Различные коммерческие услуги и связанные с ними услуги (Грузия - Тендер #58738742)

ქ. ბათუმში, ღონისძიების „წლის ხელოვანის“ ორგანიზება

ტექნიკური პირობები

ღონისძიება - „წლის ხელოვანი“
ღონისძიების ფარგლებში წლის ბოლოს, საზეიმო ვითარებაში, განხორციელდება კულტურის სფეროს წარმომადგენელთა დაჯილდოება სხვადასხვა ნომინაციების მიხედვით.
ღონისძიება ითვალისწინებს კულტურის დარგში წარმატებული ხელოვანების გამოვლენას, რომლებმაც მიმდინარე წელს მიაღწიეს მნიშვნელოვან - თვალსაჩინო, განსაკუთრებულ და გამორჩეულ პროფესიულ წარმატებებს ქალაქის, რეგიონის, ქვეყნის თუ მის ფარგლებს გარეთ და პირადი წვლილი შეიტანეს ეროვნული კულტურის განვითარებაში და პოპულარიზაციაში, წარმოჩენაში, აღიარებაში.

პრეტენდენტმა უნდა უზრუნველყოს:
1. „წლის ხელოვანის“ ცერემონიალის დარბაზით უზრუნველყოფა. დარბაზი უნდა იყოს განთავსებული ქალაქ ბათუმში, ცენტრალური ზონის ზღვის პირველი ზოლის მიმდებარე ტერიტორიაზე არსებული საერთაშორისო ქსელის უმაღლესი კლასის სასტუმროს საკონფერენციო დარბაზში, გათვლილი არანაკლებ 100 დასაჯდომ ადგილზე (12 მაგიდა, თითოეული 8-10 დასაჯდომი ადგილით). დარბაზი აღჭურვილი უნდა იყოს კონდიცირების სისტემით, ლედ-ეკრანით (ზომა არანაკლებ 3.60×2.00მ), სცენით (პერიმეტრი: არანაკლებ 4,5×2.4მ.) და მისადგმელი კიბით.
2. „წლის ხელოვანის“ ღონისძიების წამყვანის მომსახურება, კაცი - 1. წამყვანი უნდა იყოს ცნობადი სახე, რომელსაც ექნება მსგავსი ღონისძიებების წაყვანის გამოცდილება. მიმწოდებელმა უნდა წარმოადგინოს კანდიდატურა, ხოლო შერჩევა მოხდება შემსყიდველთან შეთანხმებით (ანაზღაურება არანაკლებ 2500 ლარისა);
3. „წლის ხელოვანებისათვის“ მისართმევი განსაკუთრებული დიზაინით შესრულებული, მაღალი ხარისხის ყვავილებითა და შესაფუთი მასალით გაფორმებული 20 ცალი თაიგული (შეფუთვის შერჩევა შემსყიდველთან შეთანხმებით);
4. „წლის ხელოვანის“ ცერემონიალის ფოტო-ვიდეო გადაღების მომსახურება (DVD ფორმატით მოწოდება);
5. ალაფურშეტით მომსახურება - თანდართული მენიუს შესაბამისად, 100 კაცი;
6. „წლის ხელოვანის“ ნომინანტებისათვის გადასაცემი პრიზების დამზადება, 20 ცალი. პრიზი უნდა დამზადდეს ბროლის ან მსგავსი მასალით, სისქე არანაკლებ 1 სმ., სიმაღლე - არანაკლებ 15სმ, სიგანე - არანაკლებ 10სმ, სადგამი - მარმარილოს ან მსგავსი მასალა, სიგრძე - არანაკლებ 10სმ., სიგანე - არანაკლებ 4 სმ., სიმაღლე - არანაკლებ 3 სმ, გრავირებით. ტექსტი და დიზაინი უნდა შეთანხმდეს შემსყიდველთან;
7. სიგელების სუბლიმაციურ ფირფიტაზე დამზადება, ჩარჩოში ჩასმა და გადაცემა 50 ცალი; ზომა - შემსყიდველთან შეთანხმებით;
8. სასცენო ეფექტების უზრუნველყოფა (ფოიერვერკი - სასცენო „კონფიტი“, ხანგრძლივობა - 30 წმ.);
9. ტექნიკური პერსონალის მომსახურების უზრუნველყოფა, კაცი 2;
10. ტრანსპორტით მომსახურების (მოლბერტების, ბანერების და ღონისძიებისათვის საჭირო სხვა ინვენტარის ტრანსპორტირება დარბაზში და უკან) უზრუნველყოფა;
11. ბანერის (2,5×3მ.) დამზადება, დამაგრებული ასაწყობ კონსტრუქციაზე, 1 ცალი; (კონსტრუქციის და დიზაინის შერჩევა შემსყიდველთან შეთანხმებით);
12. ჰიპერმარკეტის ვაუჩერი, არანაკლებ 100 ლარის ღირებულების - 16 ცალი;
13. ელექტრონული მოსაწვევის დამზადების მომსახურება, დიზაინის შექმნა შემსყიდველთან შეთნხმება;
14. მუსიკალური გაფორმების უზრუნველყოფა ცოცხალი შესრულებით, ჯგუფი არანაკლებ 2 შემსრულებლით; მუსიკალური კომპოზიციების სტილი და რაოდენობა/ხანგრძლივობა - შემსყიდველთან შეთანხმებით;
15. ვიდეო რგოლის მომზადება ლედ-ეკრანზე ფონად გასაშვებად (მუსიკალური გაფორმებით) შემსყიდველთან შეთანხმებით (ჩართვა-გამორთვის ტექნიკური უზრუნველყოფით);
16. 5კვტ. სიმძლავრის ხმის გამაძლიერებელი აპარატურით უზრუნველყოფა, მათ შორის 4 ცალი კაბელიანი მიკროფონით, 4 ცალი დისტანციური მიკროფონით, შესაბამისი ხმის მარეგულირებელი პულტით და მიკროფონების სადგამებით უზრუნველყოფა;
17. საახალწლო დეკორაციებით მაგიდის გაფორმების უზრუნველყოფა, 12 ცალი;
აუცილებელია ტექნიკური პირობების ყველა მოთხოვნის შეთანხმება შემსყიდველ ორგანიზაციასთან.


პრეტენდენტის ხელმოწერა --------------------------

1. მომსახურება უნდა განხორციელდეს ხელშეკრულების გაფორმებიდან 2024 წლის 20 დეკემბრამდე პერიოდში;
2. ღონისძიება არის ერთდღიანი და უნდა გაიმართოს 2024 წლის 16 დეკემბრიდან 20 დეკემბრამდე პერიოდში ერთ-ერთ შერჩეულ დღეს;

ქ. ბათუმი
მომსახურების გაწევის ფორმა მოცემულია ტექნიკურ პირობებში

ინფორმაცია პრეტენდენტის გამოცდილების შესახებ:
ა) პრეტენდენტს უკანასკნელი 3 წლის განმავლობაში უნდა გააჩნდეს წინამდებარე ტენდერით გათვალისწინებული ანალოგიური ხასიათის, სირთულის და შინაარსის (კულტურული ან სპორტული ღონისძიებების ორგანიზების) მომსახურების გაწევის არანაკლებ 3 (სამი) ხელშეკრულების შესრულების გამოცდილება;
ბ) პრეტენდენტმა უნდა წარმოადგინოს ტენდერით გათვალისწინებული ანალოგიური ხასიათის, სირთულისა და შინაარსის მომსახურების გაწევის დამადასტურებელი დოკუმენტების ასლები (ხელშეკრულების ასლები ხარჯთაღრიცხვით, მომსახურების გაწევის მიღება-ჩაბარების აქტები);
გ) იმ შემთხვევაში თუ პრეტენდენტი გამოცდილების სახით წარმოადგენს არასახელმწიფო შესყიდვის ხელშეკრულებებსა და მათი შესრულების დოკუმენტაციას, გარდა ბ) ქვეპუნქტით მოთხოვნილი დოკუმენტაციისა პრეტენდენტი ვალდებულია დამატებით წარმოადგინოს აღნიშნულ მომსახურებებზე დადასტურებული საგადასახადო ანგარიშ-ფაქტურების ქსეროასლები.

შენიშვნა: თუ პრეტენდენტის მიერ მითითება იქნება NAT/SPA/CMR ნომრებზე და წარმოდგენილი ნომრების ხელშეკრულების შესრულების მიმდინარეობის ანგარიშში ატვირთული იქნება ყველა ის შესრულების დამადასტურებელი დოკუმენტები, რაც გათვალისწინებულია სატენდერო დოკუმენტაციით, დამატებით წარმოდგენას არ საჭიროებს (ხელშეკრულების ასლები, მიღება-ჩაბარების აქტების ასლები).

თუ ერთიან ელექტრონულ სისტემაში დაფიქსირებული საბოლოო ფასიდან გამომდინარე, ერთეულის ფასები წარმოდგება მრავალნიშნა ათწილადის სახით, პრეტენდენტი ვალდებულია შეამციროს ერთეულის ფასი და დაამრგვალოს მეასედებამდე. შესაბამისად, შეამციროს საერთო ფასიც.

სავარაუდო ღირებულებასთან შედარებით საბოლოო ფასის 20 %-ით ან მეტით კლების შემთხვევაში ფასწარმოქმნის ადეკვატურობა, შესაძლებელია დასაბუთდეს აუდიტის დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას (დასკვნასთან ერთად წარმოდგენილ უნდა იქნას დასკვნის გამცემი პირის ან შემსრულებლის საქმიანობის კანონმდებლობის ფორმით გაცემული უფლებამოსილების დამადასტურებელი დოკუმენტი).
ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

ანგარიშსწორება მიმწოდებელთან განხორციელდება ფაქტიურად გაწეული მომსახურების მიხედვით, მიღება-ჩაბარების აქტის გაფორმებისა და დღგ-ს ანგარიშ-ფაქტურის/ საგადასახადო დოკუმენტაციის/ინვოისის წარმოდგენის შემდეგ

10 (ათი) სამუშაო დღის განმავლობაში

იამზე ზოსიძე, 577242707, izosidze5@gmail.com (0422) 27 26 18
ტექნიკურ საკითხებთან დაკავშირებით - ია შალამბერიძე 591 989 484

პრეტენდენტმა უნდა უზრუნველყოს:
ა) სატენდერო დოკუმენტაციით განსაზღვრული დოკუმენტების ატვირთვა სახელმწიფო შესყიდვების ერთიან ელექტრონულ სისტემაში, შემდეგი თანმიმდევრობით:
-ტექნიკური პირობები;
-ფასების ცხრილი;
-ინფორმაცია პრეტენდენტის გამოცდილების შესახებ.
ბ) ყველა დოკუმენტი (გარდა excel ფორმატის ფაილისა) ხელმოწერილი (კვალიფიციური ელექტრონული ხელმოწერით ან/და კვალიფიციური ელექტრონულინ შტამპით) უნდა იყოს უფლებამოსილი პირის მიერ. დოკუმენტაციის უცხო ენაზე წარმოდგენის შემთხვევაში თან უნდა დაერთოს ნოტარიულად დამოწმებული თარგმანი ქართულ ენაზე.

* შენიშვნა: სატენდერო დოკუმენტაციაში, სადაც მითითებული იქნება კონკრეტული სასაქონლო ნიშანი, მოდელი, წარმოშობის წყარო ან მწარმოებელი (ასეთის არსებობის შემთხვევაში) იგულისხმება „მსგავსი“ ან „ეკვივალენტური“.