Различные коммерческие услуги и связанные с ними услуги (Грузия - Тендер #57393677)

2024 წლის 28 სექტემბერს დაგეგმილი სამეცნიერო პიკნიკი 2024-ის და პირველკურსელების მიღების ცერემონიის ორგანიზება.

ამ ტენდერით მოთხოვნილი მომსახურება გულისხმობს 2024 წლის 28 სექტემბერს დაგეგმილი სამეცნიერო პიკნიკი 2024-ის და პირველკურსელების მიღების ცერემონიის ტექნიკურ მხარდაჭერას, რაც მოიცავს: სცენით მომსახურებას, ღონისძიების გარე გამოყენების LED ეკრანით, გახმოვანების და განათების აპარატურით უზრუნველყოფას, ასევე სცენის გარშემო უსაფრთხოების ჯებირების მოწყობას.

სცენით მომსახურება
ღონისძიების ფარგლებში უნდა მოეწყოს სცენის პოდიუმი, ზომით არანაკლებ: 8,0 x 5,0 მ. ასაწყობი, ქარხნული წარმოების. მომსახურება ასევე ითვალისწინებს პოდიუმის/სცენის გადახურვას ზომით არანაკლებ: 9,0 x 6,0 მ. რეგულირებადი სიმაღლით.

გარე გამოყენების LED ეკრანი
– სიგრძე: არანაკლებ 5,0 მ;
– სიმაღლე: არანაკლებ 3,0 მ;
– ეკრანი უნდა ჩამოიკიდოს ფერმაზე, ან სცენის უკან დადგეს სპეციალურ პლატფორმაზე.

წინა ხაზის გახმოვანება
– ხაზობრივი წყობის (Line Arry), კონსტრუქციაზე დასაკიდებელი შესაბამისი (ადეკვატური) რაოდენობის მაღალი და დაბალი სიხშირის დინამიკები. გახმოვანება გათვლილი უნდა იყოს მინიმუმ 3 500 ადამიანზე (სივრცის საორიენტაციო ფართი: 3 000 მ², საორიენტაციო სიმძლავრე: 45-50 კილოვატი);
– Mix: two (2) (ports for sound cards).

უკანა ხაზი (ბექლაინი)
– 4 x სცენის მონიტორი/დინამიკი;
– Drum Kit Snare, Kick, Tom 1 Tom 2, Floor tom, Hi Hat, Ride, 2 crash;
– Bass Combo;
– 2 x Guitar Combo;
– Drum Mic Kit 2 overhead mic;
– 4 x Mic Combo;
– 4 x Mic Vocal;
– მაგიდა ლეპტოპისთვის;
– პიუპიტრი;
– 3 x Guitar Stands;
– სტენდი ყველა მიკროფონისთვის.

DJ-ს ტექნიკური რაიდერი
– 2 x CDJ 3000, ან 2000 Nexus 2, ან მისი ეკვივალენტი;
– 1 x Allen & Heath Xone: 92 (მიქშერი), ან მისი ეკვივალენტი.

სცენის განათება
– პროფესიონალური განათების ციფრული მიქშერი;
– 8 ცალი მოძრავი თავი Wash Zoom (500 ვატი სიმძლავრის);
– 16 ცალი მოძრავი თავი Beam (360 ვატი სიმძლავრის);
– 6 ცალი 4-ნათურიანი Blinder (1 000 ვატი სიმძლავრის);
– 4 ცალი Strobe განათება.

შენიშვნა:
საჭიროებებიდან გამომდინარე, შესაძლებელი უნდა იყოს განათების და გახმოვანების (მათ შორის ტექნიკური რაიდერები) არსებულ სიტუაციაზე/გარემოებებზე მორგება.


მომსახურება ასევე ითვალისწინებს:
– სცენის გარშემო უსაფრთხოების ჯებირების მოწყობას;
– სცენის მოწყობისათვის საჭირო ინვენტარის და აპარატურის ტრანსპორტირებას ღონისძიების ჩატარების ადგილას;
– სცენის და აპარატურის მონტაჟს (მონტაჟისათვის საჭირო კაბელებისა და აქსეუარების ჩათვლით). სცენის და აპარატურის მონტაჟი (მათ შორის: ხმის/გახმოვანების და განათების სისტემის ტესტირება) უნდა დასრულდეს არაუგვიანეს 2024 წლის 28 სექტემბრის 12:00 საათისა;
– საკონცერტო ღონისძიების მიმდინარეობისას აპარატურის მომსახურებას (ხმის/გახმოვანების რეჟისორის, განათების რეჟისორის და სხვა ტექნიკური პერსონალის მომსახურება);
– სცენის და აპარატურის დემონტაჟი ღონისძიების დასრულების შემდეგ;
– სცენის და აპარატურის ტრანსპორტირება ღონისძიების ადგილიდან.

2024 წლის 28 სექტემბერი.

შენიშვნა: გარკვეული მიზეზების გამო წინამდებარე ღონისძიების გაუქმების, ან გადადების შემთხვევაში, შესაძლებელი უნდა იყოს მომსახურების მიღება 2024 წლის 30 დეკემბრის ჩათვლით შემსყიდველის მოთხოვნის შესაბამისად.

მომსახურების გაწევა უნდა განხორციელდეს ქ. თბილისში, ჩოლოყაშვილის გამზ. №3/5-ში მდებარე „E" კორპუსის შიდა ეზოს ტერიტორიაზე.

მომსახურების ხარისხიანი შესრულების აუცილებლობიდან გამომდინარე, მომსახურების გაწევის პროცესში ჩართული პერსონალი (ხმის/გახმოვანების რეჟისორი და განათების რეჟისორი) უნდა იყვნენ შესაბამისი გამოცდილების მქონე − თითოეულს შესრულებული უნდა ჰქონდეს სულ მცირე 5 პროექტი.

ზემოაღნიშნულის დადასტურების მიზნით, სახელმწიფო შესყიდვების ერთიანი ელექტრონული სისტემის მეშვეობით წარმოდგენილი უნდა იქნეს მომსახურების გაწევის პროცესში ჩართული პირების შრომითი ბიოგრაფია (CV), სადაც მითითებული უნდა იყოს მათ მიერ განხორციელებული პროექტები, დამკვეთის მითითებით.

შესყიდვის ობიექტის თავისებურების გათვალისწინებით (შესყიდვის ობიექტი არ მოითხოვს პრეტენდენტებისგან დამატებითი მატერიალური რესურსების სხვა მიმწოდებლებისგან შეძენას და აქედან გამომდინარე, დამატებითი ხარჯების გაწევას. ასეთ შემთხვევებში პრეტენდენტების ფასწარმოქმნის და ფასდაკლებების პოლიტიკა საკმაოდ მოქნილია), ასევე კონკურენციის გაზრდისა და ხელსაყრელი ფასის მიღების მიზნით, სახელმწიფო შესყიდვების საგენტოს თავმჯდომარის 2017 წლის 14 ივნისის №12 ბრძანებით დამტკიცებული „ელექტრონული ტენდერის ჩატარების წესის“ მე-18 მუხლის მე-5 პუნქტის საფუძველზე, ფასწარმოქმნის ადეკვატურობის დამადასტურებელი დოკუმენტი წინამდებარე ტენდერში არ მოითხოვება.

ანგარიშსწორებისთვის შემსყიდველსა და მიმწოდებელს შორის უნდა გაფორმდეს მიღება-ჩაბარების აქტი. მიმწოდებელი ვალდებულია მიაწოდოს შემსყიდველს შესაბამისი ფინანსური დოკუმენტაცია (საგადასახადო ანგარიშ-ფაქტურა). ანგარიშსწორება განხორციელდება ფაქტიურად გაწეული მომსახურების მიხედვით.

ანგარიშსწორება განხორციელდება მხარეებს შორის მიღება-ჩაბარების აქტის გაფორმებისა და მიმწოდებლის მხრიდან შესაბამისი ფინანსური დოკუმენტაციის (საგადასახადო ანგარიშ-ფაქტურა, არსებობის შემთხვევაში) წარმოდგენიდან 10 (ათი) სამუშაო დღის განმავლობაში.

თამარი მოხევიშვილი, 577189758, tamar.mokhevishvili.1@iliauni.edu.ge

(1) იმ შემთხვევაში, თუ პრეტენდენტის მიერ არ იქნება წარმოდგენილი გასაწევი მომსახურების ხარჯთაღრიცხვა სატენდერო დოკუმენტაციის მოთხოვნების შესაბამისად, ან წარმოდგენილი იქნება განუფასებლად, მოხდება მისი დისკვალიფიკაცია (დაზუსტების გარეშე);
(2) წინამდებარე ტენდერში სატენდერო წინადადების წარმოდგენით, პრეტენდენტი ავტომატურად გამოხატავს თანხმობას, რომ მომსახურება გაწეული იქნება სატენდერო პირობების სრული დაცვით;
(3) სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული „ელექტრონული ტენდერის ჩატარების წესის“ მე-8 მუხლით დადგენილი წესის შესაბამისად;
(4) „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის საფუძველზე, სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი (Pdf ფაილი) უნდა იყოს ხელმოწერილი კვალიფიციური ელექტრონული ხელმოწერით, ან/და დამოწმებული კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, წარმოდგენილი უნდა იქნეს ასევე შესაბამისი მინდობილობა.