Полные или частичные строительные работы и публичные работы (Грузия - Тендер #57393710)

შემსყიდველის სტრუქტურული ერთეულის - მუხიანის რაგბის კომპლექსის ტერიტორიაზე სტადიონებს შორის არსებული საფეხმავლო ბილიკის ბეტონით მოწყობა

ტექნიკური დავალება

1.2.1. წინამდებარე ტენდერის ფარგლებში, უნდა განხორციელდეს შემსყიდველის სტრუქტურული ერთეულის - მუხიანის რაგბის კომპლექსის ტერიტორიაზე სტადიონებს შორის არსებული საფეხმავლო ბილიკის ბეტონით მოწყობა.

1.2.2 შესასრულებელი სამუშაოების მოცულობა განსაზღვრულია სატენდერო დოკუმენტაციის დანართ N1-ში (ფასების ცხრილი).
1.2.3 პრეტენდენტის მიერ ხარჯთაღრიცხვა ატვირთული იქნას MS Excel -ის ფორმატის ფაილის სახით, დანართი N1–ის მიხედვით (ხარჯთაღრიცხვის წარმოუდგენლობა ან/და ხარჯთაღრიცხვის განსაფასებელი პოზიციების რაოდენობის 1%-ზე მეტის განუფასებლად წარმოდგენა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას).
1.2.4 შემსყიდველი აცნობებს მიმწოდებელს ხარჯთაღრიცხვაში რაიმე წუნის (ხარვეზის) აღმოჩენის შესახებ, ხოლო მიმწოდებელი ვალდებულია შენიშვნების გაცნობიდან არაუგვიანეს 3 (სამი) სამუშაო დღის ვადაში საკუთარი ხარჯებით აღმოფხვრას აღმოჩენილი წუნი.
1.2.5 შემსყიდველი უფლებამოსილია სამუშაოების მიმდინარეობის ნებისმიერ ეტაპზე განახორციელოს სამუშაო პროცესის ზედამხედველობა.
1.2.6 თუკი სამუშაოების უსაფრთხო წარმოებისთვის საჭიროა შესაბამის სამსახურებთან შეთანხმებული, უსაფრთხოების სქემით სამუშაოების წარმოება, მიმწოდებელი ვალდებულია სრულად დაიცვას შეთანხმებული სქემით განსაზღვრული პერიმეტრი შესაბამისი მარეგულირებელი ნიშნებით.
1.2.7 მიმწოდებელმა ობიექტზე თვალსაჩინო ადგილას, მყარ კონსტრუქციაზე (დგარი) უნდა განათავსოს მინიმუმ 1 ცალი საინფორმაციო დაფა ზომით 200სმ X 150სმ, (BPG-ფორმატში, შრიფტი-მრგვლოვანი 2009/2010) შემსყიდველის მიერ წარმოდგენილი თანდართული ესკიზის შესაბამისად, შემსყიდველთან შეთანხმებით.
1.2.8 სამუშაოების შესრულებისას წარმოქმნილი ის ნარჩენები (ინერტული მასალები, დემონტირებული მოწყობილობა-დანადგარები, რომელთა სრულად ან ნაწილობრივ გამოყენება კვლავაც შესაძლებელია, რჩება შემსყიდველს.
1.2.9 მიმწოდებელი ვალდებულია სამუშაოების შესრულებისას წარმოქმნილი ნარჩენები (ინერტული) განათავსოს მუნიციპალიტეტის მიერ სპეციალურად საამისოდ გამოყოფილ ადგილზე, თბილისის ტერიტორიაზე განთავსების შემთხვევაში - გლდანის რაიონი, თბილისის შემოვლითი საავტომობილო გზის მე-15 კმ.
1.2.10 მიმწოდებელმა უნდა უზრუნველყოს ინვენტარის გადაადგილება/დემონტაჟი/დასაწყობება და თავის ადგილას დაბრუნება მათ დაუზიანებლად, ხოლო სამუშაოთა დასრულების შემდეგ, მიმწოდებელი ვალდებულია თავისი ძალებით და სახსრებით დაუყონებლივ გაათავისუფლოს სამუშაო ადგილი მანქანა-მექანიზმებისაგან, მოწყობილობა-დანადგარებისაგან, მასალებისაგან და ა.შ. უზრუნველყოს რემონტისშემდგომი გენერალური დასუფთავება და ობიექტის ჩაბარება, მომხმარებლის მისაღებად მზადყოფნის კონდიციაში.
1.2.11 მიმწოდებელი ვალდებულია სამუშაოების წარმოება უზრუნველყოს საქართველოში მოქმედი სამშენებლო ნორმებით და წესებით, აგრეთვე უსაფრთხოების წესების დაცვა. სამუშაო ადგილის ფარგლებში უზრუნველყოს გარემოზე ეკოლოგიური ზემოქმედების მინიმუმამდე დაყვანა და მინიმუმამდე დაიყვანოს მუშაობით გამოწვეული ხმაურის, ვიბრაციის და მტვრის გავლენა

ხელშეკრულების გაფორმებიდან 30 კალენდარული დღე (ექსპერტიზის დასკვნის წარმოდგენის ვადის ჩათვლით)

ობიექტის გეოგრაფიული მდებარეობა, სადაც შესყიდვის ობიექტი უნდა იქნას მიწოდებული:

თბილისი, მუხიანის IVმ/რ-სა და მუხიანის საცხოვრებელი რ-ნის მიმდ. (ნუშის ქუჩა N43)
სტრუქტურული ერთეული - მუხიანის რაგბის კომპლექსი „ხვამლი არენა“ (საკადასტრო კოდი 01.11.17.006.855)

მიმწოდებელი ვალდებულია სამუშაოები შეასრულოს საქართველოს კანონმდებლობით გათვალისწინებული შესაბამისი სამშენებლო და გარემოსდაცვითი ნორმებისა და წესების დაცვით, სახარჯთაღრიცხვო დოკუმენტაციის შესაბამისად.

მიმწოდებელმა სამუშაოების დაწყებამდე ტერიტორიაზე უნდა გადაამოწმოს ნიშნულები, ასევე სამშენებლო მოედანზე გადაამოწმოს ხარჯთაღრიცხვით მითითებული სამუშაოები და ნებისმიერი უზუსტობა აცნობოს შემსყიდველს

1.6.1 საგარანტიო ვადა შესრულებულ სამუშაოზე და მოწყობილობებზე შეადგენს მიღება-ჩაბარების აქტის გაფორმებიდან არანაკლებ მწარმოებელი კომპანიების მიერ განსაზღვრულ, ტექნიკურ პასპორტში/საგარანტიო ტალონში მითითებული ვადისა (მ/შ - არანაკლებ 3 წელი მოწყობილობებზე და არანაკლებ 3 წელი - სამუშაოებზე).
1.6.2 სამუშაოების დასრულების შემდეგ საგარანტიო ვადის განმავლობაში რაიმე წუნის (ნაკლოვანებები, დეფექტი) აღმოჩენის შემთხვევაში, თუ დადგინდება რომ აღნიშნული წუნი (ნაკლოვანებები, დეფექტი) გამოწვეულია უხარისხო ან/და არაჯეროვანი შესრულებით, მიმწოდებელი ვალდებულია აღმოფხვრას უხარისხოდ შესრულებული სამუშაოები საკუთარი ხარჯებით

სამუშაოების შესასრულებლად გამოსაყენებელი მასალები, მოწყობილობები და დანადგარები უნდა იყოს მაღალი ხარისხის და შეესაბამებოდეს დადგენილ სტანდარტებს, შემსყიდველის სპეციფიკის და ფუნქციონალური დატვირთვის გათვალისწინებით. ასევე მასლები მოწყობილობები და დანადგარები უნდა იყოს არანაკლებ არსებულის შესაბამისი. (ხარისხი, ტექნიკური მახასიათებლები და პარამეტრები). შემსყიდველის მოთხოვნის შემთხვევაში მიმწოდებელმა უნდა წარმოადგინოს დამადასტურებელი სერტიფიკატები. სამუშაოების შესრულების პროცესში გამოყენებული მასალების, მოწყობილობების და დანადგარების ვიზუალურ-ტექნიკური მახასიათებლები და პარამეტრები (ხარისხი, ფაქტურა, ფერი და სხვა) უნდა შეთანხმდეს შემსყიდველთან (მწარმოებელი ქვეყნის, მწარმოებლის, მარკა/მოდელის გათვალისწინებით)

პრეტენდენტს ბოლო 3 წლის განმავლობაში უნდა გააჩნდეს შესყიდვის სავარაუდო ღირებულების არანაკლებ 150%-ის ანალოგიური სირთულისა და მოცულობის ობიექტის სამშენებლო და/ან სარეკონსტრუქციო სამუშაოების გამოცდილება, მათ შორის უნდა გააჩნდეს ერთი ხელშეკრულების ფარგლებში არანაკლებ შესყიდვის სავარაუდო ღირებულების 50%-ის ღირებულების ანალოგიური სირთულისა და მოცულობის ობიექტების სამშენებლო ან/და სარეაბილიტაციო სამუშაოების შესრულების გამოცდილება. რაზეც უნდა წარმოადგინოს აღნიშნულ სამუშაოებზე გაფორმებული ხელშეკრულებების და ამ სამუშაოების დასრულების დამადასტურებელი დოკუმენტების ასლები (სამუშაოების შესრულების აქტი, ან/და შესრულებული სამუშაოების მიღება-ჩაბარების აქტი, ან/და დამკვეთის მიერ გაცემული შესრულებული სამუშაოების დამადასტურებელი ცნობა). იმ შემთხვევაში, თუ ანალოგიური გამოცდილება რეგისტრირებულია სახელმწიფო შესყიდვების სააგენტოს ერთიან ელექტრონულ სისტემაში, მითითებული უნდა იქნას სისტემის მიერ მინიჭებული NAT/SPA/CMR ნომერი.

ტენდერში ამხანაგობის მონაწილეობის შემთხვევაში ამხანაგობის წევრთა/მონაწილეთა გამოცდილების შეკრება დაუშვებელია

შენიშვნა: ინფორმაცია გამოცდილების შესახებ წარმოდგენილ უნდა იქნას დანართი N2–ის შესაბამისად

2.7.1 სამუშაოების შესასრულებლად გამოსაყენებელი მასალები, მოწყობილობები და დანადგარები უნდა იყოს მაღალი ხარისხის და შეესაბამებოდეს დადგენილ სტანდარტებს შემსყიდველის სპეციფიკის და ფუნქციონალური დატვირთვის გათვალისწინებით. ასევე მასლები მოწყობილობები და დანადგარები უნდა იყოს არანაკლებ არსებულის შესაბამისი (ხარისხი, ტექნიკური მახასიათებლები და პარამეტრები). შემსყიდველის მოთხოვნის შემთხვევაში მიმწოდებელმა უნდა წარმოადგინოს დამადასტურებელი სერტიფიკატები. სამუშაოების შესრულების პროცესში გამოყენებული მასალების ვიზუალურ-ტექნიკური მახასიათებლები და პარამეტრები (ხარისხი, ფაქტურა, ფერი და სხვა) უნდა შეთანხმდეს შემსყიდველთან

ქვეკონტრაქტორ(ებ)ის აყვანა სამუშაოების წარმოებისათვის, წინასწარ უნდა შეთანხმდეს შემსყიდველთან

პრეტენდენტი უფლებამოსილია უშუალოდ ადგილზე ვიზიტის საშუალებით დაათვალიეროს ამ ტენდერს დაქვემდებარებული ობიექტი

4.1.1 იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას სსიპ „ლევან სამხარაულის სახელობის ექსპერტიზის ეროვნული ბიუროს" ან სხვა აკრედიტირებული პირის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის აკრედიტაციის დამადასტურებელი დოკუმენტის ასლი), რომელშიც ტექსტობრივად მკაფიოდ უნდა იკვეთებოდეს, 2017 წლის 26 სექტემბრის საქართველოს მთავრობის №439 დადგენილებით განსაზღვრული ტექნიკური რეგლამენტის - „სამშენებლო სამუშაოების ხარჯთაღრიცხვის ფასწარმოქმნის ადეკვატურობის დადგენის მეთოდიკის“ მოთხოვნებთან დასკვნის შესაბამისობა. წარმოდგენილი დასკვნით უნდა დასტურდებოდეს პრეტენდენტის მიერ ატვირთულ სატენდერო ხარჯთაღრიცხვაში (სატენდერო წინადადების საბოლოო ფასის შესაბამისი ხარჯთაღრიცხვა) დაფიქსირებული ერთეულის ფასებით და აგრეთვე ჯამური ღირებულებით ამავე ხარჯთაღრიცხვით განსაზღვრული სამუშაოების შესრულების შესაძლებლობა. ექსპერტიზის დასკვნას თან უნდა ერთვოდეს სატენდერო ხარჯთაღრიცხვა და რესურსული მეთოდით შედგენილი ხარჯთაღრიცხვა.

ექსპერტიზის დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული პირობები

ანგარიშსწორება განხორციელდება 2024 წელს, ქალაქ თბილისის მუნიციპალიტეტის მერიის ადგილობრივი საბიუჯეტო სახსრებით, ეტაპობრივად - ფაქტობრივი შესრულების მიხედვით, მიღება–ჩაბარების აქტის საფუძველზე.

შესყიდვის ობიექტის ეტაპობრივი ან სრული ღირებულება ანაზღაურდება შესრულებული სამუშაოს შესახებ ანგარიშის (ფორმა N2) და შესრულებულ სამუშაოზე სსიპ - ლევან სამხარაულის სახელობის სასამართლო ექსპერტიზის ეროვნული ბიუროს ან სხვა აკრედიტირებული პირის მიერ გაცემული ექსპერტიზის დადებითი დასკვნის* შესაბამისად შედგენილი მიღება-ჩაბარების აქტის საფუძველზე;

*შენიშვნა: დასკვნასთან ერთად წარმოდგენილი უნდა იქნას დასკვნის გამცემი პირის აკრედიტაციის დამადასტურებელი დოკუმენტის ასლი. დასკვნის წარმოდგენის ვალდებულება და ფინანსური ხარჯის გაწევა ეკისრება მიმწოდებელს

სატენდერო დოკუმენტაციის 7.2 პუნქტში მითითებული დოკუმენტების წარმოდგენის შემდეგ 10 (ათი) სამუშაო დღის ვადაში

გელა ჯაჭვაძე, 595010044, gldanipool@yahoo.com ტექნიკურ დეტალებზე ინფორმაცია: მუხიანის რაგბის კომპლექსის მენეჯერი დავით გოგბაიძე - ტელ.: (5-99) 04-61-63

10.1.1 ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3 სატენდერო დოკუმენტაციაში განსაზღვრულ შესასყიდ საქონელზე, სადაც მითითებული იქნება კონკრეტული სასაქონლო ნიშანი, მოდელი, წარმოშობის წყარო ან მწარმოებელი (ასეთის არსებობის შემთხვევაში) იგულისხმება „მსგავსი“ ან „ეკვივალენტური“.
10.1.4 სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.5 პრეტენდენტს არა აქვს უფლება წარმოადგინოს ალტერნატიული სატენდერო წინადადება.
10.1.6 სატენდერო დოკუმენტაციის მოთხოვნებთან შესაბამისობის დადასტურების მიზნით, სახელმწიფო შესყიდვების ერთიან ელექტრონულ სისტემაში წარმოგენილ, უცხო ქვეყანაში შედგენილ დოკუმენტზე ხელმოწერები და ხელმომწერი პირების უფლებამოსილება დამოწმებული უნდა იყოს ნოტარიუსის ან შესაბამისი საჯაროსამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა - ლეგალიზებული ან აპოსტილით დამოწმებული.
10.1.7 სამუშაოების წარმოების პროცესში, სამუშაოს ახალი პოზიცი(ებ)ის წარმოქმნის შემთხვევაში, შემსყიდევლის მხრიდან ანაზღაურება განხორციელდება სსიპ - ლევან სამხარაულის სახელობის სასამართლო ექსპერტიზის ეროვნული ბიუროს ან სხვა აკრედიტებული პირის მიერ გაცემული დასკვნით განსაზღვრული ახალი პოზიციის ერთეულის ფასის ფარგლებში, ექსპერტიზის დასკვნით დადგენილი ფაქტობრივი დანახარჯების მიხედვით.

პრეტენდენტის მიერ ერთიან ელექტრონულ სისტემაში ასატვირთი მონაცემები:

1. ხარჯთაღრიცხვა დანართი N1–ის მიხედვით (ხარჯთაღრიცხვის წარმოუდგენლობა ან/და ხარჯთაღრიცხვის განსაფასებელი პოზიციების რაოდენობის 1%-ზე მეტის განუფასებლად წარმოდგენა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას).
2. ინფორმაცია გამოცდილების შესახებ დანართი N2–ის შესაბამისად.

შენიშვნა:
სატენდერო დოკუმენტაციის მოთხოვნებთან შესაბამისობის დადასტურების მიზნით, სახელმწიფო შესყიდვების ერთიან ელექტრონულ სისტემაში წარმოგენილ, უცხო ქვეყანაში შედგენილ დოკუმენტზე ხელმოწერები და ხელმომწერი პირების უფლებამოსილება დამოწმებული უნდა იყოს ნოტარიუსის ან შესაბამისი საჯაროსამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა - ლეგალიზებული ან აპოსტილით დამოწმებული