Ремонт и техническое обслуживание транспортных средств и оборудования и сопутствующие услуги (Грузия - Тендер #57895168)

სატრანსპორტო საშუალების შეკეთებისა და ტექნიკური მომსახურების სახელმწიფო შესყიდვა.

1.2.1 სატრანსპორტო (გთხოვთ იხილოთ სატენდერო დოკუმენტაციის 1.3 პუნქტი ,,პრეისკურანტი) საშუალებების შეკეთება და ტექნიკური მომსახურება (სათადარიგო ნაწილებისა და საცხებ-საპოხი საშუალებების გათვალისწინებით), რაც გულისხმობს, სატენდერო დოკუმენტაციის მოთხოვნების შესაბამისად, ავტოსატრანსპორტო საშუალებების დიაგნოსტიკურ და პროფილაქტიკურ მომსახურებას, ავტოსატრანსპორტო საშუალებების ოპერატიულ შეკეთებას, სათადარიგო ნაწილების შეკეთებას ან/და შეცვლას, საცხებ-საპოხი მასალების შეცვლას. ტენდერში გამარჯვებული პრეტენდენტის მიერ ტექ-მომსახურების გასაწევად ტექნიკური დოკუმენტაციით წარმოდგენილი საკუთრებაში და/ან სარგებლობაში არსებული სერვის-ცენტრი აღჭურვილი უნდა იყოს კომპიუტერული დიაგნოსტიკის აპარატით, განშლადობის გასასწორებელი დანადგარით, ვულკანიზაციის დანადგარით, კონდიციონერის დასატუმბი აპარატით, ძრავის ამოსაღები ამწეებით, ავტო-ამწეებით და მომსახურების გაწევისთვის საჭირო სხვა თანამედროვე აპარატურით და დანადგარებით.
1.2.2 მიმწოდებელი ვალდებულია, უზრუნველყოს შემსყიდველისთვის მაღალხარისხიანი მომსახურების გაწევა. ავტომანქანის დაზიანებული ნაწილი უნდა შეიცვალოს ახალი/არამეორადი მაღალი ხარისხის სათადარიგო ნაწილით (გარდა პრეისკურანტით განსაზღვრული და/ან შემსყიდველთან შეთანხმებული მეორადი ნაწილებისა).
1.2.3 “მიმწოდებელი” ან ქვეკონტრაქტორი (მისი არსებობის შემთხვევაში) უნდა ფლობდეს მოქმედ სერვის ცენტრს ქ.თბილისში, ქუთაისში,ზუგდიდში, ბათუმში, თელავში,ახალციხესა და გორში, იმ სათადარიგო ნაწილებზე, რომლებიც შეიცვლება ხელშეკრულების მიმდინარეობის პერიოდში უნდა ვრცელდებოდეს გარანტია ტექნიკური დოკუმენტაციის პირობების შესაბამისად.

1.4.1 მომსახურების გაწევა უნდა განხორციელდეს პერიოდულად, შემსყიდველი ორგანიზაციის მოთხოვნისამებრ, ხელშეკრულების გაფორმებიდან და მისი ძალაში შესვლიდან) - 2024 წლის 25 დეკემბრის ჩათვლით, პრეისკურანტისა და სატენდერო წინადადების შესაბამისად.
1.4.2 ყოველ კონკრეტულ შემთხვევაში, შემსყიდველის მიმართვის შემდეგ მიმწოდებელმა ოპერატიულად, რიგგარეშედ უნდა ჩაატაროს ავტომანქანის დათვალიერება, სერვის ცენტრში შესვლიდან არაუგვიანეს 2 (ორი) საათის განმავლობაში, რის შემდეგაც მხარეები ადგენენ დეფექტურ აქტს, რომელშიც მითითებული უნდა იყოს გასაწევი მომსახურების დეტალური აღწერა, გამოსაყენებელი სათადარიგო ნაწილების, საცხებ-საპოხი მასალების რაოდენობა, ერთეულის და საერთო ღირებულება, მომსახურების გაწევის/საქონლის მოწოდების ვადები და სხვა მონაცემები. აღნიშნული დეფექტური აქტის ელექტრონული ვერსია მიმწოდებელმა დაუყოვნებლივ უნდა გაუგზავნოს შემსყიდველის უფლებამოსილ წარმომადგენელს შემდგომი შეთანხმებისთვის.
1.4.3 მომსახურება უნდა ხორციელდებოდეს ოპერატიულად, ყოველგვარი რიგის გარეშე (ურიგოდ), გონივრულ ვადაში, შესასრულებელი სამუშაოს სირთულიდან გამომდინარე:
• სავალი ნაწილებისათვის - 2 კალენდარულ დღე;
• ელექტროობისათვის - 2 კალენდარულ დღე;
• სათუნუქე სამღებრო სამუშაოებისათვის - 10 კალენდარულ დღე;
• ხანგრძლივი მომსახურების (ძრავი, ხიდი, გადაცემათა კოლოფი) გაწევისას - 25 კალენდარულ დღეს;
• ყველა სხვა დანარჩენი მომსახურება, რომელიც არ არის განსაზღვრული ზემოაღნიშნულ ჩამონათვალში - 10 კალენდარულ დღე;
• სათადარიგო ნაწილის საზღვარგარეთ შეკვეთის შემთხვევაში მომსახურების გაწევის ვადა - არაუმეტეს 45 კალენდარულ დღე;
• დეფიციტური სათადარიგო ნაწილებით უზრუნველყოფისას ტექ-მომსახურება გაწეულ უნდა იქნას შემსყიდველთან შეთანხმებულ გონივრულ ვადებში;

შენიშვნა: მიმწოდებელი ვალდებულია ხელშეკრულების მოქმედების პერიოდში, ავტოსათადარიგო ნაწილის საქართველოს ფარგლებს გარეთ შეკვეთისას, ავტომანქანაზე დეფექტური აქტის შედგენიდან 2 (ორი) კალენდარული დღის ვადაში წარუდგინოს შემსყიდველს შეკვეთის დამადასტურებელი დოკუმენტი (ბეჭდვითი ფორმით (არ უნდა იყოს ხელნაწერი); დოკუმენტი უნდა შეიცავდეს ინფორმაციას შეკვეთილი დეტალის/სათადარიგო ნაწილის, შეკვეთის განხორციელების თარიღის და შეკვეთით განსაზღვრული დეტალის ჩამოსვლის თარიღის შესახებ).

შესყიდვის ობიექტის მიწოდება განხორციელდება მიმწოდებლის სერვის ცენტრ(ებ)ში ეტაპობრივად, საჭიროების შესაბამისად.

1.7.1.1. მიმწოდებლის მიერ გაწეულ მომსახურებას და გამოყენებულ სათადარიგო ნაწილებს უნდა გააჩნდეს გარანტია:
• სავალ ნაწილებზე არანაკლებ 6 თვე.
• ძრავზე, გადაცემათა კოლოფზე და ხიდებზე არანაკლებ 1 წელი ან 25 000 კმ
• ელექტრულ მოწყობილობებზე (გარდა ელ. მცველებისა და ნათურებისა) არანაკლებ 1 წელი.
• XENON-ის ტიპის ნათურებზე (ქარხნულად აღჭურვილ ავტომობილებზე) არანაკლებ 6 თვე.
• სათუნუქე და სამღებრო სამუშაოებზე არანაკლებ 1 წელი.
• გადაბმულობის კომპლექტზე, სამუხრუჭე ხუნდებზე, დაკიდების დისკზე, მორგვის საკისრებზე და ყუმბარებზე არანაკლებ 20 000 კმ.


1.7.1.2 საგარანტიო ვადის განმავლობაში მიმწოდებელმა საკუთარი ხარჯებით უნდა აღმოფხვრას ექსპლუატაციის პროცესში გამოვლენილი ნებისმიერი ხარვეზი/წუნი (ტრანსპორტირების ჩათვლით), საჭიროების შემთხვევაში უზრუნველყოს წუნდებული შესყიდვის ობიექტის შეცვლა ახლით, ასეთი ნაკლის შესახებ შემსყიდველის მიერ მიმწოდებლისათვის შესაბამისი წერილობითი შეტყობინებიდან (მათ შორის ელექტრონული საკომუნიკაციო საშუალების გამოყენებით) სატენდერო დოკუმენტაციის 1.4. პუნქტით გათვალისწინებულ ვადებში.
1.7.1.4 ქარხნული წუნის შემთხვევაში ყველა ნაწილი ექვემდებარე შეცვლას.
1.7.1.5 პრეტენდენტმა უნდა წარმოადგინოს საგარანტიო ვადებისა და პირობების შესახებ ინფორმაცია, რომელიც არ უნდა ეწინააღმდეგებოდეს 1.7.1 პუნქტის მოთხოვნებს.

პრეტენდენტს, 2021; 2022; 2023 და 2024 წლების განმავლობაში, უნდა გააჩნდეს ანალოგიური მომსახურების გაწევის გამოცდილება. აღნიშნულის დადასტურების მიზნით, პრეტენდენტი ვალდებულია თითოეულ წელზე წარმოადგინოს შესაბამისი ხელშეკრულება და ამავე ხელშეკრულების საფუძველზე მომსახურების შესრულების დამადასტურებელი დოკუმენტ(ებ)ი. სახელმწიფო შესყიდვის განხორციელების შემთხვევაში, პრეტენდენტმა უნდა წარმოადგინოს უფლებამოსილი პირის ხელმოწერით დამოწმებული დოკუმენტი, სადაც მითითებული იქნება შესაბამისი SPA/ CMR/ NAT და ა.შ. ნომერი - ამ შემთხვევაში დამატებითი დოკუმენტაციის (ხელშეკრულება, მიღება-ჩაბარების აქტი) წარმოდგენა სავალდებულო არ არის.
პრეტენდენტმა (ქვეკონტრაქტორმა ასეთის არსებობის შემთხვევაში) ასევე უნდა წარმოადგინოს 2 (ორი) დადებითი რეკომენდაცია კონკრეტულ ხელშეკრულებაზე ორგანიზაციისაგან უკანასკნელი 2021 წლის 1 იანვრიდან ტენდერის გამოცხადების თარიღამდე ანალოგიური მომსახურების გაწევის შესახებ. ამასთან, სახელშეკრულებო ღირებულება უნდა იყოს არანაკლებ 40000 ლარისა.

2.3.1.1 პრეტენდენტი უნდა ფლობდეს ან სარგებლობაში ქონდეს მოქმედი სერვის ცენტრები ქ.თბილისში, ქუთაისში,ზუგდიდში, ბათუმში, თელავში,ახალციხესა და გორში.

2.3.1.2 პრეტედენტის ტექნიკურმა შესაძლებლობებმა უნდა უზრუნველყონ ავტოსატრანსპორტო საშუალებების გამართული ფუნქციონირება. პრეტედენტის ტექნიკურ შესაძლებლობებში იგულისხმება - საწარმოო ფართი თბილისში - არანაკლებ 6 „ბოქსი “;რეგიონებში - არანაკლებ 3 "ბოქსი", ავტომანქანის ამწეები თბილისში არანაკლებ 4 ამწე; რეგიონებში-არანაკლებ 1 ამწე , ტენდერში გამარჯვებული პრეტენდენტის მიერ ტექ-მომსახურების გასაწევად ტექნიკური დოკუმენტაციით წარმოდგენილი საკუთრებაში და/ან სარგებლობაში არსებული სერვის-ცენტრი აღჭურვილი უნდა იყოს კომპიუტერული დიაგნოსტიკის აპარატით, განშლადობის გასასწორებელი დანადგარით, ვულკანიზაციის დანადგარით, კონდიციონერის დასატუმბი აპარატით, ძრავის ამოსაღები ამწეებით, ავტო-ამწეებით და მომსახურების გაწევისთვის საჭირო სხვა თანამედროვე აპარატურით და დანადგარებით (პირობა ვრცელდება ხელშეკრულების მოქმედების პერიოდში). მომსახურება უნდა ხორციელდებოდეს ოპერატიულად, ყოველგვარი რიგის გარეშე (ურიგოდ), გონივრულ ვადაში, შესასრულებელი სამუშაოს სირთულიდან გამომდინარე.
2.3.1.3 პრეტენდენტმა უნდა წარმოადგინოს ინფორმაცია ექსპლუატაციაში არსებული სერვისცენტრ(ებ)ის შესახებ შესაბამისი მისამართ(ებ)ისა და მატერიალურ-ტექნიკური ბაზის შესახებ ინფორმაციის მითითებით (რომელიც არ უნდა ეწინააღმდეგებოდეს 2.3.1 პუნქტის მოთხოვნებს).

სერვისის გამწევი ქვეკონტრაქტორ(ებ)ის არსებობის შემთხვევაში გაფორმებული მოქმედი ხელშეკრულებ(ებ)ი (წარმოდგენილ ხელშეკრულებებში გარკვევით უნდა იკითხებოდეს (ტექსტის შინაარსიდან ირკვეოდეს)):

ხელშეკრულების საგანი - შესყიდვის ობიექტის ტიპები:

• ავტოსატრანსპორტო საშუალებების პროფილაქტიკური და დიაგნოსტიკური მომსახურება, მათ შორის სათადარიგო ნაწილების შეკეთება ან/და შეცვლა;
• საცხებ–საპოხი მასალების შეცვლა;
• საჭიროების შემთხვევაში ევაკუატორით და ხისტი მისაბმელით მომსახურება.

4.1.1.1. იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, პრეტენდენტმა უნდა წარმოადგინოს ფასწარმოქმნის ადეკვატურობის დასაბუთება. ფასწარმოქმნის ადეკვატურობის დასაბუთება უნდა მოხდეს სსიპ ,,აკრედიტაციის ერთიანი ეროვნული ორგანო აკრედიტაციის ცენტრი’’-ს მიერ აკრედიტებული ორგანიზაციის (პირი) დასკვნის საფუძველზე (დასკვნასთან ერთად ერთიან ელექტრონულ სისტემაში წარმოდგენილი უნდა იყოს აკრედიტაციის დამადასტურებელი დოკუმენტი), ან სსიპ ლევან სამხარაულის სახელობის სასამართლო ექსპერტიზის ეროვნული ბიუროს დასკვნით, ან აუდიტის დასკვნით (დასკვნას თან უნდა ახლდეს „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის შესაბამისად უფლებამოსილი ორგანოს მიერ გაცემული საექსპერტო ან/და აუდიტორული საქმიანობის განხორციელების უფლების დამადასტურებელი დოკუმენტი).
4.1.1.2. ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

ანგარისწორება განხორციელდება ეტაპობრივად მხარეთა შორის გაფორმებული მიღება-ჩაბარების აქტისა და საგადასახადო ანგარიშფაქტურის საფუძველზე.

მხარეთა შორის მიღება-ჩაბარების აქტისა და საგადასახადო ანგარიშფქტურის გაფორმებიდან 10 სამუშაო დღის ვადაში.

ნიკა ქეშელაშვილი, 577629262, nikakeshell@gmail.com n.qeshelashvili1@mandaturi.gov.ge