Услуги по исследованию рынка и экономики, опросы и статистика (Грузия - Тендер #56910520)

კიბოს სკრინინგის საკითხებზე მოსახლეობის საგანმანათლებლო და ცნობიერების ამაღლების კამპანიის მომსახურების (შემდგომში „მომსახურება“) შესყიდვა - CPV79300000“ბაზრის კვლევა და ეკონომიკური კვლევა; გამოკითხვები და სტატისტიკა”

შესყიდვის ობიექტს წარმოადგენს „ჯანმრთელობის ხელშეწყობის“ 2024 წლის სახელმწიფო პროგრამის კომპონენტის მუხლი 6. „ჯანმრთელობის ხელშეწყობის საკითხების და ჯანმრთელობის დაცვის სახელმწიფო პროგრამების ფარგლებში არსებული სერვისების პოპულარიზაცია და გაძლიერება“ ფარგლებში კიბოს სკრინინგის საკითხებზე მოსახლეობის საგანმანათლებლო და ცნობიერების ამაღლების კამპანიის (შემდგომში „მომსახურება“) განხორციელება ტექნიკური დავალების დანართის შესაბამისად.

შესყიდვის ობიექტის მიზნები და ამოცანები:
მიზანი
წინამდებარე დოკუმენტი ზოგადად განსაზღვრავს ტექნიკურ დავალებას მომწოდებლისათვის, რომელიც დკ&სჯეც მიერ შეთავაზებულ სტრატეგიაზე დაყრდნობით ჯანმრთელობის ხელშეწყობის სახელმწიფო პროგრამის ფარგლებში დაგეგმავს და განახორციელებს კიბოს პრევენციული ღონისძიებების პოპულარიზაციასა და საინფორმაციო მხარდაჭერას და ადამიანის პაპოლომავირუსის საწინააღმდეგო ვაქცინაციის ხელშეწყობას საინფორმაციო, საგანმანათლებლო და საკომუნიკაციო კამპანიის გზით.
კამპანიის მიზანია მოსახლეობის ცნობიერების ამაღლება და მობილიზაცია ქვეყნის მასშტაბით კიბოს სკრინინგისა პროგრამაში და აპვ ვაქცინაციაში სამიზნე პოპულაციის ჩართულობის გაზრდის ხელშეწყობის მიზნით.

ამოცანები:
• მოსახლეობის მობილიზაცია და სკრინინგ აქციები - ადგილობრივი მთავრობის, პირველადი ჯანდაცვის ცენტრებისა და საზოგადოებრივი ჯანმრთელობის მუნიციპალური ცენტრების წარმომადგენლების მონაწილეობით თითოეულ მუნიციპალიტეტში (მ.შ. ორგანიზებულ დაწესებულებებში და ეთნიკურ უმცირესობათა პოპულაციაში) აპვ ვაქცინაციის საინფორმაციო და კიბოს საინფორმაციო და სკრინინგ აქციების ორგანიზება და მედია გაშუქება.
• თემზე დაფუძნებული საკომუნიკაციო და კრეატიული საპოპულარიზაციო აქტივობების განხორცილება პაციენტთა სათემო ორგანიზაციის ჩართულობით თემის ადვოკატირების, დაინტერესებულ მხარეთა ფართო ჯგუფის (მ.შ. სამედიცინო პერსონალი, მედია, თემის ლიდერები, სათემო ორგანიზაციების წარმომადგენლები, სხვ.) მხარდაჭერის მოპოვებისა და პარტნიორობის გაუმჯობესების მიზნით.
• საგანმანათლებლო კამპანის მედია ადვოკატირების და სოციალური მედიის მეშვეობით.
• საპოპულარიზაციო და საგანმანათლებლო მასალების შემუშავება, ბეჭდვა და გავრცელება (მ.შ. განთავსების უზრუნველყოფა) და რეკლამირება სოციალურ მედიაში; მასალების ნაწილი უნდა მომზადდეს ეთნიკური უმცირესობისათვის (აზერბაიჯანულ და სომხურ ენებზე).
სამიზნე აუდიტორია:
ზოგადი პოპულაცია
კიბოს სკრინინგის პროგრამის სამიზნე აუდიტორია
40-70 წლის ასაკის ქალები (ძუძუს კიბოს სკრინინგი).
25-60 წლის ასაკის ქალები (საშვილოსნოს ყელის კიბოს სკრინინგი)
50-70 წლის ასაკის ქალები და მამაკაცები (მსხვილი ნაწლავის კიბოს სკრინინგი)
მოწყვლადი ჯგუფები (მ.შ. სოციალურად დაუცველები, ეთნიკური უმცირესობის წარმომადგენლები)
სამედიცინო პერსონალი

კამპანიაში ასახული უნდა იყოს დაავადებათა კონტროლისა და საზოგადოებრივი ჯანმრთელობის ეროვნული ცენტრის, ჯანმრთელობის მსოფლიო ორგანიზაციის (WHO), აშშ-ს დაავადებათა კონტროლისა და პრევენცის ცენტრების (CDC) და სხვა კომპეტენტური ორგანიზაციების რეკომენდაციები.

შენიშვნა:
“შემსყიდველი“ უზრუნველყოფს კამპანიისათვის საჭირო ლოგოებისა და კამპანიის დაგეგმისთვის ჩვენს ხელთ არსებული კვლევის ანგარიშით; ასევე ყველა საჭირო საკონსულტაციო შეხვედრას;
„შემსყიდველსა“ და „მიმწოდებელს“ შორის წინასწარ ხდება შეთანხმება ჩასატარებელი/განსახორციელებელი ღონისძიებებისა და აქტივობების ყველა დეტალზე, მ.შ. გამოსაყენებელი ტექსტის/დიზაინის/სამოქმედო გეგმის/მულტიმედურ მასალაზე.
შემსყიდველსა“ და „მიმწოდებელს“ შორის წინასწარ ხდება შეთანხმება შინაარსის და მახასიათებლების შესახებ: საბეჭდი მასალის, საპრეზენტაციო მასალის, კამპანიის საკომუნიკაციო სტრატეგიისა და სტრატეგიული გეგმის შესახებ;
“მიმწოდებელი”უზრუნველყოფს გამოყენებული მასალების ავთენტურობას და ინტელექტუალური საკუთრების დაცვას;
“მიმწოდებელი” უზრუნველყოფს დამკვეთის საავტორო უფლებების დაცვას „საქართველოს კანონის საავტორო უფლებების შესახებ“ დაცვით


დეტალურად იხილეთ ტექნიკური დავალების ცხრილი

„მომსახურების“ მიწოდება განხორციელდება ხელშეკრულების გაფორმებიდან 2024 წლის 20 დეკემბრის ჩათვლით.

მიმწოდებელი ვალდებულია წარმოადგინოს შემდეგი შესრულებული სამუშაო:
1. კამპანიის განხორციელების დეტალური სამოქმედო გეგმა და მეთოდოლოგია;
2. შეხვედრების და აქციების ამსახველი ფოტო-მასალა;
3. შეხვედრის მონაწილეთა სია, შეხვედრების ოქმები;
4. შეხვედრების საპრეზენტაციო მოდული (ასეთის არსებობის შემთხვევაში);
5. სკრინინგ აქციებში მონაწილე პირთა რაოდენობა;
6. სოციალური მედიის მულტიმედიური მასალა ფბ ანალიტიკსით;
7. კამპანიის ფარგლებში მომზადებული მედია სიუჟეტები;
8. კამპანიის აქტივობების ამსახველი პროფესიონალური, პროგრამულად დამუშავებული 60 ფოტო;
9. მასალების თარგმანი სომხურ და აზერბაიჯანულ ენებზე;
10. ბეჭდური მასალა ტექნიკური დავალების დანართის შესაბამისად;
11. ყოველთვიური პროგრამული ანგარიშები ელექტრონულად შესაბამისი დანართებით
12. შემაჯამებელი პროგრამული ანგარიში წლის ბოლოს 2 ც მეხსიერების ბარათზე.


მომსახურების გაწევის ადგილი: საქართველო, თბილისი, კახეთის გზატკეცილი #99;

1. პრეტენდენტს/ქვეკონტრაქტორს 2022 წლის 1 იანვრიდან ტენდერის გამოცხადების თარიღამდე პერიოდში უნდა გააჩნდეს მარკეტინგული, სარეკლამო მომსახურების ან/და საგანმანათლებლო/საინფორმაციო კამპანიების განხორციელების ჯამურად არანაკლებ 100 000 ლარის ღირებულების, მომსახურების შესრულების გამოცდილება, მ.შ. საკომუნიკაციო კამპანიების და კამპანიის ბრენდინგის დაგეგმვის, მართვის და განხორციელების გამოცდილება, დადასტურებული დანართი #2 -ის შესაბამისად, ამასთან:
ა. იმ შემთხვევაში თუ პრეტენდენტის მიერ გაწეული ანალოგიური გამოცდილების შესახებ ინფორმაცია იძებნება სახელმწიფო შესყიდვების ერთიან ელექტორნულ სისტემაში, პრეტენდენტმა უნდა წარმოადგინოს ინფორმაცია SPA /NAT/ CMR ან სხვა სახელმწიფო შესყიდვის საშუალების ნომრების მითითებით (დანართი N2-ის შესაბამისად).

ბ. იმ შემთხვევაში თუ შესყიდვის ხელშეკრულება და შესრულების დამადასტურებელი დოკუმენტაცია არ იძებნება სახელმწიფო შესყიდვების ერთიან ელექტრონულ სისტემაში, გამოცდილების დადასტურების მიზნით, პრეტენდენტმა უნდა წარმოადგინოს ანალოგიური გამოცდილების შესახებ ინფორმაცია (დანართი N2-ის შესაბამისად CON, SPA, NAT ან CMR ნომრების მითითების გარეშე),

მიმწოდებლისა და შემსყიდველის მიერ ორმხრივად ხელმოწერილი, რომელიც უნდა იყოს დამოწმებული კვალიფიციური ხელმოწერით ან კვალიფიციური შტამპით

ან/და
გამოცდილების დადასტურების მიზნით, პრეტენდენტმა უნდა წარმოადგინოს ანალოგიური გამოცდილების შესახებ დამადასტურებელი შესაბამისი დოკუმენტაცია/ინფორმაცია.

2. წარმოდგენილი უნდა იქნას პროგრამის განხორციელების მეთოდოლოგია და გეგმა, მათ შორის სოციალური და ტელე მედია კამპანიების, საკომუნიკაციო აქტივობების განხორციელების სტრატეგია, საკომუნიკაციო არხები და სხვ.
3. წარმოდგენილი უნდა იქნას ინფორმაცია პერსონალის შესახებ, კერძოდ: პროექტში თითოეული სპეციალისტის ჩართულობა, ჩართულობის ხარისხი (განაკვეთი), ფუნქცია-მოვალეობები, პასუხისმგებლობები უნდა იყოს აღწერილი და დასაბუთებული.
4. მოთხოვნა პრეტენდენტის და არსებობის შემთხვევაი ქვეკონტარაქტორის ინტერესთა კონფლიქტის არქონის შესახებ:
• ინტერესთა კონფლიქტის არქონა თამბაქოს ინდუსტრიასთან - თამბაქოს კონტროლის კანონმდებლობის ახალი რეგულაციების ამოქმედებიდან (2018 წ. 1 მაისი) არ მიუღია დაფინანსება და/ან არ ქონია რაიმე სხვა სახის კონტრიბუცია/თანამშრომლობა თამბაქოს ინდუსტრიასთან (იმპორტიორი, ექსპორტიორი და მწარმოებელი კომპანიები) ან ინდუსტრიასთან ასოცირებულ ორგანიზაციებთან, მ.შ. თამბაქოს ზიანის შემცირების მიმართულებით; ინფორმაციის დამადასტურებელი წერილი ხელმოწერით.
• ინტერესთა კონფლიქტის არქონა აზარტული თამაშების ინდუსტრიასთან - ახალი რეგულაციების ამოქმედებიდან (2022 წლის 1 მარტიდან) არ მიუღია დაფინანსება და/ან არ ქონია რაიმე სხვა სახის კონტრიბუცია/თანამშრომლობა აზარტული თამაშების ინდუსტრიასთან ან ინდუსტრიასთან ასოცირებულ ორგანიზაციებთან. ინფორმაციის დამადასტურებელი წერილი ხელმოწერით.

1. პერსონალის ნაწილს (ორი ან მეტი) უნდა გააჩნდეს მაგისტრის ხარისხი მარკეტინგის ან/და სოციალური მარკეტინგის მიმართულებით. დადასტურებული შესაბამისი აკრედიტებული უმაღლესი საგანმანათლებლო დაწესებულების მიერ გაცემული დიპლომებით.
2. პერსონალის ნაწილს (ორი ან მეტი) უნდა გააჩნდეს კამპანიის ბრენდინგის დაგეგმვის, მართვის და განხორციელების სულ მცირე 1 წლიანი გამოცდილება,
3. გუნდში აუცილებელია: სოციალური მედიის ქონთენთ მენეჯერი და გრაფიკული დიზაინერი - თითოეული მინ 1 წლიანი გამოცდილებით.
4. ტენდერში მონაწილე ორგანიზაციას/სამუშაო ჯგუფს/ქვეკონტრაქტორს უნდა გააჩნდეს ჯანმრთელობის საკითხებზე ფართომაშტაბიანი (თბილისი და სულ მცირე 2 რეგიონი) საინფორმაციო კამპანიის (მედია, სოციალური მედია, ღონისძიებების მართვა) დაგეგმვის და განხორციელების დადასტურებული (მ.შ. CV, ელექტრონული ბმულებით ან/და პორტფოლიო ან სხვა დამადასტურებელი ინფორმაციით) გამოცდილება;
5. პერსონალის ნაწილს (ორი ან მეტი) უნდა გააჩნდეს საზოგადოებასთან ურთიერთობის, ან - მაკეტინგს დავტოვებდი მხოლოდ მარკეტინგის სფეროში სულ მცირე 1 წლიანი გამოცდილება; დადასტურებული (მ.შ. CV, ელექტრონული ბმულებით ან/და კონტრაქტების ასლები)
6. პროექტში მონაწილე პერსონალის (≥50% ) უნდა იყოს კიბოსგან განკურნებულ პაციენტთა სათემო ორგანიზაციის წარმომადგენლები.
7. პერსონალიდან ერთ-ერთი აუცილებლად უნდა იყოს კიბოს პრევენციის საკითხებზე მომუშავე სამედიცინო განათლების მქონე პირი აღნიშნულ თემაზე საგანმანათლებლო მასალების შემუშავებისა და ინტერვენციების განხორციელების გამოცდილებით.
8. პერსონალიდან ერთერთს უნდა გააჩნდეს ჯანმრთელობის საკითხებზე მედიადვოკატირების გამოცდილება.

თითოეულ ზემოაღნიშულ კრიტერიუმთან შესაბამისობის დადასტურების მიზნით “პრეტენდენტმა” უნდა წარმოადგინოს შესაბამისი დოკუმენტაცია/ინფორმაცია, მაგ. ძირითადი პერსონალის აკრედიტებული უმაღლესი საგანმანათლებლო დაწესებულების მიერ გაცემული დიპლომები, სერტიფიკატები, CV/რეზიუმეები, პორტფოლიო, წარსულში განხორციელებული საკომუნიკაციო ან /და მარკეტინგული კამპანიების მასალები/ლინკები. პრეტენდენტის მიერ პერსონალის შესახებ ინფორმაციის წარმოდენა უნდა მოხდეს „პერსონალურ მონაცემთა დაცვის შესახებ“ საქართველოს კანონის დაცვით. CV-ის წარმოდგენის შემთხვევაში, უნდა დაიშტრიხოს პერსონალური მონაცემების შემცველი ინფორმაცია (პირადი ნომერი), ასევე CV ხელმოწერილი უნდა იყოს სუბიექტის მიერ და თან უნდა ახლდეს მონაცემთა სუბიექტის თანხმობა დოკუმემნტის ერთიან ელექტრონულ სისტემაში განთავსებასთან დაკავშირებით.

1. პრეტენდენტი ვალდებულია ქვეკონტრაქტორის არსებობის ან არ არსებობის შემთხვევაში წარმოადგინოს შესაბამისი ინფორმაცია (იმ შემთხვევაში თუ ქვეკონტრაქტორი დაწესებულების დაკონტრაქტება ხდება რეგიონში გასაწევ მომსახურებასთან დაკავშირებით მითითებული უნდა იქნას რეგიონის დასახელება).
2. ქვეკონტრაქტორის არსებობის შემთხვევაში, პრეტენდენტი ვალდებულია წარმოადგინოს ქვეკონტრაქტორის მიერ წერილობითი თანხმობა შესასრულებელი სამუშაოს მოცულობაზე.
3. ქვეკონტრაქტორი არ უნდა იყოს სახელმწიფო შესყიდვების სააგენტოს შავ სიაში რეგისტირებული.
4. იმ შემთხვევაში თუ პრეტენდენტს, ტენდერისათვის „წინადადებების მიღება დასრულებულია“ სტატუსის მინიჭების შემდეგ, წარმოეშობა ქვეკონტრაქტორი, ამის შესახებ წერილობით უნდა აცნობოს „შემსყიდველს“.
5. მიმწოდებელი ვალდებულია წარმოადგინოს ქვეკონტრაქტორთან გაფორმებული ხელშეკრულების ასლი;

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, ფასწარმოქმნის ადეკვატურობის დასაბუსებისათვის პრეტენდენტი ვალდებულია წარმოადგინოს დეტალური კალკულაცია, ჩაშლილად თითოეული აქტივობის გათვალისწინებით (დასაქმებულთა შრომითი ანაზღაურება, შესყიდული საქონელი და ა.შ რაც დაკავშირებულია მომსახურების გაწვასთან).

უნაღდო ანგარიშსწორება მიმწოდებლის საბანკო ანგარიშზე თანხის ჩარიცხვის გზით ფაქტობრივად გაწეული მომსახურების შესაბამისად, ლარში.

ყოველთვიური გაწეული „მომსახურების“ ღირებულების შესაბამისად, მიღება-ჩაბარების აქტის გაფორმებიდან 30 კალენდარული დღის განმავლობაში.

ნინო მარჯანიძე, 593689988, nino.marjanidze@ncdc.ge ელექტრონული ტენდერისთვის ტენდერის სტატუსის „გამოცხადებულია“ მინიჭებიდან ტენდერის სტატუსის „წინადადებების მიღება დაწყებულია“ მინიჭებამდე, სისტემაში „მიმწოდებლად“ რეგისტრირებულ ნებისმიერ მომხმარებელს უფლება აქვს, სისტემაში არსებული „კითხვა-პასუხის“ მოდულის მეშვეობით, მოითხოვოს სატენდერო პირობების კონკრეტული ჩანაწერის განმარტება. სატენდერო კომისია კითხვის დასმიდან არაუგვიანეს მომდევნო სამუშაო დღისა, „კითხვა-პასუხის“ მოდულის მეშვეობით, გააკეთებს შესაბამის განმარტებას. აღნიშნულით შესაძლებელია იხელმძღვანელოს ნებისმიერმა დაინტერესებულმა პირმა.

სახელმწიფო შესყიდვების ერთიან ელექტრონულ სისტემაში სატენდერო წინადადების (ტექნიკური დოკუმენტაციისა და სატენდერო წინადადების ფასი) წარდგენით „პრეტენდენტი“ ავტომატურად გამოხატავს თანხმობას ამ პუნქტის „ა“-„ვ“ ქვეპუნქტებში განსაზღვრულ მოთხოვნებზე:
ა. სატენდერო განცადებითა და დოკუმენტაციითა განსაზღვრულ პირობებზე.
ბ. სატენდერო წინადადებაში საერთო ფასი (ეროვნული ვალუტა) უნდა მოიცავდეს ვალდებულებების შესრულებასთან დაკავშირებულ მიმწოდებლის ყველა ხარჯს და საქართველოს კანონმდებლობით გათვალისწინებულ გადასახადებს.
გ. ანგარიშსწორება მოხდება უნაღდო ანგარიშსწორებით ლარში.
დ. ანგარიშსწორება ,,მიმწოდებელთან“ განხორციელდება ყოველთვიური გაწეული „მომსახურების“ ღირებულების შესაბამისად, მიღება-ჩაბარების აქტის გაფორმებიდან 30 (ოცდაათი) კალენდარული დღის განმავლობაში.
ე. ანგარიშსწორება განხორციელდება ფაქტიურად გაწეული მომსახურების საფუძველზე.
ვ. იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, ფასწარმოქმნის ადეკვატურობის დასაბუსებისათვის პრეტენდენტი ვალდებულია მოთხოვნიდან 2 სამუშაო დღის ვადაში წარმოადგინოს დეტალური კალკულაცია, ჩაშლილად თითოეული აქტივობის გათვალისწინებით (დასაქმებულთა შრომითი ანაზღაურება, შესყიდული საქონელი და ა.შ რაც დაკავშირებულია მომსახურების გაწვასთან).