Гостиничные услуги (Грузия - Тендер #57393687)

სსიპ “ახალგაზრდობის სააგენტო” "ახალგაზრდული ღონისძიებების ხელშეწყობის" პროგრამის ფარგლებში, გადაწყვეტილების მიღების პროცესში ახალგაზრდების მონაწილეობის ხელშეწყობისა და ახალგაზრდული მრჩეველთა საბჭოების გაძლიერების მიზნით, გეგმავს ახალგაზრდული მრჩეველთა საბჭოების ეროვნული ფორუმის ჩატარებას, რომელიც ესატყვისება "სახელმწიფოს ახალგაზრდული სტრატეგია 2023-2026"-ის მეოთხე მიზნის ამოცანა 4.3-ს - "გადაწყვეტილების მიღების პროცესში ახალგაზრდების ჩართულობის ხელშეწყობა".
ფორუმის მიზანია: რეგიონებში მცხოვრები ახალგაზრდა ლიდერების შესაძლებლობების განვითარება, ახალგაზრდული მრჩეველთა საბჭოების, მუნიციპალიტეტების წარმომადგენლებისა და ახალგაზრდობის საკითხებზე მომუშავე ცენტრალური მთავრობის უწყებებს შორის თანამშრომლობის გაძლიერება, გრძელვადიანი პარტნიორობისა და ერთობლივი ინიციატივების შემუშავება.
ღონისძიებაში მოანაწილეობას მიიღებენ საქართველოში არსებული ახალგაზრდული მრჩეველთა საბჭოების წევრები 25 მუნიციპალიტეტიდან. შესყიდვის ობიექტს წარმოადგენს ფორუმის მონაწილეთათვის სასტუმროს მომსახურების შესყიდვა.

შესყიდვის ობიექტს წარმოადგენს სსიპ „ახალგაზრდობის სააგენტოს“ მიერ „ახალგაზრდული ღონისძიებების ხელშეწყობის“ პროგრამის ფარგლებში დაგეგმილი ფორუმის განხოციელებისთვის სასტუმროს მომსახურების შესყიდვა 2024 წლის 30 სექტემბრიდან 02 ოქტომბრის პერიოდში(თარიღები დაზუსტდება ხელშეკრულების გაფორმებამდე), შემდეგი ტექნიკური მახასიათებლების შესაბამისად:

1.1. სასტუმრო შესაძლებელია იყოს კომპლექსის ტიპის, შესაძლოა იყოს რამდენიმე შენობით წარმოდგენილი ერთ სივრცეში/ერთ ლოკაციაზე.
1.2. სასტუმრო უნდა იყოს თანამედროვე სტანდარტების და კომფორტული ინფრასტრუქტურის მქონე, არ უნდა იყოს განთავსებული საცხოვრებელი სახლის ნაწილში ან მიწისქვეშ, სასტუმრო არ უნდა იყოს საოჯახო ტიპის.
1.3. სასტუმრო უნდა მდებარეობდეს ქალაქ თბილისის მუნიციპალურ საზღვრებში.
1.4. სასტუმროში ნომრების მინიმალური რაოდენობა უნდა შეადგენდეს 110 ნომერს, ყველა ნომერი განთავსებული უნდა იყოს ერთ კომპლექსში/ერთ ლოკაციაზე.
1.5. სასტუმრომ უნდა უზრუნველყოს ერთდროულად არანაკლებ 220 ადამიანის განთავსება სამჯერადი კვებით (საუზმე, სადილი, ვახშამი) და ყავის შესვენებით, 2 ღამე 3 დღე. სავარაუდო თარიღები მოცემულია ტექნიკური დოკუმენტაციის დანართი N1-ის შესაბამისად (თარიღები დაზუსტდება ხელშეკრულების გაფორმებამდე).
1.6. ერთ ოთახში დასაშვებია არაუმეტეს 2 მონაწილის განთავსება (ჯამში არაუმეტეს 220 ადამიანი, სქესთა ბალანსის დაცვით), გამომდინარე ოთახის სპეციფიკიდან. აუცილებელია, რომ საწოლები იყოს ცალ-ცალკე, ინდივიდუალური.
1.7. სასტუმროს ნომრები უნდა იყოს უზრუნველყოფილი ინდივიდუალური სველი წერტილებით, უწყვეტი ცივი და ცხელი წყლით, ცენტრალური გათბობა-გაგრილების სისტემით, 24 საათიანი ელექტრომომარაგებით, ინტერნეტით, ტელევიზორით. ნომრებში ასევე დაცული უნდა იყოს სანიტარული ნორმები. სასტუმროს უნდა გააჩნდეს დენის ალტერნატიული წყარო.
1.8. ოთახები შესაბამისად უნდა მარაგდებოდეს ჰიგიენის ინდივიდუალური ნივთებით ყოველდღე თითო ადამიანზე: 1 დიდი პირსახოცი, 1 პატარა პირსახოცი, ოთახის ერთჯერადი ჩუსტი და ხალათი, შამპუნი, ტანის გელი, საპონი და თმის საშრობი ფენი.
1.9. ოთახის დალაგება და თეთრეულის გამოცვლა უნდა ხორციელდებოდეს სასტუმროში არსებული სტანდარტის მიხედვით, სველი/მშრალი წმენდით.
1.10. პროექტის ორგანიზატორებს უნდა ჰქონდეთ წინასწარ სპეციალური აღჭურვილობის/მატერიალების მობილიზებისა და დასაწყობების შესაძლებლობა სასტუმროს ტერიტორიაზე, ასევე უნდა მიეცეთ შესაბამისი დრო ფართის დაცლისთვის.

1.11. სასტუმროში უნდა იყოს 1 საკონფერენციო სივრცე არანაკლებ 220 ადამიანზე გათვლილი, სადაც საჭიროების შემთხვევაში შესაძლებელი იქნება დახურულ სივრცეში ღონისძიების/ტრენინგის განხორციელება ერთდროულად 220 ადამიანის მონაწილეობით. გარდა ამისა, სასტუმროს უნდა ჰქონდეს არანაკლებ 5 იზოლირებული სატრენინგო სივრცე, სადაც შესაძლებელი იქნება მონაწილეების მცირე ჯგუფების (არანაკლებ 40 პირი) შეკრება და მუშაობა.
1.12. სატრენინგო სივრცეები უნდა იყოს იზოლირებული და დამოუკიდებელი სხვა ოთახებისგან, მათ შორის სამზარეულოსგან/კვებისთვის განკუთვნილი სივრცისგან (ფარდით ან სხვა საშუალებებით გამოყოფა არ მოიაზრება). სატრენინგო სივრცეები უზრუნველყოფილი უნდა იყოს გათბობა/კონდიცირების სისტემით და ცენტრალური ვენტილაციით. სატრენინგო სივრცეები აღჭურვილი უნდა იყოს პროექტორით, ლეპტოპით, პროექტორის ეკრანით, თეთრი დაფით და მარკერებით, მონაწილეთა შესაბამისი რაოდენობის სკამებით (არანაკლებ 40 სკამის), სამუშაო მაგიდებით, ხმის გამაძლიერებელი სისტემით (მიკროფონი და დინამიკები), უკაბელო ინტერნეტით, მონაწილეებისათვის სასმელი წყლით.
1.13. საკონფერენციო სივრცე აღჭურვილი უნდა იყოს პროექტორით, ლეპტოპით, პროექტორის ეკრანით, თეთრი დაფით და მარკერებით, მონაწილეთა შესაბამისი რაოდენობის სკამებით (არანაკლებ 220), მრგვალი მაგიდებით (არანაკლებ 22), ხმის გამაძლიერებელი სისტემით (მიკროფონი და დინამიკები), უკაბელო ინტერნეტით, მონაწილეებისათვის სასმელი წყლით. საკონფერენციო სივრცეში მონაწილეები განთავსდებიან მრგვალი მაგიდების ირგვლივ, თითო მაგიდასთან არაუმეტეს 10 მონაწილისა. შესაძლებელი უნდა იყოს დარბაზში არსებული ინვენტარის (მაგიდები, სკამები) გადაადგილება (შეერთება ან განცალკევება). პლენარული დისკუსიის ჩატარების უზრუნველსაყოფად (10:00 - 19:00 სთ) საკონფერენციო სივრცეში უნდა განთავსდეს სცენა (ზომით არანაკლებ 10 მეტრი 3 მეტრზე), რომელზეც განთავდება ლედ მონიტორი (ზომით არანაკლებ 15 კვადრატული მეტრი (5 მეტრი 3 მეტრზე) fullHD), ტრიბუნა სიტყვით გამომსვლელებისთვის, სამაგიდო მიკროფონი ტრიბუნაზე, 4 სავარძელი და 6 უკაბელო მიკროფონი. საჭიროების შემთხვევაში, შესაძლებელი უნდა იყოს სასტუმროში პრინტერის გამოყენება.
1.14. საკონფერენციო სივრცე, სატრენინგო სივრცეები, კვებისთვის განკუთვნილი ადგილი და სასტუმროს ნომრები უნდა იყოს ერთ კომპლექსში/ერთ ლოკაციაზე.
1.15. სასტუმროს უნდა გააჩნდეს დახურული ან ღია საცურაო აუზი.
1.16. კვებისთვის განკუთვნილი საათების განსაზღვრა უნდა მოხდეს შემსყიდველთან შეთანხმებით. გათვალისწინებული უნდა იყოს ყოველდღიურად 3-ჯერადი კვება და შესვენება ყავაზე (იხ. ტექნიკური დოკუმენტაციის დანართი N2). გათვალისწინებული უნდა იყოს ვეგეტარიანული მოთხოვნები, აუცილებელია ცხელი კერძის ერთ-ერთ რაციონში არ შედიოდეს ღორის ხორცი. საუზმეზე, სადილსა და ვახშამზე უნდა მოხდეს სტუმრების ერთდროულად განთავსება, ცხელი ხაზის ან შვედური მაგიდის პრინციპით, შემსყიდველის მიერ შეთანხმებული მენიუს მიხედვით არანაკლებ 220 ადამიანზე (იხ. ტექნიკური დოკუმენტაციის დანართი N3). ასევე, სასტუმრომ, შემსყიდველთან შეთანხმებით, 220 ადამიანზე უნდა უზრუნველყოს შესვენება ყავაზე (იხ. ტექნიკური დოკუმენტაციის დანართი 3)
1.17. კვებითი მომსახურების გაწევის დროს მიმწოდებელმა უნდა უზრუნველყოს შესაბამისი რაოდენობის მომსახურე პერსონალის ადგილზე ყოფნა.
1.18. პერიმეტრი 24 საათის მანძილზე უნდა კონტროლდებოდეს შესაბამისი დაცვის სისტემით. სასტუმროს პერიმეტრი მუდმივად უნდა იყოს დაცვის ქვეშ; 24 საათის განმავლობაში ხელმისაწვდომი უნდა იყოს ადმინისტრაციის სამსახური (ადმინისტრატორი).
1.19. სასტუმროში ხელმისაწვდომი უნდა იყოს პირველადი გადაუდებელი დახმარებისთვის საჭირო სამედიცინო ჩანთა.
1.20. სასტუმროში განთავსებული უნდა იყოს სახანძრო უსაფრთხოების სისტემები/სისტემა, რომელიც უნდა შეესაბამებოდეს უსაფრთხოების დადგენილ ნორმებს (ბრძანება - საქართველოში მოქმედი სახანძრო უსაფრთხოების წესების დამტკიცების შესახებ; ასევე ტექნიკური რეგლამენტი სახანძრო უსაფრთხოების წესების და პირობების შესახებ).
1.21. სასტუმროს ოთახებში მინი ბარში არ უნდა იყოს ხელმისაწვდომი ალკოჰოლური სასმელი და თამბაქო.
1.22. სპეციფიკაციები შესაძლოა შეიცვალოს, სერვისის გაწევის დროისთვის, ქვეყანაში არსებული რეგულაციების შესაბამისად.
1.23. სასტუმროს შერჩევა-შეფასების ეტაპზე შესაბამის კომისიის ნებისმიერი წევრი უფლებამოსილია, ადგილზე დაათვალიეროს პრეტენდენტის მიერ შემოთავაზებული სასტუმრო და შეაფასოს მისი შესაბამისობა ტექნიკურ დავალებაში განსაზღვრულ მოთხოვნებთან.

მომსახურების გაწევის სავარაუდო თარიღებია 2024 წლის 30 სექტემბერიდან 02 ოქტომბრის პერიოდი (თარიღები დაზუსტდება ხელშეკრულების გაფორმებამდე).

სასტუმრო უნდა მდებარეობდეს ქალაქ თბილისის მუნიციპალურ საზღვრებში.

1. პრეტენდენტს 2022 წლის 01 იანვრიდან ტენდერის გამოცხადების დღემდე უნდა ჰქონდეს ჯამში არანაკლებ 184000.00 (ას ოთხმოცდაოთხი ათასი) ლარის ღირებულების ანალოგიური მომსახურების გაწევის გამოცდილება.
2. პრეტენდენტმა უნდა წარმოადგინოს ანალოგიური მომსახურების გაწევის დამადასტურებელი დოკუმენტების ასლები (ხელშეკრულება, შესაბამისი მიღება-ჩაბარების აქტითა და გადარიცხვის დამადასტურებელი დოკუმენტით, ან/და შემსყიდველის/დამკვეთის მიერ დადასტურებული მკაცრი აღრიცხვის დოკუმენტ(ებ)ი რითაც დადასტურდება პრეტენდენტის გამოცდილება). სახელმწიფო შესყიდვის შესახებ ხელშეკრულებ(ებ)ის არსებობის შემთხვევაში საკმარისია შესაბამისი SPA, NAT, CMR, MEP, DAP ნომრების წარმოდგენა.
ზემოაღნიშნულის დასადასტურებლად პრეტენდენტმა უნდა უზრუნველყოს ინფორმაციის წარმოდგენა გამოცდილების შესახებ (სატენდერო დოკუმენტაციის 2.2.1 პუნქტში არსებული დანართი N2-ის შესაბამისად).
3. სატენდერო დოკუმენტაციის დანართი N2-ში, პრეტენდენტის მიერ ფაქტობრივად გაწეული მომსახურებ(ებ)ის ღირებულების შესახებ ინფორმაცია მითითებულ უნდა იქნას ლარში. უცხოურ ვალუტაში გაწეული მომსახურების შემთხვევაში, აღნიშნული ინფორმაცია მითითებული უნდა იყოს მომსახურების გაწევის დამადასტურებელი დოკუმენტების გაფორმების თარიღისთვის, შესაბამისი ვალუტის მიმართ საქართველოს ეროვნული ბანკის მიერ დადგენილი, ლარის ოფიციალური გაცვლითი კურსის მიხედვით.

1.პრეტენდენტმა უნდა წარმოადგინოს ინფორმაცია მის მიერ შემოთავაზებული სასტუმროს შესახებ, სასტუმროს ზუსტი ფაქტობრივი მისამართი.

2. იმ შემთხვევაში, თუ პრეტენდენტი არ არის მის მიერ მომსახურების გასაწევად შემოთავაზებული სასტუმროს წარმომადგენელი, წინადადების მიღების ეტაპზე, უნდა წარმოადგინოს მომსახურების გასაწევად შემოთავაზებული სასტუმროს ზუსტი მისამართი. ასევე, მომსახურების გასაწევად შემოთავაზებული სასტუმროს ხელმძღვანელი ან/და უფლებამოსილი პირის მიერ დადასტურებული წერილობითი შეტყობინება, იმის თაობაზე, რომ გაცნობილია ტექნიკური დავალების პირობებს და მზად არის, გასწიოს ტენდერით გათვალისწინებული მომსახურება ტექნიკურ დავალებაში მითითებული პირობების მიხედვით. წინააღმდეგ შემთხვევაში, იგი დისკვალიფიცირებულ იქნება სატენდერო პროცედურებიდან, დაზუსტების გარეშე.

წარმოდგენილი დოკუმენტები დამოწმებული უნდა იყოს პრეტენდენტის მიერ კვალიფიციური ელექტრონული ხელმოწერით ან/და კვალიფიციური ელექტრონული შტამპით.

3. პრეტენდენტმა უნდა წარმოადგინოს სასტუმროს ვიზუალური მასალა, მათ შორის, სასტუმროს ფოიეს, საკონფერენციო სივრცის, სატრენინგო სივრცეების, ნომრების, სასადილო სივრცის, დახურული ან ღია საცურაო აუზის ((აღნიშნული ინფორმაციის გადამოწმება შესაძლებელი უნდა იყოს ვებ-გვერდის საშუალებით (არსებობის შემთხვევაში)).

ა) სატენდერო დოკუმენტაციის 1.3 პუნქტით გათვალისწინებული შევსებული ხარჯთაღრიცხვა.
ბ) წინამდებარე სატენდერო პირობების 2.2.1 ქვეპუნქტში მოცემული პირობების შესაბამისად შევსებული დანართი N2 შესაბამისი გამოცდილების დამადასტურებელი დოკუმენტაცია.
გ) წინამდებარე სატენდერო პირობების 2.3.1 პუნქტით გათვალისწინებული ინფორმაცია და ვიზუალური მასალა მატერიალურ-ტექნიკური ბაზის შესახებ.


შენიშვნა: პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები (გარდა ფასების ცხრილსა და 2.3.1 პუნქტის მე-3 ქვეპუნქტით გათვალისწინებული ვიზუალური მასალისა) დაამოწმოს/დაადასტუროს კვალიფიციური ხელმოწერით/კვალიფიციური შტამპით.
ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.

1.იმ შემთხვევაში თუ ტენდერში პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, მიმწოდებელმა უნდა დაასაბუთოს (სისტემაში ატვირთოს) ფასწარმოქმნის ადეკვატურობა (ამ ფასად ტენდერით გათვალისწინებული ვალდებულების შესრულების შესაძლებლობა).
2.ფასწარმოქმნის ადეკვატურობა, შესაძლებელია დასაბუთდეს ექსპერტიზის ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი). აღნიშნულის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას.
3. ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

ანგარიშსწორება მოხდება ფაქტიურად გაწეული მომსახურების შესაბამისად, უნაღდო ანგარიშსწორებით ლარში.

ანგარიშსწორება მოხდება მხარეებს შორის მიღება-ჩაბარების აქტის გაფორმებიდან 10 (ათი) სამუშაო დღის ვადაში.

ქეთევან გელაშვილი, 551215857, kgelashvili43@gmail.com

1. სახელმწიფო შესყიდვების ერთიან ელექტრონულ სისტემაში (შემდგომში – „სისტემა“) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად;
2. პრეტენდენტს არ აქვს უფლება წარმოადგინოს ალტერნატიული სატენდერო წინადადება;
3. პრეტენდენტი ვალდებულია ნებისმიერი უცხოურენოვანი დოკუმენტაციის ატვირთვის შემთხვევაში წარმოადგინოს იგი ქართულ ენაზე ნათარგმნი და ნოტარიულად დამოწმებული;
4. სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია (გარდა ხარჯთაღრიცხვისა) უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
5. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად;
6. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი სატენდერო დოკუმენტაციის 1.3 პუნქტით გათვალისწინებული ფასების ცხრილი (პრეისკურანტი) ან ის წარმოდგენილი იქნება განუფასებლად (გარდა იმ შემთხვევისა, თუ წარდგენილ პრეისკურანტში განუფასებელი პოზიცი(ებ)ის რაოდენობა არ აღემატება განსაფასებელი პოზიციების 1%-ს).

7. ტენდერში მონაწილეობით პრეტენდენტი ეთანხმება სატენდერო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო. ამასთან, პრეტენდენტის მიერ ხელშეკრულების დადებისას რომელიმე პირობაზე უარის თქმის შემთხვევაში, მისი ქმედება განიხილება როგორც უარი ხელშეკრულების დადებაზე.