Автомобили (Грузия - Тендер #58619650)

ავტოსატრანსპორტო საშუალება C კატეგორიისათვის

ტრანსპორტის ტიპი: სატვირთო ფურგონი.

1.2.1 ტრანსპორტის ტიპი: სატვირთო ფურგონი (ტექნიკური მახასიათებლები)

1. გამოშვების წელი - არანაკლებ 2024 წ. (ექსპლუატაციაში არ მყოფი)
2. საჭე - მარცხენა.
3. გავლილი მანძილი კილომეტრებში - 0 კმ. - 5000 კმ.
4. ძრავის მოცულობა - 4000 სმ3 - 7000 სმ3.
5. საწვავის ტიპი - დიზელი.
6. გადაცემათა კოლოფი - მექანიკური.
7. ჰაერის გაგრილების (კონდიციონერი) და გათბობის სისტემა.
8. ელ. რეგულირებადი გვერდითი უკანა ხედვის სარკეები.
9. ელ. რეგულირებადი შუშები (მარცხენა-მარჯვენა).
10. სამ წერტილიანი უსაფრთხოების ღვედი.
11. არანაკლებ EURO 5 სტანდარტი
12. სიჩქარე არანაკლებ - 80 კმ/სთ.
13. სიგრძე - 8 მ. – 10 მ.
14. სიგანე - 2.40 მ. – 2.60 მ.
15. ნებადართული მაქსიმალური მასა არანაკლებ (სრული მასა) - 12 000 კგ.
16. სამუხრუჭე სისტემა აღჭურვილი უნდა იყოს წინა საყრდენი დისკებით.
17. სატვირთო ნაკვეთური უნდა შედგებოდეს დახურული მყარი ყუთისაგან (ფორგონი), რომლის სიგანე და სიმაღლე უნდა იყოს არანაკლები სატრანსპორტო საშუალების კაბინის სიგანისა და სიმაღლისა.
18. ავტომობილის სიმაღლე სატვირთო ნაკვეთურის ჩათვლით არაუმეტეს 4.0 მ.
19. ავტომომობილი აღჭურვილი უნდა იყოს მოძრაობის პარამეტრების აღმნიშვნელი საკონტროლო მოწყობილობთ (ტაქოგრაფი).
20. სამუხრუჭე სისტემა - ABS .
21. საბურავის დისკის ზომა R19.5
22. სათადარიგო დისკი საბურავით (R19.5-ზომით), ავტომობილის ამწე მექანიზმი, საბურავის მოსახსნელი ქანჩი.
23. აღჭურვილი უნდა იყოს მისაბმელის მაბუქსირებელი მოწყობილობით რომელიც გაუძლებს დატვირთვას არანაკლებ - 8000 კგ. (მაბუქსირებელი მოწყობილობა აღჭურვილი უნდა იყოს ელ. გაყვანილობითა და ჰაერის გადამყვანი მილებით რომლითაც შესაძლებელი იქნება მისაბმელის სამუხრუჭე სისტემისა და ელ. გაყვანილობის დაერთება).

რაოდენობა: 3 (სამი) ერთეული.

1.2.2 გამარჯვებული პრეტენდენტის (შემდგომში - მიმწოდებლის) მიერ ავტოსატრანსპორტო საშუალებების მიწოდების დროს წარმოდგენილი უნდა იყოს მწარმოებლის და/ან შესაბამისი უფლებამოსილი პირის/ორგანოს მიერ გაცემული, ავტოსატრანსპორტო საშუალების არანაკლებ EURO 5-ის სტანდარტის დამადასტურებელი დოკუმენტი.

1.2.3 ავტოსატრანსპორტო საშუალების მიწოდების დროს განხორციელებულ უნდა იყოს მასზე ბრენდირება (დასტიკერება) შემსყიდველის მიერ მოთხოვნილი ესკიზისა და სამუშაო ფაილის შესაბამისად.

შენიშვნა: ავტოსატრანსპორტო საშუალების ბრენდირებისათვის, სამუშაო ფაილი დაზუსტდება ხელშეკრულების გაფორმების დროს კონკრეტული ავტომობილის მოდელის გათვალისწინებით. მიმაგრებული ესკიზი არის ვიზუალისთვის და არ არის განსაზღვრულ სურათზე ასახული კონკრეტული მოდელის/მარკის ავტომობილისთვის.

1.2.4 ავტოსატრანსპორტო საშუალება ადაპტირებული უნდა იყოს მართვის მოწმობის მისაღები პრაქტიკული გამოცდისათვის (სასწავლო), დამატებითი აღჭურვილობით, რომელიც უნდა შედგებოდეს რკინის მყარი კონსტრუქციისაგან. კერძოდ: პარალელური სატერფულებით - შეჭიდების გამთიშველი, სამუხრუჭე.

შენიშვნა: პარალელური სატერფულების შესაბამისობა დადგენილ მოთხოვნებთან უნდა დადასტურდეს სახელმწიფო ორგანოს მიერ აკრედიტირებული პირის გაცემული დოკუმენტაციით, რომელშიც ასახული იქნება, რომ სატრანსპორტო საშუალების გადაკეთება განხორციელებულია საქართველოს მთავრობის 2014 წლის 03 იანვრის N36 დადგენილების (ტექნიკური რეგლამენტის ,,მექანიკური სატრანსპორტო საშუალების გადაკეთების წესები’’-ს) წესების საფუძველზე და მისი ტექნიკური მდგომარეობა შეესაბამება დადგენილ მოთხოვნებს. წარმოდგენილი უნდა იქნას აგრეთვე აკრედიტირებული პირის აკრედიტაციის დამადასტურებელი დოკუმენტი. აღნიშნული დოკუმენტები წარმოდგენილ უნდა იქნეს გამარჯვებული პრეტენდენტის (შემდგომში - მიმწოდებლის) მიერ ავტოსატრანსპორტო საშულებების მიწოდების დროს.

1.2.5 ავტოსატრანსპორტო საშუალება აღჭურვილი უნდა იყოს დამატებითი მარცხენა და მარჯვენა გვერდითი უკანა ხედვის სარკეებით (თანდართული ესკიზისა და ზომების შესაბამისად), რომლითა მეშვეობით გამომცდელს უნდა შეეძლოს ავტომობილის გაბარიტების მხედველობის არეალის კონტროლი.

შენიშვნა: ავტოსატრანსპორტო საშუალებებზე დამატებითი სარკეების განთავსების (მონტაჟის) ადგილები დაზუსტდება ხელშეკრულების გაფორმების დროს კონკრეტული ავტომობილის მოდელის გათვალისწინებით.

ხელშეკრულების გაფორმებიდან 300 (სამასი) კალენდარული დღე.

1.5.1 ქ.რუსთავი, თბილისი-წითელი ხიდის გზატკეცილი 21-ე კმ, სსიპ საქართველოს შსს-ს მომსახურების სააგენტო.

1.5.2 მიმწოდებელი საქონლის მიწოდებას უზრუნველყოფს საკუთარი ხარჯებით საქართველოს კანონმდებლობით განსაზღვრული ყველა სახის გადასახადის, მოსაკრებლის ჩათვლით, მათ შორის, განბაჟებისა და სახელმწიფო რეგისტრაციის, (შემსყიდველზე გადაფორმებისა და სტანდარტული ფასის სახელმწიფო სანომრე ნიშნების ჩათვლით) პრაქტიკული საგამოცდოდ ადაპტირებისა და ბრენდირების (დასტიკერების) ხარჯების ჩათვლით.

1.5.3 სატენდერო დოკუმენტაციის 1.4 პუნქტით განსაზღვრულ ვადაში მიმწოდებელი უზრუნველყოფს განბაჟებას, რეგისტრაციას (შემსყიდველზე გადაფორმებისა და სტანდარტული ფასის სახელმწიფო სანომრე ნიშნების ჩათვლით), პრაქტიკული გამოცდისთვის ადაპტირებას და ბრენდირებას (დასტიკერებას).

1.7.1.1 ავტოსატრანსპორტო საშუალებაზე საგარანტიო ვადა განისაზღვროს მიღება-ჩაბარების აქტის გაფორმების დღიდან არანაკლებ 1 (ერთი) წელი სრულ ავტომობილზე, ხოლო 2 (ორი) წელი ძირითად აგრეგატებზე (ძრავი, რედუქტორი (ხიდი) გადაცემათა კოლოფი). გარდა სწრაფცვეთადი ნაწილებისა, საცხებ-საპოხი მასალა (მათ შორის ანტიფრიზი, ფრეონი), საბურავები, ელექტრონათურები, ელექტრომცველები, შუშის საწმენდი ჯაგრისები, გადაცემათა კოლოფის გადაბმულობის ქურო, გადაცემათა კოლოფის მომჭიმი საკისარი, გადაცემათა კოლოფის გადაბმულობის დისკი, სამუხრუჭე ხუნდი და საყრდენი დისკი.

1.7.1.2 მიმწოდებელი ვალდებულია, ავტომობილზე გამოვლენილი ნებისმიერი საწარმოო დეფექტის აღმოფხვრა, შეკეთება ან საქონლის ახლით შეცვლა განახორციელოს საკუთარი სახსრებით, შემსყიდველის მიერ წერილობითი მოთხოვნიდან, სავალი ნაწილების შემთხვევაში არაუმეტეს 2 (ორი) სამუშაო დღეში, აგრეგატულ ნაწილებზე არაუმეტეს 20 (ოცი) სამუშაო დღეში, ხოლო დეფიციტური სათადარიგო ნაწილებით უზრუნველყოფა/მომსახურებით არაუმეტეს 30 (ოცდაათი) სამუშაო დღეში.

1.7.1.3 თუ სატრანსპორტო საშუალების მიწოდებიდან 1 000 კმ.-ის გავლის განმავლობაში ავტომობილს აღმოაჩნდება საწარმოო დეფექტი ძირითად აგრეგატზე (ძრავა, გადაცემათა კოლოფი, ხიდი) მომწოდებელი ვალდებულია სატრანსპორტო საშუალება შეცვალოს ახლით, საწარმოო დეფექტის დადგენიდან არაუმეტეს 150 (ასორმოცდაათი) კალენდარული დღის განმავლობაში.

1.7.1.4 ავტომობილის დაზიანებული ნაწილი უნდა შეიცვალოს ახალი (არა მეორადი), მაღალი ხარისხის სათადარიგო ნაწილით. ახალი (არამეორადი) სათადარიგო ნაწილები უნდა იყოს წარმოებული ან რეკომენდირებული შესაკეთებელი ავტოსატრანსპორტო საშუალების მწარმოებელი კომპანიის მიერ.

1.7.1.5 საგარანტიო პერიოდის განმავლობაში, ავტომობილის ტექნიკური მომსახურება გაწეული უნდა იქნეს დაუყოვნებლივ, რიგგარეშე.

1.7.1.6 საგარანტიო პერიოდის განმავლობაში, მიმწოდებელი ვალდებულია ავტომობილის ტექნიკური გაუმართაობის დადგომის შემთხვევაში (საგარატიო შემთხვევის), უსასყიდლოდ უზრუნველყოს ავტოსატრანსპორტო საშუალების ტრანსპორტირება გადამზიდით (ევაკუატორით) იმ სერვის ცენტრამდე, სადაც გაეწევა ტექნიკური მომსახურება.

შენიშვნა: მიმწოდებელთან კომუნიკაცია მოხდება სატელეფონო, ელ ფოსტით ან ოფიციალური წერილის საშუალებით.

2.1.1.1 პრეტენდენტი ვალდებულია ფასების ცხრილში (დანართი N1) მიუთითოს შესყიდვის ობიექტის მწარმოებელი ქვეყანა, მწარმოებელი/ბრენდი და ავტომანქანის მარკა/მოდელი (გარდა სატვირთო ნაკვეთურისა).
2.1.1.2 პრეტენდენტის მიერ 2.1.1.1 პუნქტით გათვალისწინებული ინფორმაციის წარმოუდგენლობა დაზუსტებას არ დაექვემდებარება და გამოიწვევს მის დისკვალიფიკაციას.

პრეტენდენტს უნდა გააჩნდეს, შემოთავაზებული სატრანსპორტო საშუალების მწარმოებელის მიერ ავტორიზებული სერვის ცენტრი ქ. თბილისში. აღნიშნულის დადასტურების მიზნით უნდა წარმოადგინოს მწარმოებლის მიერ გაცემული შესაბამისი დოკუმენტი. ამასთანავე, პრეტენდენტს უნდა გააჩნდეს, სერვის ცენტრი დასავლეთ საქართველოში, სადაც საჭიროების შემთხვევაში უზრუნველყოფს ავტოსატრანსპორტო საშუალების ტექნიკურ მომსახურებას (აღნიშნულის დასტურად პრეტენდენტმა უნდა წარმოადგინოს შესაბამისი ინფორმაცია).

პრეტენდენტის მიერ შემოთავაზებული ავტოსატრანსპორტო საშუალება წარმოებული უნდა იყოს UN/ECER29 რეგულაციის შესაბამისად. აღნშნულის დასადასტურებლად პრეტენდენტის მიერ წარმოდგენილი უნდა იყოს შესაბამისი უფლებამოსილი ორგანოს (პირის) მიერ გაცემული დოკუმენტი.

4.1.1.1 იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული საქონლის მიწოდების შესაძლებლობა.
4.1.1.2 დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას.ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12ბრძანების მე-18 მულის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

5 Процентов

10 Процентов

ხელშეკრულების უზრუნველყოფის საბანკო გარანტიის მოქმედების ვადა 30 (ოცდაათი) კალენდარული დღით უნდა აღემატებოდეს ხელშეკრულების მოქმედების ვადას.

ხელშეკრულების უზრუნველყოფის გარანტია წარმოდგენილი უნდა იყოს საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახური“-ს მიერ ლიცენზირებული სადაზღვევო კომპანიიდან, ეროვნულ ვალუტაში - ლარში. გარანტია უნდა იყოს უპირობო და გამოუთხოვადი რაც გულისხმობს, გარანტი იღებს ვალდებულებას,ყოველგვარი უარყოფისა და გასაჩივრების უფლების გარეშე, წერილობითი მოთხოვნის წარდგენიდან მომდევნო 5 (ხუთი) სამუშაო დღის ვადაში, გადაუხადოს ბენეფიციარს თანხა თუ პრინციპალმა არ შეასრულა ბენეფიციართან გაფორმებული სახელმწიფო შესყიდვების შესახებ ხელშეკრულებით ნაკისრი ვალდებულებები, ასევე, გარანტიის თანხა არ უნდა მცირდებოდეს შესრულებული მიწოდებული საქონლის ღირებულების პროპორციულად.

7.1.1.1 წინასწარი ანგარიშსწორების (ავანსი) გამოყენება შესაძლებელია, ხელშეკრულების საერთო ღირებულების არაუმეტეს 50%-ის ოდენობით,საავანსო თანხის იდენტური ოდენობის უპირობო გამოუთხოვადი გარანტიის წარმოდგენის საფუძველზე, (რომლის მოქმედების ვადა 30 (ოცდაათი) კალენდარული დღით უნდა აღემატებოდეს ხელშეკრულების მოქმედების ვადას) რაც გულისხმობს, გარანტი იღებს ვალდებულებას, ყოველგვარი უარყოფისა და გასაჩივრების უფლების გარეშე, წერილობითი მოთხოვნის წარდგენიდან მომდევნო 5 (ხუთი) სამუშაო დღის ვადაში, გადაუხადოს ბენეფიციარს თანხა თუ პრინციპალმა არ შეასრულა ბენეფიციართან გაფორმებული სახელმწიფო შესყიდვების შესახებ ხელშეკრულებით ნაკისრი ვალდებულებები.
7.1.1.2 წინასწარი ანგარიშსწორების (საავანსო) გარანტია წარმოდგენილი უნდა იქნას საქართველოს ეროვნული ბანკის მიერ ლიცენზირებული საბანკო დაწესებულებიდან ან/და სსიპ „საქართველოს დაზღვევის სახელმწიფო ზედამხედველობის სამსახური“-ს მიერ ლიცენზირებული სადაზღვევო კომპანიიდან ეროვნულ ვალუტაში - ლარში.
7.1.1.3 დარჩენილი ღირებულების გადახდა მოხდება საბოლოო მიღება-ჩაბარების აქტის გაფორმების შემდეგ.

სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით. ანგარიშსწორება მოხდება უნაღდო ანგარიშსწორებით ლარში.

ანგარიშსწორება მოხდება ფაქტიურად მოწოდებული საქონლის მიღება-ჩაბარების აქტის გაფორმების, სასაქონლო ზედნადებისა და შესაბამისი ღირებულების დღგ-ს გადასახადის ანგარიშფაქტურის წარმოდგენიდან 10 (ათი) სამუშაო დღის განმავლობაში.

ანტონი გლავაცკი, 577579779, glavacki.a@sa.gov.ge ტექნიკურ საკითხებთან დაკავშირებით გიგი ყობიაშვილი 595 018 885;

10.1.1. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
10.1.2. ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია;
10.1.3. ალტერნატიული სატენდერო წინადადება არ განიხილება;
10.1.4. სატენდერო წინადადების ფასი გამოსახული უნდა იყოს ეროვნულ ვალუტაში - ლარში, შესყიდვის ობიექტის მიწოდებასთან დაკავშირებული მიმწოდებლის ყველა ხარჯის (მ.შ კანონმდებლობით გათვალისწინებული გადასახადები) გათვალისწინებით.
10.1.5. პრეტენდენტმა სატენდერო წინადადების ფასში უნდა გაითვალისწინოს დღგ, თუ იგი არის დღგ-ს გადამხდელი საქართველოს კანონმდებლობის შესაბამისად.
10.1.6. ტენდერში მონაწილეობით პრეტენდენტი ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო;
10.1.8. სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის" მე-8 მუხლით დადგენილი წესის შესაბამისად.
10.1.9 იმ შემთხვევაში თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით და პრეტენდენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი/მომსახურება. ამასთან, ტექნიკურ დავალებაში მოცემული პარამეტრები არის შემსყიდველის მიერ დადგენილი მინიმალური მოთხოვნები, რომელსაც უნდა აკმაყოფილებდეს პრეტენდენტის მიერ შემოთავაზებული შესყიდვის ობიექტი.
10.1.10 პრეტენდენტის მიერ სახელმწიფო შესყიდვის განხორციელების ნებისმიერ ეტაპზე, სახელმწიფო შესყიდვების ერთიან ელექტრონულ სისტემაში ატვირთული ან შემსყიდველისთვის გადაცემული პერსონალური ინფორმაცია, სსიპ საქართველოს შსს მომსახურების სააგენტოს მიერ, „პერსონალურ მონაცემთა დაცვის შესახებ“ საქართველოს კანონის შესაბამისად, შესაძლებელია დამუშავდეს სახელმწიფო შესყიდვის მიზნებისთვის“.


10.2 პრეტენდენტის მიერ ერთიან ელექტრონულ სისტემაში ასატვირთი მონაცემები:

10.2.1 ფასების ცხრილი დანართი N1-ის შესაბამისად, რომელშიც ასახული იქნება დეტალური ინფორმაცია შემოთავაზებული საქონლის (სატრანსპორტო საშუალება, ტექნიკური მახასიათებლები, მიწოდების ვადები, საგარანტიო ვადები და პირობები, აგრეთვე, მისაწოდებელი საქონლის მწარმოებელი ქვეყანა, მწარმოებელი/ბრენდი და ავტომანქანის მარკა/მოდელი (გარდა სატვირთო ნაკვეთურისა).

10.2.2 ინფორმაცია/დოკუმენტ(ებ)ი პრეტენდენტის მატერიალურ-ტექნიკური ბაზის შესახებ, სატენდერო დოკუმენტაციის 2.3.1 პუნქტის შესაბამისად.

10.2.3 ინფორმაცია/დოკუმენტ(ებ)ი ავტოსატრანსპორტო საშუალების UN/ECER29 რეგულაციის შესაბამისად წარმოების შესახებ სატენდერო დოკუმენტაციის 2.7.1 პუნქტის შესაბამისად.