Инженерные услуги (Грузия - Тендер #58587492)

„სამელიორაციო სისტემების მართვა“ პროგრამის ფარგლებში სამელიორაციო არხების სარეკონსტრუქციო სამუშაოების საპროექტო-სახარჯთაღრიცხვო დოკუმენტაციის შედგენის მომსახურების შესყიდვა.

1. გასაწევი მომსახურება:
1.1. აჭარის ავტონომიური რესპუბლიკის ხელვაჩაურის, ქედის, შუახევისა და ხულოს მუნიციპალიტეტების ტერიტორიებზე არსებული სამელიორაციო არხების, სარეკონსტრუქციო სამუშაოებისათვის საჭირო საპროექტო-სახარჯთაღრიცხვო დოკუმენტაციის შედგენა, სსიპ - „ლევან სამხარაულის სახელობის სასამართლო ექსპერტიზის ეროვნული ბიუროს“ ან სხვა უფლებამოსილი/აკრედიტირებული პირის (უფლებამოსილების/აკრედიტაციის სფერო უნდა ფარავდეს მოთხოვნილ მომსახურებას) მიერ გაცემული შესაბამისი დადებითი საექსპერტო დასკვნით;
1.2. საჭიროებიდან გამომდინარე დამკვეთის მოთხოვნის შემთხვევაში, როგორც ხელშეკრულებით გათვალისწინებული მომსახურების გაწევის ვადაში, ასევე საპროექტო-სახარჯთაღრიცხვო დოკუმენტაციის მიღება-ჩაბარებიდან 2 წლის განმავლობაში პროექტის განხორციელებამდე მიმწოდებელი ვალდებულია ყოველგვარი დამატებითი ანაზღაურების გარეშე განახორციელოს ხარჯთაღრიცხვის გადაფასება, მოთხოვნის მომენტისათვის არსებული სამუშაოების კვარტალური ფასებით ან/და საჭიროების შემთხვევაში საპროექტო- სახარჯთაღრიცხვო დოკუმენტაციის კორექტირება;
1.3. სამუშაოების სავარაუდო ღირებულება შეადგენს - არაუმეტეს 1 200 000 ლარს;
1.4. არანაკლებ 10 და არაუმეტეს 16 ერთეული საპროექტო-სახარჯთაღრიცხვო დოკუმენტაციის შედგენა.


2. მომსახურების სახეობა:
ა) კვლევა-ძიება და კამერალური სამუშაოები;
ბ) საპროექტო სამუშაოები;
გ) სახარჯთაღრიცხვო დოკუმენტაციის მომზადება, ნახაზების შედგენა და ობიექტის ღირებულების დადგენა;
დ) დეფექტური უწყისებით ხარჯთაღრიცხვების შედგენა;
ე) ტექნიკურ-ეკონომიკური დასაბუთება;
ვ) მიმწოდებელმა სამელიორაციო არხების სარეკონსტრუქციო სამუშაოების დაწყების წინ შემსყიდვლის წარმომადგენლის, სარეკონსტრუციო სამუშაოებზე ტექნიკური ზედამხედველობის განმახორციელებელი პირისა და სარეკონსტრუქციო სამუშაოების განმახორციელებელი ორგანიზაციის წარმომადგენლებთან ერთად უნდა უზრუნველყოს საპროექტო-სახარჯთაღრიცხვო დოკუმენტაციის შესაბამისად მონაკვეთებზე (ნატურაში) პიკეტების აღმნიშვნელი სამიჯნე ნიშნების გაადგილება, რაზედაც გაფორმდება შესაბამისი აქტი;
ზ) საპროექტო დოკუმენტაციის სისრულეზე და სისწორეზე პასუხისმგებელია მიმწოდებელი. იმ შემთხვევაში, თუ სამშენებლო სამუშაოების მიმდინარეობის პერიოდში გამოიკვეთა საპროექტო დოკუმენტაციაში ცვლილების განხორციელების აუცილებლობა მიმწოდებელი ვალდებულია შესაბამისად დააკორექტიროს დოკუმენტაცია.


3. საპროექტო-სახარჯთაღრიცხვო დოკუმენტაციის ეგზემპლიარების რაოდენობა:
ა) საპროექტო დოკუმენტაცია - 3 ეგზემპლიარი ბეჭდური (A-3 და A-4 ფორმატები);
ბ) სახარჯთაღრიცხვო დოკუმენტაცია - 3 ეგზემპლიარი ბეჭდური (A-4 ფორმატი);
გ) საპროექტო-სახარჯთაღრიცხვო დოკუმენტაციის სრული ელექტრონული (DWG, PDF და Excel ფაილები) ვერსია - 1 CD/DVD დისკი;
დ) საჭიროების შემთხვევაში მიმწოდებელი ვალდებულია გადასცეს შემსყიდველ ორგანიზაციას საპროექტო-სახარჯთაღრიცხვო დოკუმენტაციის სამუშაო ელექტრონული ფაილები (MS Word, Excel, AutoCAD, ArchiCAD და სხვა);
ე) წარმოდგენილი საპროექტო-სახარჯთაღრიცხვო დოკუმენტაციის ელექტრონულ ვარიანტში ტექსტური დოკუმენტაცია (ხარჯთაღრიცხვა, განმარტებითი ბარათი და ა.შ.) უნდა იყოს დაბეჭდილი შრიფტით Sylfaen, ხოლო ნახაზები უნდა იყოს PDF ფორმატში, ამასთანავე, PDF ფორმატის თითოეული ფაილის ზომა არ უნდა აღემატებოდეს 7 მეგაბაიტს.


შენიშვნა: იხილეთ სამელიორაციო არხების სრული ჩამონათვალი (დანართი N4), საიდანაც საპროექტო-სახარჯთაღრიცხვო დოკუმენტაციის მოსამზადებლად შემსყიდველის მიერ შეირჩევა კონკრეტული არხები. ტექნიკური დავალება დანართი N2 შემდგომში განიხილება, როგორც გასაფორმებელი სახელმწიფო შესყიდვის შესახებ ხელშეკრულების განუყოფელი ნაწილი.

1. მიწოდების ვადა: ეტაპობრივად, ხელშეკრულების გაფორმებიდან 2024 წლის 20 დეკემბრის ჩათვლით.
2. დასაპროექტებელ ობიექტებზე ინდივიდუალურ საპროექტო დავალებას წერილობით გასცემს შემსყიდველი, საპროექტო დავალებაში მიეთითება საპროექტო ობიექტების ჩამონათვალი.

1. მიწოდების ადგილი: ა(ა)იპ „აგროსერვის ცენტრი“-ს ადმინისტრაციული შენობა, ქ. ბათუმი, ბაქოს ქ. N18.
2. გასაწევი მომსახურების ადგილი: აჭარის ავტონომიური რესპუბლიკის ხელვაჩაურის, ქედის, შუახევისა და ხულოს მუნიციპალიტეტების ტერიტორიებზე არსებული სამელიორაციო არხები.

1. ტენდერში მონაწილე პრეტენდენტს 2021 წლის 01 ოქტომბრიდან სატენდერო წინადადების წარმოდგენის დასრულების თარიღამდე პერიოდში შესრულებული უნდა ჰქონდეს არანაკლებ 75 000 (სამოცდათხუთმეტი ათასი) ლარის ღირებულების შენობა-ნაგებობების (მათ შორის სამელიორაციო არხების) მშენებლობის ან/და რეაბილიტაციის ან/და რემონტის საპროექტო-სახარჯთაღრიცხვო დოკუმენტაციის შედგენის გამოცდილება;
2. პრეტენდენტმა უნდა წარმოადგინოს შესრულებული მომსახურების დამადასტურებელი დოკუმენტების ასლები, კერძოდ: ხელშეკრულებ(ებ)ის ასლები და მიღება-ჩაბარების აქტ(ებ)ის ასლები.
3. სახელმწიფო შესყიდვის განხორციელების შემთხვევაში, პრეტენდენტმა უნდა წარმოადგინოს უფლებამოსილი პირის მიერ კვალიფიციური ელექტრონული ხელმოწერით ან/და კვალიფიციური ელექტრონული შტამპით დამოწმებული დოკუმენტი, სადაც მითითებული იქნება შესაბამისი NAT/SPA/CMR ნომრები. თუ წარმოდგენილი ნომრის ხელშეკრულების შესრულების მიმდინარეობის ანგარიშში ატვირთული იქნება ყველა ის შესრულების დამადასტურებელი დოკუმენტები, რაც მოთხოვნილია სატენდერო დოკუმენტაციით, მომსახურების შესრულების დამადასტურებელი დოკუმენტაცია დამატებით წარმოდგენას არ საჭიროებს (ხელშეკრულებ(ებ)ის ასლები და მიღება-ჩაბარების აქტ(ებ)ის ასლები).
ე) იმ პრეტენდენტებს, რომლებსაც ზემოაღნიშნული სამუშაოები შესრულებული აქვთ სახელმწიფო შესყიდვის ფარგლებში და შესყიდვების ერთიან ელექტრონულ სისტემაში ატვირთულია ყველა ის დოკუმენტაცია სრულყოფილად, რაც მოთხოვნილია წინამდებარე ტენდერის სატენდერო დოკუმენტაციის 2.2.1 პუნქტით, სამუშაოების შესრულების დამადასტურებელი დოკუმენტაციის წარმოდგენა არ არის სავალდებულო და საკმარისია შესაბამისი რეგისტრაციის ნომრების წარმოდგენა (SPA, DAP, NAT, DEP, MEP, TEP, GEO, CMR ან სხვა ასეთის არსებობის შემთხვევაში) მხოლოდ დანართი N3-ის სახით.

აღნიშნული ტენდერის ფარგლებში ქვეკონტრაქტორი არ დაიშვება.

შესყიდვის თავისებურებიდან (მომსახურების სპეციფიკიდან) გამომდინარე, ვინაიდან აღნიშნული შესყიდვის ობიექტი წარმოადგენს ინტელექტუალურ მომსახურებას, ხოლო ინტელექტუალური მომსახურების დანახარჯებს ძირითადად წარმოადგენს ადამიანური რესურსის შრომითი გასამრჯელო, მიმწოდებელს აქვს შესაძლებლობა აღნიშნული ინტელექტუალური მომსახურება განახორციელოს საბაზრო ღირებულებასთან შედარებით დაბალ ფასად. ზემოაღნიშნულიდან გამომდინარე, პრეტენდენტის მიერ სისტემაში შესყიდვის ობიექტის სავარაუდო ღირებულებასთან 20%-ით ან მეტით დაბალი საბოლოო ფასის დაფიქსირების შემთხვევაში არ წარმოეშვება ფასწარმოქმნის ადეკვატურობის დასაბუთების ვალდებულება. სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული „ელექტრონული ტენდერის ჩატარების წესის“ მე-18 მუხლის მე-5 პუნქტის შესაბამისად, შესყიდვის თავისებურებიდან გამომდინარე (ინტელექტუალური მომსახურება) შემსყიდველი ორგანიზაცია არ ითვალისწინებს ფასწარმოქმნის ადეკვატურობის დასაბუთების ვალდებულებას.

1. მიმწოდებელთან ანგარიშსწორება განხორციელდება ეტაპობრივად, უნაღდო ანგარიშსწორების ფორმით, ხელშეკრულებით გათვალსწინებულ რეკვიზიტებზე ეროვნულ ვალუტაში (ლარი).
2. ანგარიშსწორება განხორციელდება შემსყიდველსა და მიმწოდებელს შორის მიღება-ჩაბარების აქტის გაფორმებისა და მიმწოდებლის მიერ შესაბამისი საგადასახადო დოკუმენტაციის წარმოდგენის შემდეგ.
3. მიმწოდებელი ვალდებულია გაწეულ მომსახურებაზე საგადასახადო ანგარიშ-ფაქტურაზე მიუთოთოს ყველა საჭირო რეკვიზიტი, წინააღმდეგ შემთხვევაში, შემსყიდველს უფლება აქვს არ მიიღოს დოკუმენტი.

ანგარიშსწორება განხორციელება მიღება-ჩაბარების აქტისა და შესაბამისი საგადასახადო დოკიმენტაციის, წარმოდგენიდან 10 (ათი) სამუშაო დღის განმავლობაში.

გოგიტა გოგიტიძე, 555424545, g.gogitidze23@gmail.com სატენდერო დოკუმენტაციასთან დაკავშირებით განმარტებების მიღება პრეტენდენტს შეუძლია სისტემაში არსებული „კითხვა-პასუხის“ მოდულის მეშვეობით ან/და სატენდერო კომისიის აპარატში, მის. ქ. ბათუმი, ბაქოს ქ. N18.

10.1.1. სახელმწიფო შესყიდვების ერთიან ელექტრონულ სისტემაში (შემდგომში – სისტემა) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების შესაბამისად.
10.1.2. სატენდერო წინადადებაში საერთო და ერთეულის ფასი გამოსახული უნდა იყოს ყველა ხარჯის გათვალისწინებით, მათ შორის საქართველოს კანონმდებლობით დადგენილი გადასახადები, თუ მოსაკრებლები (მათ შორის - დღგ).
10.1.3. პრეტენდენტი ვალდებულია ფასების ცხრილში მითითებული ერთეული და საერთო ფასები გამოსახოს და შესაბამისად გაიანგარიშოს ლარის მეასედის - თეთრების სიზუსტით (მძიმის შემდეგ ორი ციფრი).
10.1.4. დაზუსტებას არ ექვემდებარება ტექნიკური დოკუმენტაცია, თუ სატენდერო დოკუმენტაციის მოთხოვნ(ებ)ის შესაბამისად, არ არის წარდგენილი ხარჯთაღრიცხვა ან წარმოდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.
10.1.5. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.6. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.7. პრეტენდენტის მიერ ერთიან ელექტრონულ სისტემაში ატვირთული დოკუმენტები „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტების შესაბამისად უნდა იყოს კვალიფიციური ელექტრონული შტამპით ან კვალიფიცური ელექტორნული ხელმოწერით დამოწმებული.
10.1.8. სახელმწიფო შესყიდვების შესახებ ხელშეკრულების ფორმა და პირობები მოცემულია ელექტრონულ სისტემაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
10.1.9. სატენდერო დოკუმენტაციაში განსაზღვრულ შესასყიდ საქონელზე, სადაც მითითებული იქნება კონკრეტული სასაქონლო ნიშანი, მოდელი, წარმოშობის წყარო ან მწარმოებელი (ასეთის არსებობის შემთხვევაში) იგულისხმება „მსგავსი“ ან „ეკვივალენტური“.
10.1.10. პრეტენდენტს არ აქვს უფლება წარმოადგინოს ალტერნატიული სატენდერო წინადადება.


პრეტენდენტის მიერ ერთიან ელექტრონულ სისტემაში ატვირთული სატენდერო წინადადება უნდა შეიცავდეს შემდეგი სახის ინფორმაციას/დოკუმენტაციას:

1. სატენდერო დოკუმენტაციის 1.3 პუნქტის თანახმად, ფასების ცხრილი - დანართი N1-ის სახით;
2. სატენდერო დოკუმენტაციის 1.2 პუნქტის თანახმად, ტექნიკური დავალება - დანართი N2-ის სახით;
3. სატენდერო დოკუმენტაციის 2.2.1 პუნქტის თანახმად, ინფორმაცია პრეტენდენტის გამოცდილების შესახებ დანართი N2-ის შესაბამისად.