Ремонт и техническое обслуживание транспортных средств и оборудования и сопутствующие услуги (Грузия - Тендер #58587471)

შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატის ბალანსზე რიცხული 3 (სამი) ერთეული ავტომობილის და მათთან დაკავშირებული მოწყობილობების შეკეთებისა და ტექნიკური მომსახურების შესყიდვა.

1.2.1 სახელმწიფო მინისტრის აპარატის სარგებლობაში არსებული 3 (სამი) ერთეული ავტომანქანის შეკეთებისა და ტექნიკური მომსახურების შესყიდვა.
1.2.2 ავტომანქანების ტექნიკური მომსახურება უნდა განხორცილდეს პრეისკურანტში მითითებული საქონლისა და მომსახურების ფასების ცხრილის შესაბამისად.
1.2.3 ავტომანქანების ტექნიკური მომსახურება უნდა განხორციელდეს მიმწოდებელსა და შემსყიდველ ორგანიზაციას შორის თითოეულ კონკრეტულ შემთხვევაში დეფექტური აქტის შედგენის შემდეგ, რომელშიც მითითებული უნდა იყოს გასაწევი მომსახურების ან/და ასეთი მომსახურებისათვის საჭირო საქონლის (სათადარიგო ნაწილების) ჩამონათვალი.
1.2.4. ავტომანქანების დაზიანებული ნაწილი უნდა შეიცვალოს ახალი (არა მეორადი) მაღალი ხარისხის სათადარიგო ნაწილით, გარდა განფასების ცხრილში (პრეისკურანტში) გათვალისწინებული მეორადი სათადარიგო ნაწილისა. ახალი (არამეორადი) სათადარიგო ნაწილები უნდა იყოს წარმოებული წამყვანი კომპანიების მიერ და რეკომენდირებული უნდა იყოს შესაკეთებელი ავტოსატრანსპორტო საშუალების მოდელის მწარმოებელი კომპანიის მიერ.
1.2.5. მეორადი ნაწილის გამოყენება შესაძლებელია მხოლოდ განსაკუთრებულ შემთხვევებში შემსყიდველის თანხმობით და მხოლოდ მაშინ, როცა მეორად სათადარიგო ნაწილზე გავრცელდება სატენდერო პირობების 1.7.1 პუნქტის მოთხოვნებით განსაზღვრული საგარანტიო ვადა და პირობები. მეორადი ნაწილის შესყიდვის საჭიროების შემთხვევაში ფასი დგინდება მხარეთა შორის შეთანხმებით, საბაზრო ფასის გათვალისწინებით, რაზეც გაფორმდება შესაბამისი წერილობითი შეთანხმება და დაერთვება ხელშეკრულებას, როგორც მისი განუყოფელი ნაწილი.
1.2.6. გამარჯვებულ პრეტენდენტთან სახელმწიფო შესყიდვის შესახებ ხელშეკრულება გაფორმდება 6 000 (ექვსი ათასი) ლარზე.
1.2.7. პრეტენდენტი ელექტრონული ვაჭრობისას ფასის კლებას ახორციელებს პრეისკურანტის სავარაუდო ღირებულებასთან მიმართებაში. პრეისკურანტის სავარაუდო ღირებულება შეადგენს 144, 226.00 (ას ორმოცდაოთხიათას ორას ოცდაექვსი ლარი და 00 თეთრი) ლარის შესაბამისად (დღგ-ს ჩათვლით)ლარს.
1.2.8. იმ შემთხვევაში თუ ხელშეკრულების მოქმედების პერიოდში აღმოჩნდება, რომ განფასების ცხრილში (პრეისკურანტში) არ არის გათვალისწინებული იმ მომენტისათვის საჭირო საქონელი (ნაწილები და საცხებ საპოხი) და მომსახურება, აღნიშნული ერთეულ(ებ)ის ფასი, მისი შესყიდვის აუცილებლობისას, დგინდება მხარეთა შორის შეთანხმებით, საბაზრო ფასის გათვალისწინებით. ასეთ შემთხვევაში პრეისკურანტში საქონლის რომელიმე ერთეულ(ებ)ის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.
1.2.9. პრეისკურანტის ღირებულება წარმოდგენილი უნდა იყოს დანართი N1–ში მოცემული განფასების ცხრილების (პრეისკურანტების) ჯამური ღირებულების მიხედვით, მაგრამ არაუმეტეს განცხადებაში მითითებული პრეისკურანტის სავარაუდო ღირებულებისა და განფასების ცხრილების თითოეულ პოზიციაზე მითითებული სავარაუდო მაქსიმალური ერთეულის ფასისა;
1.2.10. პრეტენდენტის მიერ ელექტრონული ვაჭრობის შედეგად პრეისკურანტის საერთო ფასის შემცირების შემთხვევაში, ფასთა კლება პროცენტულად და პროპორციულად უნდა აისახოს პრეისკურანტში მოცემული ჩამონათვალის ერთეულის ფასებზე.
1.2.11. პრეტენდენტის სატენდერო წინადადება რომელშიც პოზიციების ფასი გადააჭარბებს შემსყიდველის მიერ განფასების ცხრილში დაფიქსირებულ პოზიციების სავარაუდო ფასს, არ ჩაითვლება მისაღებად, ასევე პრეტენდენტის მიერ სატენდერო წინადადებაში (განფასების ცხრილიში) დაფიქსირებული პოზიციის ფასს არ უნდა აღემატებოდეს ვაჭრობის შემდეგ დაფიქსირებული პოზიციის ფასი; აღნიშნულის გაუთვალისწინებლობა გამოიწვევს პრეტენდენტის დისკვალიფიკაციას.
1.2.12. მომსახურების გაწევის პროცესში, შესაკეთებელი ავტოსატრანსპორტო საშუალებ(ებ)ის სხვა სერვისცენტრში სავალდებულო გადაყვანის ხარჯებს უზრუნველყოფს მიმწოდებელი ორგანიზაცია (საწვავი,ევაუკატორის მომსახურება და ა.შ.).
1.2.13. მიმწოდებელი ვალდებულია შემსყიდველის მიმართვის შემთხვევაში მიმართვიდან არაუგვიანეს 1 კალენდარული დღისა ჩაატაროს ავტომანქანის დათვალიერება, რის შემდგომაც მხარეები ადგენენ დეფექტურ აქტს, რომელშიც მითითებული უნდა იყოს გასაწევი მომსახურების ან/და სათადარიგო ნაწილების დეტალური აღწერა, მათი ღირებულებები, აგრეთვე მომსახურების დაწყებისა და დასრულების ვადები;
1.2.14. იმ შემთხვევაში, თუ აღმოჩნდება რომ მიმწოდებლის მიერ არ არის სრულყოფილად შესრულებული მომსახურება და/ან შეცვლილი ნაწილი აღმოჩნდა წუნდებული, მიმწოდებელი ვალდებულია აღმოჩენილი ხარვეზი აღმოფხვრას საკუთარი ხარჯებით.

პრეტენდენტმა მომსახურება უნდა განახორციელოს ქ. თბილისში, ხელშეკრულების გაფორმებიდან 2024 წლის 27 დეკემბრის ჩათვლით „შემსყიდველის“ მოთხოვნის შესაბამისად.

1.5.1. პრეტენდენტმა მომსახურება უნდა განახორციელოს ქ. თბილისში.
1.5.2. ავტომობილების მომსახურება გაწეული უნდა იქნას დაუყოვნებლივ, რიგგარეშე.
1.5.3. ელექტრონულ ტენდერში გამარჯვების შემთხვევაში მიმწოდებელმა ავტომობილებს უნდა გაუწიოს შემდეგი სახის ტექნიკური მომსახურება:
ა. პროფილაქტიკური და დიაგნოსტიკური მომსახურება;
ბ. ავტომობილის ოპერატიული შეკეთება. ამასთან, მომსახურების ვადა თითოეულ
შემთხვევაში არ უნდა აღემატებოდეს:
* სავალი ნაწილებისათვის ერთიდან ორ დღემდე;
* მცირე რემონტი - მაქსიმუმ 1 სამუშაო დღე;
* საცხებ-საპოხი მასალების შეცვლა - მაქსიმუმ 3 სთ;
* საშუალო სირთულის რემონტი - მაქსიმუმ 2 სამუშაო დღე;
* ელექტროობისათვის ერთი დღე;
* აგრეგატებისათვის ერთიდან სამ დღემდე;
* ხანგრძლივი მომსახურების (ძრავის, სიჩქარეთა კოლოფის) გაწევის დრო ერთიდან თხუთმეტ დღემდე, ხოლო დეფიციტური სათადარიგო ნაწილებით უზრუნველყოფა - არაუმეტეს 25 კალენდარული დღე.
გ. სათადარიგო ნაწილების შეკეთება და/ან გამოცვლა;
დ. საცხებ-საპოხი მასალების გამოცვლა.

მიმწოდებლის მიერ გაწეულ მომსახურებასა და შეცვლილ სათადარიგო ნაწილებზე (ახალი, არამეორადი), შესაკეთებელ სათადარიგო და მეორად ნაწილებზე გარანტია უნდა ვრცელდებოდეს არანაკლებ 6 (ექვსი) თვის განმავლობაში, გარდა სწრაფად ცვეთადი (ელექტრონათურები (გარდა XENON-ის ნათურისა), ელექტრომცველები, შუშის საწმენდი ჯაგრისები (ჩოთქები), გადაბმულობის ქურო, მომჭიმი საკისარი, ანთების სანთლები, მტვერდამცავები და ყველა სხვა სწრაფადცვეთადი დეტალი) დეტალებისა და იმ შემთხვევისა, როდესაც დაზიანება გამოწვეულია არასწორი ექსპლუატაციით გამოწვეულ დაზიანებებზე.

სამუხრუჭე ხუნდებზე გარანტია უნდა ვრცელდებოდეს არანაკლებ 10,000 კილომეტრისა.

პრეტენდენტმა უნდა წარმოადგინოს ანალოგიური მომსახურების გაწევის დამადასტურებელი ხელშეკრულებების ჩამონათვალი (SPA ან NAT ნომრები), გაფორმებული ბოლო 4 წლის განმავლობაში. (2020, 2021წ, 2022წ.2023წ) დანართი #2-ის შესაბამისად.

შენიშვნა: იმ შემთხვევაში, თუ სატენდერო დოკუმენტაციის 2.2.1. პუნქტით მოთხოვნილი პრეტენდენტის გამოცდილების დამადასტურებელი დოკუმენტაცია ატვირთულია შესყიდვების ერთიან ელექტრონულ სისტემაში, პრეტენდენტს შეუძლია მიუთითოს შესაბამისი CMR, SPA, NAT ნომრები და არ წარმოადგინოს მოთხოვნილი დოკუმენტაცია.

2.3.1.1. პრეტედენტს საკუთრებაში ან/და დროებით სარგებლობაში უნდა გააჩნდეს მოქმედი სერვისცენტრი ქ. თბილისში.
2.3.1.2. პრეტენდენტს ქალაქ თბილისში მდებარე სერვის ცენტრში უნდა გააჩნდეს ავტომანქანის არანაკლებ 5 (ხუთი) ამწე მექანიზმი. ასევე სერვისცენტრში უნდა გააჩნდეს თვლების შეყრის კომპიუტერული (რაზვალი) დანადგარი, კომპიუტერული დიაგნოსტიკის მოწყობილობა, საყრდენი დისკის გასაჩარხი მოწყობილობა, ავტომატურ გადაცემთა კოლოფში ზეთის შეცვლის აპარატი, ელექტრომომარაგების სარეზერვო წყარო (გენერატორი). პრეტენდენტის სერვისცენტრები აღჭურვილი უნდა იყოს თანამედროვე აპარატურით და დანადგარებით. ასევე სერვისცენტრს უნდა გააჩნდეს საჭირო ფართი იმისათვის, რომ უზრუნველყოს შემსყიდველის ავტომობილების განთავსება აღნიშნულ ტერიტორიაზე. ამასთან, თუ რომელიმე მომსახურების შესრულებას მიმწოდებელი ვერ განახორციელებს საკუთარ სერვისცენტრში, იგი ვალდებულია საკუთარი ხარჯებით გადაიყვანოს ავტომობილი იმ სერვისცენტრში, რომელშიც შესაძლებელი იქნება აღნიშნული მომსახურების გაწევა.
2.3.1.3. თითოეულ მოდელზე პრეტენდენტს უნდა გააჩნდეს სასაწყობო მარაგი (ნებისმიერ სერვისცენტრში) რომელშიც უნდა შედიოდეს სავალი ნაწილის სწრაფცვეთადი დეტალები, ასევე ზეთის, ჰაერის და კონდენციონერის ფილტრები, მინის მწმენდები, ანტიფრიზი და ა.შ.
2.3.1.4. პრეტენდენტმა უნდა წარმოადგინოს წერილობითი დადასტურება ზემოაღნიშნულის შესახებ, სერვისცენტრების მისამართებისა და მატერიალურ-ტექნიკური ბაზების მითითებით.

2.3.1.5. პრეტენდენტმა ასევე უნდა წარმოადგინოს იმ ფართ(ებ)ის დროებითი სარგებლობის უფლების ან საკუთრების უფლების დამადასტურებელი დოკუმენტები, სადაც განთავსებულია მისი ავტოტექმომსახურების სერვის–ცენტრ(ებ)ი. საკუთრების შემთხვევაში, წარმოდგენილი უნდა იყოს საჯარო რეესტრიდან ამონაწერ(ებ)ი, სადაც მესაკუთრედ დაფიქსირდება პრეტედენტი. რაც შეეხება დროებითი სარგებლობის შემთხვევას, წარმოდგენილი უნდა იყოს შესაბამისი ხელშეკრულება/შეთანხმება, რომლის თანახმადაც პრეტენდენტს ფართ(ებ)ით სარგებლობის უფლება მინიჭებული ექნება არანაკლებ 2024 წლის 31 დეკემბრის ჩათვლით. აღნიშნული ხელშეკრულების საფუძველზე, ფართის მესაკუთრის მიერ პრეტენდენტს არ უნდა ეკრძალებოდეს აღნიშნული ფართში ავტოტექმომსახურების სერვის-ცენტრის განთავსება.

მომსახურების ვადა თითოეულ შემთხვევაში არ უნდა აღემატებოდეს:

* სავალი ნაწილებისათვის ერთიდან ორ დღემდე;
* მცირე რემონტი - მაქსიმუმ 1 სამუშაო დღე;
* საცხებ-საპოხი მასალების შეცვლა - მაქსიმუმ 3 სთ;
* საშუალო სირთულის რემონტი - მაქსიმუმ 2 სამუშაო დღე;
* ელექტროობისათვის ერთი დღე;
* აგრეგატებისათვის ერთიდან სამ დღემდე;
* ხანგრძლივი მომსახურების (ძრავის, სიჩქარეთა კოლოფის) გაწევის დრო ერთიდან თხუთმეტ დღემდე, ხოლო დეფიციტური სათადარიგო ნაწილებით უზრუნველყოფა - არაუმეტეს 25 კალენდარული დღე.
გ. სათადარიგო ნაწილების შეკეთება და/ან გამოცვლა;
დ. საცხებ-საპოხი მასალების გამოცვლა.
დეფექტური აქტის შედგენის ვადა განისაზღვრება არაუმეტეს 1 კალენდარული დღით.

ქვეკონტრაქტორ(ებ)ის არსებობის შემთხვევაში, პრეტენდენტმა სატენდერო წინადადებასთან ერთად უნდა წარმოადგინოს, მათთან გაფორმებული ხელშეკრულებები, რომლის მოქმედების ვადა უნდა განისაზღვროს არანაკლებ 2024 წლის 31 დეკემბრის ჩათვლით. იმ შემთხვევაში თუ პრეტენდენტს არ გააჩნია ქვეკონტრაქტორ(ებ)ი წერილობითი ფორმით უნდა წარმოადგინოს ინფორმაცია, რომ მას არ გააჩნია ქვეკონტრაქტორ(ებ)ი.

2.9.1. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე.
2.9.2. დავის შემთხვევაში უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
2.9.3. პრეტენდენტი ვალდებულია სახელმწიფო შესყიდვების ერთიან ელექტრონულ სისტემაში წარმოსადგენ მის მიერ შექმნილ დოკუმენტებზე ან/და ინფორმაციაზე (გარდა excel-ის ფორმატის ფაილისა) შეასრულოს კვალიფიციური ელექტრონული ხელმოწერა ან/და ეს დოკუმენტ(ებ)ი დაამოწმოს კვალიფიციური ელექტრონული შტამპით, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის შესაბამისად.
2.9.4. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
2.9.5. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
2.9.6. ტენდერში მონაწილეობით პრეტენდენტი ეთანხმება სატენდერო დოკუმენტაციის ყველა პირობას.

4.1.1.1 იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია სისტემაში ატვირთოს ფასწარმოქმნის ადეკვატურობის დამადასტურებელი დოკუმენტი. ფასწარმოქმნის ადეკვატურობა, უნდა დასაბუთდეს ექსპერტიზის დასკვნით (პრეტენდენტის მიერ დასკვნასთან ერთად ასევე წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი) ან აუდიტორული დასკვნით (აუდიტორის დასკვნის წარმოდგენის შემთხვევაში, აუდიტორული კომპანია და აუდიტორი უნდა ირიცხებოდეს „ბუღალტრული აღრიცხვის, ანგარიშგების და აუდიტის ზედამხედველობის სამსახურის“ შესაბამის რეესტრში და წარმოდგენილ უნდა იქნას ინფორმაცია მათი სარეგისტრაციო ნომრების შესახებ). ზემოაღნიშნული პირობების დაუცველობა, ფასწარმოქმნის ადეკვატურობის დასაბუთების დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას.
4.1.1.2. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული წესის 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული მოთხოვნები.

7.2.1. ანგარიშსწორება განხორციელდება მიმწოდებლის საბანკო ანგარიშზე, ყოველთვიურად, ფაქტიურად გაწეული მომსახურების შესაბამისად, ყოველი მომდევნო თვის დასაწყისში გაფორმებული მიღება-ჩაბარების აქტის და შესაბამისი საგადასახადო ანგარიშ-ფაქტურის წარმოდგენის საფუძველზე.
7.2.2. სატენდერო წინადადებაში საერთო და ერთეულის ფასი გამოსახული უნდა იყოს ყველა გადასახადის გათვალისწინებით.
7.2.3. ანგარიშსწორება მოხდება უნდაღდო ანგარიშსწორებით ეროვნულ ვალუტაში.
7.2.4. დაფინანსების წყარო - 2024 წლის სახელმწიფო ბიუჯეტი.

ანგარიშსწორება განხორციელდება ყოველთვიურად, გაწეული მომსახურების შესაბამისად გაფორმებული მიღება-ჩაბარების აქტიდან არაუმეტეს 10 (ათი) სამუშაო დღის ვადაში.

გიორგი ოთარაშვილი, 577974411, otarashvili88@gmail.com

10.1.1. პრეტენდენტი ვალდებულია სახელმწიფო შესყიდვების ერთიან ელექტრონულ სისტემაში წარმოსადგენ მის მიერ შექმნილ დოკუმენტებზე ან/და ინფორმაციაზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის გათვალისწინებით.