Одежда для профессионального использования, спецодежда и аксессуары (Грузия - Тендер #54588242)

სამუშაო ტანსაცმლის აქსესუარების სახელმწიფო შესყიდვა.

1. საქონლის დასახელებები, რაოდენობები, ტექნიკური მახასიათებლები და საორიენტაციო ესკიზები მოცემულია შესყიდვის ობიექტის ტექნიკურ დავალებაში რომელიც ატვირთულია 1.2 მუხლში.
2. შესყიდვის ობიექტს უნდა გააჩნდეს იარლიყი, სადაც დაფიქსირდება გამოყენებული ქსოვილის შემადგენლობა და მოხმარების წესები. ასევე, უნდა ჰქონდეს ზომის აღმნიშვნელი. უნდა იყოს ინდივიდუალურად შეფუთული.
3. იმის გათვალისწინებით, რომ შესაძლებელია ესკიზებზე ზუსტად არ იყოს შესაძლებელი შესყიდვის ობიექტის რომელიმე შემადგენელი დეტალის მაგ. ფერის ტონალობების, თარგის აღქმა და ა.შ პრეტენდენტი ვალდებულია საქონლის თარგი და ფერი ნიმუშის წარმოდგენის ეტაპზე შეათანხმოს შემსყიდველთან და შეიკეროს შემსყიდველის მოთხოვნის შესაბამისად.
4. საქონელი უნდა იყოს ბრენდირებით, ზომები და ფერები დადგინდება ხელშეკრულების გაფორმების შემდეგ.

საქონლის მიწოდება უნდა განხორციელდეს ხელშეკრულების გაფორმებიდან არაუმეტეს 40 (ორმოცი) კალენდარული დღის განმავლობაში, რაც არ ითვალისწინებს ინსპექტირების განხორციელებისათვის საჭირო ვადას.

1. მისაწოდებელი საქონელი უნდა აკმაყოფილებდეს სატენდერო დოკუმენტაციის 1.2 პუნქტში ატვირთულ ტექნიკურ პარამეტრებს.

2. საქონლის მიწოდება უნდა განხორციელდეს მიმწოდებლის ხარჯით შემსყიდველის მისამართზე: ქ. გორი, ცხინვალის გზატკეცილი მე-3 კილომეტრი შპს „საქართველოს გაერთიანებული წყალმომარაგების კომპანიის“ ცენტრალური საწყობი.

3. მიმწოდებელი ვალდებულია გადასცეს შემსყიდველს უფლებრივად და ნივთობრივად უნაკლო საქონელი.

1. საქონლის საგარანტიო ვადა უნდა მოქმედებდეს მიღება-ჩაბარების აქტის გაფორმებიდან არანაკლებ 6 (ექვსი) თვე;

2. თუ საგარანტიო პერიოდის განმავლობაში საქონლის ექსპლუატაციისას გამოვლინდება დეფექტი ან/და ნაკლი, მიმწოდებელი ვალდებულია შემსყიდველის შეტყობინებიდან 10 (ათი) კალენდარული დღის ვადაში უზრუნველყოს დეფექტის ან/და ხარვეზის ან/და ნაკლის ან/და წუნის აღმოფხვრა საკუთარი ხარჯით, ან/და განახორციელოს შემსყიდველთან შეთანხმებულ გონივრულ ვადაში (მაგრამ არაუგვიანეს 20 კალენდარული დღისა), საქონლის ჩანაცვლება ახალი, ექსპლუატაციაში არ მყოფი, ანალოგიური პარამეტრების მქონე საქონლით, შემსყიდველის მხრიდან რაიმე დამატებითი დანახარჯის გაწევის გარეშე, გარდა იმ შემთხვევისა, თუ ასეთი ხარვეზი გამოწვეულია მექანიკური დაზიანებით.

3. საგარანტიო ვადის მითითება უნდა მოხდეს ფასების ცხრილში (დანართი N1).

1. შემოთავაზებულ საქონელზე პრეტენდენტმა უნდა წარმოადგინოს ინფორმაცია მწარმოებლის და არსებობის შემთხვევაში მოდელის შესახებ, ფასთა ცხრილის (დანართი N1) შესაბამისად.

შენიშვნა: პრეტენდენტის მიერ, „წინადადების მიღება დასრულებულია“ ეტაპზე, შემოთავაზებული საქონლის მწარმოებლისა და მოდელის (მოდელის არსებობის შემთხვევაში) შესახებ სატენდერო წინადადების ფარგლებში ინფორმაციის წარმოუდგენლობა ან ფასების ცხრილის წარმოუდგენლობა ან ფასების ცხრილის განუფასებლად წარდგენა გამოიწვევს სატენდერო პროცედურებიდან პრეტენდენტის დისკვალიფიკაციას დაზუსტების მექანიზმის გამოყენების გარეშე. ასევე, პრეტენდენტის მიერ დაზუსტებული სატენდერო წინადადების წარმოდგენის შემდგომ შემოთავაზებული საქონლის მწარმოებლის და მოდელის (მოდელის არსებობის შემთხვევაში) ცვლილება გამოიწვევს პრეტენდენტის დისკვალიფიკაციას.

პრეტენდენტი ვალდებულია წარმოადგინოს შემოთავაზებული საქონლის სერთიფიკატები სატენდერო დოკუმენტაციის ფასების ცხრილის (დანართი N1) ყველა პოზიციის შესაბამისად.

პრეტენდენტი ვალდებულია ფასების ცხრილის (დანართი N1) პირველ, მე-1, მე-2 და მე-4 პოზიციებზე მახასიათებლების სატენდერო დოკუმენტაციით განსაზღვრული მოთხოვნების შესაბამისობის დადგენის მიზნით ერთიან ელექტრონულ სისტემაში ატვირთოს ინფორმაცია/დოკუმენტი ან/და ვებ-ბმული მწარმოებლის ოფიციალური ვებ-გვერდიდან ან/და კატალოგიდან ან/და შესაბამისი ორგანოს მიერ გაცემული სერთიფიკატი, რომელიც დაადასტურებს საქონლის (მოდელის მითითებით/არსებობის შემთხვევაში) შესაბამისობას ტექნიკურ მახასიათებლებთან და ასევე, EN ნორმებთან და მოთხოვნებთან.

ასევე, ფასების ცხრილის მე-3 პოზიციაზე მახასიათებლების სატენდერო დოკუმენტაციით განსაზღვრული მოთხოვნების შესაბამისობის დადგენის მიზნით ერთიან ელექტრონულ სისტემაში ატვირთოს ინფორმაცია/დოკუმენტი ან/და ვებ-ბმული მწარმოებლის ოფიციალური ვებ-გვერდიდან ან/და კატალოგიდან ან/და შესაბამისი ორგანოს მიერ გაცემული სერთიფიკატი, რომელიც დაადასტურებს საქონლის (მოდელის მითითებით/არსებობის შემთხვევაში) შესაბამისობას ტექნიკურ მახასიათებლებთან და ასევე, EN ან ГОСТ 12.4.250 ნორმებთან და მოთხოვნებთან

1. ყველაზე დაბალი ფასის წარმომდგენმა პრეტენდენტმა უნდა წარმოადგინოს ფასების ცხრილისა (დანართი N1) და სატენდერო დოკუმენტაციის 1.2 პუნქტის (ტექნიკური დავალება) ყველა პოზიციით გათვალისწინებული შესყიდვის ობიექტის თითო ცალი ნიმუში შპს „საქართველოს გაერთიანებული წყალმომარაგების კომპანიის“ ცენტრალური ოფისში სამუშაო საათებში (09:00 საათიდან 18:00 საათამდე) შემდეგ მისამართზე: ქ. თბილისი, ანნა პოლიტკოვსკაიას N5 და N7;

2. ნიმუშის დადგენილ ვადაში წარმოუდგენლობა ან/და სატენდერო პირობებთან ან/და ტექნიკურ დოკუმენტაციასთან შეუსაბამობა სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული ,,ელექტრონული ტენდერის ჩატარების წესის“ 28-ე მუხლის მე-6 პუნქტის შესაბამისად გამოიწვევს პრეტენდენტის დისკვალიფიკაციას ამავე წესის 32-ე მუხლის პირველი პუნქტის „დ“ ქვეპუნქტის საფუძველზე;

3. პრეტენდენტის მიერ წარმოდგენილი შესყიდვის ობიექტის ნიმუში დაზუსტებას არ ექვემდებარება;

4. პრეტენდენტს შესყიდვის ობიექტის ნიმუში დაუბრუნდება გონივრულ ვადაში.

შპს „საქართველოს გაერთიანებული წყალმომარაგების კომპანიის“ ცენტრალური ოფისი - ქ. თბილისი, ანნა პოლიტკოვსკაიას N5 და N7.

1. იმ შემთხვევაში თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტმა შემსყიდველი ორგანიზაციის წერილობითი მოთხოვნის საფუძველზე, უნდა წარმოადგინოს (სისტემაში ატვირთოს) ფასწარმოქმნის ადეკვატურობის დამადასტურებელი დოკუმენტი; ფასწარმოქმნის ადეკვატურობა, შესაძლებელია დასაბუთდეს ექსპერტიზის ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი). აღნიშნულის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას.
2. ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ფასების ცხრილის ჯამურ ღირებულებასთან), ასევე ფასების ცხრილის ერთეულებთან მიმართებით.

1. სატენდერო წინადადებაში საერთო ფასი გამოსახული უნდა იყოს შესყიდვის ობიექტის მიწოდებასთან დაკავშირებული საქართველოს კანონმდებლობით გათვალისწინებული ყველა ხარჯისა და გადასახადის გათვალისწინებით;
2. მიმწოდებელთან ანგარიშსწორება განხორციელდება უნაღდო ანგარიშსწორების ფორმით, ეროვნულ ვალუტაში;
3. დაფინანსების წყარო: შპს „საქართველოს გაერთიანებული წყალმომარაგების კომპანიის“ 2024 წლის საკუთარი სახსრები;
4. ანგარიშსწორება განხორციელდება, ფაქტიურად მიწოდებული საქონლის შესაბამისად, მიღება–ჩაბარების აქტის, ინსპექტირების აქტის (დადებითი დასკვნით), სასაქონლო ზედნადებისა და საგადასახადო ანგარიშფაქტურის (დღგ-ს გადამხდელის შემთხვევაში) მიმწოდებლის მიერ წარმოდგენის შემდეგ.

ანგარიშსწორება განხორციელდება მიმწოდებლის მიერ ანგარიშსწორებისათვის საჭირო დოკუმენტაციის წარმოდგენიდან 10 (ათი) სამუშაო დღის ვადაში.

თათა თხელიძე, 591220520, t.tkhelidze@water.gov.ge

1. სახელმწიფო შესყიდვების ერთიან ელექტრონულ სისტემაში (შემდგომში – „სისტემა“) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად;
2. პრეტენდენტს არ აქვს უფლება წარმოადგიმოს ალტერნატიული სატენდერო წინადადება;
3. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე, რომელშიც, თარგმანის სისწორე ან/და მთარგმნელის ხელმოწერის ნამდვილობა დამოწმებული უნდა იყოს ნოტარიული წესით;
4. სახელმწიფო შესყიდვების ერთიან ელექტრონულ სისტემაში ატვირთული, პრეტენდენტის მიერ შექმნილი,დოკუმენტები ან/და ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
5. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად;
6. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი სატენდერო დოკუმენტაციის 1.3 პუნქტით გათვალისწინებული ფასების ცხრილი (ხარჯთაღრიცხვა) ან ის წარმოდგენილი იქნება განუფასებლად (გარდა იმ შემთხვევისა, თუ წარდგენილ ხარჯთაღრიცხვაში განუფასებელი პოზიცი(ებ)ის რაოდენობა არ აღემატება განსაფასებელი პოზიციების 1%-ს).