Оборудование, применяемое при чрезвычайных обстоятельствах, и средства защиты (Грузия - Тендер #56910553)

ლუქებისა (პლომბები) და ლუქის მავთულის შესყიდვა.

იხილეთ ტექნიკური დოკუმენტაცია

საქონლის მიწოდება განხორციელდება ხელშეკრულების გაფორმებიდან 70 კალენდარული დღის განმავლობაში.

1.საქონელი უნდა აკმაყოფილებდეს სატენდერო დოკუმენტაციის 1.2 მუხლით განსაზღვრულ ტექნიკურ პარამეტრებს.
2. საქონლის მიწოდება უნდა განხორციელდეს მიმწოდებლის ხარჯით შემდეგ მისამართზე: ქ. გორი, ცხინვალის გზატკეცილი მე-3 კილომეტრი შპს „საქართველოს გაერთიანებული წყალმომარაგების კომპანიის“ ცენტრალური საწყობი.
3. მიმწოდებელი ვალდებულია გადასცეს შემსყიდველს უფლებრივად და ნივთობრივად უნაკლო ახალი (ექსპლუატაციაში არ მყოფი) საქონელი.

შემოთავაზებულ საქონელზე პრეტენდენტმა უნდა წარმოადგინოს ინფორმაცია წარმოშობის ქვეყნის შესახებ, ფასთა ცხრილის (დანართი N1) შესაბამისად.

შენიშვნა: პრეტენდენტის მიერ, „წინადადებების მიღება დასრულებულია“ ეტაპზე, შემოთავაზებული საქონლის წარმოშობის ქვეყნის შესახებ სატენდერო წინადადების ფარგლებში ინფორმაციის წარმოუდგენლობა ან ფასების ცხრილის წარმოუდგენლობა ან ფასების ცხრილის განუფასებლად წარდგენა გამოიწვევს სატენდერო პროცედურებიდან პრეტენდენტის დისკვალიფიკაციას დაზუსტების მექანიზმის გამოყენების გარეშე. ასევე, პრეტენდენტის მიერ დაზუსტებული სატენდერო წინადადების წარმოდგენის შემდგომ შემოთავაზებული საქონლის წარმოშობის ქვეყნის ცვლილება გამოიწვევს პრეტენდენტის დისკვალიფიკაციას.

მიმწოდებელმა უნდა წარმოადგინოს შესყიდვის ობიექტის ნიმუში შპს „საქართველოს გაერთიანებული წყალმომარაგების კომპანიის“ ცენტრალურ ოფისში, მისამართზე: ქ. თბილისი, ვაკის რაიონი, ანა პოლიტკოვსკაიას№5 და №7, სამუშაო საათებში (დილის ცხრა საათიდან საღამოს 18:00 საათამდე). ნიმუშის დადგენილ ვადაში წარმოუდგენლობა ან სატენდერო პირობებთან ან/და ტექნიკურ დოკუმენტაციასთან შეუსაბამობა სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული ,,ელექტრონული ტენდერის ჩატარების წესის“ 28-ე მუხლის მე-6 პუნქტის შესაბამისად გამოიწვევს პრეტენდენტის დისკვალიფიკაციას ამავე წესის 32-ე მუხლის პირველი პუნქტის „დ“ ქვეპუნქტის საფუძველზე. პრეტენდენტის მიერ წარმოდგენილი შესყიდვის ობიექტის ნიმუში დაზუსტებას არ ექვემდებარება. პრეტენდენტს შესყიდვის ობიექტის ნიმუში დაუბრუნდება გონივრულ ვადაში

შპს „საქართველოს გაერთიანებული წყალმომარაგების კომპანიის“ ცენტრალურ ოფისის მისამართზე: ქ. თბილისი, ვაკის რაიონი, ანა პოლიტკოვსკაიას №5 და №7, სამუშაო საათებში (დილის ცხრა საათიდან საღამოს 18:00 საათამდე);

წინამდებარე ტენდერში არ იქნება მოთხოვნილი ფასწარმოქმნის ადეკვატურობის დასაბუთება, რადგან შესყიდვის ობიექტის თავისებურებებიდან გამომდინარე, მსგავსი საქონლის ფასის წარმოქმნის მექანიზმი დამოკიდებულია კონკრეტული მიმოწოდებელ ორაგანიზაციის ინდივიდუალურ ბიზნეს გადაწყვეტილებაზე, პარტნიორულ ურთიერთობებზე, მიწოდების ვადებზე, შეკვეთის ზომაზე / მოცულობაზე და სხვა გარემოებებზე, რაც პოტენციურად შესაძლებელს ხდის საქონლის მიწოდებას სავარაუდო ღირებულებაზე 20%-ით ნაკლებ ფასად.

ანგარიშსწორება განხორციელდება ფაქტობრივად მიწოდებული საქონლის შესაბამისად, მიღება-ჩაბარების აქტის, ინსპექტირების აქტის (დადებითი დასკვნით), სასაქონლო ზედნადებისა და საგადასახადო ანგარიშფაქტურის (დღგ-ს გადამხდელის შემთხვევაში) მიმწოდებლის მიერ წარმოდგენის შემდეგ.

ანგარიშსწორება განხორციელდება მიმწოდებლის მიერ ანგარიშსწორებისათვის საჭირო დოკუმენტაციის წარმოდგენიდან 10 (ათი) სამუშაო დღის ვადაში.

ანა შენგელია, 555397818, a.shengelia@water.gov.ge

1. სახელმწიფო შესყიდვების ერთიან ელექტრონულ სისტემაში (შემდგომში – „სისტემა“) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული "ელექტრონული ტენდერის ჩატარების წესის“ შესაბამისად;
2. პრეტენდენტს არ აქვს უფლება წარმოადგიმოს ალტერნატიული სატენდერო წინადადება;
3. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე, რომელშიც, თარგმანის სისწორე ან/და მთარგმნელის ხელმოწერის ნამდვილობა დამოწმებული უნდა იყოს ნოტარიული წესით;
4. სახელმწიფო შესყიდვების ერთიან ელექტრონულ სისტემაში ატვირთული, პრეტენდენტის მიერ შექმნილი,დოკუმენტები ან/და ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
5. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად;
6. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი სატენდერო დოკუმენტაციის 1.3 მუხლის გათვალისწინებული ფასების ცხრილი, ან ის წარმოდგენილი იქნება განუფასებლად (გარდა იმ შემთხვევისა, თუ წარდგენილ ხარჯთაღრიცხვაში განუფასებელი პოზიცი(ებ)ის რაოდენობა არ აღემატება განსაფასებელი პოზიციების 1%-ს).