Услуги по исследованию рынка и экономики, опросы и статистика (Грузия - Тендер #58207771)

შესყიდვის ობიექტს წარმოადგენს 2024 წლის "ჯანმრთელობის ხელშეწყობის“სახელმწიფო პროგრამის „ჯანმრთელობის ხელშეწყობის საკითხების და ჯანმრთელობის დაცვის სახელმწიფო პროგრამების ფარგლებში არსებული სერვისების პოპულარიზაცია და გაძლიერება“ კომპონენტის ფარგლებში მოსახლეობის ჯანმრთელობის შესახებ განათლება და ცნობიერების ამაღლების მიზნით - რეიტინგული საინფორმაციო სააგენტოს, რეიტინგული და პოპულარული საინფორმაციო და სხვა სახის პორტალების მთავარ გვერდებზე განთავსებული რეკლამის შესყიდვა (შემდგომში „მომსახურება“)

ტექნიკური დავალება

წინამდებარე „მომსახურების“ მიზანი

2024 წლის ჯანმრთელობის დაცვის სახელმწიფო პროგრამების დამტკიცების თაობაზე საქართველოს მთავრობის 2023 წლის 29 დეკემბრის N529 დადგენილების თანახმად, საგანმანათლებლო და საინფორმაციო სახის ელექტრონული ბანერების მომზადება და განთავსება ელექტრონულ მედიაში ჯანმრთელობის ხელშეწყობის სხვადასხვა მნიშვნელოვან საკითხზე.
აღნიშნული მომსახურების მიზანია მოსახლეობისათვის ჯანმრთელობის განმსაზღვრელი ფაქტორების, ჯანსაღი ცხოვრების წესის პრინციპების და ჯანმრთელობის დაცვის სახელმწიფო პროგრამების ფარგლებში არსებული სერვისების შესახებ ინფორმაციის მიწოდება და ჯანსაღი ცხოვრების წესის წახალისება.

2024 წლის „ჯანმრთელობის ხელშეწყობის“ სახელმწიფო პროგრამის და სამოქმედო გეგმის სტრატეგიული ამოცენების მიხედვით, მიმდინარე წელს აღნიშნული მომსახურება ფოკუსირდება შემდეგ მიმართულებებზე:

(1) თამბაქოს მოხმარების პრევენცია;
(2) რეგულარული ფიზიკური აქტივობის მნიშვნელობის შესახებ ინფორმირება და პოპულარიზაცია;
(3) მარილის მოხმარების შემცირების მნიშვნელობის შესახებ ინფორმირება;
(4) B და C ჰეპატიტების პრევენცია და სკრინინგისა და მკურნალობის პროგრამების შესახებ ინფორმირება და პოპულარიზაცია;
(5) კიბოს სკრინინგის პროგრამების შესახებ ინფორმირება და პოპულარიზაცია;
(6) ადამიანის პაპილომავირუსის საწინააღმდეგო ვაქცინაციის შესახებ ინფორმირება და პოპულარიზაცია;
(7) გარემო და ჯანმრთელობა;
(8) კრიზისული ფსიქოლოგიური დახმარების ცხელი ხაზის (2 911 000) შესახებ ინფორმირება;
(9) სისხლის უანაგრო დონორობის მნიშვნელობის შესახებ ინფორმირება, პოპულარიზაცია და დონორთა მოზიდვა;
(10) დედათა და ბავშვთა ჯანმრთელობის სახელმწიფო პროგრამის ფარგლებში არსებული სერვისების (ანტენატალური ვიზიტების) შესახებ ინფორმირება;

მიზნობრივი აუდიტორია:

• ზოგადი მოსახლეობა;
• შერჩეული ელ. პლატფორმები თითოეული თემის მიხედვით გათვლილი უნდა იყოს სამიზნე აუდიტორიის მახასიათებლების მიხედვით, როგორიცაა სქესი, ასაკი, მომხმარებლის ინტერესი;

დეტალურად იხილეთ ტექნიკური დავალების ცხრილი.

• შესყიდვის ობიექტის მიწოდების ვადა და პირობები: სარეკლამო ბანერის დამზადება - ხელშეკრულების გაფორმებიდან 10 კალენდარული დღის ვადაში; განთავსების ვადაა - არანაკლებ 30 დღე.

„მიმწოდებელი“ ვალდებულია წარმოადგინოს შემდეგი შესასრულებელი სამუშაო:

• 10 Leaderboard და 10 Catfish ბანერები; ელ. ვერსიები და ლინკები ჩაწერილი 3 ცალ DVD ფორმატზე;
• განთავსების ბადე; ბანერების ნახვების რაოდენობა და სტატისტიკური ანალიზი
• ბანერიდან ვებზე გადამისამართების სტატისტიკური ანალიზი
• CTR-ეფექტურობის ანალიზი

შენიშვნა:

• “შემსყიდველი“ უზრუნველყოფს ყველა საჭირო საკონსულტაციო შეხვედრას;
• „შემსყიდველისა“ და „მიმწოდებლის“ მიერ ხდება წინასწარი შეთანხმება ნებისმიერი გამოყენებული მასალის/ტექსტის შესახებ
• “მიმწოდებელი”უზრუნველყოფს გამოყენებული მასალების ავთენტურობას და ინტელექტუალური საკუთრების დაცვას;
• “მიმწოდებელი” უზრუნველყოფს დამკვეთის საავტორო უფლებების დაცვას „საქართველოს კანონის საავტორო უფლებების შესახებ“ დაცვით.

მომსახურების გაწევის ადგილი: საქართველო, თბილისი, კახეთის გზატკეცილი #99;

1. ტენდერში მონაწილე პრეტენდენტს 2020 წლის პირველი იანვრიდან ტენდერის გამოცხადების თარიღამდე პერიოდში უნდა გააჩნდეს არანაკლებ ერთი მსგავსი მომსახურების გაწევის გამოცდილება, დადასტურებული დანართი #2 -ის შესაბამისად, ამასთან:

ა. იმ შემთხვევაში თუ პრეტენდენტის მიერ გაწეული ანალოგიური გამოცდილების შესახებ ინფორმაცია იძებნება სახელმწიფო შესყიდვების ერთიან ელექტორნულ სისტემაში, პრეტენდენტმა უნდა წარმოადგინოს ინფორმაცია SPA /NAT/ CMR ან სხვა სახელმწიფო შესყიდვის საშუალების ნომრების მითითებით (დანართი N2-ის შესაბამისად).

ბ. იმ შემთხვევაში თუ შესყიდვის ხელშეკრულება და შესრულების დამადასტურებელი დოკუმენტაცია არ იძებნება სახელმწიფო შესყიდვების ერთიან ელექტრონულ სისტემაში, გამოცდილების დადასტურების მიზნით, პრეტენდენტმა უნდა წარმოადგინოს ანალოგიური გამოცდილების შესახებ ინფორმაცია (დანართი N2-ის შესაბამისად SPA /NAT/ CMR ან სხვა ნომრების მითითების გარეშე) და დამატებით წარმოდგენილი უნდა იქნას ვალდებულებების შესრულების დამადასტურებელი დოკუმენტაცია.

2. მოთხოვნა პრეტენდენტის და არსებობის შემთხვევაი ქვეკონტარაქტორის ინტერესთა კონფლიქტის არქონის შესახებ

• ინტერესთა კონფლიქტის არქონა თამბაქოს ინდუსტრიასთან (ბოლო 5 წლის განმავლობაში - 2018 წლიდან დღემდე); არ მიუღია დაფინანსება და ან რაიმე სხვა სახის კონტრიბუცია/თანამშრომლობა/თამბაქოს ინდუსტრიისა (იმპორტიორი, ექსპორტიორი და მწარმოებელი კომპანიები) ან ინდუსტრიასთან ასოცირებული ორგანიზაციებისაგან, მ.შ. თამბაქოს ზიანის შემცირების მიმართულებით (თამბაქოს ახალი პროდუქტების შესახებ სარეკლამო მასალების მომზადება, გავრცელება); ინფორმაციის დამადასტურებელი წერილი ხელმოწერით დანართის სახით;

•ინტერესთა კონფლიქტის არქონადა აზარტული თამაშების ინდუსტრიასთან - ახალი რეგულაციების ამოქმედებიდან (2022 წლის 1 მარტიდან) არ მიუღია დაფინანსება და/ან არ ქონია რაიმე სხვა სახის კონტრიბუცია/თანამშრომლობა აზარტული თამაშების ინდუსტრიასთან (იმპორტიორი, ექსპორტიორი და მწარმოებელი კომპანიები) ან ინდუსტრიასთან ასოცირებულ ორგანიზაციებთან, მ.შ. ზიანის შემცირების მიმართულებით; ინფორმაციის დამადასტურებელი წერილი ხელმოწერით დანართის სახით.

3. პრეტენდენტმა უნდა წარმოადგინოს ჩამონათვალი განსათავსებელი საიტების შესახებ შესყიდვის ობიექტის დეტალური აღწერილობის შესაბამისად;

1. პრეტენდენტი ვალდებულია ქვეკონტრაქტორის არსებობის ან არ არსებობის შემთხვევაში წარმოადგინოს შესაბამისი ინფორმაცია (იმ შემთხვევაში თუ ქვეკონტრაქტორი დაწესებულების დაკონტრაქტება ხდება რეგიონში გასაწევ მომსახურებასთან დაკავშირებით მითითებული უნდა იქნას რეგიონის დასახელება).
2. ქვეკონტრაქტორის არსებობის შემთხვევაში, პრეტენდენტი ვალდებულია წარმოადგინოს ქვეკონტრაქტორის მიერ წერილობითი თანხმობა შესასრულებელი სამუშაოს მოცულობაზე.
3. ქვეკონტრაქტორი არ უნდა იყოს სახელმწიფო შესყიდვების სააგენტოს შავ სიაში რეგისტირებული.
4. იმ შემთხვევაში თუ პრეტენდენტს, ტენდერისათვის „წინადადებების მიღება დასრულებულია“ სტატუსის მინიჭების შემდეგ, წარმოეშობა ქვეკონტრაქტორი, ამის შესახებ წერილობით უნდა აცნობოს „შემსყიდველს“.
5. მიმწოდებელი ვალდებულია წარმოადგინოს ქვეკონტრაქტორთან გაფორმებული ხელშეკრულების ასლი;

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, ფასწარმოქმნის ადეკვატურობის დასაბუსებისათვის პრეტენდენტი ვალდებულია მოთხოვნიდან 2 სამუშაო დღის ვადაში წარმოადგინოს დეტალური კალკულაცია, ჩაშლილად თითოეული აქტივობის გათვალისწინებით (დასაქმებულთა შრომითი ანაზღაურება, შესყიდული საქონელი და ა.შ რაც დაკავშირებულია მომსახურების გაწვასთან).

უნაღდო ანგარიშსწორება მიმწოდებლის საბანკო ანგარიშზე თანხის ჩარიცხვის გზით ფაქტობრივად გაწეული მომსახურების შესაბამისად, ლარში.

ფაქტობრივად გაწეული მომსახურების შესაბამისად, მიღება-ჩაბარების აქტის გაფორმებიდან 30 კალენდარული დღის განმავლობაში.

თამარი მანაგაძე, 592150804, Tamari.Managadze@ncdc.ge ელექტრონული ტენდერისთვის ტენდერის სტატუსის „გამოცხადებულია“ მინიჭებიდან ტენდერის სტატუსის „წინადადებების მიღება დაწყებულია“ მინიჭებამდე, სისტემაში „მიმწოდებლად“ რეგისტრირებულ ნებისმიერ მომხმარებელს უფლება აქვს, სისტემაში არსებული „კითხვა-პასუხის“ მოდულის მეშვეობით, მოითხოვოს სატენდერო პირობების კონკრეტული ჩანაწერის განმარტება. სატენდერო კომისია კითხვის დასმიდან არაუგვიანეს მომდევნო სამუშაო დღისა, „კითხვა-პასუხის“ მოდულის მეშვეობით, გააკეთებს შესაბამის განმარტებას. აღნიშნულით შესაძლებელია იხელმძღვანელოს ნებისმიერმა დაინტერესებულმა პირმა.

სახელმწიფო შესყიდვების ერთიან ელექტრონულ სისტემაში სატენდერო წინადადების (ტექნიკური დოკუმენტაციისა და სატენდერო წინადადების ფასი) წარდგენით „პრეტენდენტი“ ავტომატურად გამოხატავს თანხმობას ამ პუნქტის „ა“-„ვ“ ქვეპუნქტებში განსაზღვრულ მოთხოვნებზე:

ა. სატენდერო განცადებითა და დოკუმენტაციითა განსაზღვრულ პირობებზე.
ბ. სატენდერო წინადადებაში საერთო ფასი (ეროვნული ვალუტა) უნდა მოიცავდეს ვალდებულებების შესრულებასთან დაკავშირებულ მიმწოდებლის ყველა ხარჯს და საქართველოს კანონმდებლობით გათვალისწინებულ გადასახადებს.
გ. ანგარიშსწორება მოხდება უნაღდო ანგარიშსწორებით ლარში.
დ. ანგარიშსწორება ,,მიმწოდებელთან“ განხორციელდება გაწეული „მომსახურების“ ღირებულების შესაბამისად, მიღება-ჩაბარების აქტის გაფორმებიდან 30 (ოცდაათი) კალენდარული დღის განმავლობაში.
ე. ანგარიშსწორება განხორციელდება ფაქტობრივად გაწეული მომსახურების საფუძველზე.
ვ. იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, ფასწარმოქმნის ადეკვატურობის დასაბუსებისათვის პრეტენდენტი ვალდებულია მოთხოვნიდან 2 სამუშაო დღის ვადაში წარმოადგინოს დეტალური კალკულაცია, ჩაშლილად თითოეული აქტივობის გათვალისწინებით (დასაქმებულთა შრომითი ანაზღაურება, შესყიდული საქონელი და ა.შ რაც დაკავშირებულია მომსახურების გაწვასთან).