Автотранспортные услуги (Грузия - Тендер #57167880)

„ამბროლაურის მუნიციპალიტეტის ჰობი განათლების თანაბარი ხელმისაწვდომობის (უფასო სამგზავრო გადაყვანის) ხელშეწყობის პროგრამის“ ფარგლებში სამგზავრო გადაყვანის მომსახურების შესყიდვა.

 წარმოდგენილი პროექტით უნდა განხორციელდეს ამბროლაურის მუნიციპალიტეტის სხვადასხვა პროფილის ჰობი განათლების მიმწოდებელი დაწესებულებების მოსწავლეთა (არაუმეტეს 400 (ოთხასი) მოსწავლე) სატრანსპორტო მომსახურება. მომსახურება ხორციელდება ყოველი კვირის სამუშაო დღეებში, სამი მიმართულებით:
 ა) სოფ. ჭრებალო – ქ. ამბროლაური – სოფ. ჭრებალო. ერთჯერადად არაუმეტეს 40 (ორმოცი) მოსწავლისთვის, დღეში - 1 (ერთი), კვირაში - არაუმეტეს 5 (ხუთი) სამგზავრო გადაყვანა;
 ბ) სოფ. ურავი – ქ. ამბროლაური - სოფ. ურავი. ერთჯერადად არაუმეტეს 20 (ოცი) მოსწავლისთვის, დღეში - 1 (ერთი), კვირაში - არაუმეტეს 5 (ხუთი) სამგზავრო გადაყვანა;
 გ) სოფ. ნიკორწმინდა – ქ. ამბროლაური - სოფ. ნიკორწმინდა. ერთჯერადად არაუმეტეს 20 (ოცი) მოსწავლისთვის, დღეში - 1 (ერთი), კვირაში - არაუმეტეს 5 (ხუთი) სამგზავრო გადაყვანა.
 მომსახურება ხორციელდება 2024 წლის (07 ოქტომბერი - 26 დეკემბერი) განმავლობაში სპეციალური რეისებით. მომსახურების დაზუსტებული მარშრუტები და გრაფიკები მიწოდებული იქნება შემსყიდველის მიერ. თითოეული მიმართულებისთვის სატრანსპორტო საშუალება უნდა შეირჩეს ნაკადის მოცულობის შესაბამისად.
 წარმოდგენილი პროექტის ფარგლებში ასევე ხორციელდება ქვეყნის მასშტაბით გასამართ სხვადასხვა შინაარსის მქონე ღონისძიებებში მონაწილე, მუნიციპალიტეტში მცხოვრები ახალგაზრდების სატრანსპორტო მომსახურება. შემსყიდველის წერილობითი მიმართვის საფუძველზე, ბენეფიციარების მომსახურება უნდა განხორციელდეს მგზავრობის საბაზრო ტარიფის შესაბამისად, რისთვისაც განსაზღვრულია - 1100 (ათას ასი) ლარის ოდენობით.
 მომწოდებელმა უნდა უზრუნველყოს ყველა სატრანსპორტო ოპერაციის და პროცედურის (სათანადო დოკუმენტაციის მომზადება, სატრანსპორტო საშუალების გამართული მდგომარეობა, სანიტარული ნორმების დაცვა და ა. შ.) განხორციელება მგზავრთა დროული და უსაფრთხო გადაყვანისათვის.
 ანგარიშსწორება მოხდება უნაღდო ანგარიშსწორების ფორმით, ეროვნულ ვალუტაში და განხორციელდება ფაქტობრივად გაწეული მომსახურების ღირებულების ოდენობით - მომსახურების გაწევის შესახებ სათანადო დოკუმენტაციის (განცხადება მუნიციპალიტეტის მერის სახელზე, მიღება–ჩაბარების აქტი) წარმოდგენიდან 10 (ათი) სამუშაო დღის ვადაში.
მომსახურების გაწევის პროცესში ავტოსატრანპორტო საშუალება უნდა იყოს ტექნიკურად გამართულ და სუფთა მდგომარეობაში;
პასუხისმგებლობა სატრანსპორტო საშუალების ტექნიკური გამართულობის შესახებ ეკისრება „მიმწოდებელს“.
იმ შემთხვევაში, თუ მგზავრობის დროს ტრანსპორტი გამოვა მწყობრიდან პრეტენდენტმა უნდა უზრუნველყოს მწყობრიდან გამოსული ტრანსპორტის ჩანაცვლება სხვა გამართული ტრანსპორტით, ისე რომ არ შეფერხდეს დაგეგმილი მომსახურება.
ფასების ცხრილში მოცემული მომსახურება შესაძლებელია სრულად არ შეისყიდოს „შემსყიდველმა“ და ანგარიშსწორება განხორციელდება ფაქტიურად გაწეული მომსახურების შესაბამისად, ერთეულის ღირებულების შეუცვლელად.

მომსახურება ხორციელდება 2024 წლის 07 ოქტომბრიდან 26 დეკემბრის ჩათვლით.

მომსახურება უნდა განხორციელდეს ამბროლაურის მუნიციპლიტეტის ტერიტორიაზე და ქვეყნის მასშტაბით, ტექნიკური დავალების შესაბამისად.

1. პრეტენდენტს ბოლო ხუთი წლის განმავლობაში უნდა ჰქონდეს ანალოგიური მომსახურების გაწევის გამოცდილება.
2. ინფორმაცია გამოცდილების შესახებ წარმოდგენილი უნდა იყოს დანართი N3–ის შესაბამისად;
3. პრეტენდენტი ვალდებულია წარმოადგინოს, საანგარიშო პერიოდში ანალოგიური სამუშაოების გამოცდილების დამადასტურებელი, მხარეთა მიერ ხელმოწერილი დოკუმენტები: ხელშეკრულებები და მათი შესრულების დამადასტურებელი დოკუმენტები: მიღება-ჩაბარების აქტები, ფორმა №2-ები; სახელმწიფო შესყიდვის შესახებ ხელშეკრულებ(ებ)ის არსებობის შემთხვევაში თუ მოცემული დოკუმენტები ატვირთულია სახელმწიფო შესყიდვების ერთიან ელექტრონულ სისტემაში საკმარისია შესაბამისი განცხადების ნომრ(ებ)ის (SPA, NAT, DAP, CMR) წარმოდგენა.

პრეტენდენტს ტენდერით გათვალისწინებული სამუშაოების შესასრულებლად უნდა გააჩნდეს საკუთარი ან საქართველის სამოქალაქო კოდექსით ნებადართული ან აუკრძალავი ნებართვის ფორმით (ქირა, თხოვება და ა.შ.) თანამედროვე ტექნიკური მოთხოვნების ავტოტრანსპორტი. ინფორმაცია წარმოდგენილი უნდა იქნას დანართი №2-ის შესაბამისად. აგრეთვე წარმოდგენილი უნდა იყოს ავტომანქანის (როგორც საკუთარზე, ასევე იჯარით აღებულზე) ტექნიკური პასპორტების, ან/და საკუთრების დამადასტურებელი სხვა დოკუმენტის ასლები.
იჯარის შემთხვევაში დამატებით წარმოდგენილი უნდა იყოს აგრეთვე შესაბამისი საიჯარო ხელშეკრულება, რომლის მოქმედების ვადა არ უნდა იყოს ნაკლები ტენდერით გათვალისწინებული მომსახურების გაწევის პერიოდზე.

პრეტენდენტმა ტექნიკური დოკუმენტაციის სახით სისტემაში უნდა ატვირთონ შემდეგი დოკუმენტები და ინფორმაცია:
- ფასების ცხრილი
- ინფორმაცია გამოცდილების შესახებ
- ინფორმაცია სატრანსპორტო საშუალების ფლობის და მდგომარეობის შესახებ
- ავტოტრანსპორტის ტექნიკური პასპორტი;
- იჯარის შემთხვევაში დამატებით წარმოდგენილი უნდა უყოს აგრეთვე შესაბამისი საიჯარო ხელშეკრულება.

იმ შემთხვევაში, თუ ტენდერში ელექტრონული ვაჭრობის შედეგად ყველაზე დაბალი ფასის მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტმა უნდა დაასაბუთოს ფასწარმოქმნის ადეკვატურობა ან/და ამ ფასად ტენდერით გათვალისწინებული ვალდებულების შესრულების შესაძლებლობა, შესაბამისი უფლებამოსილი პირის მიერ გაცემული საექსპერტო დადებითი დასკვნით. ფასწარმოქმნის ადეკვატურობის დამადასტურებელი დოკუმენტით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან(ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტის ასლი.

ანგარიშსწორება მოხდება უნაღდო ანგარიშსწორების ფორმით, ეროვნულ ვალუტაში და განხორციელდება ფაქტობრივად გაწეული მომსახურების ღირებულების ოდენობით.

მომსახურების გაწევის შესახებ სათანადო დოკუმენტაციის (განცხადება მუნიციპალიტეტის მერის სახელზე, მიღება-ჩაბარების აქტი) წარმოდგენიდან 10(ათი) სამუშაო დღის განმავლობაში.

ფატიმა კერესელიძე, 514857788, kereselidzepatima@gmail.com

1. სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის “შესაბამისად.
2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. იმ შემთხვევაში თუ ტენდერში მონაწილე პირი უცხოეთის მოქალაქეა ან უცხოეთში რეგისტრირებული იურიდიული პირია, აუცილებელია წარმოდგენილ იქნას პირის ადმინისტრაციული ორგანოებიდან წარმოსადგენი სარეგისტრაციო/უფლებრივი მონაცემების ამსახველი დოკუმენტები. აღნიშნული დოკუმენტები დამოწმებული უნდა იყოს კანონმდებლობით დადგენილი წესით (ლეგალიზებული ან აპოსტილით დამოწმებული) და მას თან უნდა ერთვოდეს ნოტარიულად დამოწმებული ქართული თარგმანი.
3. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და/ან ინფორმაცია ხელმოწერილი და/ან ბეჭედდასმული (ბეჭდის არსებობის შემთხვევაში) უნდა იქნას უფლებამოსილი პირის მიერ (საჭიროების შემთხვევაში, ატვირთული უნდა იქნას მინდობილობა ან რწმუნებულება). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელმოწერისათვის გაცემული მინდობილობა.
4. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
5. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
6. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით.
7. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი ტექნიკური დოკუმენტაციის 1.3 პუნქტით გათვალისწინებული ფასების ცხრილი (ხარჯთაღრიცხვა) ან წარდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.
8. პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები (მაგ., ფასების ცხრილი, ინფორმაცია საკუთარი გამოცდილების შესახებ, საგარანტიო პირობები და ა.შ.). დაამოწმოს/დაადასტუროს კვალიფიციური ხელმოწერით/კვალიფიციური შტამპით.
აღნიშნულისთვის პრეტენდენტს აქვს ორი შესაძლო გზა:
• ყველა PDF დოკუმენტი სათითაოდ დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით;
• გააერთიანოს წარსადგენი დოკუმენტები ერთ PDF ფაილად, ხოლო თუ ერთი ფაილის ზომა აღემატება 20 მეგაბაიტს – რამდენიმე PDF ფაილად და ის/ისინი დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით;