Фармацевтические продукты (Грузия - Тендер #57393739)

ზედაპირების სადეზინფექციო კონცენტრატები და დაბინძურებული, თერმომგრძნობიარე და თერმოსტაბილური ინსტრუმენტების გამრეცხი და სადეზინფექციო კონცენტრატები

1) ზედაპირების სადეზინფექციო კონცენტრატი - 500 ლიტრი

- სადეზინფექციო საშუალება განკუთვნილი უნდა იყოს: სამედიცინო - პროფილაქტიკური დაწესებულებასა და საზოგადოებრივი დანიშნულების ობიექტებში რეცხვადი ზედაპირების დეზინფექციისა და გარეცხვისათვის; სამედიცინო მოწყობილობების დეზინფექციისათვის; სანიტარული ტრანსპორტის დეზინფექციისათვის; სამედიცინო ნარჩენების დეზინფექციისათვის მათ უტილიზაციამდე; ინფექციის კერაში მიმდინარე, საბოლოო და პროფილაქტიკური დეზინფექციის ჩატარებისათვის;
- არ უნდა საჭიროებდეს დამატებით სველი წესით ჩამორეცხვას;
- მოთხოვნილი რაოდენობა უნდა ამზადებდეს არანაკლებ 200 000 ლიტრ სამუშაო ხსნარს;
- უნდა იყოს მაქსიმალურად დაბალი ტოქსიკურობის (ნაკლებსაშიში ნივთიერება);
- ალდეჰიდების გარეშე, სასიამოვნო სუნის (ან უსუნო), ზედაპირების რეცხვა და დეზინფექცია ერთ ეტაპად;
- ექსპოზიციის დრო (5 -60 წუთი);
- შემოთავაზებული საქონელი უნდა აკმაყოფილებდეს საერთაშორისო EN სტანდარტებს: EN 14348, EN 14476, EN 13727, EN 13624 სტანდარტებს;
- დაფასოება უნდა იყოს ეტიკეტირებული, რომელიც შესრულებული უნდა იყოს საქართველოს მთავრობის 2013 წლის 31 დეკემბრის N428 დადგენილებით დამტკიცებული ,,საშიში ქიმიური ნივთიერებების ნიშანდებისა და ეტიკეტირების ტექნიკური რეგლამენტის" შესაბამისად;
- დაფასოება: არაუმეტეს 5 ლიტრიანი შეფუთვით;
- რეგისტრირებული უნდა იყოს "ქვეყანაში სამედიცინო და პროფილაქტიკური სადეზინფექციო საქმიანობის სრულყოფის შესახებ" საქართველოს შრომის, ჯანმრთელობისა და სოციალური დაცვის მინისტრის 2002 წლის 19 მარტის №64/ნ ბრძანების შესაბამისად"

2) დაბინძურებული, თერმომგრძნობიარე და თერმოსტაბილური ინსტრუმენტების გამრეცხი და სადეზინფექციო კონცენტრატი - 50 ლიტრი

- ენზიმშემცველი, ერთეტაპიანი, სადეზინფექციო და გამწმენდი საშუალება ნებისმიერი მასალისაგან დამზადებული სამედიცინო ინსტრუმენტების გაწმენდისა და წინასასტერილიზაციო დამუშავებისათვის;
- ალდეჰიდებისაგან თავისუფალი, ანტიკოროზიული მოქმედების, მაქსიმალურად დაბალი ტოქსიკურობის, ჰიპოალერგიული, ქაფის წარმოქმნის საწინააღმდეგო ნივთიერებებით;
- ექსპოზიციის დრო (5-60 წუთი);
- შემოთავაზებული საქონელი უნდა აკმაყოფილებდეს საერთაშორისო EN სტანდარტებს: EN 13727 ან/და EN14561, EN 13624 ან/და EN14562, EN 14476;
- დასამუშავებელი ობიექტების დამაზიანებელი ზემოქმედების არარსებობა;
- დაფასოება უნდა იყოს ეტიკეტირებული, რომელიც შესრულებული უნდა იყოს საქართველოს მთავრობის 2013 წლის 31 დეკემბრის N428 დადგენილებით დამტკიცებული ,,საშიში ქიმიური ნივთიერებების ნიშანდებისა და ეტიკეტირების ტექნიკური რეგლამენტის" შესაბამისად;
- მომწოდებელმა უნდა მოგვაწოდოს კონცენტრატი, საიდანაც მომზადდება არანაკლებ 10 000 ლიტრი სამუშაო ხსნარი;
- დაფასოება: არაუმეტეს 1 ლიტრიანი შეფუთვით;
- რეგისტრირებული უნდა იყოს "ქვეყანაში სამედიცინო და პროფილაქტიკური სადეზინფექციო საქმიანობის სრულყოფის შესახებ" საქართველოს შრომის, ჯანმრთელობისა და სოციალური დაცვის მინისტრის 2002 წლის 19 მარტის №64/ნ ბრძანების შესაბამისად"

ხელშეკრულების ძალაში შესვლიდან 45 (ორმოცდახუთი) კალენდარული დღის ვადაში

ხელშეკრულების ძალაში შესვლიდან 45 (ორმოცდახუთი) კალენდარული დღის ვადაში

ა) შემოთავაზებულ საქონელს უნდა ჰქონდეს არანაკლებ 18 (თვრამეტი) თვიანი ვარგისიანობის ვადა. ვარგისიანობის ვადის ათვლა დაიწყება მიღება-ჩაბარების აქტის გაფორმების დღიდან;

ბ) ამ ხელშეკრულებით განსაზღვრული საგარანტიო ვადის განმავლობაში, შემსყიდველის წარმომადგენლ(ებ)ის ან მოწვეული ექსპერტ(ებ)ის მიერ წუნის გამოვლენის შემთხვევაში, მიმწოდებელი ვალდებულია, შემსყიდველის მიერ განსაზღვრულ გონივრულ ვადაში მოახდინოს წუნდებული ნივთის შეცვლა ახლით;

გ) საგარანტიო პირობებით განსაზღვრული მოთხოვნები, ძალაშია მთელი საგარანტიო ვადის განმავლობაში, მიუხედავად ხელშეკრულების მოქმედების ვადის ამოწურვისა;

დ) საქონლის წუნში იგულისხმება უფლებრივი ან/და ნივთობრივი ნაკლი, ქარხნული წუნი, ნორმალური ექსპლუატაციის ან/და შენახვის პირობებში ხელშეკრულებით განსაზღვრული მახასიათებლების ან სხვა საექსპლუატაციო თვისებების დაკარგვა და ა.შ.

პრეტენდენტმა უნდა წარმოადგინოს ინფორმაცია საქონლის მწარმოებელი ქვეყნის, მწარმოებლის/სავაჭრო ნიშნის/ბრენდის შესახებ

პრეტენდენტის მიერ შემოთავაზებული საქონლის საქონლის მწარმოებელი ქვეყნის, მწარმოებლის/სავაჭრო ნიშნის/ბრენდის მიუთითებლობა გამოიწვევს პრეტენდენტის დისკვალიფიკაციას ყოველგვარი დაზუსტების პროცედურის გარეშე

1. სსიპ „ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნული ცენტრის“ მიერ გაცემული ცნობა ან სარეგისტრაციო მოწმობა;
2. შემოთავაზებული საქონლის რეგისტრაციის მიზნით სსიპ „ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნულ ცენტრში" წარდგენილი საქონლის უსაფრთხოების შესახებ მონაცემთა ფურცელი - (M) SDS;
3. შემოთავაზებული საქონლის რეგისტრაციის მიზნით სსიპ „ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნულ ცენტრში" წარდგენილი კონცენტრანტის გამოყენების სფეროს, წესებისა და პირობების შესახებ დოკუმენტი

ზემოაღნიშნული დოკუმენტ(ებ)იდან უნდა დასტურდებოდეს შემოთავაზებული საქონლის შესაბამისობა შემსყიდველის მოთხოვნებთან, კერძოდ, შესყიდვის ობიექტის ძირითად მახასიათებლებთან

შენიშვნა: დოკუმენტების წარდგენა შესაძლებელია როგორც ქართულ, ისე უცხოურ ენებზე. დოკუმენტების უცხოურ ენაზე წარდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით (ნოტარიულად დამოწმებული) შესრულებული თარგმანები ქართულ ენაზე

ა) პროდუქტი რეგისტრირებული უნდა იყოს საქართველოს მოქმედი კანონმდებლობის შესაბამისად;

ბ) სატენდერო წინადადებაში საერთო და ერთეულის ფასი გამოსახული უნდა იყოს ლარში, საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა ხარჯის და გადასახადის გათვალისწინებით

პრეტენდენტმა უნდა წარმოადგინოს შემოთავაზებული საქონლის არანაკლებ 1 (ერთი) ცალი ნიმუში

საქართველოს თავდაცვის სამინისტრო (მისამართი: ქ. თბილისი, გენერალ გ. კვინიტაძის N20)

იმ შემთხვევაში, თუ ყველაზე დაბალი წინადადების ფასის მქონე პრეტენდენტის მიერ ელექტრონული ვაჭრობის შედეგად დაფიქსირებული წინადადების საბოლოო ფასი 20%-ით ან მეტით ნაკლებია შესყიდვის ობიექტის სავარაუდო ღირებულებაზე, სატენდერო კომისია პრეტენდენტისგან ითხოვს ფასწარმოქმნის ადეკვატურობის დამადასტურებელი დოკუმენტ(ებ)ის წარდგენას. ფასწარმოქმნის ადეკვატურობა, შესაძლებელია დასაბუთდეს ექსპერტიზის ან/და აუდიტორული ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი)

ანგარიშსწორება განხორციელდება მიღება-ჩაბარების აქტის გაფორმების შემდეგ

საქონლის საბოლოო მიღება-ჩაბარების აქტის ხელმოწერიდან 15 სამუშაო დღის ვადაში

ცირა სარია, 555280749, tssaria@mod.gov.ge

ა) სატენდერო წინადადების წარდგენით პრეტენდენტი ავტომატურად გამოხატავს თანხმობას სატენდერო პირობებით განსაზღვრულ მოთხოვნებზე;

ბ) დოკუმენტების წარდგენა შესაძლებელია როგორც ქართულ, ისე უცხოურ ენებზე. დოკუმენტების უცხოურ ენაზე წარდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით (ნოტარიულად დამოწმებული) შესრულებული თარგმანები ქართულ ენაზე;

გ) ყველგან თუკი სადმე მითითებულია სასაქონლო ნიშანი, მოდელი ან მწარმოებელი იგულისხმება ,,მსგავსი“ ან ,,ექვივალენტური“;

დ) ხელშეკრულების გაფორმებისას ერთეულის ღირებულება დამრგვალდება მეასედებამდე ნაკლებობისკენ;

ე) შემსყიდველის მოთხოვნის შემთხვევაში ფასების ცხრილის დაზუსტებამ, ცხრილის არცერთ პოზიციაზე არ უნდა გამოიწვიოს შესყიდვის ობიექტების ერთეულის ღირებულების გაზრდა;

ვ) კონცენტრატის საერთო რაოდენობა შეფუთვის გათვალისწინებით დამრგვალდება ნაკლებობისკენ (ასეთის საჭიროების შემთხვევაში).