Инженерные услуги (Грузия - Тендер #58419539)

ქ. თბილისში, ჩუღურეთის რაიონის ტერიტორიაზე (ახალი არსენალის მთა N.11, ზაზიაშვილის მე-3.შესახვევი N 3, ლალიონის ქუჩა N 8, ჩეჩელაშვილის ქუჩა N 13, სამურზაყანოს ქუჩა N 17ბ, მოსე.თოიძის ქუჩა N 32) გრუნტის დამჭერი საყრდენი კედლების მოწყობის სამუშაოების საპროექტო-სახარჯთაღრიცხვო დოკუმენტაციის შედგენის მომსახურება.

მიმწოდებელმა უნდა უზრუნველყოს;
1. საყრდენი კედლის მოწყობა-რეაბილიტაციის აუცილებლობის გამომწვევი მიზეზების ანალიზი და ჩასატარებელი ღონისძიებების აღწერა, შესყიდვის ობიექტთან მცხოვრებ მოსახლესთან (მოსახლეობასთან) გასაუბრება და შეძლებისდაგვარად მათი მოთხოვნის (მოთხოვნების) გათვალისწინება - აღნიშნულის დაოქმება (მოსახლეობასთან შეთანხმების ოქმის ბლანკი თან ერთვის) და წარმოდგენა შემსყიდველთან.
2. სათანადო საკვლევ–საძიებო სამუშაოების საფუძველზე საინჟინრო–გეოლოგიური დასკვნის მომზადება;ტოპო გეოდეზიური სამუშაოების ჩატარება, არსებული საინჟინრო ქსელების მდგომარეობის და ხელოვნური ნაგებობების დაფიქსირება, საინჟინრო გეოლოგიური კვლევა შურფის აღებით, შესაბამისი ანგარიშის წარდგენით, მუშა ნახაზის შედგენა, სრული საპროექტო დოკუმენტაციის მომზადება და წარმოდგენა სრულ საპროექტო და სახარჯთაღრიცხვო დოკუმენტაციის ექსპერტიზის დასკვნასთან ერთად.
3. სამშენებლო უბანზე მდებარე (გამავალი) კომუნიკაციების ტოპოგეგმა ზედატანის შეთანხმება შესაბამის ორგანიზაციებთან;
4. სამუშაოთა მოცულობების ზუსტი აღწერა და უწყისის, მუშა ნახაზების (მ.შ. გეგმები, პროფილები, კვანძები, ჭრილები, სამშენებლო უბანზე ხეების, ბუჩქნარის მოჭრა-გაკაფვა, მოსაჭრელი ფერდის კუთხის დაზუსტება, ფერდის გამაგრების კონსტრუქციული ნახაზის მომზადება; გრუნტის ამოღების, ტრანსპორტირების და უკუჩაყრის დროს გათვალისწინებული იყოს გაფხვიერებისა და ტკეპნის კოეფიციენტები;
5. სამშენებლო უბანზე სამუშაოების მიმდინარეობის ხელისშემშლელი: ბუნებრივი გაზის მილები, საკომუნიკაციო (ელექტროენერგიის, ინტერნეტის, სატელეფონო და სხვა სადენები), წყალანირებისა და წყლის მილები და ა.შ. დაფიქსირება და შესაბამისად შეთანხმება არსებული კომუნიკაციების მფლობელ ორგანიზაციებთან მათი დროებით ან სამუდამოდ გადატანასთან სხვა ლოკაციაზე.
6. არსებული ნორმების საფუძველზე გამარტივებული ექვსპუნქტიანი სატენდერო ხარჯთაღრიცხვის შედგენა, მათ შორის, რესურსული მეთოდით, მიმდინარე საბაზრო ფასებით;
7. სრული საპროექტო დოკუმენტაციის (მ.შ. „მშენებლობის ორგანიზაციის პროექტის“) წარმოდგენა ელექტრონული ვერსიის (DWG და PDF ფორმატში) და ნაბეჭდი სახით (Sylfaen) ოთხ ეგზემპლარად;
8. სამშენებლო სამუშაოების წარმოების დროს გათვალისწინებული უნდა იქნეს საავტორო ზედამხედველობა. საავტორო ზედამხედველობის განხორციელების ვადა - შედგენილი საპროექტო -სახარჯთაღრიცხვო დოკუმენტაციის მიხედვით ხელშეკრულების გაფორმებიდან სამშენებლო სამუშაოების დაწყებამდე და მიმდინარე სამუშაოების მთელ პერიოდში მიმწოდებელი ვალდებულია, შემსყიდველის მოთხოვნის შემთხვევაში, დაუყოვნებლივ, მაქსიმუმ 5(ხუთი) სამუშაო დღეში მოახდინოს დოკუმენტაციის კორექტირება.
9. შესრულებული სამუშაო დათქმულ ვადაში მიღებულად ჩაითვლება სსიპ „ლევან სამხარაულის სახელობის ექსპერტიზის ეროვნული ბიურო“-ს ან სხვა აკრედიტირებული პირის მიერ გაცემული დადებითი (შესრულებული სამუშაოს თაობაზე) ექსპერტიზის დასკვნის შემთხვევაში. ექსპერტიზის მომსახურების ხარჯებს სრულად უზრუნველყოფს მიმწოდებელი.
10. მოსაწყობი საყრდენი კედლების მისამართები და მოცულობები მითითებულია დანართი #3-ში.

ეტაპობრივად, ხელშეკრულების გაფორმებიდან 30 კალენდარული დღე, საექსპერტო დასკვნის მომზადების ვადის ჩათვლით.

ქ. თბილისი, დავით აღმაშენებლის გამზირი #65, ჩუღურეთის რაიონის გამგეობის ადმინისტრაციული შენობა

2.2.1.1პრეტენდენტს უნდა გაჩნდეს 2022 წლის 01 იანვრიდან უნდა არანაკლებ შესყიდვის სავარაუდო ღირებულების 150 %-ის ოდენობის ანალოგიური (საყრდენი კედლების ან/და არანაკლები სირთულის რკინა-ბეტონის კონსტრუქციების მოწყობის ) საპროექტო-სახარჯთაღრიცხვო დოკუმენტაციის შედგენის მომსახურების გამოცდილება. ინფორმაცია გამოცდილების შესახებ წარმოდგენილი უნდა იქნას დანართი #2-ის შესაბამისად
2.2.1.2 იმ შემთხვევაში, თუ ინფორმაციაში მითითებული შესყიდვ(ებ)ა არ განხორციელებულა სახელმწიფო შესყიდვების ერთიანი ელექტრონული სისტემის გამოყენებით, ან შესყიდვების ერთიან ელექტრონულ სისტემაში არ არის ან არასრულად არ არის ატვირთული შესაბამისი დოკუმენტები, ამ შემთხვევაში გამოცდილების დასადასტურებლად პრეტენდენტის მიერ ერთიან ელექტრონულ სისტემაში ატვირთულ უნდა იქნას: მხარეთა მიერ ხელმოწერილი ხელშეკრულებ(ები)ა, ამ ხელშეკრულებ(ებ)ის შესრულების დამადასტურებელი დოკუმენტები:
1) მიღება-ჩაბარების აქტი;
2) დადასტურებული საგადასახადო ანგარიშ-ფაქტურა ან/და გადახდის დამადასტურებელი დოკუმენტი.
შენიშვნა: სატენდერო დოკუმენტაციით გათვალისწინებული გამოცდილების მოთხოვნებთან შესაბამისობის დადასტურების მიზნით, სახელმწიფო შესყიდვების ერთიან ელექტრონულ სისტემაში წარმოგენილ, უცხო ქვეყანაში შედგენილ დოკუმენტზე ხელმოწერები და ხელმომწერი პირების უფლებამოსილება დამოწმებული უნდა იყოს ნოტარიუსის ან შესაბამისი საჯაროსამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა - ლეგალიზებული ან აპოსტილით დამოწმებული.

შესყიდვის თავისებურებიდან (მომსახურების სპეციფიკიდან) გამომდინარე, ვინაიდან აღნიშნული შესყიდვის ობიექტი წარმოადგენს ინტელექტუალურ მომსახურებას, ხოლო ინტელექტუალური მომსახურების დანახარჯებს ძირითადად წარმოადგენს ადამიანური რესურსის შრომითი გასამრჯელო, მიმწოდებელს აქვს შესაძლებლობა აღნიშნული ინტელექტუალური მომსახურება განახორციელოს საბაზრო ღირებულებასთან შედარებით დაბალ ფასად. ზემოაღნიშნულიდან გამომდინარე, პრეტენდენტის მიერ სისტემაში შესყიდვის ობიექტის სავარაუდო ღირებულებასთან 20%-ით ან მეტით დაბალი საბოლოო ფასის დაფიქსირების შემთხვევაში არ წარმოეშვება ფასწარმოქმნის ადეკვატურობის დასაბუთების ვალდებულება.

ანგარიშსწორება მოხდება უნაღდო ანგარიშსწორებით ლარში.

მიღება-ჩაბარების აქტის გაფორმებიდან არაუგვიანეს 10 სამუშაო დღე.

კობა ცინცაძე, 599182181, koba102102@gmail.com ტექნიკურ საკითხებთან დაკავშირებით: ზურაბ გაბიძაშვილი 598574141

10.1.1 ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3 სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
10.1.4 სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.5 პრეტენდენტს არა აქვს უფლება წარმოადგინოს ალტერნატიული სატენდერო წინადადება.
10.1.6 სატენდერო დოკუმენტაციის მოთხოვნებთან შესაბამისობის დადასტურების მიზნით, სახელმწიფო შესყიდვების ერთიან ელექტრონულ სისტემაში წარმოდგენილ, უცხო ქვეყანაში შედგენილ დოკუმენტზე ხელმოწერები და ხელმომწერი პირების უფლებამოსილება დამოწმებული უნდა იყოს ნოტარიუსის ან შესაბამისი საჯაროსამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა - ლეგალიზებული ან აპოსტილით დამოწმებული.

10.2 პრეტენდენტის მიერ ერთიან ელექტრონულ სისტემაში ასატვირთი მონაცემები:

1. მომსახურების ხარჯთაღრიცხვა წარმოდგენილ უნდა იქნას დანართი N1–ის მიხედვით (ხარჯთაღრიცხვის წარმოუდგენლობა ან განუფასებლად წარმოდგენა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას).
2. ინფორმაცია/დოკუმენტაცია გამოცდილების შესახებ დანართი N2–ის და სატენდერო დოკუმენტაციის 2.2.1 პუნქტის მოთხოვნების შესაბამისად.