეს ექსპერტიზის დასკვნით, ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი). წარმოდგენილი ინფორმაცია და დოკუმენტ(ებ)ი უნდა ადასტურებდეს პრეტენდენტის მიერ ხელშეკრულებით ნაკისრი ვალდებულებების შესრულების შესაძლებლობას, როგორც დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებაში.

2. პრეტენდენტის მიერ ფასწარმოქმნის ადეკვატურობის დასაბუთების მიზნით, პირველი პუნქტით განსაზღვრული დასკვნის წარმოდგენის შემთხვევაში, ფასწარმოქმნის ადეკვატურობის შეფასება გაკეთებული უნდა იყოს შეფასების მომენტისთვის არსებული მდგომარეობის განხილვის შედეგად მიღებული მონაცემების გათვალისწინებით და არა სამომავლოდ განსახორციელებელ მანიპულაციაზე ან მომავალში ჩასატარებელ რაიმე ღონისძიებაზე ან მოვლენაზე დაყრდნობით.

ანგარიშსწორება განხორციელდება ეტაპობრივად მომსახურების გაწევის შესახებ მიღება-ჩაბარების აქტის გაფორმების შემდეგ.

ანგარიშსწორება განხორციელდება ხელშეკრულების შესრულების შესახებ მიღება-ჩაბარების აქტის გაფორმებიდან და საგადასახადო ანგარიშფაქტურის (დღგ–ს გადამხდელად რეგისტრაციის შემთხვევაში) წარმოდგენიდან არაუგვიანეს 10 სამუშაო დღის განმავლობაში.

ლანა თუთბერიძე, 592255272, l.tutberidze@sda.gov.ge

10.1.1 სატენდერო წინადადების ფასი გამოსახული უნდა იყოს ეროვნულ ვალუტაში - ლარში, შესყიდვის ობიექტის მიწოდებასთან დაკავშირებული მიმწოდებლის ყველა ხარჯის (მ.შ კანონმდებლობით გათვალისწინებული გადასახადები და გადასახდელები) გათვალისწინებით, დღგ-ს ჩათვლით;
10.1.2 2019 წლის 1 იანვრიდან შემსყიდველი ორგანიზაციები და შესყიდვებში მონაწილეობის მსურველები/პრეტენდენტები/მიმწოდებლები ვალდებულები არიან, სახელმწიფო შესყიდვებში ერთიან ელექტრონულ სისტემაში ასატვირთ ყველა ელექტრონულ დოკუმენტზე შეასრულონ კვალიფიციური ელექტრონული ხელმოწერა ან/და ეს დოკუმენტები დაამოწმონ კვალიფიციური ელექტრონული შტამპით. აღნიშნული წესით შესრულებული დოკუმენტი იურიდიული ძალის მქონეა.

დოკუმენტების ელექტრონულად დამოწმება შესაძლებელია:
1) პრეტენდენტის მიერ შექმნილი ნებისმიერი დოკუმენტების (მათ შორის: ფასების ცხრილი, გეგმა-გრაფიკი და სხვა) დამოწმება ცალ-ცალკე, ელექტრონული ხელმოწერით ან/და კვალიფიციური ელექტრონული შტამპით.
2) სატენდერო წინადადებისა თუ დაზუსტებული ინფორმაციის ელექტრონულად წარსადგენად შესაძლებელია თავფურცელის (წერილის სახით) უფლებამოსილი პირის მიერ ელექტრონულად ხელმოწერილი ან ორგანიზაციის ელექტრონული შტამპით დამოწმებული სახით მომზადება, რომელშიც მითითებული იქნება, რა მიზნით წარადგენთ დოკუმენტებსა თუ ინფორმაციას და აქვე ჩამოთვლით იმ დოკუმენტებსა თუ ინფორმაციას, რომლის წარმოდგენასაც გეგმავთ სატენდერო წინადადებისა თუ დაზუსტებული ინფორმაციის სახით. ასეთ შემთხვევაში წერილის დანართ(ებ)ი არ საჭიროებენ ელექტრონულად დამოწმებას. ერთიან ელექტრონულ სისტემაში ასეთი სახით წარმოდგენილი დოკუმენტაცია ჩაითვლება ელექტრონულად დამოწმებულად.

აღნიშნული წესი არ ეხება:
1) არარეზიდენტი პირებს. შესაბამისად, მათ მიერ შექმნილი სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და ინფორმაცია ხელმოწერილი და ბეჭედდასმული (არსებობის შემთხვევაში) უნდა იყოს უფლებამოსილი პირის მიერ.
2) სახელმწიფო შესყიდვების სააგენტოს ვებ გვერდზე (https://t.ly/74T1s) განთავსებული რეკომენდაციით გათვალისწინებულ დოკუმენტებს (მათ შორის, ექსელის სახით წარმოდგენილი "ფასების ცხრილი"). შესაბამისად, აღნიშნულ დოკუმენტებზე კვალიფიციური ელექტრონული ხელმოწერით/შტამპით დამოწმება არაა სავალდებულო და არ გამოიწვევს პრეტენდენტის დისკვალიფიკაციას.

10.1.3 სატენდერო წინადადება და თანმხლები დოკუმენტები შედგენილი უნდა იქნას ქართულ ენაზე. დოკუმენტების უცხოურ ენაზე წარდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე, კერძოდ, პრეტენდენტის მიერ წარმოდგენილი უნდა იყოს საქართველოს ნოტარიუსთა პალატის ნოტარიუსთა ელექტრონულ რეესტრში რეგისტრირებულ ნოტარიუსთა მიერ დამოწმებული თარგმანი;
10.1.4 ალტერნატიული სატენდერო წინადადება არ განიხილება;
10.1.5 ხელშეკრულების ფორმა და პირობები მოცემულია 8.1 პუნქტში, რომელიც დაზუსტდება "ელექტრონული ტენდერის ჩატარების წესის დამტკიცების შესახებ" სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული წესის 33-ე მუხლის პირველი პუნქტის შესაბამისად.
10.1.6 ტენდერში მონაწილეობით პრეტენდენტი ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.
10.1.7 სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის (მათ შორის, "ფასების ცხრილთან "დაკავშირებით) საშუალება და პროცედურა განისაზღვრება "ელექტრონული ტენდერის ჩატარების წესის დამტკიცების შესახებ"სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული წესის მე-8 მუხლის შესაბამისად;
10.1.8 სატენდერო წინადადებასთან ერთად, პრეტენდენტმა უნდა წარმოადგინოს საკუთარი ორგანიზაციის შესახებ ის ინფორმაცია (მათ შორის საბანკო), რომელიც არ არის შევსებული ელექტრონულ სისტემაში არსებულ მიმწოდებლის პროფილში.