Проверочная и испытательная аппаратура (Грузия - Тендер #58312115)

საქართველოს პარლამენტის აპარატის მიერ რენტგენული დათვალიერების მოწყობილობის (თანმდევი მომსახურებით) სახელმწიფო შესყიდვა (CPV38582000).

1.2.1. შესყიდვის ობიექტის ტექნიკური დავალება, რაოდენობა და აღწერილობა მოცემულია დანართ №1-ში ""ფასების ცხრილი"" და დანართ №2-ში ""ტექნიკური დავალება"".
შენიშვნა: პრეტენდენტი უფლებამოსილია დანართი №1 ""ფასების ცხრილი"" წარმოადგინოს Excel-ის ფორმატის ცხრილის სახით
(გთხოვთ გაითვალისწინოთ, რომ პრეტენდენტის მიერ Excel-ის ფორმატის ცხრილის სახით წარსადგენი დოკუმენტი არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს))."
1.2.2 პრეტენდენტი ვალდებულია წარმოადგინოს შემოთავაზებული შესყიდვის ობიექტის ზუსტი აღწერილობა შესაბამის მტკიცებით ფორმაში (ყოველგვარი არაუმეტეს, არანაკლებ ან მსგავსი მაჩვენებლების გარეშე (ასეთის არსებობის შემთხვევაში)), რომელიც უნდა შეესაბამებოდეს დანართი №2-ში "ტექნიკური დავალება" მითითებულ მინიმალურ ტექნიკურ აღწერილობას.
1.2.3 შესყიდვის ობიექტის თანმდევი მომსახურება მოიცავს:
ა) შესყიდვის ობიექტის სისტემაში მონტაჟს, გაშვება-გამართვას;
ბ) შემოთავაზებულ ხელბარგის რენტგენული დათვალიერებისათვის მოწყობილობაში არსებული სისტემის შესაბამისი ინსტრუქციის (გაცემული შესყიდვის ობიექტის მწარმოებლის მიერ) წარმოდგენას და ტესტირების პროცედურების ჩატარებას მიმწოდებლის მიერ წარმოდგენილი ტესტ-ბარგის გამოყენებით;
გ) შემსყიდველის მიერ მითითებული მინიმუმ 5 პირის გადამზადებას (ტრენინგი).

1.4.1 შესყიდვის ობიექტის მიწოდება უნდა განხორციელდეს ხელშეკრულების გაფორმებიდან და მისი ძალაში შესვლიდან - 120 (ას ოცი) კალენდარული დღის განმავლობაში. იმ შემთხვევაში თუ მიწოდების ბოლო ვადა ემთხვევა არასამუშაო დღეს, მაშინ მისი შესრულება უნდა განხორციელდეს მომდევნო სამუშაო დღეს.
1.4.2 შესყიდვის ობიექტის თანმდევი მომსახურების გაწევის ვადები:
ა) შესყიდვის ობიექტის სისტემაში მონტაჟი, გაშვება-გამართვა - რომელიც უნდა განხორციელდეს სატენდერო დოკუმენტაციის 1.4.1 პუნქტით გათვალისწინებული შესყიდვის ობიექტის მიწოდებისათვის დადგენილ ვადაში;
ბ) შემოთავაზებულ ხელბარგის რენტგენული დათვალიერებისათვის მოწყობილობაში არსებული სისტემის შესაბამისი ინსტრუქციის (გაცემული შესყიდვის ობიექტის მწარმოებლის მიერ) წარმოდგენა და ტესტირების პროცედურების ჩატარება მიმწოდებლის მიერ წარმოდგენილი ტესტ-ბარგის გამოყენებით - რომელიც უნდა განხორციელდეს სატენდერო დოკუმენტაციის 1.4.1 პუნქტით გათვალისწინებული შესყიდვის ობიექტის მიწოდებისათვის დადგენილ ვადაში;
გ) შემსყიდველის მიერ მითითებული მინიმუმ 5 პირის გადამზადება (ტრენინგი) - რომელიც უნდა განხორციელდეს შესყიდვის ობიექტის მიწოდების თაობაზე მიღება-ჩაბარების აქტის გაფორმებიდან არაუგვიანეს 14 კალენდარულ დღეში.

შესყიდვის ობიექტის მიწოდება (თანმდევი მომსახურებით) უნდა განხორციელდეს შემდეგ მისამართზე: ქ. თბილისი, რუსთაველის გამზირი №8, საქართველოს პარლამენტის სასახლე.

1.7.1.1 მიწოდებულ შესყიდვის ობიექტზე უნდა ვრცელდებოდეს გარანტია მიღება-ჩაბარების აქტის გაფორმებიდან არანაკლებ 2 (ორი) წელი, გარდა ცვეთადი ნაწილებისა (კონვეერის ლენტისა და დამცავი ფარდებისა).
1.7.1.2. მიწოდებული შესყიდვის ობიექტის საგარანტიო ვადის მოქმედების პერიოდში ხარვეზის, არა შემსყიდველის ბრალეულობით დაზიანების და დეფექტის მქონე შესყიდვის ობიექტის მათ შორის საექსპლუატაციო თვისებების ვადაზე ადრე გაუარესების დაფიქსირების შემთხვევაში, შემსყიდველი უფლებამოსილია მოითხოვოს გამოვლენილი ნაკლის ან ხარვეზის გამოსწორება (თუ ეს შესაძლებელია) ან შესყიდვის ობიექტის შეცვლა ახლით. აღნიშნულის შესახებ ,,შემსყიდველი“ ატყობინებს ,,მიმწოდებელს” წერილობით ან/და კომუნიკაციის ელექტრონული საშუალებებით (ელექტრონული ფოსტის მეშვეობით), მომწოდებლის ელექტრონულ სისტემაში ატვირთულ რეკვიზიტებში მითითებულ ელფოსტის მისამართზე. მიმწოდებელმა საკუთარი ხარჯებით უნდა უზრუნველყოს შესყიდვის ობიექტზე გამოვლენილი ნაკლის აღმოფხვრა (ტრანსპორტირება, შეკეთება/მონტაჟი ან ახლით შეცვლა/მონტაჟი).
1.7.1.3. სატენდერო დოკუმენტაციის 1.7.1.2 პუნქტით გათვალისწინებულ დროს, შემსყიდველის მხრიდან შესყიდვის ობიექტის ექსპლუატაციის ნორმების დაცვის შემთხვევაში, საგარანტიო ვადის განმავლობაში მიმწოდებელმა საკუთარი ხარჯებით (ტრანსპორტირების ხარჯების ჩათვლით) უნდა აღმოფხვრას ექსპლუატაციის პროცესში გამოვლენილი ნებისმიერი ხარვეზი/წუნი, ასეთი ხარვეზის/წუნის გამოვლენიდან და შემსყიდველის მიერ მიმწოდებლისათვის შესაბამისი წერილობითი შეტყობინებიდან (მათ შორის ელექტრონული საკომუნიკაციო საშუალების გამოყენებით) არაუგვიანეს 2 სამუშაო დღისა, გარდა ისეთი შემთხვევისა, როდესაც არსებული ხარვეზის/წუნის აღმოფხვრისთვის საჭიროა დაზიანებული ნაწილის/დეტალის გამოცვლა.
დაზიანებული ნაწილი/დეტალი მიმწოდებელმა უნდა გამოცვალოს ასეთი ხარვეზის/წუნის გამოვლენიდან და შემსყიდველის მიერ მიმწოდებლისათვის შესაბამისი წერილობითი შეტყობინებიდან (მათ შორის ელექტრონული საკომუნიკაციო საშუალების გამოყენებით) არაუმეტეს 20 კალენდარული დღის განმავლობაში.
იმ შემთხვევაში, თუკი ვერ მოხერხდება დაზიანებული/მწყობრიდან გამოსული ხელბარგის რენტგენული დათვალიერებისათვის მოწყობილობის შეკეთება, მიმწოდებელი ვალდებულია მოწოდებული შესყიდვის ობიექტი ჩაანაცვლოს ახლით შეტყობინებიდან - არაუმეტეს 120 კალენდარული დღის განმავლობაში.
1.7.1.4 პრეტენდენტი ვალდებულია დანართ #1-ის "ფასების ცხრილი" შესაბამის გრაფაში მიუთითოს ინფორმაცია შესყიდვის ობიექტის კონკრეტული საგარანტიო პერიოდის შესახებ (ზუსტი პერიოდი, ყოველგვარი არანაკლებ, არაუმეტეს, მინიმუმ ან მსგავსი მაჩვენებლის მითითების გარეშე).

2.1.1.1 პრეტენდენტი ვალდებულია დანართ №1-ში "ფასების ცხრილი" მიუთითოს შესყიდვის ობიექტის წარმოშობის ქვეყანა, მწარმოებელი და მოდელი.
2.1.1.2 დაზუსტებას არ ექვემდებარება ტექნიკური დოკუმენტაცია, თუ არ არის წარდგენილი ან მასში არ არის მითითებული სატენდერო დოკუმენტაციის 2.1.1.1 პუნქტით გათვალისწინებული ინფორმაცია. სატენდერო კომისია ვალდებულია პრეტენდენტს მიმართოს ტექნიკური დოკუმენტაციის დაზუსტების მოთხოვნით, თუ სატენდერო დოკუმენტაციის 2.1.1.1 პუნქტით დადგენილი ინფორმაცია პრეტენდენტის მიერ წარდგენილია არასრულყოფილად ან შეიცავს უზუსტობებს, თუმცა პრეტენდენტის მიერ სატენდერო წინადადების სახით წარდგენილი დოკუმენტ(ებ)ის/ინფორმაციის ერთობლიობით, მათი შეფასების, ანალიზისა და ურთიერთშეჯერების საფუძველზე შესაძლებელია შესყიდვების ობიექტის სატენდერო დოკუმენტაციის 2.1.1.1 პუნქტით დადგენილი ინფორმაციის იდენტიფიკაცია.

პრეტენდენტს 2014 წლიდან აღნიშნული ტენდერის გამოცხადებამდე პერიოდში საქართველოს მასშტაბით უნდა გააჩნდეს ხელბარგის შესამოწმებელი რენტგენის მოწყობილობის მიწოდების გამოცდილება მინიმუმ 1 შესრულებული პროექტის სახით.
ზემოაღნიშნული გამოცდილების დამადასტურებლად პრეტენდენტმა სახელმწიფო შესყიდვების ერთიანი ელექტრონული სისტემის მეშვეობით უნდა წარმოადგინოს:
ა) შესაბამისი ხელშეკრულება/ხელშეკრულებები და მიღება-ჩაბარების აქტ(ებ)ი ან მიღება-ჩაბარების აქტ(ებ)ის სანაცვლოდ ხელშეკრულების შესრულების დამადასტურებელი ნებისმიერი სახის სხვა დოკუმენტ(ებ)ი, ან
ბ) შესაბამისი ინფორმაცია სახელმწიფო შესყიდვის ერთიანი ელექტრონული სისტემის მონაცემებით, კერძოდ: SPA, NAT, CMR ან სხვა სახელმწიფო შესყიდვის ერთიანი ელექტრონული სისტემის უნიკალური ნომერი.
(იმ შემთხვევაში თუ ""ა"" პუნქტის საფუძველზე წარმოდგენილ ხელშეკრულებაში ასახულია ""ბ"" პუნქტით გათვალისწინებული ინფორმაცია, მაშინ მიღება-ჩაბარების აქტების ან მათ სანაცვლოდ შესრულების დამადასტურებელი ნებისმიერი სახის სხვა დოკუმენტის წარმოდგენა სავალდებულო არაა).

პრეტენდენტი ვალდებულია სატენდერო დოკუმენტაციით გათვალისწინებული შესყიდვის ობიექტის საგარანტიო პერიოდის განმავლობაში უზრუნველყოს მომსახურების გაწევა მინიმუმ ერთი თანამშრომლით (სპეციალისტით), რომელსაც გააჩნია შემოთავაზებული შესყიდვის ობიექტის მწარმოებლის მიერ გაცემული სერტიფიკატი (დოკუმენტი), სპეციალისტის სახელისა და გვარის მითითებით - შემოთავაზებულ მოწყობილობის სისტემის ტექნიკური ტრეინინგის გავლის შესახებ.

პრეტენდენტი ვალდებულია ერთიან ელექტრონულ სისტემაში, სატენდერი წინადადებასთან ერთად, წარმოადგინოს ზემოთაღნიშნული სერტიფიკატი და ასევე დოკუმენტი, რომელიც დაადასტურებს პრეტენდენტთან აღნიშნული სპეციალისტის თანამშრომლობის ფაქტს (მაგ. შრომითი ხელშეკრულება, ცნობა ან სხვა).

2.7.1.1. პრეტენდენტს უნდა გააჩნდეს ბირთვული და რადიაციული საქმიანობის ლიცენზია: ,,მაიონებელი გამოსხივების გენერატორის და რადიოაქტიური მასალის შემცველი დანადგარების მომსახურება და მათი სარემონტო სამუშაოების ჩატარება" - გაცემული „სსიპ ბირთვული და რადიაციული უსაფრთხოების სააგენტო“–ს მიერ, რომელიც უნდა წარმოადგინოს სატენდერო წინადადებასთან ერთად.
2.7.1.2. პრეტენდენტი უნდა იყოს შემოთავაზებული შესყიდვის ობიექტის მწარმოებლის ოფიციალური წარმომადგენელი და უნდა წარმოადგინოს მწარმოებლის ავტორიზაციის წერილი (MAF), რომელიც დაადასტურებს უშუალოდ შემოთავაზებული საქონლის გაყიდვის ავტორიზაციას.
2.7.1.3. შესყიდვის ობიექტის მწარმოებელს უნდა გააჩნდეს მსოფლიო ბაზარზე ფუნქციონირებისა და რენტგენული აპარატების წარმოების არანაკლებ 10 (ათი) წლიანი გამოცდილება და ხარისხის მართვის - ISO 9001:2015 და გარემოს დაცვის მენეჯმენტის სისტემების ISO 14001:2015 (ან მათი განახლებული შესაბამისი (ასეთის არსებობის შემთხვევაში)) მოქმედი სერტიფიკატები, რომლებიც პრეტენდენტმა უნდა წარმოადგინოს სატენდერო წინადადებასთან ერთად.
2.7.1.4. შესყიდვის ობიექტი უნდა აკმაყოფილებდეს მინიმუმ ევროპულ ან/და აშშ სტანდარტებსა და რეგულაციებს რენტგენის (X-Ray) გამოსხივების მქონე მოწყობილობებისადმი მიმართებაში და წარმოდგენილი უნდა იყოს შესაბამისი დოკუმენტაცია:
CE მარკირება და დირექტივებთან შესაბამისობა: მინიმუმ 2006/42/EC, 2014/30/EU, 2014/35/EU დირექტივების შესაბამისად.

4.1.1.1 იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია დაასაბუთოს ფასწარმოქმნის ადეკვატურობა.
4.1.1.2 ფასწარმოქმნის ადეკვატურობა, შესაძლებელია დასაბუთდეს ექსპერტიზის დასკვნით, ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული შესაბამისი დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი. საჭიროების შემთხვევაში, პრეტენდენტის მიერ ასევე წარმოდგენილი უნდა იყოს დასკვნაზე ხელმომწერი პირის ხელმოწერის უფლებამოსილების დამადასტურებელი დოკუმენტი (მაგ. იმ შემთხვევაში თუ დასკვნის გამცემი პირია ორგანიზაცია - შპს, სს და ა.შ. და ორგანიზაციის სახელით გაცემულ დასკვნაზე არ ფიქსირდება სამეწარმეო და არასამეწარმეო სუბიექტების რეესტრის ამონაწერის მიხედვით განსაზღვრული ხელმძღვანელობაზე/წარმომადგენლობაზე უფლებამოსილი პირის ხელმოწერა)), რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას, როგორც ერთეულის, ასევე საერთო ღირებულებასთან მიმართებით.

7.1.1.1 შემსყიდველის მიერ ხელშეკრულების მთლიანი ღირებულების 100% ანაზღაურდება წინასწარი (საავანსო) ანგარიშსწორების გზით.
7.1.1.2 მიმწოდებელი ვალდებულია ხელშეკრულების ძალაში შესვლიდან არაუგვიანეს 5 (ხუთი) სამუშაო დღეში წარუდგინოს შემსყიდველს სატენდერო დოკუმენტაციის 7.1.1.1 პუნქტით გათვალისწინებული წინასწარ გადასახდელი თანხის იდენტური ოდენობის უპირობო (გარანტიით გათვალისწინებული თანხა შემსყიდველმა უნდა მიიღოს ყოველგვარი დამატებითი განმარტებებისა და მტკიცებულებების წარდგენის გარეშე, პირველი მოთხოვნისთანავე) საავანსო გარანტია, რომლის მოქმედების ვადა არანაკლებ 60 კალენდარული დღით უნდა აღემატებოდეს ხელშეკრულების მოქმედების ვადას (შენიშვნა: ხელშეკრულების მოქმედების ვადა მინიმუმ 30 (ოცდაათი) დღით აღემატება შესყიდვის ობიექტის მიწოდების ვადებს).
7.1.1.3 საავანსო გარანტია წარმოდგენილი უნდა იქნას საქართველოში მოქმედი საბანკო დაწესებულების ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან. მიმწოდებელი ვალდებულია, წინასწარი ანგარიშსწორების შედეგად მიღებული თანხა გამოიყენოს მხოლოდ ხელშეკრულებასთან დაკავშირებული ვალდებულებების შესასრულებლად.
7.1.1.4 თეთრ სიაში რეგისტრირებული პრეტენდენტი შემსყიდველ ორგანიზაციას წარუდგენს მოთხოვნილი ოდენობის საავანსო გარანტიის ნახევარს.
7.1.1.5 შემსყიდველი ვალდებულია უზრუნველყოს წინასწარი ანგარიშსწორება მიმწოდებლის მიერ საავანსო გარანტიის წარმოდგენიდან არაუგვიანეს 10 (ათი) სამუშაო დღის ვადაში.
7.1.1.6 იმ შემთხვევაში, თუ მიმწოდებელი ვერ უზრუნველყოფს წინასწარ გადახდილი თანხის შესაბამისი ღირებულების შესყიდვის ობიექტის მოწოდებას, შემსყიდველი უფლებამოსილია მიმართოს გარანტიის გამცემ ორგანოს საავანსო გარანტიით გათვალისწინებული შესაბამისი თანხის დაბრუნების მოთხოვნით.
7.1.1.7 დაფინანსების წყარო: საქართველოს 2024 წლის სახელმწიფო ბიუჯეტიდან საქართველოს პარლამენტისათვის გამოყოფილი ასიგნება.

მიმწოდებლის მიერ ხელშეკრულებით ნაკისრი ვალდებულებების შესრულება დასტურდება მხარეთა შორის შედგენილი მიღება-ჩაბარების აქტის გაფორმების გზით, ფაქტობრივად მიწოდებული შესყიდვის ობიექტის მიხედვით.

ანგარიშსწორება განხორციელდება სატენდერო დოკუმენტაციის 7.1.1 პუნქტით დადგენილი პირობების შესაბამისად, საანგარიშსწორებო დოკუმენტაციის წარმოდგენიდან 10 (ათი) სამუშაო დღის განმავლობაში, უნაღდო ანგარიშსწორებით, ეროვნულ ვალუტაში - ლარში, მიმწოდებლის მიერ ხელშეკრულებაში მითითებული რეკვიზიტების მიხედვით. მიმწოდებლის მიერ საანგარიშსწორებო დოკუმენტაციის წარმოუდგენლობის შემთხვევაში, შემსყიდველს უფლება აქვს უარი თქვას ანგარიშსწორებაზე.

თათია უშვერიძე, 598201000, tushveridze@parliament.ge შესყიდვის ობიექტის ტექნიკურ საკითხებთან დაკავშირებით - დავით დემეტრაშვილი, M:+995 577 79 77 75 ddemetrashvili@parliament.ge

10.1.1 პრეტენდენტი დაექვემდებარება დისკვალიფიკაციას (ყოველგვარი დაზუსტების პროცედურების გარეშე), თუ მის მიერ არ იქნება წარმოდგენილი ფასების ცხრილი ან ფასების ცხრილში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.
10.1.2 სახელმწიფო შესყიდვების ერთიან ელექტრონულ სისტემაში ატვირთული მხოლოდ პრეტენდენტის მიერ შექმნილი ყველა დოკუმენტი ან/და ინფორმაცია (მხოლოდ პრეტენდენტის მიერ შექმნილი სატენდერო წინადადების სახით წარსადგენი დოკუმენტები, გარდა დანართი №1 "ფასების ცხრილი"-სა, პრეტენდენტი უფლებამოსილია აღნიშნული დანართი წარმოადგინოს Excel-ის ფორმატის ცხრილის სახით, ხოლო Excel-ის ფორმატის ცხრილის სახით წარსადგენი დოკუმენტი არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს)) უნდა იქნეს ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე (მხოლოდ პრეტენდენტის მიერ შექმნილი სატენდერო წინადადების სახით წარსადგენი დოკუმენტებზე) შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელის მოწერისთვის გაცემული მინდობილობა.
10.1.3 ტენდერის ნებისმიერ ეტაპზე ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.
10.1.4 ალტერნატიული სატენდერო წინადადება არ განიხილება.
10.1.5 ტენდერში მონაწილეობით პრეტენდენტი ეთანხმება სატენდერო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.
10.1.6 სატენდერო დოკუმენტაციასთან დაკავშირებული განმარტებების მიღება პრეტენდენტს შეუძლია ერთიანი ელექტრონული სისტემის შესაბამისი მოდულის მეშვეობით.
10.1.7. ყველგან, თუ სადმე მითითებულია სასაქონლო ნიშანი, მოდელი, წარმოშობის წყარო ან მწარმოებელი იგულისხმება "მსგავსი" ან "ექვივალენტური".