Инженерные услуги (Грузия - Тендер #54365435)

ქედის მუნიციპალიტეტში წყლის სისტემის მშენებლობა-რეაბილიტაციისათვის საპროექტო-სახარჯთაღრიცხვო დოკუმენტაციის შედგენის მომსახურების შესყიდვა.

ქედის მუნიციპალიტეტში წყლის სისტემის მშენებლობა-რეაბილიტაციისათვის
საპროექტო-სახარჯთაღრიცხვო დოკუმენტაციის შედგენის მომსახურების შესყიდვა. სამუშაოების სავარაუდო ღირებულება შეადგენს - 1 000 000 ლარს.

2. მომსახურების სახეობა:
ა) კვლევა-ძიება და კამერალური სამუშაოები;
ბ) საპროექტო სამუშაოები;
გ) სახრჯთაღრიცხვო დოკუმენტაციის მომზადება, ნახაზების შედგენა და ობიექტის სავარაუდო ღირებულების დადგენა;
დ) ობიექტის საბოლოო პროექტის შედგენა 4 ეგზემპლარად და მისი ელექტრონული ვარიანტის წარმოდგენა;
ე) დეფექტური უწყისებით ხარჯთაღრიცხვების შედგენა;
ვ) ტექნიკურ-ეკონომიკური დასაბუთება.

3. დამატებითი მომსახურების გაწევა, კერძოდ:
ა) ხარჯთაღრიცხვების გადაანგარიშება;
ბ)პროექტების კორექტირება;
გ) სამშენებლო მონაკვეთის განთვისების ზოლის (ბუფერის) სახელმწიფო ტყის ფონდის საზღვრებთან ზედდების შემთხვევაში ტყის ფონდიდან ტერიტორიის ამორიცხვა, არაუმეტეს საქართველოს მთავრობის 20.08.2010 წლის #242 „ტყით სარგებლობის წესის დამტკიცების შესახებ“ დადგენილებით განსაზღვრულისა.

4. დავალების შინაარსი:
4.1 შესასრულებელი სამუშაოების ხარისხის გაზრდისა და ღირებულების შემცირების მიზნით მიმწოდებელი ვალდებულია:
ა) ყოველი კონკრეტული საპროექტო სამუშაოები შეასრულოს სამუშაოები კლასიფიკაციის ინსტრუქციის შესაბამისად (საუწყებო სამშენებლო ნორმები) და ტექნიკური დავალებით გათვალისწინებული პირობებით. რიგ შემთხვევებში დასაშვებია საბაზრო ფასების გამოყენების პრაქტიკაც;
ბ) საკვლევაძიებო და საპროექტო-სახარჯთაღრიცხვო სამუშაოების დროულად და
ხარისხიანად შესრულებისათვის მოახდინოს დაინტერესებულ ორგანიზაციებთან და პირებთან პროექტის საჭირო წინასწარი შეთანხმებები, გარდა სამშენებლო მოედნისა, ტერიტორიის გამოყოფის და გათავისუფლებისა, რომელიც წარმოადგენს შემსყიდველის მოვალეობას;
გ) პროექტებში გათვალისწინებულ უნდა იქნეს მშენებლობაში მიღწეული და დაგროვილი
საერთაშორისო გამოცდილებები ახალი ტექნოლოგიებისა და მოწყობილობების გამოყენებით საქართველოს სპეციფიკური პირობებიდან გამომდინარე;
დ) პერიოდული შეკეთებისა და სარეაბილიტაციო სამუშაოების და დეფექტური უწყისებით ხარჯთაღრიცხვების შედგენისას პროექტების ღირებულება მიმწოდებელმა უნდა განსაზღვროს დასაბუთებული კალკულაციებით და ღირებულებებით;
ე) მიმწოდებელი პასუხისმგებელია ყველა საჭირო საოფისე ფართის, აღჭურვილობის,
მოწყობილობის, ტრანსპორტის უზრუნველყოფაზე და ყველა საველე სამუშაოებისათვის საჭირო ტექნიკაზე.
ვ) ,,მიმწოდებელი" ვალდებულია თავისი ხარჯებით უზრუნველყოს საპროექტო სახარჯთაღრიცხვო დოკუმენტაციის ექსპერტიზის დასკვნის წარმოდგენა. დასკვნა გაცემული უნდა იყოს სსიპ „ლევან სამხარაულის სახელობის სასამართლო ექსპერტიზის ეროვნული ბიუროს“ ან სხვა აკრედიტებული პირის მიერ. სსიპ „აკრედიტაციის ერთიანი ეროვნული ორგანო - აკრედიტაციის ცენტრი“ - ს მიერ აღნიშნულ სფეროში აკრედიტებული საექსპერტო დაწესებულების მიერ გაცემული ექსპერტიზის ჩატარების შემთხვევაში დასკვნასთან ერთად წარმოდგენილი უნდა იყოს აღნიშნულ საექსპერტო დაწესებულებაზე სსიპ „აკრედიტაციის ერთიანი ეროვნული ორგანო - აკრედიტაციის ცენტრი“ - ს მიერ გაცემული აკრედიტაციის მოწმობა.

5. დავალების შესრულების წესი
ა) მიმწოდებელი ვალდებულია შეასრულოს მომსახურება ხელშეკრულებით და კონკრეტულ პროექტზე ტექნიკური დავალებებით განსაზღვრულ ვადებში. მიმწოდებელი ვალდებულია მერიის მიერ გადაცემული საპროექტო დავალებით განსაზღვრულ ვადაში წარმოადგინოს დავალებაში მითითებული საპროექტო დოკუმენტაცია.
ბ) შემსყიდველი და მიმწოდებელი ერთობლივად განიხილავენ ყოველ ცალკეულ ობიექტზე მომსახურების გაწევის მიმდინარეობის საკითხს და საჭიროების შემთხვევაში შეაქვთ მასში სათანადო ცვლილებები. ხელშეკრულების დამდებ არც ერთ მხარეს არ აქვს უფლება შეიტანოს ყოველ ცალკეულ ობიექტზე მომსახურების გაწევის ვადებში ცვლილებები მეორე მხარესთან შეთანხმების გარეშე.
გ) მხოლოდ შემსყიდველის თანხმობის შემთხვევაში შეუძლია მიმწოდებელს ქვეკონტრაქტის გაფორმება. ქვეკონტრაქტის შინაარსი არ ცვლის მიმწოდებლის ვალდებულებებსა და პასუხისმგებლობებს.
დ) მიმწოდებელი ვალდებულია ქედის მუნისიპალიტეტში ყავდეს წარმომადგენელი, რომელიც ოპერატიულად შეძლებს ობიექტზე მასალების შეგროვებას და დამუშავებას.
ე) სამუშაოების კლასიფიკაციის ტექნიკური რეგლამენტი”-ს შესაბამისად (საუწყებო სამშენებლო ნორმები დამტკიცებული საქართველოს მთავრობის 2013 წლის 10 ივლისის #172 დადგენილებით) და ყოველ კონკრეტულ ობიექტზე საპროექტო-სატენდერო დოკუმენტაციის შესადგენად გაცემული ტექნიკური დავალებით განსაზღვრული მოთხოვნებით, ასევე ხელშეკრულების პირობებით;

6. კუთვნილება
ა) ამ დავალებასთან დაკავშირებით მომზადებული ნებისმიერი შესწავლა, ანგარიში, გრაფიკული ან სხვა სახის მასალი ეკუთვნის შემსყიდველს და რჩება მის საკუთრებაში;
ბ) მიმწოდებელს არ აქვს ამ მასალების გამოყენების უფლება სხვა სამუშაოების შესასრულებლად შემსყიდველის წინასწარი თანხმობის გარეშე.
გ) მიმწოდებელი ვალდებულია წარმოადგინოს პროექტის ნაწილის ან სრული მოცულობის ელექტრონული ვერსია.

7. საპროექტო დოკუმენტაციის რაოდენობა
ა) მიმწოდებელი ვალდებულია გადასცეს შემსყიდველს სრული საპროექტო- სახარჯთაღრიცხვო დოკუმენტაცია 4 ეგზემპლარად და მისი შესაბამისი ელექტრონული ვარიანტი.

ხელშეკრულების გაფორმებიდან 2024 წლის 25 დეკემბრამდე

საპროექტო დოკუმენტაციის მიწოდების ადგილი: დაბა ქედა, მ.კოსტავას ქ.3, ქედის მუნიციპალიტეტის მერია.

პრეტენდენტმა უნდა წარმოადგინოს ინფორმაცია 2021 წლის 1 იანვრიდან ტენდერის გამოცხადების დღემდე პერიოდში განხორციელებული ანალოგიური სახის, კერძოდ: სასმელი წყლის ან/და საკანალიზაციო სისტემების მშენებლობის ან/და რეაბილიტაციის საპროექტო-ახარჯთაღრიცხვო დოკუმენტაციის შედგენაის მომსახურების არანაკლებ 100 000 (ასი ათასი) ლარის ღირებულების გამოცდილების შესახებ.
-გამოცდილების დადასტურების მიზნით, პრეტენდენტი ვალდებულია წარმოადგინოს მხარეთა მიერ ხელმოწერილი ხელშეკრულებების და საბოლოო მიღება-ჩაბარების აქტების ასლები, საიდანაც შესაძლებელია მომსახურების შინაარსისა და ღირებულებების იდენტიფიცირება). თუ მოცემული დოკუმენტები ატვირთულია სახელმწიფო შესყიდვების ერთიან ელექტრონულ სისტემაში და ინფორმაციაში მითითებულია განცხადების ნომრ(ებ)ი (SPA, NAT, DAP, CMR და სხვა ნომრები) ხელშეკრულების შესრულების მიმდინარეობის ანგარიშზე არსებული ინფორმაციებით და ატვირთული დოკუმენტაციებით შესაძლებელი იქნება მომსახურების შინაარსისა და ღირებულებების იდენტიფიცირება, დამატებითი დოკუმენტის წარმოდგენას არ საჭიროებს;
- იმ შემთხვევაში თუ პრეტენდენტი გამოცდილების სახით წარმოადგენს არასახელმწიფო შესყიდვის ხელშეკრულებებსა და მათი შესრულების დოკუმენტაციას, პრეტენდენტი ვალდებულია დამატებით წარმოადგინოს აღნიშნულ სამუშაოებზე დადასტურებული საგადასახადო ანგარიშ-ფაქტურების ქსეროასლები.ამასთან, სახელმწიფო შესყიდვის ხელშეკრულების ქვეკონტრაქტორობის შემთხვევაში, პრეტედენდენტმა დამატებით უნდა წარმოადგინოს ამ ხელშეკრულებაში მითითებული ქვეკონტრაქტორთან დაკავშირებული მოთხოვნების შესაბამისი დოკუმენტები (შეტყობინება, ან/და თანხმობა, ან/და % შეზღუდვა და სხვა) (ხელშეკრულებაში ასეთი მოთხოვნის არსებობის შემთხვევაში);
ეს მოთხოვნა არ ვრცელდება ქედის მუნიციპალიტეტის დაკვეთით შესრულებულ მომსახურებაზე, ამ შემთხვევაში წარმოდგენილი უნდა იქნას ანალოგიური სახის მომსახურებაზე გაფორმებული ხელშეკრულებების რეესტრი.
ინფორმაცია ასევე წარმოდგენილი იქნას დანართი #2-ის სახით.

მიმწოდებელი ვალდებულია შეასრულოს მომსახურება ხელშეკრულებით და კონკრეტულ პროექტზე ტექნიკური დავალებებით განსაზღვრულ ვადებში. მერიის მიერ გადაცემული საპროექტო დავალებით განსაზღვრულ გონივრულ ვადაში წარმოადგინოს დავალებაში მითითებული საპროექტო დოკუმენტაცია.

ვინაიდან აღნიშნული შესყიდვის ობიექტი წარმოადგენს ინტელექტუალურ მომსახურებას, ხოლო ინტელექტუალური მომსახურების ძირითად დანახარჯებს წარმოადგენს ადამიანური რესურსის შრომითი ანაზღაურება, ხოლო მატერიალური დანახარჯების წილი უმნიშვნელოა, მიმწოდებელს აქვს შესაძლებლობა აღნიშნული ინტელექტუალური მომსახურება განახორციელოს საბაზრო ღირებულებასთან შედარებით დაბალ ფასად. ზემოთაღნიშნულიდან გამომდინარე, პრეტენდენტის მიერ სისტემაში შესყიდვის ობიექტის სავარაუდო ღირებულებასთან 20%-ით ან მეტით დაბალი საბოლოო ფასის დაფიქსირების შემთხვევაში, შემსყიდველი ორგანიზაცია არ ითვალისწინებს ფასწარმოქმნის ადეკვატურობის დასაბუთების ვალდებულებას.

როგორც ეტაპობრივი, ასევე საბოლოო ანგარიშსწორება განხორციელდება მიღება-ჩაბარების აქტის გაფორმების და საგადასახადო ანგარიშფაქტურის წარმოდგენის შემდეგ.

ეტაპობრივი ან/და საბოლოო ანგარიშსწორება განხორციელდება ხელშეკრულების შესრულების დამადასტურებელი დოკუმენტის გაფორმებიდან არაუგვიანეს 10 სამუშაო დღეში.

გივი დევაძე, 599851300, kedatenderi@gmail.com