Полные или частичные строительные работы и публичные работы (Грузия - Тендер #58551317)

დედოფლისწყაროს მუნიციპალიტეტში, სს „საქართველოს ნავთობისა და გაზის კორპორაციის“ კუთვნილი სარკინიგზო მისასვლელი ლიანდაგის (სკ 52.00.012) სარეაბილიტაციო სამუშაოების (შემდგომში - „სამუშაო“) სახელმწიფო შესყიდვა, სატენდერო დოკუმენტაციის 1.2 პუნქტის შესაბამისად.

1. მიმწოდებელი ვალდებულია:
- სამუშაოები შეასრულოს დანართი №1-ისა (მოცულობათა ცხრილი/ხარჯთაღრიცხვა) და დანართი №1.1-ის (საპროექტო დოკუმენტაცია) მიხედვით.
- სამუშაოები შეასრულოს საქართველოში მოქმედი სამშენებლო ნორმებისა და სტანდარტების მიხედვით, დაიცვას კანონმდებლობით გათვალისწინებული შრომის უსაფრთხოების ყველა ნორმა;
- დაიცვას საქართველოს ორგანული კანონი „შრომის უსაფრთხოების შესახებ;“
- დაიცვას ობიექტზე მომუშავე პირთა სიცოცხლისა და ჯანმრთელობისათვის უსაფრთხოების წესები;
- დაიცვას საქართველოს მთავრობის დადგენილება №361, „მშენებლობის უსაფრთხოების შესახებ ტექნიკური რეგლამენტი;“
- დაიცვას საქართველოს მთავრობის დადგენილება №370 „სახანძრო უსაფრთხოების წესებისა და პირობების შესახებ ტექნიკური რეგლამენტი.“
- დაიცვას საქართველოში აღიარებული შრომის უსაფრთხოებისა და ჯანმრთელობის დაცვასთან დაკავშირებული სხვა საჭირო საერთაშორისო ნორმები და პროცედურები.
2. მიმწოდებლის მიერ სამუშაოების შესრულების პროცესში ყველა გამოყენებული მასალა უნდა იყოს მაღალი ხარისხის და შეესაბამებოდეს ამ სფეროში აღიარებულ სტანდარტებს;
3. მიმწოდებელმა უნდა უზრუნველყოს სამუშაო ადგილის ფარგლებში გარემოზე ეკოლოგიური ზემოქმედების, მუშაოებით გამოწვეული ხმაურის, ვიბრაციის და მტვრის გავლენის მინიმუმადე დაყვანა;
4. სამუშაოს გაწევის დროს საკუთარი პერსონალის უსაფრთხოებაზე პასუხისმგებლობა ეკისრება მიმწოდებელს.
5. იმ შემთხვევაში, თუ მიმწოდებელი სამუშაოების შესრულების პროცესში, დააზიანებს არსებულ ინფრასტრუქტურას, იგი ვალდებული იქნება სამუშაოების შესრულების ვადაში უზრუნველყოს დაზიანებული ინფრასტრუქტურის პირვანდელი სახით აღდგენა საკუთარი ხარჯებით;

1.4.1 მიმწოდებელმა სამუშაოების შესრულება უნდა უზრუნველყოს ხელშეკრულების გაფორმებიდან 80 (ოთხმოცი) კალენდარული დღის ვადაში.
შენიშვნა: სამუშაოების შესრულების ვადის შესახებ ინფორმაცია მიმწოდებელმა უნდა წარმოადგინოს სატენდერო დოკუმენტაციის დანართი №2-ის (საგარანტიო პირობები და სამუშაოს შესრულების ვადა) შესაბამისად.

1.5.1. სამუშაოს შესრულების ადგილი:
- დედოფლისწყაროს მუნიციპალიტეტი (სს ,,საქართველოს ნავთობისა და გაზის კორპორაციის“ კუთვნილი სარკინიგზო მისასვლელი ლიანდაგი (სკ 52.00.012));
1.5.2. სამუშაოებზე მიღება-ჩაბარების აქტის გაფორმება განხორციელდება დანართი №1-ით (მოცულობათა ცხრილი/ხარჯთაღრიცხვა) გათვალისწინებული სამუშაოების სრულად შესრულებისა და შესრულებულ სამუშაოებზე სს ,,საქართველოს რკინიგზის“ მიერ დადებითი შეფასების გაცემის შემდგომ.

1.6.1 შესრულებულ სამუშაოებზე საგარანტიო ვადა განისაზღვრება მიღება-ჩაბარების აქტის გაფორმებიდან არანაკლებ 5 (ხუთი) წლის ვადით.
1.6.2 მიმწოდებელმა ზემოხსენებული ვადის დაცვით უნდა გაავრცელოს გარანტია, რომ მის მიერ შესრულებულ სამუშაოებს და გამოყენებულ მასალას არ ექნება დეფექტი ექსპლუატაციის ნორმების დაცვის პირობებში, წინააღმდეგ შემთხვევაში, მიმწოდებელი ვალდებულია საკუთარი ხარჯებით შემსყიდველის მიერ განსაზღვრულ გონივრულ ვადაში განახორციელოს გამოვლენილი დეფექტების აღმოფხვრა.
შენიშვნა: აღნიშნული ინფორმაცია მიმწოდებელმა უნდა წარმოადგინოს სატენდერო დოკუმენტაციის დანართის №2-ის (საგარანტიო პირობები და სამუშაოს შესრულების ვადა) შესაბამისად.

2.2.1.1 პრეტენდენტს (ქვეკონტრაქტორის გარეშე) უნდა გააჩნდეს სარკინიგზო ლიანდაგის მშენებლობის ან/და რეაბილიტაციის განხორციელების გამოცდილება, რაზედაც უნდა წარმოადგინოს ხელშეკრულება/ხელშეკრულებები და ხელშეკრულებ(ებ)ის სრულად შესრულების მიღება-ჩაბარების დამადასტურებელი დოკუმენტ(ებ)ი ან/და აღნიშნული დოკუმენტაციის შესახებ მითითება სახელმწიფო შესყიდვების სააგენტოს ერთიანი ელექტრონული სისტემის შესაბამის შესყიდვის ნომრებზე (მაგ:NAT/CMR/SPA და ა.შ).
2.2.1.2 პრეტენდენტის მიერ 2.2.1.1 პუნქტის დაკმაყოფილების მიზნით წარმოდგენილ ხელშეკრულებაში/ხელშეკრულებებში, სარკინიგზო ლიანდაგის მშენებლობის ან/და რეაბილიტაციის სამუშაოების შესრულების ღირებულება უნდა შეადგენდეს არანაკლებ 300 000 ლარს (დღგ-ს ჩათვლით) (აღნიშნული თანხობრივი მოთხოვნა პრეტენდენტის მიერ შესაძლებელია დადასტურებულ იქნას როგორც ერთი, ასევე ჯამურად რამდენიმე ხელშეკრულების ფარგლებში);
2.2.1.3 იმ შემთხვევაში, თუ სატენდერო დოკუმენტაციის 2.2.1.1 პუნქტის შესაბამისად წარმოდგენილი ხელშეკრულება/ხელშეკრულებები არ იძებნება სახელმწიფო შესყიდვების ერთიან ელექტრონულ სისტემაში (იგულისხმება, რომ არ წარმოადგენს სახელმწიფო შესყიდვას), პრეტენდენტმა, დამატებით უნდა წარმოადგინოს ამავე ხელშეკრულებ(ებ)ის ფარგლებში გამოწერილი, დადასტურებული საგადასახადო ანგარიშ-ფაქტურა (საგადასახადო ანგარიშ-ფაქტურები), რომელიც უნდა ედრებოდეს მიღება-ჩაბარების დამადასტურებელ დოკუმენტ(ებ)ში დაფიქსირებულ ფაქტობრივად შესრულებული სამუშაოების ჯამურ ღირებულებას.

2.5.1.1 პრეტენდენტმა უნდა წარმოადგინოს სამუშაოების შესრულების გეგმა-გრაფიკი (გეგმა-გრაფიკი წარმოდგენილ უნდა იქნას პირობითი ვადების მითითებით (მაგ: დღე 1,2,3 ....)); გეგმა-გრაფიკის შედგენისას მიმწოდებელმა უნდა გაითვალისწინოს, რომ სამუშაოების სრული მოცულობით დასრულების თარიღი არ უნდა აღემატებოდეს ხელშეკრულების გაფორმებიდან 80 (ოთხმოცი) კალენდარულ დღეს.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია უზრუნველყოს ფასწარმოქმნის ადეკვატურობის დასაბუთება შემსყიდველის მიერ განსაზღვრულ ვადაში. დასაბუთება შესაძლებელია განხორციელდეს სსიპ „ლევან სამხარაულის სახელობის ექსპერტიზის ეროვნული ბიუროს“ ან სხვა აკრედიტირებული პირის მიერ გაცემული შესაბამისი დადებითი დასკვნით (იმ შემთხვევაში, თუ დასკვნის გამცემი ორგანო არ იქნება სსიპ - ლევან სამხარაულის სახელობის სასამართლო ექსპერტიზის ეროვნული ბიურო, დასკვნასთან ერთად წარმოდგენილ უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი).
შენიშვნა:
- ფასწარმოქმნის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.
- საექსპერტო დასკვნა მომზადებული უნდა იყოს საქართველოს მთავრობის 2017 წლის 26 სექტემბრის №439 დადგენილებით დამტკიცებული „სამშენებლო სამუშაოების ხარჯთაღრიცხვის ფასწარმოქმნის ადეკვატურობის დადგენის მეთოდიკის“ მიხედვით.
- იმ შემთხვევაში, თუ პრეტენდენტის მიერ არ იქნა წარმოდგენილი ან წარმოდგენილი დასაბუთება შემსყიდველის მიერ არ ჩაითვლება დამაკმაყოფილებლად, მოხდება პრეტენდენტის დისკვალიფიკაცია;
- პრეტენდენტის მიერ წარდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება.

5 Процентов

10 Процентов

საბანკო გარანტიის მოქმედების ვადა მინიმუმ 12 თვით უნდა აღემატებოდეს ხელშეკრულებით განსაზღვრული სამუშაოს შესრულების ვადას.

6.4.1 თუ გასაფორმებელი ხელშეკრულების საერთო ღირებულება შეადგენს ან აღემატება 200 000 ლარს (დღგ-ს ჩათვლით), ტენდერში გამარჯვებულმა პრეტენდენტმა ხელშეკრულების შესრულების უზრუნველყოფის მიზნით, უნდა წარმოადგინოს ხელშეკრულების უზრუნველყოფის უპირობო და გამოუთხოვადი საბანკო გარანტია, სახელშეკრულებო ღირებულების 5%-ის ოდენობით, სატენდერო დოკუმენტაციის 6.4.3 პუნქტის მოთხოვნათა დაცვით.
6.4.2 იმ შემთხვევაში, თუ ტენდერში ელექტრონული ვაჭრობის შედეგად გამარჯვებული პრეტენდენტის მიერ სისტემაში დაფიქსირებული საბოლოო ფასი 20%-ზე მეტით დაბალია შესყიდვის ობიექტის სავარაუდო ღირებულებაზე, ხელშეკრულების შესრულების უზრუნველყოფის მიზნით, გამარჯვებულმა პრეტენდენტმა უნდა წარმოადგინოს ხელშეკრულების უზრუნველყოფის უპირობო და გამოუთხოვადი საბანკო გარანტია სახელშეკრულებო ღირებულების 10%-ის ოდენობით, სატენდერო დოკუმენტაციის 6.4.3 პუნქტის მოთხოვნათა დაცვით.
6.4.3 პრეტენდენტმა უნდა წარმოადგინოს ხელშეკრულების შესრულების უზრუნველყოფის უპირობო და გამოუთხოვადი საბანკო გარანტია, გაცემული საქართველოში ლიცენზირებული კომერციული ბანკის/სადაზღვევო კომპანიის მიერ.
საბანკო გარანტია წარმოდგენილ უნდა იქნას დანართი №3-ის (ხელშეკრულების შესრულების საგარანტიო უზრუნველყოფა/ნიმუში) არსებითი პირობების დაცვით.
6.4.4 შესყიდვებში მონაწილე კვალიფიციურ მიმწოდებელთა რეესტრში (თეთრი სია) რეგისტრირებული მიმწოდებელი უფლებამოსილია წარმოადგინოს ხელშეკრულების შესრულების უზრუნველყოფის გარანტიის მოთხოვნილი ოდენობის ნახევარი.

7.1.1.1 დასაშვებია მთლიანი სახელშეკრულებო ღირებულების არაუმეტეს 30%–ის წინასწარ (ავანსი) გადარიცხვა მიმწოდებლის მიერ წარმოდგენილი საავანსოდ გადასარიცხი თანხის იდენტური ოდენობის საქართველოში ლიცენზირებული კომერციული ბანკის/სადაზღვევო კომპანიის მიერ გაცემული უპირობო და გამოუთხოვადი საბანკო გარანტიის საფუძველზე.
საბანკო გარანტიაში ბენეფიციარად მითითებულ უნდა იყოს სს „საქართველოს ნავთობისა და გაზის კორპორაცია“. აღნიშნული საბანკო გარანტიის მოქმედების ვადა არანაკლებ 30 (ოცდაათი) კალენდარული დღით უნდა აღემატებოდეს ხელშეკრულებით გათვალისწინებული სამუშაოების შესრულების საბოლოო ვადას (საბანკო გარანტია წარმოდგენილ უნდა იქნას დანართი №4-ის (საავანსო გადახდის საგარანტიო უზრუნველყოფა/ნიმუში) არსებითი პირობების დაცვით.
7.1.1.2 თეთრ სიაში რეგისტრირებული მიმწოდებელი უფლებამოსილია წარმოადგინოს საავანსო გადახდის უზრუნველყოფის გარანტიის მოთხოვნილი ოდენობის ნახევარი.
7.1.1.3 იმ შემთხვევაში, თუ მომწოდებელი მოითხოვს წინასწარ (საავანსო) ანგარიშსწორებას, შემსყიდველი მიმწოდებელს ავანსის სახით გადაუხდის წინამდებარე ხელშეკრულების ჯამური ღირებულების არაუმეტეს 30%-სა მიმწოდებლის მიერ შემსყიდველისათვის შესაბამისი საბანკო გარანტიის წარდგენიდან 5 (ხუთი) სამუშაო დღის განმავლობაში.

ანგარიშსწორება მიმწოდებელთან განხორციელდება ლარში, უნაღდო ანგარიშსწორების ფორმით, სატენდერო დოკუმენტაციის დანართი №1-ით (მოცულობათა ცხრილი/ხარჯთაღრიცხვა) განსაზღვრული სამუშაოების სრულად დასრულებისა და შესრულებულ სამუშაოებზე სს ,,საქართველოს რკინიგზის“ მიერ დადებითი შეფასების გაცემის საფუძველზე. მიმწოდებლის მიერ შემსყიდველისათვის შესრულებული სამუშაოების აქტის (ფორმა №2), მიღება-ჩაბარების აქტის და საგადასახადო ანგარიშ-ფაქტურის წარდგენიდან და მითითებული დოკუმენტაციის შემსყიდველის მიერ დადასტურების საფუძველზე.

შემსყიდველი მიმწოდებელთან ანგარიშსწორებას განახორციელებს უნაღდო ანგარიშსწორების ფორმით, მხარეთა შორის მიღება-ჩაბარების აქტის გაფორმებიდან და მიმწოდებლის მიერ საგადასახადო ანგარიშ-ფაქტურის შემსყიდველისათვის წარდგენიდან 10 (ათი) სამუშაო დღის ვადაში.

არჩილ პაპუაშვილი, 595701003, A.papuashvili@gogc.ge სატენდერო დოკუმენტაციასთან დაკავშირებული განმარტებების მიღება პრეტენდენტს შეუძლია სატენდერო კომისიის აპარატში, ქ. თბილისი, კახეთის გზატკეცილი №21, მე-2 სართული, ოთახი 205; საკონტაქტო პირი: არჩილ პაპუაშვილი +995 (32) 224-40-40, (შიდა-259).

10.1.1 შესყიდვის ობიექტის სავარაუდო ღირებულება შეადგენს 297 943,00 (ორას ოთხმოცდაჩვიდმეტი ათას ცხრაას ორმოცდასამი) ლარს, დღგ-ს გარეშე;
10.1.2 შესყიდვების ერთიან ელექტრონულ სისტემაში (შემდგომში - სისტემა) წინადადების ფასი დაფიქსირებულ უნდა იყოს ეროვნულ ვალუტაში დღგ-ს გარეშე და უნდა მოიცავდეს ყველა ხარჯს დაკავშირებულს სამუშაოების შესრულებასთან, მათ შორის საქართველოს კანონმდებლობით გათვალისწინებულ ყველა გადასახადს და მოსაკრებელს.
10.1.3 წინადადების ფასად განიხილება სისტემის მეშვეობით შესყიდვის ელექტრონული ტენდერის შესაბამის ველში დაფიქსირებული ფასი;
10.1.4 ხარჯები, რომლებიც სატენდერო წინადადების ფასში არ იქნება გათვალისწინებული, არ დაექვემდებარება ანაზღაურებას;
10.1.5 შემსყიდველი ორგანიზაციის მიერ ხელშეკრულების ღირებულებაში გათვალისწინებული იქნება წინადადების ფასის დღგ-ს შესაბამისი ოდენობა, თუ ხელშეკრულების დადების მომენტისათვის პრეტენდენტი არის დღგ-ს გადამხდელი საქართველოს კანონმდებლობის შესაბამისად (იმ შემთხვევაში, თუ მიმწოდებელი ხელშეკრულების გაფორმების შემდგომ გახდა დღგ-ს გადამხდელი სუბიექტი, დღგ-ს თანხის დამატებით გათვალისწინება ხელშეკრულების ღირებულებაში არ განხორციელდება);
10.1.6 იმ შემთხვევაში, თუ სატენდერო დოკუმენტაციით მოთხოვნილ, ერთიან ელექტრონულ სისტემაში პრეტენდენტის მიერ წარმოდგენილ დოკუმენტში (გარდა სატენდერო დოკუმენტაციის 10.3.1 პუნქტით განსაზღვრული დოკუმენტისა, რომელიც წარმოდგენილი უნდა იქნას ლარში), განსაზღვრული იქნება უცხოური ვალუტა, სატენდერო კომისია მის შეფასებას/დადარებას სატენდერო დოკუმენტაციის მოთხოვნებთან განახორციელებს წარმოდგენილი დოკუმენტში მითითებული თარიღისათვის/დღისათვის არსებული საქართველოს ეროვნული ბანკის მიერ დადგენილი ლარის ოფიციალური გაცვლითი კურსის შესაბამისად.

10.2 ზოგადი პირობები
10.2.1 პრეტენდენტს უფლება აქვს წარმოადგინოს მხოლოდ ერთი სატენდერო წინადადება;
10.2.2 სატენდერო დოკუმენტაციით მოთხოვნილი,ელექტრონულ სისტემაში ატვირთული პრეტენდენტის მიერ შექმნილი ყველა დოკუმენტი ან/და ინფორმაცია ,,ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის შესაბამისად, სავალდებულოა დამოწმებული/დადასტურებული იყოს კვალიფიციური ხელმოწერით ან/და კვალიფიციური შტამპით (გარდა, დანართი №1-ის (მოცულობათა ცხრილი/ხარჯთაღრიცხვა), თუ იგი წარმოდგენილი იქნება „MS Excel“ ფორმატით). ამასთანავე, ხელმოწერა უნდა განხორციელდეს შესაბამისი უფლებამოსილი პირის მიერ (საჭიროების შემთხვევაში ატვირთული უნდა იქნეს მინდობილობა).
10.2.3 სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში (დანართი №5), რომელიც ხელშეკრულების დადების მომენტისათვის შესაძლებელია დაზუსტდეს სატენდერო წინადადების შესაბამისად;
10.2.4 სატენდერო დოკუმენტაციით მოთხოვნილი, სისტემაში პრეტენდენტის მიერ ასატვირთი ყველა დოკუმენტი წარმოდგენილ უნდა იქნეს ქართულ ენაზე. დოკუმენტაციის/ინფორმაციის სხვა ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დოკუმენტთან დაკავშირებული სადავო საკითხ(ებ)ის გადაწყვეტისას უცხოურენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია;
10.2.5 ტენდერში ამხანაგობის მონაწილეობის შემთხვევაში, პრეტენდენტი ვალდებულია იმოქმედოს სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული „ელექტრონული ტენდერის ჩატარების წესის“ 24-ე მუხლის მოთხოვნათა სრული დაცვით.
10.2.6 შემსყიდველი ორგანიზაცია ვალდებულია, კანონმდებლობით დადგენილი წესით, სისტემის კითხვა/პასუხის მოდულის მეშვეობით, პრეტენდენტის მოთხოვნის შემთხვევაში, განახორციელოს სატენდერო განცხადებასთან და დოკუმენტაციასთან დაკავშირებით შესაბამისი დაზუსტება/განმარტება;
10.2.7 შემსყიდველ ორგანიზაციასა და პრეტენდენტს შორის ნებისმიერი მიმოწერა/შეტყობინების გაგზავნა ხდება სისტემის შესაბამისი მოდულის მეშვეობით და სისტემის გამოყენების გარეშე მიმოწერა/შეტყობინება სავალდებულო არ არის. მიმოწერა/შეტყობინება მიღებულად ჩაითვლება მისი სისტემაში ატვირთვის მომენტიდან.
10.2.8. ტენდერში მონაწილეობის მიღებით, პრეტენდენტი ადასტურებს მის თანხმობას ამ სატენდერო დოკუმენტაციაში მოცემული პირობების შესრულებაზე, იმის მიუხედავად, შეიცავს თუ არა მისი სატენდერო წინადადება ასეთ თანხმობას/დადასტურებას. ამის საწინააღმდეგო ნებისმიერი დათქმა თუ ჩანაწერი პრეტენდენტის სატენდერო წინადადებაში ბათილია;
10.2.9. იმ შემთხვევაში, თუ სატენდერო დოკუმენტაციაში (მისი დანართების ჩათვლით) შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებულია კონკრეტული სასაქონლო ნიშანი, მოდელი, პატენტი ან მწარმოებელი კომპანია, იგულისხმება „მსგავსი,“ „ანალოგიური" და „ექვივალენტური.“

10.3 პრეტენდენტის მიერ სისტემაში ასატვირთი ტექნიკური დოკუმენტაცია/ინფორმაცია
10.3.1 ხარჯთაღრიცხვა, დანართი №1-ის შესაბამისად (პუნქტი 1.3);
შენიშვნა:
- სასურველია პრეტენდენტის მიერ ხარჯთაღრიცხვა წარმოდგენილ იქნას „MS Excel“ ფორმატით;
- პრეტენდენტის მიერ, „წინადადების მიღება დასრულებულია“ ეტაპზე, ხარჯთაღრიცხვის წარმოუდგენლობა ან ხარჯთაღრიცხვის განუფასებლად წარდგენა გამოიწვევს პრეტენდენტის დისკვალიფიკაციას აღნიშნული ტენდერიდან.
10.3.2 საგარანტიო პირობები და სამუშაოს შესრულების ვადა, დანართი №2-ის შესაბამისად (პუნქტი 1.4, პუნქტი 1.6);
10.3.3 სამუშაოების შესრულების გეგმა-გრაფიკი (პუნქტი 2.5.1);
10.3.4 პრეტენდენტის გამოცდილების დამადასტურებელი დოკუმენტაცია ან/და აღნიშნული დოკუმენტაციის შესახებ მითითება სახელმწიფო შესყიდვების სააგენტოს ერთიანი ელექტრონული სისტემის შესაბამის შესყიდვის ნომრებზე (მაგ: №NAT/CMR/SPA და ა.შ) (პუნქტი 2.2.1);
10.3.5 ინფორმაცია სასურველი ანგარიშსწორების პირობის შესახებ (წარმოდგენილ ინფორმაციაში მკაფიოდ უნდა იკითხებოდეს სურს თუ არა პრეტენდენტს ავანსის მიღება და რა პროცენტული ოდენობით (პუნქტი 7.1.1).