Ремонт и техническое обслуживание насосов, вентилей, кранов и металлических емкостей и оборудования (Грузия - Тендер #54903299)

კომპრესორების შეკეთება და ტექნიკური მომსახურება.

1.2.1. მომსახურება უნდა გაეწიოს შემდეგ კომპრესორებს:
1. EKONOMAK EKO-75 - 1 ცალი;
2. EKONOMAK DMD-75 - 3 ცალი;
3. EKONOMAK DMD -150 - 2 ცალი;
4. EKONOMAK DMD- 200 - 8 ცალი;
5. TAMSAN TVK- 3800 - 1 ცალი;
6. DALGAKIRAN INVERSYS -75 - 1 ცალი;
7. DALGAKIRAN INVERSYS-55 Plus - 1 ცალი;
8. AYDIN TRAFO ATV-DK 11 - 1 ცალი;
9. ATMOS ALBERT F140 - 1 ცალი;
10.PRKA LTD V105/125 - 1 ცალი.

1.2.2. გასაწევი მომსახურების და ასეთი მომსახურებისათვის საჭირო სათადარიგო ნაწილების, აგრეთვე, საჭიროების შემთხვევაში, საცხებ-საპოხი მასალის ჩამონათვალი მოცემულია პრეისკურანტში.

1.4.1. მომსახურების გაწევა უნდა განხორციელდეს სახელმწიფო შესყიდვის ხელშეკრულების გაფორმებიდან 2024 წლის 20 დეკემბრის ჩათვლით.
1.4.2. მომსახურება უნდა განხორციელდეს ეტაბობრივად, საჭიროებისამებრ, შემსყიდველის და მიმწოდებლის შეთანხმების შესაბამისად გონივრულ ვადაში, გარდა გეგმიური და არაგეგმიური სერვისებისა.
1.4.3. მიმწოდებლის მიერ გეგმიური და არაგეგმიური სერვისები უნდა განხორციელდეს პრეისკურანტში მითითებული ვადების შესაბამისად.

მომსახურების გაწევის ადგილია შემსყიდველის ადგილსამყოფელი: ქ. თბილისი, ბერი გაბრიელ სალოსის გამზირი № 191დ.

1.7.1.1. შეცვლილ ან შეკეთებულ ნაწილზე უნდა ვრცელდებოდეს საგარანტიო ვადა მიღება-ჩაბარების აქტის გაფორმებიდან არანაკლებ 6 (ექვსი) თვის განმავლობაში.
1.7.1.2. საგარანტიო ვადის განმავლობაში დაზიანების შემთხვევეაში მიმწოდებელი ვალდებულია საკუთარი ხარჯებით შეტყობინების მიღებიდან 10 კალენდარულ დღეში აღმოფხვრას აღმოჩენილი წუნი/დაზიანება.

2.2.1.1. პრეტენდენტს უნდა გააჩნდეს ანალოგიური სარემონტო მომსახურების გაწევის გამოცდილება, რომლის ჯამური ღირებულება 2020 წლის 1 იანვრიდან ტენდერის გამოცხადების თარიღამდე არ უნდა იყოს 60,000.00 (სამოცი ათასი) ლარზე ნაკლები.
2.2.1.2. გამოცდილების დასადასტურებლად პრეტენდენტმა ერთიანი ელექტრონული სისტემის მეშვეობით უნდა წარმოადგინოს ხელშეკრულებ(ები)ის, შესაბამისი მიღება-ჩაბარების აქტ(ებ)ის, დადასტურებული ანგარიშ-ფაქტურების ან/და ნებისმიერი დოკუმენტ(ებ)ის დედნები ან/და ასლები ან/და წერილი შემსყიდველი/დამკვეთი ორგანიზაციიდან, რითიც დასტურდება პრეტენდენტის მიერ ანალოგიური მომსახურების გაწევის გამოცდილება.
2.2.1.3. იმ შემთხვევაში, თუ მიწოდება განხორციელებულია სახელმწიფო შესყიდვების ერთიანი ელექტრონული სისტემის (https://tenders.procurement.gov.ge) გამოყენებით და ხელშეკრულების შესაბამის ველში ასახულია გადახდები ან/და ატვირთულია შესრულების დამადასტურებელი დოკუმენტები, ან ხელშეკრულებას მინიჭებული აქვს სტატუსი "შესრულებული ხელშეკრულება", გამოცდილების დასადასტურებლად საკმარისი იქნება შესაბამისი განცხადების ნომრ(ებ)ის (CMR, SPA, NAT და ა. შ.) წარმოდგენა.

2.3.1.1. პრეტენდენტს თბილისის ფარგლებში უნდა გააჩნდეს მინიმუმ 1 (ერთი) სერვისცენტრი, რომელიც აღჭურვილი იქნება შემდეგი დანადგარებით:
1. მულტიმეტრი
2. ქლემფ მეტრი
3. ჰიდრავლიკური პრესი
4. ტემპერატურის საზომი ხელსაწყო
5. წნევის საზომი ხელსაწყო
6. ჰაერის ნაკადის საზომი ხელსაწყო
7. ინდუქციური ქურა
8. თერმული კამერა

2.3.1.2. პრეტენდენტმა უნდა წარმოადგინოს:
2.3.1.2.1. სერვის ცენტრის საკუთრებაში ან/და სარგებლობის უფლებით ფლობის დამადასტურებელი დოკუმენტი (ამონაწერი საჯარო რეესტრიდან ან ხელშეკრულება ან სხვა სახის დოკუმენტი), რითაც დადასტურდება სერვის ცენტის საკუთრება ან/და სარგებლობის უფლებით ფლობა, ამასთან სარგებლობის უფლებით ფლობის შემთხვევაში წარმოდგენილი დოკუმენტი ძალაში უნდა იყოს მინიმუმ 2023 წლის 31 დეკემბრის ჩათვლით.
2.3.1.2.2. ინფორმაცია სერვის ცენტრის აღჭურვილობის შესახებ.

2.9.1. პრეტენდენტის მიერ წარმოდგენილ პრეისკურანტში შემოთავაზებული ერთეულის ღირებულება არ უნდა აღემატებოდეს სატენდერო დოკუმენტაციის პრეისკურანტის შესაბამის პოზიციაზე დაფიქსირებულ ერთეულის ზღვრულ ღირებულებას;
2.9.2. პრეტენდენტის მიერ ფასის შემცირების შემთხვევაში, ფასთა კლება უნდა აისახოს პრეისკურანტის ყველა პოზიციაზე არანაკლებ იგივე პროცენტული ოდენობით, რომლითაც მოხდა ჯამური ღირებულების შემცირება (მაგალითად თუ პრეტენდენტმა სახელმწიფო შესყიდვების ერთიან ელექტრონულ სისტემაში დააფიქსირა პრეისკურანტის საბოლოო ჯამური ღირებულება, რომელიც 12%-ით ნაკლებია პრეისკურანტის სავარაუდო ღირებულებაზე, მაშინ პრეისკურანტის თითოეულ პოზიციაზე შემოთავაზებული ღირებულების გრაფაში უნდა მიეთითოს შესაბამის ზღვრულ ღირებულებაზე არანაკლებ 12%-ით ნაკლები თანხა).
2.9.3. პრეისკურანტის დაზუსტების შეთხვევაში, დაუშვებელია რომელიმე პოზიციაზე თავდაპირველად წარმოდგენილი ერთეულის ფასის გაზრდილი ღირებულებით წარმოდგენა;
2.9.4. დაზუსტებას არ ექვემდებარება პრეისკურანტი, თუ იგი არ არის წარდგენილი ან განუფასებელი პოზიციების რაოდენობა აღემატება განსაფასებელი პოზიციების 1%-ს;
2.9.5. თუ პრეტენდეტი რომელიმე პოზიციის შესრულებას გვთავაზობს უფასოდ, შესაბამის გრაფაში უნდა დააფიქსიროს „0“, წინააღმდეგ შემთხვევაში აღნიშნული პოზიცია ჩაითვლება განუფასებლად.
2.9.6. თუ ხელშეკრულების მოქმედების პერიოდში აღმოჩნდება, რომ პრეისკურანტში არ არის გათვალისწინებული საჭირო მომსახურება, ამ შემთხვევაში საბაზრო ფასების გათვალისწინებითა და მხარეთა შეთანხმებით, შესაბამისი ცვლილების განხორციელების გზით მოხდება საჭირო პოზიციის დამატება პრეისკურანტში (ასეთ შემთხვევაში პრეისკურანტში მომსახურების ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს);
2.9.7.მიმწოდებელი უფლებამოსილია პრეიკურანტი ერთიან ელექტრონულ სისტემაში ატვირთოს მხოლოდ Excel-ის ფორმატის ცხრილის სახით. პრეტენდენტის მიერ Excel-ის ცხრილის სახით წარსადგენი დოკუმენტი არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს).

იმ შემთხვევაში, თუ ყველაზე დაბალი წინადადების ფასის მქონე პრეტენდენტის მიერ ელექტრონული ვაჭრობის შედეგად დაფიქსირებული წინადადების საბოლოო ფასი 20%-ით ან მეტით ნაკლებია შესყიდვის ობიექტის სავარაუდო ღირებულებაზე, სატენდერო კომისია პრეტენდენტისგან ითხოვს ფასწარმოქმნის ადეკვატურობის დამადასტურებელი დოკუმენტ(ებ)ის წარდგენას. ფასწარმოქმნის ადეკვატურობა, შესაძლებელია დასაბუთდეს ექსპერტიზის ან/და აუდიტორული ან/და საშემფასებლო დასკვნით (პრეტენდენტის მიერ, დასკვნასთან ერთად ასევე წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი ან სარეგისტრაციო ნომერი/სერტიფიკატის ნომერი, რომლითაც შესაძლებელი უნდა იყოს პირის გადამოწმება შესაბამის რეესტრში), შესყიდვის ობიექტის მიწოდებასთან დაკავშირებით პრეტენდენტის მიერ შესრულებული ხელშეკრულებით, (ხელშეკრულებასთან ერთად წარმოდგენილ უნდა იქნას ხელშეკრულების შესრულების დამადასტურებელი დოკუმენტ(ებ)ი) ან/და დადასტურებული საგადასახადო ანგარიშფაქტურით.

ანგარიშსწორება განხორციელდება ეტაპობრივად, უნაღდო ანგარისშწორებით, თითოეულ ეტაპზე გაწეული მოსახურების შესაბამისი მიღება-ჩაბარების აქტის გაფორმების და შესაბამისი საგადასახადო დოკუმენტების წარმოდგენის საფუძველზე.

ანგარიშსწორება მოხდება მიღება–ჩაბარების აქტის გაფორმებიდან და შესაბამისი საგადასახადო დოკუმენტების წარმოდგენიდან 10 სამუშაო დღის ვადაში.

ანი ბუხსიანიძე, 571222822, abukhsianidze@delta.gov.ge

10.1.1. პრეტენდენტი ვალდებულია წინადადების წარმოდგენისას ერთიანი ელექტრონული სისტემის საშუალებით ატვირთოს სატენდერო დოკუმენტაციის 1.3., 2.2. და 2.3. პუნქტებით გათვალისწინებული ინფორმაცია/დოკუმენტაცია.

10.1.2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე, დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.

10.1.3. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.

10.1.4. შემსყიდველმა შესაძლებელია სრულად არ აითვისოს შესყიდვის ობიექტის რაოდენობა ხელშეკრულების მოქმედების პერიოდში. ანგარიშსწორება განხორციელდება მხოლოდ გაწეული მომსახხურების შესაბამისად.

10.1.5. პრეტენდენტს არ აქვს უფლება წარმოადგინოს ალტერნატიული სატენდერო წინადადება.

10.1.6. ერთიან ელექტრონულ სისტემაში ატვირთულ დოკუმენტებზე „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის შესაბამისად შესრულებული უნდა იყოს უფლებამოსილი პირის (მინდობილი პირის შემთხვევაში ასევე წარმოდგენილი უნდა იყოს შესაბამისი მინდობილობა) კვალიფიციური ელექტრონული ხელმოწერა ან/და ეს დოკუმენტები დამოწმებული უნდა იყოს კვალიფიციური ელექტრონული შტამპით, გარდა სატენდერო დოკუმენტაციის 2.9.7. პუნქტით გათვალისწინებული გამონაკლისისა.

10.1.7. წინამდებარე ტენდერში მონაწილეობით პრეტენდენტი ავტომატურად ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.