Отделочные строительные работы (Грузия - Тендер #56910508)

„სანერგე და საჩითილე მეურნეობებში ნერგისა და ჩითილის წარმოება“ ქვეპროგრამის ფარგლებში შუახევის საჩითილე მეურნეობაში არსებული სათბურის სარემონტო/სარეაბილიტაციო სამუშაოების შესყიდვა.

1. „სანერგე და საჩითილე მეურნეობებში ნერგისა და ჩითილის წარმოება“ ქვეპროგრამის ფარგლებში შუახევის საჩითილე მეურნეობაში არსებული სათბურის სარემონტო/სარეაბილიტაციო სამუშაოები, სატენდერო დოკუმენტაციით გათვალისწინებული პირობებისა და თანდართული (მიმაგრებული) საპროექტო-სახარჯთაღრიცხვო დოკუმენტაციის შესაბამისად;
2. სამუშაოების სრული ჩამონათვალი და მოცულობა იხილეთ სატენდერო დოკუმენტაციის დანართი N1-ის სახით.

შენიშვნა:
1. პრეტენდენტს ხარჯთაღრიცხვა - დანართი N1-ის წარმოდგენა მოეთხოვება მხოლოდ Excel-ის ფორმატის ცხრილის სახით, რომელიც არ საჭიროებს ხელმოწერას ან/და ბეჭედს (მათ შორის ელექტრონულ ხელმოწერას ან/და ელექტრონულ შტამპს);
2. ცხრილში ყვითელი ფერით მონიშნულია პრეტენდენტის მიერ შესავსები ველები, დანარჩენი ველები ივსება ავტომატურად;
3. პრეტენდენტმა ხარჯთაღრიცხვის განფასებისას უნდა გაითვალისწინოს თითოეულ ობიექტზე ზღვრული სახარჯთაღრიცხვო ღირებულებები.

სამუშაოს შესრულების ვადაა ხელშეკრულების გაფორმებიდან 45 კალენდარული დღის ჩათვლით.

1. სამუშაოების შესრულების ადგილი - ა(ა)იპ „აგროსერვის ცენტრი“-ს შუახევის სანერგე მეურნეობა, დაბა შუახევი.
2. მიმწოდებელმა უნდა უზრუნველყოს სამუშაოების შესრულება საქართველოში არსებული სამშენებლო სტანდარტების მოთხოვნების შესაბამისად.

1. მიმწოდებელი იძლევა გარანტიას, რომ სამუშაო განხორციელდება საქართველოში მოქმედი ყველა საჭირო სამშენებლო ნორმების, სტანდარტებისა და წესების შესაბამისად.
2. ხელშეკრულებით გათვალისწინებული სარემონტო სამუშაოების საგარანტიო ვადა შეადგენს 1 (ერთი) წელს.
3. საგარანტიო ვადის ათვლა იწყება საბოლოო მიღება-ჩაბარების აქტის გაფორმებიდან.
4. მიმწოდებელი პასუხს აგებს საგარანტიო ვადის განმავლობაში ობიექტზე პროექტით გათვალისწინებულ სარემონტო სამუშაოების ხარისხზე. თუ საგარანტიო ვადის განმავლობაში აღმოჩნდება ხარვეზი ან ნაკლი, მიმწოდებელი იღებს ვალდებულებას საკუთარი ხარჯებით აღმოფხვრას ნებისმიერი ხარვეზი და ნაკლი შემსყიდველის წერილობითი შეტყობინებიდან არაუგვიანეს 15 (თხუთმეტი) კალენდარული დღის ვადაში.
5. საჭიროების შემთხვევაში (ერთჯერადად) შემსყიდველის მოთხოვნიდან არაუმეტეს 20 კალენდარული დღის ვადაში, მიმწოდებელმა უნდა უზრუნველყოს სათბურის ფირის ხელახალი გადაჭიმვა.

ა) ტენდერში მონაწილე პრეტენდენტს 2021 წლის 01 აგვისტოდან სატენდერო წინადადების წარმოდგენის დასრულების თარიღამდე პერიოდში შესრულებული უნდა ჰქონდეს სამშენებლო სამუშაოები საერთო ღირებულებით არანაკლებ 30 000 (ოცდაათი ათასი) ლარის ოდენობით;
ბ) ინფორმაცია წარმოდგენილი უნდა იქნას დანართი N2-ის სახით;
გ) პრეტენდენტმა უნდა წარმოადგინოს სამშენებლო სამუშაოების შესრულების დამადასტურებელი დოკუმენტების ასლები, კერძოდ: ხელშეკრულების ასლ(ებ)თან ერთად მიღება-ჩაბარების აქტ(ებ)ის ასლები და გადახდის დამადასტურებელი დოკუმენტ(ებ)ის ასლები (დადასტურებული საგადასახადო ანგარიშფაქტურა და ა.შ.);
დ) იმ პრეტენდენტებს, რომლებსაც ზემოაღნიშნული სამუშაოები შესრულებული აქვთ სახელმწიფო შესყიდვის ფარგლებში და შესყიდვების ერთიან ელექტრონულ სისტემაში ატვირთულია ყველა ის დოკუმენტაცია სრულყოფილად, რაც მოთხოვნილია წინამდებარე ტენდერის სატენდერო დოკუმენტაციის 2.2.1 პუნქტით, სამუშაოების შესრულების დამადასტურებელი დოკუმენტაციის წარმოდგენა არ არის სავალდებულო და საკმარისია შესაბამისი რეგისტრაციის ნომრების წარმოდგენა (SPA, DAP, NAT, DEP, MEP, TEP, GEO, CMR ან სხვა ასეთის არსებობის შემთხვევაში) მხოლოდ დანართი N2-ის სახით.

ა) თუ ერთიან ელექტრონულ სისტემაში პრეტენდენტის მიერ დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას სსიპ „ლევან სამხარაულის სახელობის სასამართლო ექსპერტიზის ეროვნული ბიუროს“ ან სხვა უფლებამოსილი/აკრედიტებული პირის დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის საქმიანობის კანონმდებლობით გათალისწინებული ფორმით გაცემული უფლებამოსილების დამადასტურებელი დოკუმენტი (უფლებამოსილების/აკრედიტაციის სფერო უნდა ფარავდეს მოთხოვნილ მომსახურებას)). აღნიშნული ექსპერტიზის დასკვნის წარმოუდგენლობა ან მის მიერ წარმოდგენილი დასკვნის შეუსაბამობა სატენდერო პირობებთან ან/და ტექნიკურ დოკუმენტაციასთან გამოიწვევს ტენდერში მონაწილე პრეტენდენტის დისკვალიფიკაციას;
ბ) ფასწარმოქმნის ადეკვატურობის დამადასტურებელი დოკუმენტით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით. წარმოდგენილ ექსპერტიზის დასკვნას თან უნდა ერთვოდეს სატენდერო ხარჯთაღრიცხვა და რესურსული მეთოდით შედგენილი ხარჯთაღრიცხვა, რომლის საფუძველზეც მოხდა დასკვნის შედგენა;
გ) ფასწარმოქმნის ადეკვატურობის დამადასტურებელი დოკუმენტი შედგენილი და გაცემული უნდა იყოს საქართველოს მთავრობის 2017 წლის 26 სექტემბრის N439 დადგენილებით დამტკიცებული "სამშენებლო სამუშაოების ხარჯთაღრიცხვის ფასწარმოქმნის ადეკვატურობის დადგენის მეთოდიკის" მოთხოვნების შესაბამისად.

1. მიმწოდებელთან ანგარიშსწორება განხორციელდება უნაღდო ანგარიშსწორების ფორმით, ეროვნულ ვალუტაში ლარში.
2. ანგარიშსწორება განხორციელდება შესრულებული სამუშაოების აქტი - ფორმა N2-ის, შემსყიდველსა და მიმწოდებელს შორის მიღება-ჩაბარების აქტის გაფორმებისა და მიმწოდებლის მიერ შესაბამისი საგადასახადო დოკუმენტაციის წარმოდგენის შემდგომ.

ანგარიშსწორება მიმწოდებელთან განხორციელდება სამუშაოების შესრულების დამადასტურებელი შესაბამისი დოკუმენტაციის სრულად წარმოდგენიდან არაუგვიანეს 10 სამუშაო დღის ვადაში.

გოგიტა გოგიტიძე, 555424545, g.gogitidze23@gmail.com სატენდერო დოკუმენტაციასთან დაკავშირებით განმარტებების მიღება პრეტენდენტს შეუძლია სისტემაში არსებული „კითხვა-პასუხის“ მოდულის მეშვეობით ან/და სატენდერო კომისიის აპარატში, მის. ქ. ბათუმი, ბაქოს ქ. N18.

10.1.1. სახელმწიფო შესყიდვების ერთიან ელექტრონულ სისტემაში (შემდგომში – სისტემა) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების შესაბამისად.
10.1.2. სატენდერო წინადადებაში საერთო და ერთეულის ფასი გამოსახული უნდა იყოს ყველა ხარჯის გათვალისწინებით, მათ შორის საქართველოს კანონმდებლობით დადგენილი გადასახადები, თუ მოსაკრებლები (მათ შორის - დღგ).
10.1.3. პრეტენდენტი ვალდებულია ხარჯთაღრიცხვაში მითითებული ერთეული და საერთო ფასები გამოსახოს და შესაბამისად გაიანგარიშოს ლარის მეასედის - თეთრების სიზუსტით (მძიმის შემდეგ ორი ციფრი).
10.1.4. დაზუსტებას არ ექვემდებარება ტექნიკური დოკუმენტაცია, თუ სატენდერო დოკუმენტაციის მოთხოვნ(ებ)ის შესაბამისად, არ არის წარდგენილი ხარჯთაღრიცხვა ან წარმოდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.
10.1.5. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.6. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.7. პრეტენდენტის მიერ ერთიან ელექტრონულ სისტემაში ატვირთული დოკუმენტები „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტების შესაბამისად უნდა იყოს კვალიფიციური ელექტრონული შტამპით ან კვალიფიცური ელექტორნული ხელმოწერით დამოწმებული.
10.1.8. სახელმწიფო შესყიდვების შესახებ ხელშეკრულების ფორმა და პირობები მოცემულია ელექტრონულ სისტემაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
10.1.9. სატენდერო დოკუმენტაციაში განსაზღვრულ შესასყიდ საქონელზე, სადაც მითითებული იქნება კონკრეტული სასაქონლო ნიშანი, მოდელი, წარმოშობის წყარო ან მწარმოებელი (ასეთის არსებობის შემთხვევაში) იგულისხმება „მსგავსი“ ან „ეკვივალენტური“.
10.1.10. პრეტენდენტს არ აქვს უფლება წარმოადგინოს ალტერნატიული სატენდერო წინადადება.


პრეტენდენტის მიერ ერთიან ელექტრონულ სისტემაში ატვირთული სატენდერო წინადადება უნდა შეიცავდეს შემდეგი სახის ინფორმაციას/დოკუმენტაციას:

1. სატენდერო დოკუმენტაციის 1.3 პუნქტის თანახმად, ხარჯთაღრიცხვა - დანართი N1-ის სახით;
2. სატენდერო დოკუმენტაციის 2.2.1 პუნქტის თანახმად, ინფორმაცია პრეტენდენტის გამოცდილების შესახებ დანართი N2-ის შესაბამისად.