Ремонт и техническое обслуживание строительных сооружений (Грузия - Тендер #58619606)

შსს ქ. თბილისის პოლიციის დეპარტამენტის და მისი ტერიტორიული დანაყოფების ადმინისტრაციულ შენობებში განთავსებული სამგზავრო ლიფტების ტექნიკური მომსახურება

1.2.1 მიმწოდებელი ვალდებულია არანაკლებ თვეში ორჯერ ლიფტს ჩაუტაროს ტექნიკური დათვალიერება (შესაბამისი შუალედური აქტის გაფორმებით).
1.2.2 მიმწოდებელი ვალდებულია ვიზიტის დროს განახორციელოს ქვემოთ ჩამოთვლილი დეტალების და მექანიზმების შემოწმება:

1. ლიფტის შიდა კაბინა
 ღილაკები და ოპერაციული მექანიზმის სიმბოლოები;
 კაბინის განათება;
 კაბინის სისუფთავე;
 ფოტოსელი;
 ვენტილაცია;
 კაბინის სიმყარე;
 კარის მიმმართველები;
 ლიფტის სვლა;
 სართულებზე გაჩერების სისწორე.

2. ლიფტის კაბინის ზედა მხარე
 სტოპ და რევიზიის ღილაკები;
 განათება;
 სისუფთავე;
 სადენები/ელექტროგაყვანილობა;
 კაბინის სიმყარე;
 ავარიული მუხრუჭი;
 ტროსების დაჭიმულობა და დამჭერები;
 კაბინის და საპირწონის მცოცავები;
 შიდა კარის მექნიზმი.

3. ლიფტის სამანქანე ოთახი
 სტოპ და რევიზიის ღილაკები;
 პანელის სისუფთავე;
 განათება;
 სამანქანის სისუფთავე;
 ვენტილაცია;
 ძრავის მდგომარეობა;
 UPS (ავარიულად დაშვების მექანიზმი).

4. შახტა
 სისუფთავე;
 განათება;
 უსაფრთხოების ზამბარები;
 რელსები;
 გარეთა კარებების მექანიზმები;
 სადენების გაყვანილობა და ფლექსის მდგომარეობა.

1.2.3 მიმწოდებელი ვალდებულია დაიცვას ლიფტის უსაფრთხო ექსპლუატაციის წესებით გათვალისწინებული ყველა მოთხოვნა;
1.2.4 მიმწოდებელი პასუხისმგებელია იმ უბედურ შემთხვევებზე, რომლებიც შეიძლება გამოწვეული იყოს ლიფტის ტექნიკური გაუმართაობით;
1.2.5 მიმწოდებელი ვალდებულია გამოყოს კვალიფიციური ტექნიკური პერსონალი ზედამხედველად ლიფტის გამართულ ფუნქციონირებაზე;
1.2.6 შემსრულებელმა გაუმართაობის დიაგნოზის დასმა, დეტალების შეცვლა და სისტემის ჩართვა/ექსპლუატაციაში გაშვება უნდა მოახდინოს აგრეგატის ობიექტიდან გატანის გარეშე; აუცილებლობის შემთხვევაში, აგრეგატის გატანა უნდა მოხდეს ხელშეკრულების კოორდინატორთან შეთანხმებით;
1.2.7 მიმწოდებელი ვალდებულია ლიფტის დაზიანების შემთხვევაში, მომსახურეობის ფარგლებში უზრუნველყოს, ფასების ცხრილში (პრეიკურანტი) ჩამოთვლილი დეტალების შეცვლა, კოორდინატორთან შეთანხმებით;
1.2.8 მიმწოდებელი ვალდებულია მომსახურების გაწევისას გამოიყენოს ახალი (არამეორადი) სათადარიგო ნაწილები. მეორადი ნაწილების გამოყენება დასაშვებია მხოლოდ შემსყიდველთან შეთანხმებით, მოცემულ შემთხვევაში მეორადი სათადარიგო ნაწილის ფასი უნდა იყოს განსხვავებული და ის უნდა განისაზღვროს საბაზრო ფასის გათვალისწინებით, ურთეირთშეთანხმების საფუძველზე.
1.2.9 მიმწოდებელი ვალდებულია შემსყიდველის მოთხოვნის შემთხვევაში (წელიწადში ერთჯერ) მოახდინოს სამგზავრო ლიფტის ხისტი მუხრუჭების შემოწმება, შესაბამისი აქტის გაფორმებით;
1.2.10 მომსახურება უნდა განხორციელდეს შესაბამისი კვალიფიკაციის მქონე სპეციალისტების მიერ; სპეციალისტი აღჭურვილი უნდა იყოს ყველა საჭირო ხელსაწყოთი;
1.2.11 სამუშაოების შესრულების დროს დაცული უნდა იყოს უსაფრთხოების ნორმები;
1.2.12 მიმწოდებელი ვალდებულია ლიფტის ტექნიკური გაუმართაობის შემთხვევაში (ლიფტის ექსპლუატაციის უსაფრთხოების ნორმებთან შეუსაბამობა) შეწყვიტოს ლიფტის ექსპლუატაცია და დამკვეთს აცნობოს წერილობით არსებულის შესახებ;
1.2.13 მიმწოდებლის მიერ შემსყიდველის ქონების დაზიანების შემთხვევაში, მიმწოდებელი ვალდებულია საკუთარი ხარჯებით აღმოფხვრას აღნიშნული დაზიანება/მიყენებული ზიანი.
1.2.14 შემსყიდველი უფლებამოსილია შეწყვიტოს მიმდინარე ხელშეკრულება, თუ მიმწოდებელზე გაგზავნილ იქნა ორი ან მეტი გამაფრთხილებელი წერილი, სადაც დაფიქსირებული იქნება მათ მიერ მომსახურების არაჯეროვნად ან ვადაგადაცილებით გაწევის შემთხვევები.

მომსახურების პრეისკურანტი იხილეთ სატენდერო დოკუმენტაციის 1.3 პუნქტი

მომსახურება უნდა განხორციელდეს 2025 წლის 1 იანვრიდან - 2026 წლის 31 მარტის ჩათვლით, კერძოდ:

1. ავარიულად გაჩერებული ლიფტის გაშვება უნდა მოხდეს შეტყობინების მიღებიდან დაუყოვნებლივ, მაგრამ არუგვიანეს 2 საათისა. (როდესაც არ არის შესაკეთებელი ან გამოსაცვლელი რაიმე დეტალი).

2. დაზიანებული სათადარიგო ნაწილის შეკეთება (როდესაც ნაწილი ექვემდებარება შეკეთებას და არ საჭიროებს შეცვლას) და გაჩერებული ლიფტის გაშვება უნდა მოხდეს ყოველდღიურად (შაბათ-კვირის ჩათვლით), შემსყიდველის მოთხოვნიდან 24 საათის განმავლობაში.

3. დაზიანებული სათადარიგო ნაწილის შეცვლა (როდესაც ნაწილი არ ექვემდებარება შეკეთებას და აუცილებლად საჭიროებს შეცვლას) და გაჩერებული ლიფტის გაშვება უნდა მოხდეს ყოველდღიურად (შაბათ-კვირის ჩათვლით), შემსყიდველის მოთხოვნიდან 48 საათის განმავლობაში.

4. იმ შემთხვევაში თუ დაზიანებული დეტალის მოძიება ვერ ხერხდება ადგილობრივ ბაზარზე, მიმწოდებელმა არაუმეტეს 2 სამუშაო დღის ვადაში უნდა წარმოადგინოს დეტალის შეკვეთის დოკუმენტაცია, რის შემდეგაც განისაზღვრება სამუშაოების შესრულების ვადა.

5. ტექნიკური დავალების მიღების და გამოძახების თარიღად ჩაითვლება შსს ქ. თბილისის პოლიციის დეპარტამენტის უფლებამოსილი პირის მიერ გაგზავნილი შეტყობინება (შეტყობინება შესაძლებელია განხორციელდეს სატელეფონო ან/და ელექტრონულ ფოსტაზე შეტყობინების გზით).

მომსახურების გაწევის ადგილი:

- ქ. თბილისი დიღმის მასივი 2კვ,კ. ჩალაძის ქ. №2. შსს ქ.თბილისის პოლიციის დეპარტამენტის ადმინისტრაციული შენობა.

- ქ. თბილისი ჯავახეთის ქ N1 შსს ქ.თბილისის პოლიციის დეპარტამენტი ისანი-სამგორის მთავარი სამმართველო

- ქ. თბილისი აკაკი წერეთლის გამზირი N16 შსს ქ.თბილისის პოლიციის დეპარტამენტი დიდუბე-ჩუღურეთის მთავარი სამმართველო

- ქ. თბილისი რ. თაბუკაშვილის ქ N 27 შსს ქ.თბილისის პოლიციის დეპარტამენტი ძველი თბილისის მთავარი სამმართველო

1.7.1.1 მიმწოდებლის მიერ შეცვლილ დეტალებზე გარანტია უნდა ვრცელდებოდეს მიღება-ჩაბარების გაფორმებიდან არანაკლებ 1 (ერთი) წლის განმავლობაში. (პრეტენდენტი ვალდებულია ერთიანი ელექტრონული სისტემის მეშვეობით წარმოადგინოს ინფორმაცია საგარანტიო ვადის შესახებ).

1.7.1.2 ხელშეკრულების მოქმედების ნებისმიერ ეტაპზე და ასევე მისი მოქმედების დასრულების შემდგომ, აღმოჩენილი ხარვეზის ან/და ნაკლის არსებობის შემთხვევაში, მიმწოდებელი ვალდებულია 1 (ერთი) კალენდარული დღის ვადაში გამოასწოროს ნაკლი, შემსყიდველის მხრიდან დამატებითი დანახარჯების გაწევის გარეშე.

შეტყობინება შესაძლებელია განხორციელდეს სატელეფონო ან/და ელექტრონულ ფოსტაზე შეტყობინების გზით.

ტენდერში მონაწილე პრეტენდენტს 2022 წლის 1 იანვრიდან წინამდებარე ტენდერის ჩატარების თარიღამდე უნდა გააჩნდეს არანაკლებ 50 000 (ორმოცდაათი ათასი) ლარის ღირებულების ლიფტების ტექნიკური მომსახურების გაწევის გამოცდილება. რომლის დამადასტურებლად პრეტენდენტმა ელექტრონულ სისტემაში უნდა ატვირთოს
- ხელშეკრულებ(ები)ა და ამ ხელშეკრულების საფუძველზე გაფორმებული გაწეული მომსახურების ამსახველი მიღება-ჩაბარების აქტ(ებ)ი, ან/და მომსახურების გაწევის დამადასტურებელი სხვა დოკუმენტაცია, ხელშეკრულებებზე და შესრულების დოკუმენტაციაზე უნდა იკითხებოდეს ორივე მხარის მიერ მისი დადასტურება.

2.9.1 პრეისკურანტები წარმოდგენილი უნდა იქნას ექსელის (Excel)-ის ფაილის სახით.

2.9.2 პრეტენდენტის მიერ შესყიდვების ერთიანი ელექტრონული სისტემის მეშვეობით წარმოდგენილ, ასევე საბოლოო ფასის შესაბამის მომსახურების პრეისკურანტში მითითებული მომსახურების ერთეულის ფასები არ უნდა აღემატებოდეს შემსყიდველის მიერ მომსახურების პრეისკურანტის შესაბამის გრაფაში მითითებულ ერთეულის მაქსიმალურ ზღვრულ ღირებულებას;

2.9.3 დაზუსტებას არ ექვემდებარება ტექნიკური დოკუმენტაცია და პრეტენდენტი დაექვემდებარება დისკვალიფიკაციას, თუ პრეტენდენტის მიერ „წინადადების მიღება დასრულებულია“ ეტაპზე არ არის წარმოდგენილი პრეისკურანტი ან წარდგენილ პრეისკურანტში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.

2.9.4. შემყიდველი ორგანიზაციის მიერ სახელმწიფო შესყიდვების ერთიან ელექტრონულ სისტემაში განსაზღვრული პრეისკურანტის სავარაუდო ღირებულების პრეტენდენტის მიერ შემცირების შემთხვევაში ფასთა კლება პროცენტულად და პროპორციულად (უცვლელი პროცენტული მნიშვნელობით) უნდა იყოს ასახული პრეისკურანტით განსაზღვრულ ყოველ კონკრეტულ პოზიციაზე (გარდა ხელფასის პოზიციისა) . თუ ერთეულის ფასები დაჯდება მრავალნიშნა ათწილადად, პრეტენდენტი ვალდებულია აღნიშნული ფასები შეამციროს და კლებადობით დაამრგვალოს მეასედამდე, შესაბამისად შეამციროს პრეისკურანტის ჯამური ღირებულებაც (როგორც სატენდერო წინადადების წარდგენის ეტაპზე, ასევე დაზუსტების არსებობის შემთხვევაში).

2.9.5. პრეტენდენტის მიერ შერჩევა-შეფასების/ხელშეკრულების გაფორმების ეტაპზე წარმოდგენილ დაზუსტებულ პრეისკურანტში რომელიმე პოზიციის ერთეულის ფასის გაზრდა (რომელიც პრეტენდენტს მითითებული აქვს თავდაპირველ ფასების ცხრილში) დაუშვებელია და გამოიწვევს პრეტენდენტის დისკვალიფიკაციას.

2.9.6 5. თუ ხელშეკრულების დადების შემდეგ, ხელშეკრულების მოქმედების პერიოდში აღმოჩნდება, რომ პრეისკურანტში არ არსებობს რომელიმე სახის მომსახურება, გასაწევი მომსახურების ერთეულის ფასი (მისი შესყიდვის აუცილებლობისას) დადგინდება შემსყიდველი ორგანიზაციისა და მიმწოდებლის შეთანხმებით საბაზრო ფასის გათვალისწინებით. ასეთ შემთხვევაში პრეისკურანტში შესაბამისი მომსახურების ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ საბოლოოდ დაფიქსირებული პრეისკურანტის ჯამური ღირებულების 10%-ს.

1. იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება პრეისკურანტის სავარაუდო ღირებულებაზე, პრეტენდენტს მოეთხოვება ფასწარმოქმნის ადეკვატურობის დასაბუთება. ფასწარმოქმნის ადეკვატურობის დასასაბუთებლად პრეტენდენტის მიერ წარმოდგენილი უნდა იქნას ექსპერტიზის ან/და სხვა აკრედიტირებული პირის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო პრეისკურანტში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე პრეისკურანტით განსაზღვრული მომსახურების შესრულების შესაძლებლობა.

2. დასკვნის წარმოუდგენლობა ან/და უარყოფითი დასვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

7.2.1. ანგარიშსწორება მოხდება 2025-2026 წლების სახელმწიფო ბიუჯეტის სახსრებით

7.2.2. ანგარიშსწორება მიმწოდებელთან განხორციელდება უნაღდო ანგარიშსწორებით ლარში. ეტაპობრივად ფაქტიურად გაწეულ მომსახურების შესაბამისად, გაწეულ მომსახურებაზე მიღება – ჩაბარების აქტის გაფორმებისა და საქართველოს კანონმდებლობით დადგენილი შესაბამისი დოკუმენტაციის წარმოდგენის შემდეგ. ანგარიშსწორების ფორმა უნაღდო.

7.3.1. ანგარიშსწორება მოხდება 2025-2026 წლების სახელმწიფო ბიუჯეტის სახსრებით

7.3.2. ანგარიშსწორება შემსყიდველის მიერ მოხდება ეტაპობრივად ფაქტობრივად გაწეული მომსახურების მიხედვით. მიღება–ჩაბარების აქტის ხელმოწერის და საქართველოს კანონმდებლობით დადგენილი შესაბამისი დოკუმენტაციის წარმოდგენის შემდეგ 10 სამუშაო დღის ვადაში.

თამარ მღებრიშვილი, 577551978, mgebrishvili-t@mia.gov.ge

1.ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ (თარგმნის სისწორის დასტურად) უნდა დაერთოს ნოტარიულად დამოწმებული ქართული თარგმანი.
2. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი წარმოდგენილი უნდა იქნას მოქმედი კანონმდებლობის შესაბამისად (შესყიდვებში მონაწილეობის მსურველები/პრეტენდენტები/მიმწოდებლები „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულები არიან, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულონ კვალიფიციური ელექტრონული ხელმოწერა ან/და ეს დოკუმენტები დაამოწმონ კვალიფიციური ელექტრონული შტამპით), გარდა ექსელის (Excel)-ის ფაილის სახით წარმოდგენილი პრეისკურანტებისა (პრეტენდენტის მიერ Excel-ის ცხრილის სახით წარსადგენი დოკუმენტი არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს).
3. ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
4. პრეტენდენტს არა აქვს უფლება წარმოადგინოს ალტერნატიული წინადადება.
5. სატენდერო წინადადებაში საერთო და ერთეულის ფასი გამოსახულ უნდა იყოს: საქართველოს კანონმდებლობით გათვალისწინებული ყველა გადასახადის და შესყიდვის ობიექტის მიწოდებასთან დაკავშირებული ყველა ხარჯის გათვალისწინებით, ლარში.
6.პრეტენდენტის მიერ სახელმწიფო შესყიდვის განხორციელების ნებისმიერ ეტაპზე, სახელმწიფო შესყიდვების ერთიან ელექტრონულ სისტენაში ატვირთული ან შემსყიდველისათვის გადაცემული პერსონალური ინფორმაცია, საქართველოს შსს ქ.თბილისის პოლიციის დეპარტამენტის მიერ "პერსონალურ მონაცემთა დაცვის შესახებ" საქართველოს კანონის შესაბამისად, შესაძლებელია დამუშავდეს სახელმწიფო შესყიდვის მიზნებისათვის.
7.ტენდერში მონაწილეობით პრეტენდენტი ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.