Инженерные услуги (Грузия - Тендер #58619698)

ჭიათურის მუნიციპალიტეტში არსებული მღვიმეების - ხვედელიძეების კლდის, თაროკლდის, კოტიასკლდის და მანდაეთის ტურისტული ობიექტების მშენებლობისა და ექსპლუატაციის მიზანშეწონილობის დასადგენად საჭირო კვლევის მომსახურების შესყიდვა

ტექნიკური დავალება

შესყიდვის ობიექტს წარმოადგენს ჭიათურის მუნიციპალიტეტში არსებული მღვიმეების - ხვედელიძეების კლდის, თაროკლდის, კოტიასკლდის და მანდაეთის მღვიმეების ტურისტული ობიექტების მშენებლობის და ექსპლუატაციის მიზანშეწონილობის დასადგენად საჭირო კვლევების მომსახურების შესყიდვა

პირველი ეტაპი I-II თვე
1. მღვიმეების გეომორფოლოგიური პირობების აღწერა;
2. მღვიმეების ზედაპირის რაიონის ტოპო-გეოდეზიური აგეგმვა (3D სკანირების ფართობის შესაბამისად);
3. მღვიმეების სამ განზომილებიანი ფიქსაცია (3D სკანირება) - პირველ ეტაპზე წარმოდგენილი უნდა იყოს ორი მღვიმის (დაზუსტდება ხელშეკრულების დადებისას) სკანირების შედეგად მიღებული წერტილოვანი ღრუბელი მოცულობით ფორმაში-ელექტრონული ვერსია;
4. მღვიმეების დეტალური საინჟინრო-გეოლოგიური კვლევა;
4.1 მღვიმეების ქანების ნაპრალოვნების განსაზღვრა და ქანების ფიზიკო-მექანიკური მახასიათებლების დადგენა;
5. მღვიმეების ქანების მაკროსკოპული და მიკროსკოპული აღწერა;
6. მღვიმეებში რადიაციულ-ჰიგიენური პირობების დადგენა,
7. მღვიმეებში არსებული წყლების ქიმიური და მიკრობიოლოგიური ანალიზი,
8. ანგარიში მომზადება და დამკვეთისთვის წარდგენა

მეორე ეტაპი III-IV-V თვე
მღვიმეების მიმდებარე რაიონის გეოფიზიკური კვლევა;
1. მღვიმეების მიმდებარე ტერიტორიის ჰიდროგეოლოგიური კვლევა.
2. მღვიმეების სამ განზომილებიანი ფიქსაცია (3D სკანირება) - მეორე ეტაპზე წარმოდგენილი უნდა იყოს ორი მღვიმის (დარჩენილი ორი მღვიმის) სკანირების შედეგად მიღებული წერტილოვანი ღრუბელი მოცულობით ფორმაში - ელექტრონული ვერსია;
3. მღვიმეების პიკეტირება, გეგმების და მახასიათებელი ჭრილების აგება;
4. მღვიმეების ჰიდროლოგიური რეჟიმების დადგენა;
5. მღვიმეების აეროლოგია (ჰაერის სიჩქარის, ხარჯის და შემადგენლობის (O2, CO, CO2) დადგენა),
6. ანგარიში მომზადება და დამკვეთისთვის წარდგენა

მესამე ეტაპი VI-VII-VIII თვე
1. მღვიმის ჭერის ქანების სიმტკიცის მარაგის, მდგრადობის და სეისმომედეგობის შეფასება;
2. მღვიმეებში ვიზიტორთა შეუფერხებლად და უსაფრთხოდ გადაადგილების უზრუნველსაყოფად საინჟინრო ღონისძიებების შესახებ რეკომენდაციების შემუშავება;
3. მღვიმეებში ერთდროულად დასაშვები ვიზიტორების რაოდენობის განსაზღვრა,
4. მღვიმეებში ვიზიტორთა ნაკადების მართვის შესახებ რეკომენდაციების შემუშავება,
5. ანგარიში მომზადება და დამკვეთისთვის წარდგენა

ხელშეკრულების გაფორმებიდან 8 (რვა) თვე

იხ. 1.2 პუნქტის დანართი N1 (ტექნიკური დავალება)

თითოეულ მღვიმეზე ანგარიში წარმოდგენილ უნდა იქნას ცალ-ცალკე.
დოკუმენტი მომზადებული უნდა იყოს Adobe Acrobat-ში ქართულ და ინგლისურ ენაზე. მიმწოდებლის მიერ შემსყიდველისთვის საბოლოო დოკუმენტის ჩაბარება უნდა მოხდეს ელექტრონული (Adobe Acrobat) და მატერიალური ფორმით ოთხ (2 ქართულ და 2 ინგლისურ ენებზე) ეგზემპლარად შემსყიდველის მისამართზე: ქ. თბილისი, ა. პოლიტკოვსკაიას N7.
წარმოდგენილი უნდა იყოს ფოტომასალა და საბოლოო დოკუმენტის პრეზენტაცია მატერიალური და ელექტრონული ფორმით ქართულ და ინგლისურ ენებზე. საჭიროების შემთხვევაში შესაძლებელია საბოლოო დოკუმენტის შუალედური განხილვები.

შენიშვნა: გამოყენებულ უნდა იქნას 3D სკანერი, რომლითაც შესრულებული იქნება მღვიმის სივრცითი 3D განზომილებიანი აგეგმვა, პიკეტირება და მახასიათებელი ჭრილების აგება.

პრეტენდენტს უნდა გააჩნდეს, მიწისქვეშა ხელოვნური და ბუნებრივი სივრცეების კვლევის, დაპროექტების და მათი მდგრადობის შეფასების საკითხებში 5 წლიანი სამუშაოების შესრულების გამოცდილება;
შესრულებული უნდა ჰქონდეს, როგორც ზედაპირების ასევე მიწისქვეშა ბუნებრივი სივრცეების ტოპო-გეოდეზიური აგეგმვის სამუშაოები;
გამოცდილების დასადასტურებლად, წარმოდგენილი უნდა იქნას ხელშეკრულებები, წარმოდგენილი ხელშეკრულების მიღება-ჩაბარების აქტები და ამ ხელშეკრულებებთან დაკავშირებული საგადასახადო დოკუმენტები (ასეთის არსებობის შემთხვევაში) სრულად.

პრეტენდენტს ან მის ქვეკონტრაქტორს უნდა გააჩნდეს ქანების ფიზიკურ-მექანიკური შეფასების ლაბორატორია, პრეტენდენტმა სატენდერო წინადადებასთან ერთად სისტემის მეშვეობით უნდა წარმოადგინოს ლაბორატორიის შესახებ ინფორმაცია მისამართის მითითებით.

პრეტენტენტს უნდა გააჩნდეს საინჟინრო-გეოლოგიური კვლევის ჯგუფი
პრეტენდენტის მიერ სისტემაში ატვირთული უნდა იქნას გამოცდილებისა და კვალიფიკაციის დამადასტურებელი შემდეგი დოკუმენტაცია/ინფორმაცია:

წარმოდგენილ პირებთან გაფორმებული შრომითი ხელშეკრულების ან/და ბრძანების ასლი, ან/და ცნობა, ან/და ნოტარიულად დამოწმებული შეთანხმება, რომელიც დაადასტურებს პრეტენდენტთან მათი მუშაობის ფაქტს.

ქვეკონტრაქტორის არსებობის შემთხვევაში, სადაც ქვეკონტრაქტორი შეიძლება იყოს იურიდიული ან ფიზიკური პირი, პრეტენდენტმა უნდა წარმოადგინოს ინფორმაცია, სადაც ნათლად იქნება აღწერილი თუ რა მომსახურებას შეასრულებს ქვეკონტრაქტორი და შესაბამისად ქვეკონტრაქტორის შესაბამისი დოკუმენტები, კერძოდ:

1.სატენდერო წინადადებასთან ერთად წარმოდგენილი უნდა იქნას ინფორმაცია ქვეკონტრაქტორების არსებობის შესახებ.
2. ქვეკონტარორის არსებობის შემთხვევაში წარმოდგენილი უნდა იქნას მათი იურიდიული რეკვიზიტები. ქვეკონტრაქტორი სატენდერო წინადადების მიღების დამთავრების დღისთვის არ უნდა იყოს რეგისტრირებული შესყიდვებში მონაწილე არაკეთილსინდისიერ პირთა რეესტრში – “შავ სიაში".
3. პრეტენდენტსა და ქვეკონტრაქტორს შორის წინამდებარე ტენდერის ფარგლებში მომსახურების გაწევის შესახებ დოკუმენტები, შემდეგნაირად:
3.1. იურიდიული პირის შემთხვევაში - ხელშეკრულება;
3.2. ფიზიკური პირის შემთხვევაში - წარმოდგენილ პირებთან გაფორმებული შრომითი ხელშეკრულების ან/და ბრძანების ასლი, ან/და ცნობა, ან/და ნოტარიულად დამოწმებული შეთანხმება, რომელიც დაადასტურებს პრეტენდენტთან მათი მუშაობის ფაქტს.

პრეტენდენტის მიერ ერთიან ელექტრონულ სისტემაში ასატვირთი დოკუმენტაცია/ინფორმაცია:
1. პრეტენდენტმა უნდა წარმოადგინოს რეკვიზიტები იმ ინფორმაციის შემცველობით, რომელიც არ აქვს ასახული სისტემაში არსებულ მიმწოდებლის პროფილში;
2. დანართი N1 (ფასების ცხრილი, პუნქტი 1.3);
3. პრეტენდენტის გამოცდილების დამადასტურებელი დოკუმენტაცია (პუნქტი 2.2.1);
4. პრეტენდენტის პერსონალის გამოცდილებასთან დაკავშირებული მოთხოვნები (პუნქტი 2.4.1);
5. მოთხოვნა ქვეკონტრაქტორთან დაკავშირებით (პუნქტი 2.8.1).

წინამდებარე ტენდერში არ იქნება მოთხოვნილი ფასწარმოქმნის ადეკვატურობის დასაბუთება, რადგან მომსახურების ღირებულების ძირითად კომპონენტს წარმოადგენს ინტელექტუალური ტიპის შრომის ანაზღაურება, რაც პოტენციურად შესაძლებელს ხდის აღნიშნული მომსახურების მიწოდება განხორციელდეს სავარაუდო ღირებულებაზე 20%-ით ნაკლებ ფასად.

2 Процентов

4 Процентов

გარანტიის მოქმედების ვადა არანაკლებ 30 კალენდარული დღით უნდა აღემატებოდეს შესყიდვის ობიექტის მოწოდების ვადას

1. უპირობო გამოუთხოვადი გარანტია წარმოდგენილი უნდა იქნას საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ საქართველოს დაზღვევის სახელმწიფო ზედამხედველობის სამსახურის მიერ ლიცენზირებული სადაზღვევო კომპანიიდან.
2. აღნიშნული გარანტია წარმოდგენილი უნდა იქნას შესაბამისი ხელშეკრულების გაფორმებამდე.
3. ხელშეკრულების შესრულების უზრუნველყოფის მიზნით, მიმწოდებლის მიერ წარმოდგენილი უპირობო გამოუთხოვადი გარანტია გამოიყენება ნებისმიერი ზარალის ასანაზღაურებლად, რომელიც მიადგება შემსყიდველს მიმწოდებლის მიერ ხელშეკრულების პირობების შეუსრულებლობის ან არასრული /არაჯეროვანი შესრულების გამო.
4. თეთრ სიაში რეგისტრირებული მიმწოდებელი შემსყიდველ ორგანიზაციას წარუდგენს მოთხოვნილი ოდენობის ხელშეკრულების შესრულების უზრუნველყოფის გარანტიის ნახევარს.

სახელმწიფო შესყიდვების სააგენტოს თავმჯდომარის 2017 წლის 14 ივნისის #12 ბრძანებით დამტკიცებული "ელექტრონული ტენდერის ჩატარების წესის" 34-ე მუხლის მე-3 პუნქტის შესაბამისად, თუ გამარჯვებული პრეტენდენტის მიერ ელექტრონული ვაჭრობის შედეგად დაფიქსირებული წინადადების საბოლოო ფასი ნაკლები იქნება 200 000 ლარზე, არ მოეთხოვება პრეტენდენტს ხელშეკრულების შესრულების უზრუნველყოფის გარანტიის წარდგენა.

შენიშვნა: სახელმწიფო შესყიდვების შესახებ“ საქართველოს კანონის 21-ე მუხლის მე-3 პრიმა პუნქტის თანახმად, შემსყიდველი ორგანიზაციის გადაწყვეტილებით, ამ პუნქტით გათვალისწინებული გარანტიის წარდგენისგან შესაძლებელია განთავისუფლდეს პრეტენდენტი მისი საქმიანი რეპუტაციისა და მის მიერ წარმოებული საქონლის, მომსახურებისა და სამუშაოს ხარისხისა და ცნობადობის გათვალისწინებით.

ანგარიშსწორება განხორციელდება უნაღდო ანგარიშწორებით ლარში;
ანგარიშსწორება განხორციელდება სამ ეტაპად, შესაბამისი ფინანსური დოკუმენტაციის წარმოდგენიდან 10 (ათი) სამუშაო დღის განმავლობაში.

ანგარიშსწორება განხორციელდება შესაბამისი ფინანსური დოკუმენტაციის (ანგარიშფაქტურის (ასეთის არსებობის შემთხვევაში) და მიღება-ჩაბარების აქტის) წარმოდგენიდან 10 (ათი) სამუშაო დღის განმავლობაში.

სოფო ტურიაშვილი, 591197794, s.turiashvili@resorts.gov.ge

1.სატენდერო წინადადების ერთეული და საერთო ფასი გამოსახული უნდა იყოს მხოლოდ ეროვნულ ვალუტაში - ლარში, შესყიდვის ობიექტის მიწოდებასთან დაკავშირებული საქართველოს კანონმდებლობით გათვალისწინებული ყველა გადასახადის ჩათვლით, დღგ-ს ჩათვლით;
2. პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვების ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა (GEO Signing CA) ან/და ეს დოკუმენტები დაამოწმოს კვალიფიციური ელექტრონული შტამპით (GEO Eseal CA). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა. პრეტენდენტი ვალდებულია, მის მიერ შექმნილი, წინადადების სახით წარსადგენ დოკუმენტებზე (მაგ., ფასების ცხრილი, ინფორმაცია გამოცდილების შესახებ და ა.შ.) შეასრულოს კვალიფიციური ელექტრონული ხელმოწერა (GEO Signing CA) ან/და ეს დოკუმენტები დაამოწმოს კვალიფიციური ელექტრონული შტამპით (GEO Eseal CA). აღნიშნულისთვის პრეტენდენტს აქვს ორი შესაძლო გზა:
2.1 ყველა PDF დოკუმენტი სათითაოდ დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით;
2.2 გააერთიანოს წარსადგენი დოკუმენტები ერთ PDF ფაილად, ხოლო თუ ერთი ფაილის ზომა აღემატება 20 მეგაბაიტს – რამდენიმე PDF ფაილად და ის/ისინი დაამოწმოს/დაადასტუროს კვალიფიციური ხელმოწერით (GEO Signing CA) ან/და კვალიფიციური შტამპით (GEO Eseal CA).
3. სატენდერო წინადადება, აგრეთვე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია და დოკუმენტაცია წარმოდგენილი უნდა იქნას ქართულ ენაზე. არაქართულენოვანი დოკუმენტაცია არ განიხილება. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით, შესრულებული თარგმანები ქართულ ენაზე, ნოტარიულად დამოწმებული. დოკუმენტთან დაკავშირებული სადავო საკითხ (ებ)ის გადაწყვეტისას უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია;
4. სხვადასხვა ვალუტაში გამოსახული სატენდერო წინადადება არ განიხილება;
5. პრეტენდენტს არა აქვს უფლება წარმოადგინოს ალტერნატიული სატენდერო წინადადება.