Полные или частичные строительные работы и публичные работы (Грузия - Тендер #58738826)

დასავლეთ საქართველოს სხვადასხვა ლოკაციაზე (სამეგრელოს ტერიტორია) (32 ობიექტი) მცხოვრებ იძულებით გადაადგილებული პირებისთვის მრავალბინიანი საცხოვრებელი სახლების სახურავების რეაბილიტაციის მიზნით საჭირო სამუშაოების სახელმწიფო შესყიდვა.

სამუშაოები უნდა შესრულდეს საქართველოში მოქმედი და მიღებული საერთაშორისო სამშენებლო ნორმებისა და სტანდარტების შესაბამისად.

სამუშაოები უნდა განხორციელდეს შემსყიდველის მიერ წარმოდგენილი საპროექტო დოკუმენტაციის შესაბამისად (იხ. მიბმული ფაილები).

შენიშვნა: იმ შემთხვევაში, თუ სატენდერო დოკუმენტაციაში მითითებულია შესყიდვის ობიექტის სასაქონლო ნიშანი, პატენტი, მოდელი, წარმოშობის წყარო ან მწარმოებელი იგულისხმება მისი „მსგავსი“ ან „ექვივალენტური“.

ხარჯთაღრიცხვა შესაძლებელია ატვირთულ იქნას სისტემაში მხოლოდ Excel-ის დოკუმენტის სახით.

შენიშვნა: მიმწოდებელი ვალდებულია, სამუშაოთა სპეციფიკიდან გამომდინარე, შენობა-ნაგებობაში დევნილთა ცხოვრების პირობები არ შეიზღუდოს. ასევე, დაცული იქნას შენობაში განთავსებული ინვენტარი დასვრისა და დაზიანებისგან.

1. სამუშაოების დასრულების ვადა - ხელშეკრულების გაფორმებიდან 290 კალენდარული დღე (აღნიშნული ვადა მოიცავს საექსპერტო მომსახურების ვადას).

სამუშაოების შესრულების ფორმა: მიმწოდებელი ვალდებულია სახურავის სარეაბილიტაციო სამუშაოები შეასრულოს სატენდერო დოკუმენტაციის დანართებით - ხარჯთაღრიცხვები, ტექნიკური დავალება, ასევე საქართველოს კანონმდებლობით გათვალისწინებული შესაბამისი სამშენებლო და გარემოსდაცვითი ნორმებისა და წესების მიხედვით.

სამუშაოს შესრულების ადგილია - დასავლეთ საქართველოში, კერძოდ სამეგრელოში განთავსებული დევნილთა განსახლების ობიექტები.

მიმწოდებელი უზრუნველყოფს შემოთავაზებული სამშენებლო მეთოდების და მასალის შესაბამისობას საპროექტო მოთხოვნებთან და სამშენებლო ნორმებთან მიმართებით. სამუშაოების შესრულებისას გამოყენებული სამშენებლო მასალების წარმომავლობის და ხარისხის შესაბამისობის სერტიფიკატების, მწარმოებლის მიერ ქარხანაში ნიმუშების ანალიზის და მასალის ტექნიკური სპეციფიკაციების სახელშეკრულებო მოთხოვნებთან და სამშენებლო ნორმებთან შესაბამისობის დამადასტურებელი დოკუმენტაციის წარმოდგენას შემსყიდველის უფლებამოსილი საზედამხედველო ორგანიზაციის/პირის მოთხოვნისთანავე.

მიმწოდებელი ვალდებულია, სამუშაოთა სპეციფიკიდან გამომდინარე, შენობა-ნაგებობაში დევნილთა ცხოვრების პირობები არ შეიზღუდოს. ასევე, დაცული იქნას შენობაში განთავსებული ინვენტარი დასვრისა და დაზიანებისგან.

შესრულებული სამუშაოების საგარანტიო ვადა შეადგენს საბოლოო მიღება-ჩაბარების აქტის გაფორმებიდან 2 (ორი) წელს.

საგარანტიო ვადის განმავლობაში, ექსპლუატაციის პროცესში რაიმე წუნის (ნაკლოვანებები, დეფექტი) აღმოჩენის შემთხვევაში მიმწოდებელი ვალდებულია შეტყობინების მიღებიდან, შემსყიდველის მიერ განსაზღვრულ გონივრულ ვადაში, გამოასწოროს წარმოქმნილი ნაკლოვანება/დეფექტი საკუთარი ხარჯებით.

პრეტენდენტმა უნდა წარმოადგინოს:

თანხმობა შესრულებულ სამშენებლო (სარეაბილიტაციო) სამუშაოებზე გავრცელებულ საგარანტიო ვადებზე.

შენიშვნა: საბოლოო მიღება-ჩაბარების აქტით გათვალისწინებული სამუშაოების დასრულების თარიღიდან საგარანტიო ვადის პერიოდში დაკავებული იქნება შესრულებული სამუშაოების ღირებულების 2,5%.

პრეტენდენტის გამოცდილების შესახებ მოთხოვნები განისაზღვრა შესასრულებელი სამუშაოების სპეციფიკის, მოცულობისა და სირთულის გათვალისწინებით:
პრეტენდენტს, 2022 წლის 01 იანვრიდან ელექტრონული ტენდერისათვის „წინადადებების მიღება დასრულებულია“ სტატუსის მინიჭების თარიღამდე პერიოდში შესრულებული უნდა ქონდეს ჯამურად არანაკლებ 1 821 706.00 ლარის ღირებულების, ანალოგიური ტიპის, ხასიათის, სირთულის და შინაარსის სამუშაოების შესრულების გამოცდილება. ანალოგიურ სამუშაოებს მიეკუთვნება შენობების სახურავების (ქანობიანი და ბრტყელი გადახურვა) მშენებლობის ან/და რეაბილიტაციის სამუშაოები.

პრეტენდენტის მიერ სისტემის მეშვეობით წარმოსადგენი, გამოცდილების დამადასტურებელი დოკუმენტაცია და ამავე დოკუმენტაციის წარმოდგენის პირობები:
1. იმ შემთხვევაში, თუ სამუშაოების შესყიდვა განხორციელებული არის სახელმწიფო შესყიდვების ერთიანი ელექტრონული სისტემის გამოყენებით და სამუშაოების შესყიდვისა და მიწოდების დამადასტურებელი დოკუმენტები ატვირთული არის სახელმწიფო შესყიდვების ერთიან ელექტრონულ სისტემაში, შესაძლებელია წარმოდგენილი იყოს ინფორმაცია სახელმწიფო შესყიდვების ერთიან ელექტრონულ სისტემაში შესყიდვის ნომრის (SPA, NAT, DAP, DEP, CMR) შესახებ.

2. იმ შემთხვევაში, თუ სამუშაოების შესყიდვა განხორციელებული არის სახელმწიფო შესყიდვების ერთიანი ელექტრონული სისტემის გამოყენების გარეშე, წარმოდგენილი უნდა იყო სამუშაოების შესრულების შესახებ გაფორმებული ხელშეკრულებები და სამუშაოების მიწოდების დამადასტურებელი დოკუმენტი:
2.1. ხელშეკრულებები წარმოდგენილი უნდა იყოს შესასრულებელი სამუშაოების უწყისებთან (ხარჯთაღრიცხვა) ერთად;
2.2. შესასრულებელი სამუშაოების უწყისების (ხარჯთაღრიცხვა) ცვლილების შემთხვევაში, წარმოდგენლი უნდა იყოს საბოლოო სახის (კორექტირებული) ხარჯთაღრიცხვა, დამკვეთის მიერ დამოწმებული შესაბამისი ცვლილების (შეთანხმების აქტი) დოკუმენტთან ერთად;
2.3. წარმოდგენილი უნდა იყოს ხელშეკრულების ფარგლებში შესრულებული სამუშაოების უწყის(ებ)ი (ე.წ. ფორმა N2);
2.4. ფორმა N2 არის პირობითი დოკუმენტი, შესაბამისად ფორმა N2-ის ნაცვლად შესაძლებელია წარმოდგენილი იყოს მოთხოვნილი ინფორმაციის მომცველი და შესრულების დამადასტურებელი ნებისმიერი დოკუმენტი;
2.5. ხელშეკრულებებითა და მისი დანართით (შესასრულებელი სამუშაოების საბოლოო სახის უწყისი (ხარჯთაღრიცხვა) და წარმოდგენილი ხელშეკრულების ფარგლებში შესრულებული სამუშაოების უწყისებით (ე.წ. ფორმა N2) უნდა იყოს შესაძლებელი ობიექტის დასახელებისა და შესრულებული სამუშაოების ურთიერთკავშირის დადგენა, ამასთანავე შესრულებული სამუშაოების უწყისებით (ე.წ. ფორმა N2) გათვალისწინებული სამუშაოების დასახელება, მოცულობა და ფასები არსებითად არ უნდა განსხვავდებოდეს ხელშეკრულებითა და მისი დანართით (შესასრულებელი სამუშაოების საბოლოო სახის უწყისი (ხარჯთაღრიცხვა) გათვალისწინებული შესაბამისი მონაცემებისგან.

სავალდებულოდ გასათვალისწინებელი შენიშვნები:
1. პრეტენდენტის მიერ გამოცდილების დასადასტურებლად წარმოდგენილი დოკუმენტაციით შესაძლებელი უნდა იყოს პრეტენდენტის გამოცდილების, სატენდერო დოკუმენტაციის 2.2.1 პუნქტის მოთხოვნებთან თანხვედრის დადგენა.
2. საზღვარგარეთ გაწეული მომსახურების გამოცდილების დამადასტურებელი დოკუმენტების წარმოდგენის შემთხვევაში, აღნიშნული დოკუმენტები დამოწმებული უნდა იყოს სათანადო წესით: ლეგალიზებული, ან აპოსტილით დამოწმებული.
3. გამოცდილების დამადასტურებელი დოკუმენტების შეფასებისას მხედველობაში მიიღება უშუალოდ პრეტენდენტის გამოცდილება, კერძოდ ქვეკონტრაქტი და ქვეკონტრაქტორის გამოცდილების შეფასება პრეტენდენტის გამოცდილებასთან ერთად არ განხორციელდება.
4. ამხანაგობის სახელით ტენდერში მონაწილეობის პირობები გათვალისწინებულია სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესი"-ს 24-ე მუხლის თანახმად.

პრეტენდენტმა უნდა წარმოადგინოს დეტალურად დაყოფილი კალენდარული გეგმა-გრაფიკი ანუ შესასრულებელი სამშენებლო „სამუშაოების“ ჩამონათვალი და მასში განსაზღვრული მონაკვეთების/ეტაპების შესრულების ვადები.

პრეტენდენტის მიერ სახელმწიფო შესყიდვების ერთიანი ელექტრონული სისტემის მეშვეობით წარმოსადგენი დოკუმენტაციის ჩამონათვალი:

1) სატენდერო დოკუმენტაციის დანართი N1 (ხარჯთაღრიცხვები).
სავალდებულოდ გასათვალისწინებელი შენიშვნები:
1.1 ზედნადები ხარჯებისა და გეგმიური დაგროვების დანარიცხების ღირებულება გათვალისწინებული უნდა იყოს ერთეულისა და საერთო ფასებში.
1.2. გაუთვალისწინებელი ხარჯები წარმოდგენული უნდა იყოს ფიქსირებული პროცენტული მაჩვენებლის შეუცვლელად. გაუთვალისწინებელი ხარჯების ანაზღაურება განხორციელდება მხოლოდ ასეთი ხარჯების არსებობის შემთხვევაში. გაუთვალისწინებელი ხარჯების არსებობისას, მიმწოდებელმა უნდა უზრუნველყოს ასეთი ხარჯების დეტალური გაშიფვრა და დასაბუთება, რომლის საფუძველზეც განხორციელდება შსა-ს გაფორმება. გაუთვალისწინებლი სამუშაოების გაწევის უფლება მიმწოდებელს ეძლევა შემსყიდველის, ან მის მიერ უფლებამოსილი პირის თანხმობის შემთხვევაში. სატენდერო კომისიის გადაწყვეტილების საფუძველზე, დაზუსტებული დანართი N1-ის (ხარჯთაღრიცხვა) წარმოდგენის შემთხვევაში, დაუშვებელია შეიცვალოს გაუთვალისწინებელი ხარჯების პროცენტული მაჩვენებელი .
1.3. დანართი N1-ის (ხარჯთაღრიცხვა) საერთო და ერთეულის ფასებში გათვალისწინებული უნდა იყოს შესყიდვის ობიექტის მიწოდებასთან დაკავშირებული ყველა ხარჯი, რომელიც პირდაპირ არ არის მითითებული დანართი N1-ის (ხარჯთაღრიცხვა) ჩამონათვალში და რომელთა გათვალისწინებაც აუცილებელია შესყიდვის ობიექტის სრულფასოვანი მიწოდებისათვის.
1. 4. დანართი N1-ის (ხარჯთაღრიცხვა) შემოწმების დროს, ერთეულის ღირებულების მოცულობაზე გამრავლებით მიღებულ რიცხვსა და საერთო ღირებულებას შორის სხვაობის შემთხვევაში, უპირატესობა მიენიჭება ერთეულის ღირებულებას.
1. 5. იმ შემთხვევაში, თუ დანართი N1 (ხარჯთაღრიცხვა) არ იქნება წარმოდგენილი, ან განუფასებლად იქნება წარმოდგენილი, ან წარმოდგენილ ხარჯთაღრიცხვაში, განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს, ხარჯთაღრიცხვის დაზუსტების მოთხოვნა არ გამოიყენება, შესაბამისად განხორციელდება პრეტენდენტის დისკვალიფიკაცია შესყიდვის პროცედურებიდან.
1.6. დანართი N1-ის (ხარჯთაღრიცხვა) წარმოდგენა შესაძლებელია მხოლოდ Microsoft Excel Worksheet-ის სახით.

რეზიდენტი პრეტენდენტის ტენდერში მონაწილეობის შემთხვევაში, PDF ფაილის ფორმატით წარმოდგენილი ხარჯთაღრიცხვა (ასეთის არსებობის შემთხვევაში) სავალდებულოდ დამოწმებული უნდა იყოს პრეტენდენტის უფლებამოსილი პირის კვალიფიციური ელექტრონული ხელმოწერით, ან ორგანიზაციის კვალიფიციური ელექტრონული შტამპით, ხოლო იმ შემთხვევაში, თუ პრეტენდენტი არ არის რეზიდენტი პირი, PDF ფაილის ფორმატით წარმოდგენილი ხარჯთაღრიცხვა დამოწმებული უნდა იყოს პრეტენდენტის უფლებამოსილი პირის ხელმოწერით და (ბეჭდის არსებობის შემთხვევაში) ორგანიზაციის ბეჭდით.

2) თანხმობა შესრულებული სამუშაოების საგარანტიო ვადებზე.

4) სატენდერო დოკუმენტაციის 2.2.1 პუნქტით (პრეტენდენტის გამოცდილებასთან დაკავშირებული მოთხოვნები) განსაზღვრული, წარმოსადგენი დოკუმენტაცია.

5) სატენდერო დოკუმენტაციის 2.5.1 პუნქტით გათვალისწინებული გეგმა-გრაფიკი.

შენიშვნა:
1. წინადადების ფასი გამოსახული უნდა იყოს ლარში, რაც უნდა მოიცავდეს დამატებითი ღირებულების გადასახადს (დღგ).
2. გამოცდილების დამადასტურებელი დოკუმენტების წარმოდგენისას გასათვალისწინებელი მოთხოვნები მოცემულია სატენდერო დოკუმენტაციის 2.2.1 (მოთხოვნა პრეტენდენტის გამოცდილების შესახებ) პუნქტში.
3. პრედენდენტს არ აქვს უფლება წარმოადგინოს ალტერნატიული სატენდერო წინადადება.
4. წინამდებარე ელექტრონულ ტენდერთან დაკავშირებული ყველა დოკუმენტი, ან/და ინფორმაცია წარმოდგენილ უნდა იყოს ქართულ ენაზე. დოკუმენტების, ან/და ინფორმაციის უცხო ენაზე წარდგენის შემთხვევაში, მათ უნდა დაერთოთ საქართველოს კანონმდებლობით დადგენილი წესით შესრულებული თარგმანები ქართულ ენაზე. დოკუმენტაციასთან დაკავშირებული სადავო საკითხების გადაწყვეტისას, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია

.1. პრეტენდენტის მიერ სახელმწიფო შესყიდვების ერთიან ელექტრონულ სისტემაში დაფიქსი