Зерновые, картофель, овощи, фрукты и орехи (Грузия - Тендер #57393652)

სხვადასხვა სახის ბურღული - წიწიბურა, ბრინჯი, ლობიო და ბარდა.

წიწიბურა (9 000 კგ)
• დარჩეული, სუფთა;
• ფერი - ღია ყავისფერი, ღია ჩალისფერი;
• მინარევებისა და უცხო სხეულების გარეშე;
• მავნებლების მიერ მიყენებული დაზიანებების გარეშე;
• მთელი მარცვლების წილობრივი მასა უნდა შეადგენდეს არანაკლებ 99% –ს;
• ობისა და სინესტის/სისველის გარეშე;
• პროდუქტისთვის დამახასიათებელი სასიამოვნო სუნის მქონე, არ უნდა დაჰკრავდეს მძაღე, მჟავე ობის, ლპობის სუნი ან გემო;
• მიწოდებული სურსათის დარჩენილი ვარგისიანობის ვადა უნდა იყოს საერთო ვადის არანაკლებ 50%, მაგრამ არანაკლებ 8 თვე.
• შეფუთვა მთლიანობის დაღვევის გარეშე, დაფასოება 20 - 50 კგ-მდე (+-0.4%) ტომრებში (შემსყიდველის მოთხოვნის შესაბამისად);
• ეტიკეტი უნდა იყოს ნაბეჭდი ტომარაზე ან/და ჩაკერებული ძაფით.

ბრინჯი (9 000 კგ)
• გრძელი ან მრგვალი ფორმის (მოთხოვნის შესაბამისად);
• ორთქლში დამუშავებული;
• მინარევებისა და უცხო სხეულების გარეშე;
• მავნებლების მიერ მიყენებული დაზიანებების გარეშე;
• მთელი მარცვლების წილობრივი მასა უნდა შეადგენდეს არანაკლებ 95% –ს
• ობისა და სინესტის/სისველის გარეშე;
• სასიამოვნო, პროდუქტისთვის დამახასიათებელი სუნის მქონე, არ უნდა დაჰკრავდეს მძაღე, მჟავე ობის, ლპობის სუნი ან გემო;
• მიწოდებული საქონლის დარჩენილი ვარგისიანობის ვადა უნდა იყოს საერთო ვადის არანაკლებ 50%, მაგრამ არანაკლებ 4 თვე.
• შეფუთვა მთლიანობის დარღვევის გარეშე, დაფასოება 20 - 25 კგ-მდე ტომრებში (+-0.4%) (შემსყიდველის მოთხოვნის შესაბამისად).
• ეტიკეტი უნდა იყოს ნაბეჭდი ტომარაზე ან/და ჩაკერებული ძაფით.

ლობიო (12 000 კგ)
• თითოეული მოწოდებული პარტია უნდა იყოს ახალი, დარჩეული, (არ უნდა იყოს დამსხვრეული და არ უნდა შეიცავდეს უცხო მინარევებს),
• ფორმა მრგვალი ან მოგრძო.
• ფერი- მახასიათებელი გარკვეული ნიმუშისთვის (თეთრი ფერის ჯიშის გარდა), არადამახასიათებელი/ სპეციფიკური სუნის გარეშე, ობისა და ნესტის გარეშე.
• მავნებლებით დაბინძურებისა და დაზიანების გარეშე.
• ხარშვის დრო არაუმეტეს 3სთ–ისა, ხარშვისას კანი არ უნდა სცილდებოდეს.
• დაფასოებული მოთხოვნის შესაბამისად 5-50 (+/- 0.4%) კილოგრამიან ტომრებში,
• მოწოდებისას საქონლის შენახვის ვადა არანაკლებ საერთო ვადის 50%.
• ეტიკეტი უნდა იყოს ნაბეჭდი ტომარაზე ან/და ჩაკერებული ძაფით.

ბარდა (3 000 კგ)
• დარჩეული, სუფთა;
• ფერი - ღია ყავისფერი, ღია ჩალისფერი;
• მინარევებისა და უცხო სხეულების გარეშე;
• მავნებლების მიერ მიყენებული დაზიანებების გარეშე;
• მთელი მარცვლების წილობრივი მასა უნდა შეადგენდეს არანაკლებ 99% –ს;
• ობისა და სინესტის/სისველის გარეშე;
• პროდუქტისთვის დამახასიათებელი სასიამოვნო სუნის მქონე, არ უნდა დაჰკრავდეს მძაღე, მჟავე ობის, ლპობის სუნი ან გემო;
• მიწოდებული სურსათის დარჩენილი ვარგისიანობის ვადა უნდა იყოს საერთო ვადის არანაკლებ 50%, მაგრამ არანაკლებ 8 თვე.
• შეფუთვა მთლიანობის დაღვევის გარეშე, დაფასოება 20 - 50 კგ-მდე (+-0.4%) ტომრებში (შემსყიდველის მოთხოვნის შესაბამისად);
• ეტიკეტი უნდა იყოს ნაბეჭდი ტომარაზე ან/და ჩაკერებული ძაფით.


შენიშვნა 1: აღნიშნულ ტენდერში მონაწილეობა იმავდროულად ნიშნავს, რომ პრეტენდენტი თანახმაა სატენდერო დოკუმენტაციის მომსახურების სპეციფიკაციის მოთხოვნების სრულად დაცვით განახორციელოს მომსახურება.

შენიშვნა 2: ტექნიკურ დოკუმენტაციაში მითითებული რაოდენობა არის საორიენტაციო, შესაბამისად შემსყიდველი არ არის ვალდებული მოცემული რაოდენობები აითვისოს სრულად.


სურსათი უნდა აკმაყოფილებდეს საქართველოს კანონმდებლობით დადგენილ მოთხოვნებს. მათ შორის:

სურსათის უვნებლობა, ეტიკეტირება, შეფუთვისა და ტრანსპორტირების პირობები უნდა აკმაყოფილებდეს საქართველოს კანონმდებლობით დადგენილ მოთხოვნებს და მოქმედ სტანდარტებს.

დაფასოებული უნდა იყოს ქარხნული წესით და სათანადოდ ეტიკეტირებული საქართველოს მთავრობის 2016 წლის პირველი ივლისის N301 დადგენილებით დამტკიცებული „მომხმარებლისათვის სურსათის შესახებ ინფორმაციის მიწოდების თაობაზე“ ტექნიკური რეგლამენტის შესაბამისად.

სურსათი ორგანოლეპტიკური, მიკრობიოლოგიური, ქიმიური და სანიტარულ-ჰიგიენური მაჩვენებლებით უნდა შეესაბამებოდეს საქართველოში მოქმედი სურსათის უვნებლობისა და სანიტარულ-ჰიგიენურ მოთხოვნებს.

უნდა აკმაყოფილებდეს „სასურსათო ნედლეულისა და კვების პროდუქტების ხარისხისა და უსაფრთხოების სანიტარული წესებითა და ნორმებით“ (დამტკიცებულია საქართველოს შრომის, ჯანმრთელობისა და სოციალური დაცვის მინისტრის 2001 წლის 16 აგვისტოს N301/ნ ბრძანებით) განსაზღვრულ სანიტარულ მოთხოვნებს საკვები პროდუქციის დამუშავების ეტაპებზე და წარმოებაში პროდუქციის ახალი სახეობის ჩაშვების, მისი გადამუშავების, წარმოების, შენახვის, ტრანსპორტირების, შესყიდვის, ქვეყანაში შემოტანისა და რეალიზაციის დროს (შემდგომში – საკვები პროდუქციის მიმოქცევისას).

უნდა აკმაყოფილებდეს საქართველოს მთავრობის 2014 წლის 15 იანვრის N72 დადგენილებით დამტკიცებული ,,სურსათთან დაკავშირებული ტარის სანიტარულ-ჰიგიენური ნორმების დამტკიცების წესის შესახებ“ ტექნიკური რეგლამენტით განსაზღვრულ მოთხოვნებს სასურსათო პროდუქტის შესაფუთ მასალებსა და ნაკეთობებში ქიმიურ ნივთიერებათა საკონტროლო მაჩვენებლებისა და მიგრაციის დასაშვებ რაოდენობას, რომელიც ზიანს არ აყენებს სურსათს და უვნებელია ადამიანის ჯანმრთელობისათვის.

უნდა აკმაყოფილებდეს საქართველოს მთავრობის 2010 წლის 25 ივნისის N173 დადგენილებით დამტკიცებული ,,სურსათის/ცხოველის საკვების ჰიგიენის ზოგადი წესისა“ და ,,სურსათის/ცხოველის საკვები ჰიგიენის გამარტივებული წესის“ შესახებ ტექნიკური რეგლამენტით დადგენილ მოთხოვნებს, სურსათის/ცხოველის საკვების წარმოების მათ შორის პირველადი წარმოების, გადამუშავებისა და დისტრიბუციის ყველა ეტაპზე.

უნდა აკმაყოფილებდეს საქართველოს მთავრობის 2015 წლის 9 ნოემბრის №567 დადგენილებით დამტკიცებული „სურსათში ზოგიერთი დამაბინძურებლის (კონტამინანტის) მაქსიმალურად დასაშვები ზღვრის შესახებ“ ტექნიკური რეგლამენტით განსაზღვრულ ნორმებს

საქონლის მიწოდება განხორციელდება ხელშეკრულების გაფორმებიდან 2 (ორი) თვის განმავლობაში, კვირაში არაუმეტეს ერთხელ. შემსყიდველის მოთხოვნის შესაბამისად. მოთხოვნის შესახებ მიმწოდებელს ეცნობება მინიმუმ ორი დღით ადრე.

მიწოდების ადგილი: შპს "სახელმწიფო კვებითი უზრუნველყოფა"-ს საწყობები დაბა ვაზიანსა და ქ. ქუთაისში.

პრეტენდენტმა ფასების ცხრილში (დანართი N1) უნდა მიუთითოს შესყიდვის ობიექტის წარმოების ქვეყანა და მწარმოებელი

შენიშვნა: იმ შემთხვევაში, თუ პრეტენდენტი არ მიუთითებს შესყიდვის ობიექტის წარმოების ქვეყანასა და მწარმოებელს დანართ N1-ში, პრეტენდენტი დაზუსტების გარეშე დაექვემდებარება დისკვალიფიკაციას. ასევე, პრეტენდენტის მიერ დაზუსტებული სატენდერო წინადადების წარმოდგენისას (ასეთის არსებობის შემთხვევაში) შემოთავაზებული საქონლის წარმოების ქვეყნისა ან/და მწარმოებლის ცვლილება გამოიწვევს პრეტენდენტის დისკვალიფიკაციას. ამასთან, თუ წარმოების ქვეყნისა და მწარმოებლის შესახებ წარდგენილი ინფორმაცია არასრულყოფილია ან შეიცავს უზუსტობებს, თუმცა პრეტენდენტის მიერ სატენდერო წინადადების სახით წარდგენილი დოკუმენტ(ებ)ის/ინფორმაციის ერთობლიობით, მათი შეფასების, ანალიზისა და ურთიერთშეჯერების საფუძველზე შესაძლებელია შესყიდვის ობიექტის წარმოების ქვეყნისა და მწარმოებლის იდენტიფიკაცია, სატენდერო კომისია უფლებამოსილია მიმართოს პრეტენდენტს აღნიშნულის დაზუსტების მოთხოვნით.

ტენდერში მონაწილე პრეტენდენტს 2023 წლის 01 იანვრიდან წინამდებარე ტენდერის გამოცხადების თარიღამდე უნდა გააჩნდეს ტენდერის სავარაუდო ღირებულების ოდენობის არანაკლებ სრული ღირებულების (ლარის) ადამიანისათვის საკვებად ვარგისი პროდუქტების მიწოდების გამოცდილება.

გამოცდილების დადასტურების მიზნით, პრეტენდეტმა ერთიანი ელქტრონული სისტემის საშუალებით უნდა წარმოადგინოს შემდეგი ინფორმაცია/დოკუმენტ(ებ)ი:
ა) სახელმწიფო შესყიდვების ერთიანი ელექტრონული სისტემის მონაცემები (SPA/NAT/CMR ნომრები, რომელშიც ატვირთული იქნება შესაბამისი დოკუმენტები ან/და ინფორმაცია) (ხელშეკრულების სტატუსი - შესრულებული ხელშეკრულება). ან/და
ბ) აუდიტორული ფირმების ან/და აუდიტორების სახელმწიფო რეესტრში რეგისტრირებული პირის მიერ გაცემული შესაბამისი დასკვნა (დასკვნაში მითითებული უნდა იყოს დასკვნის გამცემი პირის სახელმწიფო რეესტრში რეგისტრაციის ნომერი და აღნიშნული უნდა იძებნებოდეს https://www.saras.gov.ge ვებ-გვერდზე შესაბამის რეესტრში) რომლითაც უნდა დასტურდებოდეს, რომ პრეტენდენტს ზემოაღნიშნული პერიოდის განმავლობაში გააჩნია მოთხოვნილი ღირებულების ადამიანისათვის საკვებად ვარგისი პროდუქტების მიწოდების გამოცდილება. ან/და
გ) ხელშეკრულებ(ები)ა (აღნიშნული უნდა იყოს ბეჭედ დასმული/ან ელექტრონულად ხელმოწერილი (არსებობის შემთხვევაში) და ხელმოწერილი შესაბამისი უფლებამოსილი პირის მიერ) მითითებული იქნება ხელშეკრულების ნომერი (ასეთის არსებობის შემთხვევაში), გაფორმების თარიღი, შესყიდვის ობიექტის დასახელება, მიწოდებული საქონლის ღირებულება და მიწოდების პერიოდი) და ამ ხელშეკრულების საფუძველზე გაფორმებული მიღება-ჩაბარების აქტ(ებ)ი. ან/და
დ) საგადასახადო დოკუმენტები, სასაქონლო ზედნადები ან/და დადასტურებული საგადასახადო ანგარიშფაქტურა. (უნდა დგინდებოდეს ადამიანისათვის საკვებად ვარგისი პროდუქტ(ებ)ის მიწოდება)

2.7.1. პრეტენდენტი და ასევე, მისაწოდებელი პროდუქტის მწარმოებელი რეგისტრირებული უნდა იყოს ეკონომიკურ საქმიანობათა რეესტრში ან განაცხადი უნდა ჰქონდეს გაკეთებული აღნიშნულ რეესტრში რეგისტრაციის ან/და რეგისტრაციის ვადის გაგრძელების მიზნით, საქართველოს კანონმდებლობით დადგენილი წესით, სადაც „გამოყენებული ეკონომიკური საქმიანობის სახეების ცნობარ“-ში/საქმიანობის აღწერაში მითითებული იქნება საკვებ პროდუქტებთან დაკავშირებული საქმიანობის სახე/სახეები. აღნიშნული გადამოწმებული იქნება შემსყიდველი კომისიის მიერ საჯარო რეესტრის ეროვნული სააგენტოს ვებ-გვერდზე.
2.7.2.თუ შემოთავაზებული პროდუქტი იმპორტირებულია მაშინ 2.7.1.1 პუნქტის მოთხოვნები არ ვრცელდება მისაწოდებელი პროდუქტის მწარმოებელზე.
2.7.3. თუ შემოთავაზებული საქონელი იწარმოება საქართველოში, პრეტენდენტმა სატენდერო წინადადებასთან ერთად უნდა წარმოადგინოს მისაწოდებელი პროდუქტის მწარმოებელზე საქართველოს მთავრობის 2014 წლის 26 დეკემბრის №722 დადგენილებით დამტკიცებული „ბიზნესოპერატორის აღიარების წესის“ შესაბამისად საქართველოს სოფლის მეურნეობის სამინისტროს სახელმწიფო კონტროლს დაქვემდებარებული სსიპ სურსათის ეროვნული სააგენტოს (შემდგომში - სეს) მიერ მინიჭებული აღიარების/პირობითი აღიარების დამადასტურებელი დოკუმენტი ან საქართველოს მთავრობის 2015 წლის 16 ოქტომბრის №533 დადგენილებით დამტკიცებული „სურსათის/ცხოველის საკვების უვნებლობის სახელმწიფო კონტროლის განხორციელების წესის“ შესაბამისად საქართველოს სოფლის მეურნეობის სამინისტროს სახელმწიფო კონტროლს დაქვემდებარებული სსიპ სურსათის ეროვნული სააგენტოს (შემდგომში - სეს) მიერ გაცემული შესაბამისობის შეფასების სერტიფიკატი.
2.7.4. თუ ზემოაღნიშნული დოკუმენტი გაცემულია 2023 წლის 1 ივნისამდე, პრეტენდენტი აგრეთვე ვალდებულია წარმოადგინოს : ა) საწარმოზე 2023 წლის 1 ივნისის შემდეგ უკანასკნელად განხორციელებული ინსპექტირების დამადასტურებელი შესაბამისობის შეფასების აქტი, რომელიც შევსებული და ხელმოწერილი იქნება სურსათის ეროვნული სააგენტოს უფლებამოსილი პირის-ინსპექტორის მიერ. აღნიშნული აქტიდან უნდა დგინდებოდეს, რომ საწარმოს არ აქვს შეუსაბამობა (არც კრიტიკული და არც არაკრიტიკული)

2.9.1. პრეტენდენტმა უნდა გაითვალისწინოს, რომ ხელშეკრულებების გაფორმების შემდეგ:
2.9.2.იმპორტირებული პროდუქტის მოწოდების შემთხვევაში მიმწოდებელი ვალდებულია ყოველ მოწოდებულ პარტიასთან ერთად წარმოადგინოს საქონლის წარმოშობის სერტიფიკატი და ხარისხის დამადასტურებელი დოკუმენტი ან/და შესაბამისობის სერტიფიკატი. ხოლო ადგილობრივი წარმოების შემთხვევაში მხოლოდ ხარისხის დამადასტურებელი დოკუმენტი ან/და შესაბამისობის დეკლარაცია.
2.9.3.მომწოდებელი ვალდებულია შემსყიდველის მოთხოვნის შემთხვევაში (მაგრამ ხელშეკრულების მოქმედების განმავლობაში თითოეულ პროდუქტზე არაუმეტეს ერთჯერ ) 10 სამუშაო დღეში წარმოადგინოს სსიპ „ლევან სამხარაულის სახელობის სასამართლო ექსპერტიზის ეროვნული ბიუროს" ან სხვა აკრედიტირებული ორგანიზაციის მიერ გაცემული დასკვნა/წერილი (გამოცდის ოქმით) პროდუქტის ორგანოლეპტიკური, ფიზიკო-ქიმიური, მიკრობიოლოგიური და სანიტარულ ჰიგიენური პარამეტრების შესახებ;
2.9.4.ხარისხის დადგენილ სტანდარტებთან შესაბამისობის განსაზღვრის მიზნით, შემსყიდველი ორგანიზაცია უფლებამოსილია, ხელშეკრულების მოქმედების განმავლობაში არაუმეტეს ერთჯერ განახორციელოს საქონლის ნიმუშის აღება და სსიპ „ლევან სამხარაულის სახელობის სასამართლო ექსპერტიზის ეროვნული ბიუროში" ან სხვა აკრედიტირებული ორგანიზაციაში შემოწმება. შემოწმებას უზრუნველყოფს მიმწოდებელი (მათ შორის ხარჯების ანაზღაურებას). ლაბორატორიული შემოწმების ოქმებში მითითებული მაჩვენებლებით უნდა დგინდებოდეს ხელშეკრულების ტექნიკური სპეციფიკაციით მოთხოვნილი მაჩვენებლები და პროდუქცია უნდა აკმაყოფილებდეს საქართველოში მოქმედი შესაბამისი სტანდარტებით განსაზღვრულ ხარისხის და უსაფრთხოების მაჩვენებლებს. თუ პროდუქტის შენახვის პირობებმა შესაძლოა გავლენა მოახდინოს კონკრეტული გამოცდის შედეგებზე, საქონლის ნიმუშის აღება უნდა განხორციელდეს პროდუქტის მიწოდების მომენტში. ასეთ შემთხვევაში, შემსყიდველი ორგანიზაცია უფლებამოსილია მოითხოვოს პროდუქციის შესაბამისობის შემოწმება კონკრეტულ თარიღში (საქონლის ვარგისიანობის ვადაში).
2.9.5. .შემსყიდველი ორგანიზაცია უფლებამოსილია, საკუთარი სახსრებით, ნებისმიერ დროს ჩაატაროს კვლევა თავისი შეხედულებისამებრ.
2.9.6. შემსყიდველის მოთხოვნის შემთხვევაში პრეტენდენტი ვალდებულია ხელშეკრულების გაფორმებამდე წარუდგინოს მას ინფორმაცია იმ პირების შესახებ, ვინც განახორციელებს უშუალოდ საქონლის მიწოდებას. აგრეთვე, იმ სატრანსპორტო საშუალებების შესახებ რომლითაც განხორციელდება საქონლის მიწოდება. აღნიშნული პირების/სატრანსპორტო საშუალების ცვლილების შემთხვევაში მიმწოდებელი ვალდებულია წინასწარ მოახდინოს შემსყიდველის ინფორმირება.

ყველაზე დაბალი ფასის წარმომდგენი მქონე პრეტენდენტი ვალდებულია წარმოადგინოს შემოთავაზებული საქონლის ნიმუშ(ებ)ი, ფასთა ცხრილის თითოეული პოზიციის მიხედვით.
ნიმუშ(ებ)ის წარმოუდგენლობა ან ხარვეზით წარმოდგენა გამოიწვევს პრეტენდენტის დისკვალიფიკაციას სატენდერო პროცედურებიდან.

შპს „სახელმწიფო კვებითი უზრუნველყოფა“-ს ოფისი ქ. თბილისი, თემქა, მე-9 კვარტალი.

იმ შემთხვევაში, თუ ყველაზე დაბალი წინადადების ფასის მქონე პრეტენდენტის მიერ ელექტრონული ვაჭრობის შედეგად დაფიქსირებული წინადადების საბოლოო ფასი 20%-ით ან მეტით ნაკლებია შესყიდვის ობიექტის სავარაუდო ღირებულებაზე, სატენდერო კომისია პრეტენდენტისგან ითხოვს ფასწარმოქმნის ადეკვატურობის დამადასტურებელი დოკუმენტ(ებ)ის წარდგენას. ფასწარმოქმნის ადეკვატურობა, შესაძლებელია დასაბუთდეს საექსპერტო, აუდიტორული ან/და საშემფასებლო დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას. (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის ან/და ორგანიზაციის შესაბამისი უფლებამოსილების დამადასტურებელი დოკუმენტი). დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი მომწოდებლის დისკვალიფიკაციას.

1. ანგარიშსწორების ფორმა - უნაღდო.

1. ანგარიშსწორება მოხდება შემდეგი წესით: ყოველი თვის 15 (თხუთმეტი) და 30 (ოცდაათი) რიცხვებში ”შემსყიდველი”, „მიმწოდებელს” გადაუხდის წინა (ბუღალტრული ურთიერთშედარებიდან შემდგომ ურთიერთშედარებამდე ან/და მიღება ჩაბარების გაფორმებიდან) პერიოდში მიწოდებული საქონლის ღირებულებას სრულად, აღნიშნულ თარიღებამდე 5 (ხუთი) დღით ადრე მხარეთა შორის ურთიერთშედარების აქტის გაფორმების შემთხვევაში და მოცემულ აქტში მითითებული დავალიანების შესაბამისად.
2. თუ მოცემული ანგარიშსწორების დღე(ებ)ი ემთხვევა არასამუშაო დღე(ებ)ს, ანგარიშსწორება განხორციელდება მომდევნო სამუშაო დღეს

სალომე რევაზიშვილი, 595892516, srevazishvili@scs.gov.ge

1. პრეტენდენტის მიერ ელ. ტენდერში მონაწილეობის მიღება (წინადადების წარმოდგენა) ნიშნავს, რომ იგი სრულად ეთანხმება შემსყიდველის ელ. ტენდერის დოკუმენტაციით გათვალისწინებულ მოთხოვნებს.
2. ხელშეკრულებაში დაფიქსირებული ფასების შეცვლა დაუშვებელია თუ ამ ცვლილების შედეგად იზრდება ხელშეკრულების საერთო ღირებულება ან უარესდება ხელშეკრულების პირობები “შემყიდველი”-სათვის.
3. ფასების ცხრილში ერთეულის ფასი გამოსახული უნდა იყოს არაუმეტეს მეათასედის სიზუსტით. იმ შემთხვევაში თუ ფასების ცხრილში დაფიქსირებულია მძიმის შემდეგ 3 (სამ) სიმბოლოზე მეტი, ერთეულის ფასად ჩაითვლება მხოლოდ მძიმის შემდეგ სამი სიმბოლო.
4. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნეს ორიგინალის სახით (ასლის შემთხვევაში ნოტარიულად დამოწმებული ასლი) ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
5. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
6. სახელმწიფო შესყიდვების ერთიან ელექტრონულ სისტემაში (შემდგომში-სისტემა) ატვირთული ყველა დოკუმენტზე ან/და ინფორმაციაზე შესრულებული უნდა იყოს კვალიფიციური ელექტრონული ხელმოწერა ან/და დასმული უნდა იყოს კვალიფიციური ელექტრონული შტამპი უფლებამოსილი პირის მიერ (საჭიროების შემთხვევაში ატვირთული უნდა იქნას მინდობილობა ან რწმუნებულება).
7. სახელმწიფო შესყიდვების შესახებ ხელშეკრულების ფორმა და ძირითდი პირობები მოცემულია სატენდერო დოკუმენტაციაში ხელშეკრულების პროექტის სახით, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
8. პრეტენდენტს არა აქვს უფლება წარმოადგინოს ალტერნატიული წინადადება.
9. სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით, მათ შორის ტრანსპორტირების ხარჯი.
10. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
11. იმ შემთხვევაში თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით და პრეტენდენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი/მომსახურება