Техническое обслуживание и ремонт (Грузия - Тендер #58312140)

პრეისკურანტით კომპიუტერული ტექნიკის შეკეთების მომსახურების (სათადარიგო ნაწილებით) შესყიდვა.

1.2.1 პრეტენდეტმა არ უნდა წარმოადგინოს განფასების ცხრილის თითოეულ პოზიციაზე მითითებულ სავარაუდო ფასებზე მეტი.

1.2.2 პრეტენდენტის მიერ პრეისკურანტის ჯამური ღირებულების შემცირების შემთხვევაში, ფასთა კლება პროცენტულად და პროპორციულად უნდა აისახოს შემსყიდველის მიერ პრეისკურანტში (ფასების ცხრილებში) წარმოდგენილ ერთეულის ფასებზე.

შესყიდვის ობიექტის ტექნიკური პარამეტრების სიმრავლის და თავისებურებიდან გამომდინარე, მათი უკეთესად აღწერისა და მეტი თვალსაჩინოებისთვის გამოყენებულია მიმაგრებული ფაილი ცხრილის სახით "ტექნიკური დავალება".

1.4.1 კომპიუტერული ტექნიკის შეკეთების მომსახურების (სათადარიგო ნაწილებით) ვადაა - ეტაპობრივად, ხელშეკრულების გაფორმებიდან 12 თვის განმავლობაში, მიმწოდებელისა და შემსყიდველის მიერ სადეფექტო აქტის შედგენიდან ყოველ ეტაპზე არაუმეტეს 20 (ოცი) სამუშაო დღისა.

1.4.2 თუ საჭირო გახდა დეფიციტური სათადარიგო ნაწილი (რომლის ყიდვა მოცემული მომენტისათვის შეუძლებელია საქართველოს ტერიტორიაზე) შესაძლებელია მომსახურების გაწევის ვადა გაიზარდოს არაუმეტეს 30 (ოცდაათი) სამუშაო დღემდე. "მიმწოდებელმა“ დეფიციტური ნაწილის შესახებ ინფორმაცია წერილობით უნდა აცნობოს ,,შემსყიდველს“ მომსახურების დაწყებიდან არაუგვიანეს 2 (ორი) სამუშაო დღისა, რომლესაც თან უნდა დაერთოს შეკვეთის დამადასტურებელი დოკუმენტი (დოკუმენტის ასლი).

1.4.3 ,,მიმწოდებელი” ვალდებულია შემსყიდველის წერილობითი (ელ. ფოსტა) მოთხოვნის მიღებიდან ერთ სამუშაო დღეში გამოცხადდეს სსე-ს სათავო ოფისში და ,,შემსყიდველის” უფლებამოსილ წარმომადგენელთან ერთად შეადგინოს სადეფექტო აქტი გასაწევ ტექნიკურ მომსახურებაზე კომპიუტერული ტექნიკის გარეგანი ვიზუალური დათვალიერებიდან ერთი სამუშაო დღის ვადაში.

1.4.4 იმ შემთხვევაში თუ კომპიუტერული ტექნიკის გარეგანი ვიზუალური დათვალიერებით შეუძლებელია სადეფექტო აქტის შედგენა და დაზიანებული ტექნიკის შეკეთება შემსყიდველის ტერიტორიაზე (სსე-ს სათაო ოფისში ბარათაშვილის ქუჩა #2) მიმწოდებელი ვალდებულია მოახდინოს შესაკეთებელი კომპიუტერული ტექნიკის ტრანსპორტირება საკუთარ სერვის ცენტრში. ამ შემთხვევაში სადეფექტო აქტის შედგენის ვადა განისაზღვრება შესაკეთებელი კომპიუტერული ტექნიკის ტრანსპორტირებიდან სამი სამუშაო დღის განმავლობაში.

1.5.1 კომპიუტერული ტექნიკის შეკეთების მომსახურების (სათადარიგო ნაწილებით) ადგილია: თბილისი, ბარათაშვილის ქუჩა #2 სს „სსე“-ს სათაო ოფისი.

1.5.2 იმ შემთხვევაში თუ კომპიუტერული ტექნიკის გარეგანი ვიზუალური დათვალიერებით შეუძლებელია სადეფექტო აქტის შედგენა და დაზიანებული ტექნიკის შეკეთება შემსყიდველის ტერიტორიაზე (სსე-ს სათაო ოფისში ბარათაშვილის ქუჩა #2) მიმწოდებელი ვალდებულია მოახდინოს შესაკეთებელი კომპიუტერული ტექნიკის ტრანსპორტირება საკუთარ სერვის ცენტრში და შემდგომ უკვე შეკეთებული ტექნიკის ტრანსპორტირება უკან შემსყიდველის ოფისში მისივე ხარჯებით.

1.5.3 თუ მიმწოდებელი ვერ ახერხებს საკუთარ სერვის ცენტრში კომპიუტერული ტექნიკის შეკეთებას და მომსახურებას განახორციელებს ხელშეკრულებით გაუთვალისწინებულ სხვა სერვის ცენტრში, მაშინ ყველა ხარჯს (მათ შორის ტექნიკის შეკეთების და ტრანსპორტირების ხარჯებს) აანაზღაურებს ,,მიმწოდებელი“.

პრეტენდენტმა სატენდერო წინადადებით უნდა წარმოადგინოს ინფორმაცია კონკრეტული საგარანტიო ვადის შესახებ, კერძოდ:

სს ,,სსე“–ს კუთვნილი კომპიუტერული ტექნიკის შეკეთების მომსახურების (სათადარიგო ნაწილებით) საგარანტიო ვადა შეადგენს ყოველ ეტაპზე გაფორმებული მიღება-ჩაბარების აქტის დღიდან 6 (ექვსი) თვეს სწორი ექსპლოატაციის პირობებში, გარდა იმ შემთხვევისა როდესაც, დაზიანება გამოწვეულია არასწორი ექსპლუატაციით ან გარეგანი მექანიკური ზემოქმედებით.

შენიშვნა:

1. პრეტენდენტის მიერ შემოთავაზებული საგარანტიო ვადა არ უნდა იყოს შემსყიდველის მიერ მოთხოვნილზე ნაკლები.

2. საგარანტიო პერიოდში ,,მიმწოდებელი“ ვალდებულია წუნის აღმოჩენის შემთხვევაში დაუყონებლივ, ,,შემსყიდველის“ წერილობითი მოთხოვნის მიღებიდან ხელშეკრულებით განსაზღვრულ (გონივრულ ვადაში, მაგრამ არაუგვიანეს 3 (სამი) სამუშაო დღეში) ვადებში საკუთარი ხარჯებით აღმოფხვრას აღმოჩენილი წუნი და მისგან გამოწვეული დაზიანება.

პრეტენდენტმა სატენდერო წინადადებით უნდა წარმოადგინოს შემდეგი სახის ინფორმაცია ან დოკუმენტაცია, კერძოდ:

პრეტენდენტს უნდა ჰქონდეს არანაკლებ 5 წლიანი გამოცდილება კომპიუტერული ტექნიკის შეკეთების მომსახურების გაწევაზე (ყოველ წელს არანაკლებ ერთი გამოცდილება), რის დამადასტურებლადაც "პრეტენდენტის" მიერ წარმოდგენილი უნდა იყოს ხელშეკრულებები სათანადო მიღება-ჩაბარების აქტებით ან/და შუალედური მიღება-ჩაბარების აქტები ან საქართველოს სახელმწიფო შესყიდვების ერთიანი ელ. სისტემის ტენდერის/CMR ნომრები, რომელიც ადასტურებს არსებულ გამოცდილებას.

2.7.1.1. პრეტენდენტ კომპანიას უნდა ჰყავდეს ფასების ცხრილში მითითებული ბრენდებიდან მინიმუმ ორი ბრენდის სერთიფიცირებული კადრი, რომლებსაც ექნებათ პრინტერების, სკანერების და აგრეთვე სტაციონარული კომპიუტერებისა (სამუშაო სადგურების) და ლეპტოპების შეკეთების სერვისის სფეროში საერთაშორისოდ აღიარებული სერთიფიკატები. პრეტენდენტმა სატენდერო წინადადებით უნდა წარმოადგინოს კომპანიაში დასაქმებული (კომპიუტერული ტექნიკის შეკეთების პროცესში უშუალოდ ჩართული) კადრების შესაბამისი სერთიფიკატები და აღნიშნულ პირ(ებ)თან თანამშრომლობის დამადასტურებელი დოკუმენტი(ებ)ი დამოწმებული ხელმოწერით ან ბეჭდით (მაგ. წერილი ან ცნობა ან ხელშეკრულება).

*** დოკუმენტების უცხოურ ენაზე წარდგენის შემთხვევაში მათ თან უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე (დამოწმებული ნოტარიულად ან აპოსტილით).

პრეტენდენტმა სატენდერო წინადადებით უნდა წარმოადგინოს 1.3 ველში მოცემული შევსებული ფასების ცხრილები.

თუ სატენდერო დოკუმენტაციის მოთხოვნ(ებ)ის შესაბამისად, არ იქნება წარდგენილი ფასების ცხრილი ან თუ წარდგენილ ფასების ცხრილში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს, პრეტენდენტი დაექვემდებარება დისკვალიფიკაციას.

იმ შემთხვევაში, თუ ტენდერში პრეტენდენტის მიერ სახელმწიფო შესყიდვების ერთიანი ელექტრონული სისტემის მეშვეობით დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია უზრუნველყოს ფასწარმოქმნის ადეკვატურობის დასაბუთება შემსყიდველის მიერ განსაზღვრულ ვადაში.

დასაბუთება შესაძლებელია განხორციელდეს „სსიპ - ლევან სამხარაულის სახელობის სასამართლო ექსპერტიზის ეროვნული ბიუროს“ დასკვნით ან კანონმდებლობის შესაბამისად აკრედიტებული შემფასებელთა სერტიფიკაციის ორგანოს მიერ სათანადოდ სერტიფიცირებული პირის შესაბამისი დასკვნით (ასეთ შემთხვევაში, დასკვნას თან უნდა დაერთოს შესაბამისი სერტიფიკატის ასლი) ან აუდიტორული დასკვნით, რომელიც ადასტურებს პრეტენდენტის მიერ დაფიქსირებულ ფასად დასადები ხელშეკრულებით ნაკისრი ვალდებულებების შესრულების შესაძლებლობას.
დასკვნაში საბოლოო შეფასება უნდა იყოს ერთმნიშვნელოვნად დადებითი ან უარყოფითი.

პრეტენდენტის მიერ წარდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება. ფასწარმოქმნის ადეკვატურობის დამადასტურებელი დოკუმენტის წარმოუდგენლობა ან/და ისეთი დოკუმენტის წარმოდგენა, რომლითაც ვერ დადასტურდება ფასწარმოქმნის ადეკვატურობა, გამოიწვევს პრეტენდენტის დისკვალიფიკაციას სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების „ელექტრონული ტენდერის ჩატარების წესის დამტკიცების შესახებ“ 32-ე მუხლის პირველი პუნქტის "დ" ქვეპუნქტის შესაბამისად.

ანგარიშსწორება განხორციელდება ეტაპობრივად, ფაქტიურად გაწეულ მომსახურებაზე (სათადარიგო ნაწილებით) გაფორმებული მიღება-ჩაბარების აქტის და სათანადო დოკუმენტაციის (თუ "მიმწოდებელი" არის დღგ–ს გადამხდელი საგადასახადო ანგარიშფაქტურის) საფუძველზე, უნაღდო ანგარიშსწორების ფორმით ლარში.

ანგარიშსწორება განხორციელდება ეტაპობრივად, ფაქტიურად გაწეულ მომსახურებაზე (სათადარიგო ნაწილებით) მიღება-ჩაბარების აქტის გაფორმებიდან და სათანადო დოკუმენტაციის (თუ "მიმწოდებელი" კომპანია არის დღგ–ს გადამხდელი საგადასახადო ანგარიშფაქტურის) წარმოდგენიდან 8 (რვა) სამუშაო დღის ვადაში.

გიორგი გიორგაძე, 577232355, giorgi.giorgadze@gse.com.ge

- ალტერნატიული სატენდერო წინადადება არ მიიღება;
- სატენდერო კომისია უფლებამოსილია განიხილოს პრეტენდენტის მიერ წარმოდგენილი შესყიდვის ობიექტის ცალკეული გაუმჯობესებული კომპონენტები/მახასიათებლები (ასეთის არსებობის შემთხვევაში), რომელიც არსებითად არ ცვლის შესყიდვის ობიექტის შინაარსს, და ობიექტურ კრიტერიუმებზე დაყრდნობით, მიიღოს გადაწყვეტილება მათი სატენდერო პირობებთან შესაბამისობის და დასაშვებობის შესახებ;
- სატენდერო კომისია უფლებამოსილია განიხილოს პრეტენდენტის მიერ წარმოდგენილ (ატვირთულ) სატენდერო წინადადებაში ან/და დაზუსტებულ სატენდერო წინადადებაში რედაქციული (გრამატიკული) ხასიათის ცდომილება/შეუსაბამობა, რომელიც არ ცვლის შესყიდვის ობიექტის შინაარს და სატენდერო წინადადებით დაფიქსირებულ საბოლოო ფასს და მიიღოს გადაწყვეტილება მათი სატენდერო პირობებთან შესაბამისობის და დასაშვებობის შესახებ;
- სატენდერო წინადადების წარდგენით, პრეტენდენტი ავტომატურად გამოხატავს თანხმობას სატენდერო დოკუმენტაციის პირობებით განსაზღვრულ მოთხოვნებზე;
- თუ სატენდერო დოკუმენტაციის მოთხოვნ(ებ)ის შესაბამისად, არ იქნება წარდგენილი ფასების ცხრილი ან თუ წარდგენილ ფასების ცხრილში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს, პრეტენდენტი დაექვემდებარება დისკვალიფიკაციას.
- სატენდერო წინადადების საერთო და ერთეულის ფასის წარმოდგენა დასაშვებია მხოლოდ ეროვნულ ვალუტაში - ლარში;
- სატენდერო წინადადება, ასევე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია, დოკუმენტაცია ან/და ინფორმაცია, წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ თან უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე (დამოწმებული ნოტარიულად ან აპოსტილით). უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია;
- რეზიდენტი პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები (მაგ., ფასების ცხრილი, ინფორმაცია საკუთარი გამოცდილების შესახებ, საგარანტიო პირობები და ა.შ.), დაამოწმოს/დაადასტუროს კვალიფიციური ელექტრონული ხელმოწერით/კვალიფიციური ელექტრონული შტამპით. აღნიშნულისთვის პრეტენდენტს აქვს ორი შესაძლო გზა: 1) ყველა PDF დოკუმენტი სათითაოდ დაამოწმოს/დაადასტუროს კვალიფიციური ელექტრონული ხელმოწერით ან/და კვალიფიციური ელექტრონული შტამპით; 2) გააერთიანოს წარსადგენი დოკუმენტები ერთ PDF ფაილად, ხოლო თუ ერთი ფაილის ზომა აღემატება 20 მეგაბაიტს – რამდენიმე PDF ფაილად და ის/ისინი დაამოწმოს/დაადასტუროს კვალიფიციური ელექტრონული ხელმოწერით ან/და კვალიფიციური ელექტრონული შტამპით;
- სატენდერო დოკუმენტაციაში, შესყიდვის ობიექტის ტექნიკური და ხარისხობრივი მაჩვენებლების აღწერისას, სადაც მითითებულია კონკრეტული სასაქონლო ნიშანი, მოდელი, პატენტი ან მწარმოებელი კომპანია, იგულისხმება „მსგავსი“ ან/და „ეკვივალენტური“. ასეთ შემთხვევაში, პრეტენდენტი უფლებამოსილია წარმოადგინოს სატენდერო დოკუმენტაციით განსაზღვრული შესყიდვის ობიექტის მსგავსი ან/და ეკვივალენტური მახასიათებლების მქონე საქონელი;
- სატენდერო კომისიის გადაწყვეტილება ჩაითვლება პრეტენდენტისათვის გაგზავნილ შეტყობინებად, სატენდერო კომისიის სხდომის ოქმის სახელმწიფო შესყიდვების ერთიანი ელექტრონული სისტემის შესაბამის მოდულში ატვირთვით. პრეტენდენტის მიერ შეტყობინება ოფიციალურად მიღებულად ჩაითვლება ოქმის სისტემაში ატვირთვის მომენტიდან.
- „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის შესაბამიისად, კვალიფიციური ელექტრონული ხელმოწერის შესრულება ან/და კვალიფიციური ელექტრონული შტამპის დასმა არ ვრცელდება არარეზიდენტ პირზე, აგრეთვე იმ შემთხვევაზე, როდესაც საქართველოს კანონმდებლობა დოკუმენტზე ხელმოწერის შესრულებას ან/და შტამპის დასმას არ მოითხოვს.