Полные или частичные строительные работы и публичные работы (Грузия - Тендер #54903211)

სსიპ-სურსათის ეროვნული სააგენტოს ქობულეთის ოფისის სამშენებლო სამუშაოების შესყიდვა;

1.2.1. საოფისე შენობა უნდა აშენდეს ქალაქ ქობულეთში (საკადასტრო კოდი 20.42.05.286), სსიპ სურსათის ეროვნული სააგენტოს კუთვნილ მიწის ნაკვეთზე;


1.2.2. მიმწოდებელი ვალდებულია, სამუშაოები შეასრულოს მოქმედი სამშენებლო ნორმებითა და წესებით;

1.2.3. სამუშაოების წარმოება უნდა განხორციელდეს საქართველოს მთავრობის 2007 წლის 28 მარტის №62 დადგენილებით დამტკიცებული “მშენებლობის უსაფრთხოების წესების” სრული დაცვით;

1.2.4. მშენებლობის პროცესში გამოყენებული ყველა მასალა/მოწყობილობა უნდა იყოს მაღალი ხარისხის. შემსმყიდველს უფლება აქვს მოითხოვოს აღნიშნულის დამადასტურებელი სტანდარტის სერტიფიკატი. მასალის/მოწყობილობის ტიპი და მახასიათებლები თანხმდება შემსყიდველთან. იმ შემთხვევაში თუ მიმწოდებლის მიერ წარმოდგენილი მასალა/მოწყობილობა ან შესრულებული სამუშაო არ იქნება მოწონებული შემსყიდველის მიერ, მიმწოდებელი ვალდებულია გამოასწოროს ან წარმოადგინოს სხვა, შემსყიდველისათვის მისაღები მასალა/მოწყობილობა ან სამუშაო.

1.2.5. მიმწოდებელი პასუხისმგებელია შეასრულოს სამუშაო უსაფრთხო და ეკოლოგიურად მისაღები გზით და ვალდებულია მინიმუმამდე დაიყვანოს მუშაობით გამოწვეული ხმაურის, ვიბრაციისა და მტვრის გავლენა.

1.2.6. სამუშაოების დასრულების შემდეგ მიმწოდებელი ვალდებულია თავისი ძალებითა და სახსრებით ერთი კვირის განმავლობაში გაათავისუფლოს სამუშაო ადგილი სამშენებლო ნარჩენებისაგან, მოწყობილობა-დანადგარებისაგან, დროებითი ნაგებობებისაგან და ა.შ.

1.2.7. ობიექტზე მთლიანი ან ნაწილობრივი სამუშაოს შესრულების თაობაზე მიმწოდებელი ადგენს შესრულებული სამუშაოს აქტს (ფორმა №2), რომლის პროექტთან შესაბამისობას შეამოწმებს და ადასტურებს შემყიდველის მიერ განსაზღვრული, მშენებლობაზე ზედამხედველობის განმახორციელებელი პირ(ებ)ი.

1.2.8. მშენებლობაზე ზედამხედველობის განმახორციელებელი პირ(ებ)ის მხრიდან შესრულებული სამუშაოების უარყოფითად ან წუნით შეფასების შემთხვევაში, შესაბამის სამუშაოთა შესრულების შესახებ დოკუმენტაცია გაფორმდება მხოლოდ მითითებული დეფექტების და წუნის აღმოფხვრის შემდეგ.

1.2.9. დასრულებულ სამუშაოზე (საბოლოოდ და არა შუალედურზე) უნდა შედგეს სათანადო უფლებამოსილებისა და კვალიფიკაციის მქონე ექსპერტიზის დასკვნა. ექსპერტიზის დასკვნა უნდა ადასტურებდეს შესრულებული სამუშაოების აქტში (ფორმა №2) ასახული გახარჯული მასალებისა და შესრულებულ სამუშაოთა მოცულობების ნამდვილობას. ექსპერტის დასკვნის მოპოვება წარმოადგენს მომწოდებლის ვალდებულებას.

1.2.10. შემსყიდველი იტოვებს უფლებას, მომწოდებლისაგან დამოუკიდებლად შეამოწმოს შესრულებული სამუშაოების ხარისხისა და მოცულობის შესაბამისობა პროექტითა და სატენდერო დოკუმენტაციით განსაზღვრულ მოთხოვნებთან. შეუსაბამობის აღმოჩენის შემთხვევაში მომწოდებელი ვალდებულია თავად, შემსყიდველის მხრიდან დამატებითი ხარჯების გაწევის გარეშე, გამოასწოროს ყველა ნაკლი და შეუსაბამობა.

საამშენებლო სამუშაოებისათვის საჭირო პროექტი და ნებართვა მოცემულია დანართების სახით:

1.4.1. დასრულებული ობიექტი, სატენდერო დოკუმენტაციის 1.2.7. ; 1.2.8 და 1.2.9. პუნქტების მოთხოვნათა შესაბამისად, შემსყიდველს უნდა ჩაბარდეს ხელშეკრულების გაფორმებიდან 180 კალენდარული დღის ვადაში;

1.4.2. ზემოაღნიშნულ ვადაში იგულისხმება ექსპერტის დასკვნის მოპოვებისა და წარმოდგენისათვის საჭირო დრო;

საოფისე შენობა უნდა აშენდეს: ქალაქი ქობულეთი, თავისუფლების ქ. N19-ში,(საკადასტრო კოდი 20.42.05.286) არსებულ, სსიპ სურსათის ეროვნული სააგენტოს კუთვნილ მიწის ნაკვეთზე;

1.6.1. შესრულებულ სამუშაოებზე უნდა ვრცელდებოდეს შემდეგი ხანგრძლივობის გარანტიები:

- შენობის ფასადებზე 5 წლის მანძილზე;

- შენობის ჭერსა და სახურავზე 5 წლის მანძილზე;

- დანარჩენს სამუშაოებზე 3 წლის მანძილზე;

1.6.2. საგარანტიო ვადის ათვლა დაიწყება სამუშაოების საბოლოო მიღება-ჩაბარების აქტის გაფორმების თარიღიდან.

1.6.3.გარანტია უნდა ვრცელდებოდეს საგარანტიო პერიოდში ნებისმიერი ხარვეზისა და დეფექტის აღმოფხვრაზე (შეკეთება/შეცვლა ახლით) გარდა შემსყიდველის მხრიდან გაუფრთხილებლობით გამოწვეული მექანიკური დაზიანებებისა;

1.6.4. დენდროლოგიური პროექტის შესაბამისად ხე-მცენარეების მოვლა უნდა განხორციელდეს 3 (სამი) წლის მანძილზე. საბოლოო მიღება-ჩაბარების აქტის გაფორმების შემდგომ 1 (ერთი) წლის მანძილზე, ხე-მცენარეების გახმობის შემთხვევაში უნდა ჩაანაცვლდეს ახალი ნერგით.

2.2.1.1. პრეტენდენტს უნდა ჰქონდეს მსგავსი/ანალოგიური სამუშაოების (CPV:45200000) შესრულების გამოცდილება 2020-2024 წლების მანძილზე (რომელიმე ერთი ან ყველა წლების მანძილზე). აღნიშნული უნდა დასტურდებოდეს პრეტენდენტის მიერ, ელექტრონულად წარმოდგენილი, შესაბამისი ხელშეკრულებებითა და მიღება-ჩაბარების აქტებით, ან აღნიშნული ინფორმაცია უნდა იძებნებოდეს სახელმწიფო შესყიდვების ერთიან ელექტრონულ სისტემაში;

2.2.1.2. პრეტენდენტმა ასევე ელექტრონულად უნდა წარმოადგინოს არანაკლებ ორი ორგანიზაციის სარეკომენდაციო წერილი, რეკომენდატორი ორგანიზაცია უნდა იყოს პრეტენდენტის მიერ გამოცდილების შესახებ (2.2.1.1. პუნქტში) წარმოდგენილ შემსყიდველთა სიაში ანალოგიური/მსგავსი (CPV:45200000) სამუშაოების შესრულების თაობაზე;

პრეტენდენტმა, საამშენებლო სამუშაოთა შესრულების გეგმა-გრაფიკი უნდა წარმოადგინოს ხელშეკრულების გაფორმებიდან 5 სამუშაო დღის განმავლობაში.

სატენდერო დოკუმენტაციის 2.2.1.1. პუნქტის შესაბამისად წარმოდგენილი ხელშეკრულებებისა და მათი შესრულების დამადასტურებელი დოკუმენტების ჯამური ღირებულება არ უნდა იყოს 200,000 (ორასი ათასი) ლარზე ნაკლები;

2.9.1. ხარჯთაღრიცხვა დაზუსტებას არ ექვემდებარება და პრეტენდენტი დისკვალიფიცირებული იქნება, თუ სატენდერო დოკუმენტაციის მოთხოვნის შესაბამისად, არ არის წარდგენილი ხარჯთაღრიცხვა ან წარდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.

2.9.2. პროექტის არქიტექტურულ ნაწილში შენობის აბრაზე განთავსებული სააგენტოს ლოგო შეცვლილია, რაც გასათვალისწინებელი იქნება სამშენებლო სამუშაოების განხორციელებისას. შეცვლილი ლოგო იხილეთ დანართის სახით

ტექნიკური რეგლამენტის – „სამშენებლო სამუშაოების ხარჯთაღრიცხვის ფასწარმოქმნის ადეკვატურობის დადგენის მეთოდიკის“ დამტკიცების თაობაზე, საქართველოს მთავრობის 2017 წლის 26 სექტემბერის №439 დადგენილების შესაბამისად, პრეტენდენტმა, შემსყიდველის მიერ მითითებულ ვადებში უნდა წარმოადგინოს, შესაბამისი საექსპერტო დაწესებულების მიერ გაცემული დადებითი დასკვნა, რომელშიც ერთმნიშვნელოვნად იქნება დადასტურებული პრეტენდენტის მიერ წარმოდგენილი და საჭიროების შემთხვევაში დაკორექტირებული ხარჯთაღრიცხვით (ერთეულების გათვალისწინებით) სამუშაოების გაწევის შესაძლებლობა;

იურიდიული პირისათვის – ამონაწერი მეწარმეთა და არასამეწარმეო (არაკომერციული) იურიდიულ პირთა რეესტრიდან, რომელიც ადასტურებს რომ პრეტენდენტის ქონებაზე არ არის რეგისტრირებული ყადაღა/აკრძალვა, საგადასახადო გირავნობა/იპოთეკა და პრეტენდენტი არ არის რეგისტრირებული მოვალეთა რეესტრში;

ინდივიდუალურ მეწარმისათვის – ცნობა ნასამართლობის შესახებ შესაბამისად უფლებამოსილი ორგანოდან, რომლითაც დასტურდება, რომ პირი არ არის ნასამართლევი საქართველოს სისხლის სამართლის კოდექსის XXVI (დანაშაული სამეწარმეო ან სხვა ეკონომიკური საქმიანობის წინააღმდეგ) და XXXIX (სამოხელეო დანაშაული) თავებით გათვალისწინებული ქმედებისათვის;

ფიზიკური პირისათვის – ცნობა ნასამართლობის შესახებ შესაბამისად უფლებამოსილი ორგანოდან, რომლითაც დასტურდება, რომ პირი არ არის ნასამართლევი საქართველოს სისხლის სამართლის კოდექსის XXVI (დანაშაული სამეწარმეო ან სხვა ეკონომიკური საქმიანობის წინააღმდეგ) და XXXIX (სამოხელეო დანაშაული) თავებით გათვალისწინებული ქმედებისათვის;

ამხანაგობისთვის– ამონაწერი მეწარმეთა და არასამეწარმეო (არაკომერციული) იურიდიულ პირთა რეესტრიდან, რომელიც ადასტურებს რომ პრეტენდენტის ქონებაზე არ არის რეგისტრირებული ყადაღა/აკრძალვა, საგადასახადო გირავნობა/იპოთეკა და პრეტენდენტი არ არის რეგისტრირებული მოვალეთა რეესტრში;

არარეზიდენტმა პირმა უნდა წარმოადგინოს საკვალიფიკაციო მოთხოვნებით გათვალისწინებული ინფორმაციის ექვივალენტური მონაცემები, რომლებიც სათანადო წესით იქნება დამოწმებული ან ლეგალიზებული;

წარმომადგენლობამ /ფილიალმა, უნდა წარმოადგინოს საკვალიფიკაციო მოთხოვნებით გათვალისწინებული ინფორმაციის ექვივალენტური მონაცემები, რომლებიც სათანადო წესით იქნება დამოწმებული ან ლეგალიზებული;

3 Процентов

5 Процентов

ხელშეკრულების უზრუნველყოფის გარანტიის მოქმედების ვადა 30 კალენდარული დღით უნდა აღემატებოდეს ხელშეკრულების მოქმედების ვადას;

6.4.1. ხელშეკრულების შესრულების უზრუნველყოფის მიზნით, "მიმწოდებლმა" უნდა წარმოუდგინოს "შემსყიდველს", საქართველოში შესაბამისად რეგისტრირებული ფინანსური დაწესებულების მიერ გაცემული საბანკო გარანტია, ხელშეკრულების ღირებულების 3%-ის ოდენობით.

6.4.2. სატენდერო წინადადების 6.2. პუნქტით გათვალისწინებულ შემთხვევაში, მიმწოდებლის მიერ წარმოდგენილი საბანკო გარანტია უნდა იყოს ხელშეკრულების ღირებულების 5%;

6.4.3. ხელშეკრულების შესრულების უზრუნველყოფის მიზნით, მიმწოდებლის მიერ წარმოდგენილი საბანკო გარანტიიდან, მოხდება შემსყიდველის ყველა იმ მოთხოვნის დაკმაყოფილება, რაც გამოწვეული იქნება მიმწოდებლის მხრიდან ხელშეკრულების პირობების დარღვევით;

7.1.1. შესყიდვა ითვალისწინებს საავანსო ანგარიშსწორებას შემდეგი პირობებით:

მიმდინარე ხელშეკრულების ღირებულებიდან, 2024 წლის 20 დეკემბრის მდგომარეობით არსებულ, ასათვისებელ სრულ თანხაზე, მიმწოდებელი ვალდებულია წარმოადგინოს საბანკო დაწესებულების საბანკო გარანტია და მოითხოვოს წინასწარი საავანსო ანგარიშწორება;

7.1.2.მიმწოდებელმა უნდა წარმოადგინოს ავანსად მოთხოვნილი თანხის ოდენობის საბანკო დაწესებულების საბანკო გარანტია, რომლის მოქმედების ვადა ერთი თვით უნდა აღემატებოდეს ხელშეკრულების მოქმედების ვადას.

7.2.1. ანგარიშსწორება მიმწოდებელთან განხორციელდება მხარეთა მიერ, სატენდერო დოკუმენტაციის 1.2.7 - 1.2.8. - 1.2.9. პუნქტების მოთხოვნათა შესაბამისად, მიღება-ჩაბარების აქტის გაფორმების საფუძველზე;

7.2.2. ანგარიშწორების ფორმა იქნება უნაღდო ანგარიშსწორება, თანხა ჩაირიცხება მომწოდებლის მიერ ხელშეკრულებაში მითითებულ საბანკო რეკვიზიტებზე;

7.2.3. საავანსო ანგარიშსწორების შემთხვევაში, მიღება-ჩაბარების აქტების საფუძველზე ანგარიშსწორება მიმწოდებელთან განხორციელდება გამოქვითვით, პროპორციულობის პრინციპის დაცვით.

ხელშეკრულების შესრულების დამადასტურებელი დოკუმენტის გაფორმებიდან არაუგვიანეს 10 სამუშაო დღე;

გერონტი ფრუიძე, 599381406, geronti.pruidze@nfa.gov.ge

10.1.1. სატენდერო დოკუმენტაციის 1.2.7 - 1.2.8. - 1.2.9 პუნქტებით განსაზღვრული პირობების დაცვით წარმოდეგნილი, შესრულებულ სამუშაოთა აქტის (ფორმა №2) საფუძველზე, მიმწოდებელსა და შემსყიდველს შორის ფორმდება სათანადო მიღება-ჩაბარების აქტი შესრულებლ სამუშაოთა (მთლიანი ან ნაწილობრივი) რეალური ღირებულების ასახვით.
10.1.2. საბოლოო ანგარიშსწორებისას მხედველობაში მიიღება მხოლოდ ექსპერტის დასკვნა შესრულებულ სამუშაოთა ღირებულებასთან დაკავშირებით.
10.1.3. სატენდერო წინადადების ფასში პრეტენდენტმა უნდა გაითვალისწინოს, პროექტის შესაბამისად, სამუშაოს შესრულებისათვის საჭირო ყველა ხარჯი, საქართველოს კანონმდებლობით გათვალისწინებული ყველა შესაბამისი გადასახადი და მოსაკრებელი.
10.1.4. სატენდერო წინადადების ფასში პრეტენდენტმა ასევე უნდა გაითვალისწინოს, ექსპერტის დასკვნის ღირებულება.
10.1.5. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი;
10.1.6. სახელმწიფო შესყიდვების ერთიან ელექტრონულ სისტემაში (შემდგომში – სისტემა) მიმწოდებლის მიერ ატვირთული დოკუმენტები ან/და ინფორმაცია დამოწმებული უნდა იყოს კვალიფიციური ელექტრონული ხელმოწერით ან კვალიფიციური ელექტრონული შტამპით, საქართველოს კანონის - „ელექტრონული დოკუმენტისა და ელექტრონული სანდო მომსახურების შესახებ“- შესაბამისად;