Инженерные услуги (Грузия - Тендер #54588244)

საქართველოს ეროვნული მუზეუმის ბალანსზე რიცხული მიწის ნაკვეთების (მასზე განთავსებული შენობა-ნაგებობით ან მის გარეშე) საკადასტრო აგეგმვითი/აზომვითი ნახაზებისა და შენობა-ნაგებობის შიდა აზომვითი ნახაზების მომზადება.

მიმწოდებელმა უნდა უზრუნველყოს ეროვნული მუზეუმის ბალანსზე რიცხული (გთხოვთ იხილოთ მიმაგრებული ფაილი) მიწის ნაკვეთების (მასზე განთავსებული შენობა-ნაგებობით ან მის გარეშე) საკადასტრო აგეგმვითი/აზომვითი ნახაზებისა და შენობა-ნაგებობის შიდა აზომვითი ნახაზების მომზადება.

1. საკადასტრო აგეგმვითი/აზომვითი ნახაზი უნდა აკმაყოფილებდეს „საჯარო რეესტრის შესახებ“ საქართველოს კანონის, საქართველოს მთავრობის 2016 წლის 8 აგვისტოს №388 დადგენილებითა და სხვა საკანონმდებლო და კანონქვემდებარე ნორმატიული აქტებით დადგენილ მოთხოვნებს;
2. საკადასტრო აგეგმვითი/აზომვითი ნახაზის მომზადება უნდა მოხდეს მაღალი სიზუსტის გეოდეზიური ხელსაწყო GPS-ისა და „GEO-CORS“-ის სისტემის გამოყენებით, აუცილებლობის შემთხვევაში ელექტრონული ტაქეომეტრების გამოყენებით.
3. პრეტენდენტმა უნდა უზრუნველყოს საკუთარი ავტოსატრანსპორტო საშუალებით მოთხოვნილი სამუშაოების ადგილზე გადაადგილება და შესრულებული სამუშაოების წარმოდგენა.
4. პრეტენდენტი ვალდებულია აზომვითი ნახაზის შედგენისას, გადაფარვის არსებობის შემთხვევაში ინფორმაცია მიაწოდოს შემსყიდველს და უსასყიდლოდ დაამზადოს კორექტირებული ნახაზი.
5. პრეტენდენტი პასუხისმგებელია შესრულებული საკადასტრო აგეგმვითი/აზომვითი და შიდა აზომვითი ნახაზების სისწორეზე და სრულყოფილად დამუშავება-შედგენაზე;
6. დოკუმენტაცია წარმოდგენილი უნდა იყოს 2 (ორი) ეგზემპლარად (ქაღალდის ვერსია, რომლის ყველა გვერდი დამოწმებული უნდა იქნეს მიმწოდებლის უფლებამოსილი პირის მიერ) და 1 ეგზემპლარი ელექტრონული ვერსია (ნახაზები და სქემატური ნაწილი-PDF ფორმატში ჩაწერილი CD ან DVD დისკზე);
7. პრეტენდენტი ვალდებულია ხელშეკრულების გასვლიდან ერთი წლის განმავლობაში განახორციელოს უფასო მომსახურება მის მიერ შესრულებულ ნახაზების კორექტირების კუთხით.

ხელშეკრულების გაფორმებიდან 45 სამუშაო დღე.

მომზადებული დოკუმენტაციის წარმოდგენის ადგილი: ქ.თბილისი, ა.ფურცელაძის N3.

მომსახურების გაწევის ადგილები გთხოვთ იხილოთ 1.2 პუნქტში მიმაგრებულ ფაილში

ა) ტენდერში მონაწილე პრეტენდენტს 2021 წლის 01 იანვრიდან წინამდებარე ტენდერის სატენდერო წინადადების მიღების დაწყების თარიღამდე პერიოდში გაწეული უნდა ჰქონდეს 50000 (ორმოცდაათიათასი) ლარის ღირებულების ანალაგიური მომსახურება.
ბ) პრეტენდენტმა უნდა წარმოადგინოს მომსახურების გაწევის დამადასტურებელი დოკუმენტების ასლები, კერძოდ: ხელშეკრულებ(ებ)ის, ჩარიცხვის დამადასტურებელი დოკუმენტის და მიღება-ჩაბარების/ა.ფაქტურის ასლები.
გ) იმ პრეტენდენტებს, რომლებსაც ზემოაღნიშნული მომსახურება გაწეული აქვთ სახელმწიფო შესყიდვის ფარგლებში და შესყიდვების ერთიან ელექტრონულ სისტემაში ატვირთულია ყველა ის დოკუმენტაცია სრულყოფილად, რაც მოთხოვნილია წინამდებარე ტენდერის სატენდერო დოკუმენტაციის მიხედვით მომსახურების გაწევის დამადასტურებელი დოკუმენტაციის წარმოდგენა არ არის სავალდებულო და საკმარისია შესაბამისი რეგისტრაციის ნომრების წარმოდგენა (SPA, DAP, NAT, DEP, MEP, TEP, GEO, CMR ან სხვა ასეთის არსებობის შემთხვევაში) მხოლოდ დანართი N2-ის სახით.

პრეტენდენტს სასურველია გააჩნდეს საჯარო რეესტრის ეროვნული სააგენტოს შესაბამისი განახლებადი საკადასტრო საინფორმაციო ელექტრონული ბაზა, ხოლო აუცილებლად უნდა გააჩნდეს თანამედროვე სტაციონალური GPS სისტემა და ელექტრო ტახეომეტრი, რომლებზედაც უნდა წარმოადგინოს საკუთრების ან სარგებლობის დამადასტურებელი დოკუმენტები, რომლის მოქმედების ვადა უნდა იყოს მინიმუმ 2024 წლის 31 დეკემბრის ჩათვლით.

საამზომველო ინსტრუმენტი ჩართული უნდა იყოს „GEO-CORS“-ის სისტემაში, რომლის გამოყენებაზე წარმოდგენილი უნდა იქნეს სსიპ საჯარო რეესტრის ეროვნული სააგენტოს შესაბამის დეპარტამენტთან გაფორმებული ხელშეკრულება ან/და შესაბამისი ცნობა/წერილი სააგენტოდან საამზომველო ინსტრუმენტის „GEO-CORS“-ის სისტემაში ჩართვის შესახებ

პრეტენდენტის მიერ სახელმწიფო შესყიდვების ერთიან ელექტრონულ სისტემაში ასატვირთი დოკუმენტაციის ჩამონათვალი:
ა) ფასების ცხრილი.
ფასი გამოსახული უნდა იყოს ლარში, რაც უნდა მოიცავდეს ტენდერით განსაზღვრული მომსახურების მიწოდებისთვის გათვალისწინებულ ყველა ხარჯსა და მოსაკრებელს და მიმწოდებლისთვის გათვალისწინებულ ყველა გადასახადს, დღგ-ს ჩათვლით.

ბ) სტაციონალური GPS სისტემის და ელექტრო ტახეომეტრის საკუთრების ან სარგებლობის დამადასტურებელი დოკუმენტები.
გ) სსიპ საჯარო რეესტრის ეროვნული სააგენტოს შესაბამის დეპარტამენტიდან დოკუმენტი საამზომველო ინსტრუმენტის „GEO-CORS“-ის სისტემაში ჩართვის შესახებ
დ) გამოცდილების დამადასტურებელი დოკუმენტები ან/და შესაბამისად შევსებული დანართი N2.

შესყიდვის თავისებურებიდან (მომსახურების სპეციფიკიდან) გამომდინარე, ვინაიდან აღნიშნული შესყიდვის ობიექტი წარმოადგენს ძირითადად ინტელექტუალურ მომსახურებას, ხოლო ინტელექტუალური მომსახურების დანახარჯებს ძირითადად წარმოადგენს ადამიანური რესურსის შრომითი გასამრჯელო, მიმწოდებელს აქვს შესაძლებლობა აღნიშნული ინტელექტუალური მომსახურება განახორციელოს საბაზრო ღირებულებასთან შედარებით დაბალ ფასად. ზემოაღნიშნულიდან გამომდინარე, სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული „ელექტრონული ტენდერის ჩატარების წესი“-ს მე-18 მუხლის მე-5 პუნქტის საფუძველზე სატენდერო კომისიამ მიზანშეწონილად მიიჩნია პრეტენდენტის მიერ სისტემაში შესყიდვის ობიექტის სავარაუდო ღირებულებასთან 20%-ით ან მეტით დაბალი საბოლოო ფასის დაფიქსირების შემთხვევაში არ წარმოეშვას ფასწარმოქმნის ადეკვატურობის დასაბუთების ვალდებულება.

ანგარიშსწორება შესაძლებელია განხორციელდეს ეტაპობრივად, ფაქტიურად აზომილი მიწისა და შენობის ფართის შესაბამისად, არაუმეტეს პრეტენდენტის მიერ დაფიქსირებული ღირებულებისა.
ანგარიშსწორება განხორციელდება მიღება-ჩაბარებისა და ა/ფაქტურის (არსებობის შემთხვევაში) წარმოდგენიდან არაუმეტეს 10 სამუშაო დღეში უნაღდო ანგარიშსწორებით.

ხელშეკრულების შესრულების დამადასტურებელი დოკუმენტის გაფორმებიდან არაუგვიანეს 10 სამუშაო დღე.

თათია გელანტია, 577001197, t.gelantia@gmail.com ტექნიკურ საკითხთან დაკავშირებით - ნოდარ გოგოლაშვილი 577 555 854

1. სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად.
2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. იმ შემთხვევაში თუ ტენდერში მონაწილე პირი უცხოეთის მოქალაქეა ან უცხოეთში რეგისტრირებული იურიდიული პირია, აუცილებელია წარმოდგენილ იქნას პირის ადმინისტრაციული ორგანოებიდან წარმოსადგენი სარეგისტრაციო/უფლებრივი მონაცემების ამსახველი დოკუმენტები. აღნიშნული დოკუმენტები დამოწმებული უნდა იყოს კანონმდებლობით დადგენილი წესით (ლეგალიზებული ან აპოსტილით დამოწმებული) და მას თან უნდა ერთვოდეს ნოტარიულად დამოწმებული ქართული თარგმანი. დოკუმენტთან დაკავშირებული სადავო საკითხ(ებ)ის გადაწყვეტისას უცხოურენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.
3. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და/ან ინფორმაცია ხელმოწერილი და/ან ბეჭედდასმული (ბეჭდის არსებობის შემთხვევაში) უნდა იქნას უფლებამოსილი პირის მიერ (საჭიროების შემთხვევაში, ატვირთული უნდა იქნას მინდობილობა ან რწმუნებულება). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელმოწერისათვის გაცემული მინდობილობა. დამატებით პრეტენდენტმა უნდა ატვირთოს შესასრულებელი სამუშაოების ხარჯთაღრიცხვა ექსელის (Excel)ფაილის სახით.
4. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
5. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
6. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით.
7. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი ტექნიკური დოკუმენტაციის 1.3 პუნქტით გათვალისწინებული ფასების ცხრილი (ხარჯთაღრიცხვა) ან წარდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.
8. პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები (მაგ., ფასების ცხრილი, ინფორმაცია საკუთარი გამოცდილების შესახებ, საგარანტიო პირობები და ა.შ.). დაამოწმოს/დაადასტუროს კვალიფიციური ხელმოწერით/კვალიფიციური შტამპით.