Услуги по очистке и санации (Грузия - Тендер #58649366)

დერატიზაციის, დეზინსექციის, დეზინფექციის და ქვეწარმავლების დამაფრთხობელი მომსახურების შესყიდვა

• მომსახურების გაწევის ვადაა 2025 წლის 1-ლი იანვრიდან 2025 წლის 31 დეკემბრის ჩათვლით;
• დანართი N1 (ფასების ცხრილში) მითითებული ობიექტების დერატიზაცია-დეზინსექცია-დეზინფექციის სამუშაოების ჩატარება თვეში ერთხელ, საჭიროების შემთხვევაში ობიექტის დამატებით დამუშავება მოთხოვნიდან არაუგვიანეს 2 (ორი) კალენდარულ დღეში;
• ქვეწარმავლების დამაფრთხობელი ღონისძიების ჩატარება თვეში ერთხელ 1 აპრილიდან 31 სექტემბრის ჩათვლით;
• მიმწოდებელი ვალდებულია გაწიოს მომსახურება უსაფრთხოების ზომების სრული დაცვით, მიმწოდებლის მიერ გამოყენებული პრეპარატები უნდა შეესაბამებოდეს საქართველოს მოქმედი კანონმდებლობით დადგენილ მოთხოვნებს, აკმაყოფილებდეს საერთაშორისო სტანდარტებს და არ უნდა უქმნიდეს საფრთხეს ადამიანის სიცოცხლესა და ჯანმრთელობას. მიმწოდებელმა არ უნდა გამოიყენოს მწვავე, მძაფრი სუნის ან ადამიანისათვის სხვა უარყოფითი რეაქციის გამომწვევი საშუალებები, ასევე პრეპარატები, გამოყენების დროს არ უნდა იყოს ვადაგასული.

დერატიზაცია - სადერატიზაციო სამუშაოები (თაგვისებური მღრღნელების განადგურება ან უკუქცევა) უნდა ჩატარდეს „შემსყიდველის“ ობიექტებზე არსებულ შენობა-ნაგებობებში (სარდაფები, სხვენები, კიბის უჯრედები, კორიდორები, ჰოლი, სველი წერტილები, სამუშაო ოთახები, სასაწყობო ნაგებობები და დამხმარე ფართები, გარე მიმდებარე ტერიტორიები) უნდა განხორციელდეს ზემოთ დახასიათებული პრეპარატებით, „შემსყიდველის“ წარმომადგენელთან ერთად.


დეზინსექცია - სადეზინსექციო სამუშაოები (საყოფაცხოვრებო მავნე მწერების მოსპობა - მათ შორის ეპიდემიოლოგიური და სანიტარულ-ჰიგიენური მნიშვნელობის მქონე ფეხსახსრიანების განადგურება (ბუზი და მათი ნაჩეკები, ტარაკანა, ბაღლინჯო, კოღო, ჭიანჭველა, ტკიპი, რწყილიდა ა.შ.)) უნდა ჩატარდეს „შემსყიდველის“ ობიექტებზე არსებულ შენობა-ნაგებობებში და ტერიტორიებზე (ოფისებში, სასაწყობო მეურნეობებში, დამხმარე შენობა ნაგებობებში და „შემსყიდველის“ კუთვნილ გარე ტერიტორიებზე), სადაც უნდა დამუშავდეს სარდაფები, სხვენები, კიბის უჯრედები, კორიდორები, ჰოლი, სველი წერტილები, სამუშაო ოთახები, სასაწყობო ნაგებობები და დამხმარე ფართები მწერებისა და პარაზიტების განადგურებისათვის ან უკუქცევისათვის. აღნიშნული სამუშაოები უნდა განხორციელდეს ზემოთ დახასიათებული პრეპარატებით, „შემსყიდველის“ წარმომადგენელთან ერთად.


დეზინფექცია - სადეზინფექციო სამუშაოები (პათოგენური მიკროორგანიზმების განადგურება) უნდა ჩატარდეს
„შემსყიდველის“ ობიექტებზე არსებულ სველწერტილებში (საპირფარეშოებში, ხელსაბანო თახებში და სააბაზანოებში, საჭიროების შემთხვევაში ოფისის ოთახებში) ბაქტერიების, ვირუსების და სხვა მავნე მიკროორგანიზმების განადგურებისათვის. აღნიშნული სამუშაოები უნდა განხორციელდეს ზემოთ დახასიათებული პრეპარატებით, „შემსყიდველის“ წარმომადგენელთან ერთად.

ქვეწარმავლების დამაფრთხობელი ღონისძიებები - ქვეწარმავლების (გველები) საწინააღმდეგო სამუშაოები უნდა ჩატარდეს „შემსყიდველის“ ობიექტების გარე ტერიტორიაზე, მიტოვებულ შენობა-ნაგებობებში, ღია ტიპის ფარდულებში და სასაწყობო ნაგებობებში. ღონისძიებები უნდა განხორციელდეს აპრობირებული, ადამიანის ჯანმრთელობისათვის უსაფრთხო ბიოლოგიური რეპელენტების, ქიმიური საშუალებების, მექანიკური და ელექტრო მოწყობილობების გამოყენებით. სამუშაოები უნდა განხორციელდეს „შემსყიდველის“ წარმომადგენელთან ერთად.

დამატებით პირობები:
ღონისძიებები უნდა შესრულდეს ექიმი-ეპიდემიოლოგის უშუალო მონაწილეობით.

2025 წლის 1-ლი იანვრიდან 2025 წლის 31 დეკემბრის ჩათვლით, სატენდერო დოკუმენტაციის 1.2 პუნქტით გათვალისწინებული დანართი N 2-ს (მომსახურების პირობების) შესაბამისად, სატენდერო დოკუმენტაციის 1.3 პუნქტის დანართში N 1-ში (ფასების ცხრილი) მითითებული ვადების გათვალისწინებით.

სსიპ - საქართველოს ოპერატიულ-ტექნიკური სააგენტოს ობიექტებზე, მისამართები მითითებულია სატენდერო დოკუმენტაციის 1.2 პუნქტით გათვალისწინებული დანართი N 2-ში (მომსახურების პირობების) და სატენდერო დოკუმენტაციის 1.3 პუნქტის დანართში N 1-ში (ფასების ცხრილი).

პრეტენდენტს უნდა გააჩნდეს მსგავსი მომსახურების გაწევის გამოცდილება არანაკლებ 2 წლის განმავლობაში ( 2022, 2023, 2024 წწ.)

შესყიდვების ერთიან ელექტრონულ სისტემაში ატვირთული უნდა იყოს აღნიშნულის დამადასტურებელი დოკუმენტები - ტენდერის/CMR ნომრები (რომლებშიც ატვირთული იქნება შესრულების დამადასტურებელი დოკუმენტები) და/ან ხელშეკრულებები შესაბამისი მიღება-ჩაბარებების აქტებით ან/და ანგარიშფაქტურით (ინვოისით) (ან/და შესრულების დამადასტურებელი სხვა დოკუმენტებით)).

პრეტენდენტს უნდა გააჩნდეს სახელმწიფო საიდუმლოებასთან დაკავშირებული საქმიანობის შესაბამისი ნებართვა (ფორმა N4);

პრეტენდენტმა ფორმა N4 უნდა წარმოადგინოს ერთიანი ელექტრონული სისტემის მეშვეობით.


ასევე, ერთიან ელექტრონულ სისტემაში ასატვირთი დოკუმენტებია დანართი №1 (ფასების ცხრილი) და დანართი №2 (მომსახურების პირობები).

იმ შემთხვევაში, თუ ტენდერში პრეტენდენტის მიერ შესყიდვების ერთიან ელექტრონულ სისტემაში დაფიქსირებული პრეისკურანტის საბოლოო ფასი 20%-ით ან მეტით დაბალი იქნება შესყიდვის ობიექტის პრეისკურანტის სავარაუდო ღირებულებაზე, პრეტენდენტს მოეთხოვება ფასწარმოქმნის ადეკვატურობის დასაბუთება.

ფასწარმოქმნის ადექვატურობის დასაბუთება უნდა მოხდეს სსიპ „ლევან სამხარაულის სახელობის ექსპერტიზის ეროვნული ბიუროს“ ან სერთიფიცირებული აუდიტორული სამსახურის/აუდიტორის მიერ გაცემული შესაბამისი დასკვნის საფუძველზე. (დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი).

ამასთან, ფასწარმოქმნის ადექვატურობის დასაბუთების წარმოუდგენლობა გამოიწვევს პრეტენდენტის დისკვალიფიკაციას „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული წესის 32-ე მუხლის პირველი პუნქტის „დ“ ქვეპუნქტის საფუძველზე.

პრეტენდენტის მიერ წარმოდგენილი ფასწარმოქმნის ადექვატურობის დასაბუთება დაზუსტებას არ ექვემდებარება.

ანგარიშსწორება განხორციელდება შემდეგი პირობებით:

ა) ანგარიშსწორების ვალუტა - ლარი;

ბ) ანგარიშსწორების ფორმა - უნაღდო, მიმწოდებლის მიერ მითითებული საბანკო რეკვიზიტების შესაბამისად;

გ) შემსყიდველი იღებს ვალდებულებას გადაუხადოს მიმწოდებელს გაწეული მოსახურების ღირებულება ყოველთვიურად, მიღება-ჩაბარების აქტის გაფორმებისა და თანმდევი დოკუმენტაციის (საგადასახადო ანგარიშ-ფაქტურა) გამოწერის/წარმოდგენის შემდგომ.

შემსყიდველი იღებს ვალდებულებას მიმწოდებელს გადაუხადოს გაწეული მომსახურების ღირებულება, ეტაპობრივად, მიღება-ჩაბარების აქტის გაფორმებიდან და თანმდევი დოკუმენტაციის (საგადახდო ანგარიშ-ფაქტურა) გამოწერიდან/ წარმოდგენიდან 10 (ათი) სამუშაო დღის განმავლობაში.

იმ შემთხვევაში თუ მიმწოდებლის მიმართ გამოყენებული იქნება ხელშეკრულებით განსაზღვრული საჯარიმო სანქციები, მიმწოდებლის მიერ აღნიშნული საჯარიმო თანხის გადახდიდან 10 (ათი) სამუშაო დღის განმავლობაში.

ნათია ლომიძე, 595889954, n.lomidze@ssg.gov.ge

10.1.1. პრეტენდენტის მიერ ერთიან ელექტრონულ სისტემაში ატვირთულ ყველა დოკუმენტზე (რომლებიც საჭიროებენ პრეტენდენტის ხელმოწერას) უნდა იყოს შესრულებული კვალიფიციური ელექტრონული ხელმოწერა ან/და წარმოდგენილი დოკუმენტები უნდა იყოს დამოწმებული კვალიფიციური ელექტრონული შტამპით (იხ. „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტი).
10.1.2. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ეროვნულ ვალუტაში.
10.1.3. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.
10.1.4. სატენდერო წინადადება, ასევე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია და დოკუმენტაცია წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.5. პრეტენდეტის მიერ წარმოდგენილ ფასების ცხრილში დერატიზაციის, დეზინსექციის, დეზინფექციის და ქვეწარმავლების დამაფრთხობელი ღონისძიებების მომსახურების ცხრილებში, ერთი თვის მომსახურების გრაფაში შემოთავაზებული მომსახურების ღირებულება დამრგვალებული უნდა იყოს მეასედებამდე.
10.1.6. წინამდებარე ტენდერში მონაწილეობით პრეტენდენტი ავტომატურად ეთანხმება სატენდერო დოკუმენტაციის პირობებს.