Строительно-монтажные работы (Грузия - Тендер #53408980)

სსიპ ქალაქ ბათუმის N13 საჯარო სკოლის ტერიტორიაზე ღობის და საყრდენი კედლის მოწყობის და სსიპ ქალაქ ბათუმის N14 საჯარო სკოლის ტერიტორიაზე მთავარი შესასვლელის მხარეს ღობის მოწყობის სამუშაოები

იხ. ტექნიკური პირობები, ხარჯთარიცხვები და პროექტი

მიმწოდებლის მიერ სამუშაოების შესრულება და შესყიდვის ობიექტის მიწოდება უნდა განხორციელდეს ხელშეკრულების დადებიდან 3 (სამი) კალენდარული თვის ვადაში.

ვადის ცვლილების (გაზრდის) საფუძველს არ წარმოადგენს მეტეოროლოგიური მოვლენები, ასევე ობიექტის მიმდებარედ მიმდინარე სხვა სამუშაოები. აღნიშნულ ვადაში გათვალისწინებულია ზამთრის პერიოდიც.

ამასთან, ბათუმის N14 სკოლის ნაწილში სამუსაოები უნდა შესრულდეს ხელშეკრულების დადებიდან 30 კალენდარული დღის ვადაში. იმ შემთხვევაში, თუ ბათუმის N14 სკოლის ნაწილში სამუშაოები ვერ დასრულდა 2024 წლის ივნისის ბოლომდე, შემსყიდველის წერილობითი შეტყობინებით, ეროვნული გამოცდების მიმდინარეობის გამო, მიმწოდებელმა უნდა შეაჩეროს სამუშაოების წარმოება შესაბამისი ვადით (შეჩერების პერიოდში მიმწოდებელს პირგასამტეხლო არ დაერიცხება).

სამშენებლო სამუშაოების წარმოება შემდეგ მისამართზე: ბათუმი, მ. ვარშანიძის ქ. N53 (N13 სკოლა) და ინასარიძის ქ. N11 (N14 სკოლა).

სახურავი - 10 წელი (ასეთის არსებობის შემთხვევაში);
კონსტრუქციები - 25 წელი (ასეთის არსებობის შემთხვევაში);
სხვა დანარჩენი - 3 წელი (ასეთის არსებობის შემთხვევაში);

ა) ტენდერში მონაწილე პრეტენდენტს (შესყიდვაში მონაწილეობის მსურველ პირს) 2020 წლის 1 იანვრიდან ტენდერის გამოცხადებამდე პერიოდში, საქართველოს, ევროკავშირის (EU) ან OECD-ს წევრ სახელმწიფოთა ტერიტორიაზე ((EU) ან OECD-ს შემთხვევაში ჩაითვლება ყველა წევრი ქვეყნის ტერიტორია) შესრულებული უნდა ჰქონდეს ღობეების ან/და საყრდენი კედლების მოწყობის სამუშაოების მიწოდება საერთო ღირებულებით არანაკლებ 10 000 ლარის.

იმ შემთხვევაში, თუ ზემოაღნიშნული სამუშაოები განხორციელებულია სხვა სამუშაოებთან ერთად, მოთხოვნილ დოკუმენტაციასთან ერთად წარმოდგენილი უნდა იქნეს შესაბამისი დოკუმენტაცია (ფორმა 2 ან მსგავსი დოკუმენტაცია), რომლითაც დადასტურდება ღობეების ან/და საყრდენი კედლების მოწყობის სამუშაოების ღირებულება.

ბ) ამასთან, გამოცდილებაში ჩაითვლება მხოლოდ დასრულებული სამუშაოები, რაზედაც გაფორმებულია საბოლოო მიღება-ჩაბარების აქტები, ხოლო იმ შემთხვევაში, თუ პრეტენდენტის მიერ სახელმწიფო შესყიდვის ფარგლებში განხორციელებულია სამუშაოები, როგორც ქვეკონტრაქტორის მიერ (მიუხედავად იმისა, თუ მერამდენე ქვეკონტრაქტორია), განხორციელებული სამუშაოები მხოლოდ იმ შემთხვევაში ჩაითვლება გამოცდილებად, თუ საბოლოო მიღება-ჩაბარების აქტი გაფორმებულია ძირითად კონტრაქტორებს შორისაც, ამასთან, პრეტენდენტი ვალდებულია წარმოადგინოს აღნიშნული აქტი, თუ იგი არ არის განთავსებული შესაბამისი შესყიდვის გვერდზე.

გ) გასათვალისწინებელი გარემოება ამხანაგობის, როგორც პრეტენდენტის ტენდერში მონაწილეობის შემთხვევაში:

ამხანაგობის ელექტრონულ ტენდერში მონაწილეობის საკითხი რეგულირდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესი“-ს 24-ე მუხლის შესაბამისად.

დ) იმ შემთხვევაში, თუ პრეტენდენტს ცხრილში მითითებული აქვს საქართველოში განხორციელებული არასახელმწიფო შესყიდვა ან საქართველოს ფარგლებს გარეთ ნებისმიერი მიწოდება, მაშინ მან უნდა წარმოადგინოს ამ შესყიდვებზე ხელშეკრულებები, მიღება-ჩაბარების აქტები (ან მასთან გათანაბრებული დოკუმენტაცია), აღნიშნულ სამუშაოებზე დადასტურებული საგადასახადო ანგარიშ-ფაქტურების ქსეროასლები (სხვა ქვეყნის შემთხვევაში - მსგავსი დოკუმენტი) და ამ ხელშეკრულების ფარგლებში გადახდის დამადასტურებელი დოკუმენტები (საბანკო ან/და სალაროს ქვითრები). ამასთან, ახალი მშენებლობის ან/და რეკონსტრუქციის შემთხვევაში, აღნიშნული სამუშაოები გამოცდილებად ჩაითვლება მხოლოდ იმ შემთხვევაში, თუ მშენებლობა დასრულებულია და შენობა ექსპლოატაციაშია მიღებული, მიუხედავად იმისა, პრეტენდენტის მიერ სამუშაოების რა ნაწილია შესრულებული. ასევე წარმოდგენილი უნდა იქნეს ექსპლოატაციაში მიღების დოკუმენტი.


შენიშვნა: სახელმწიფო შესყიდვის ფარგლებში, ქვეკონტრაქტით განხორციელებული მიწოდება განიხილება არასახელმწიფო შესყიდვად.

ე) იმ შემთხვევაში, თუ პრეტენდენტის მიერ სახელმწიფო შესყიდვის ფარგლებში განხორციელებულია სამუშაოები, როგორც ქვეკონტრაქტორის მიერ და ძირითად მხარეთა შორის გაფორმებული სახელმწიფო შესყიდვის შესახებ ხელშეკრულება მიმწოდებლის მიერ ქვეკონტრაქტორის გამოყენებას ითვალისწინებს მხოლოდ შემსყიდველი ორგანიზაციის თანხმობის ან/და ინფორმირების შემთხვევაში, მიმწოდებელმა კი ხელშეკრულების ფარგლებში ნაკისრი ვალდებულებების ნაწილი მესამე პირს შესასრულებლად გადასცა ასეთი თანხმობის/ინფორმირების გარეშე, შესრულებული სამუშაოები არ ჩაითვლება გამოცდილებაში. ამასთან, პრეტენდენტი ვალდებულია წარმოადგინოს ასეთი თანხმობის/ინფორმირების დამადასტურებელი დოკუმენტაცია, თუ მსგავსი დოკუმენტაცია არ არის განთავსებული შესაბამისი ტენდერის გვერდზე.

ამასთან, სახელმწიფო შესყიდვის ფარგლებში, როგორც ქვეკონტრაქტორის მიერ განხორციელებულია სამუშაოები ითვლება საქართველოში განხორციელებულ არასახელმწიფო შესყიდვად და მასზე ვრცელდება სატენდერო დოკუმენტაციის 2.2.1. პუნქტის ,,დ ქვეპუნქტის მოთხოვნა.

ვ) იმ შემთხვევაში თუ, სამუშაოების შესყიდვა განხორციელებული არის სახელმწიფო შესყიდვების ერთიანი ელექტრონული სისტემის გამოყენებით (w.w.w. http://procurement.gov.ge/) და საბოლოო მიღება-ჩაბარების აქტი დამკვეთის (შემსყიდველი) მიერ ატვირთული არის სახელმწიფო შესყიდვების ერთიან ელექტრონულ სისტემაში, შესაძლებელია წარმოდგენილი იყოს დოკუმენტაცია/ინფორმაცია სახელმწიფო შესყიდვების ერთიან ელექტრონულ სისტემის საშუალებით ჩატარებული შესყიდვის საშუალების ნომრის (SPA, DAP; NAT, DEP; MEP; TEP; GEO: CMR ან სხვა არსებობის შემთხვევაში) შესახებ.

ზ) იმ შემთხვევაში თუ დამკვეთი (შემსყიდველი) და შემსრულებელი (პრეტენდენტი ან ამხანაგობის წევრი) არის ერთი და იგივე პირი და არ არსებობს სამუშაოების მიწოდებაზე გაფორმებული ხელშეკრულება, შესაძლებელია წარმოდგენილი იქნას აუდიტორული ფირმების ან/და აუდიტორების სახელმწიფო რეესტრში რეგისტრირებული პირის მიერ გაცემული შესაბამისი დასკვნა (დასკვნაში მითითებული უნდა იყოს დასკვნის გამცემი პირის სახელმწიფო რეესტრში რეგისტრაციის ნომერი და აღნიშნული უნდა იძებნებოდეს https://www.saras.gov.ge ვებ-გვერდზე შესაბამის რეესტრში), რომლითაც უნდა დასტურდებოდეს, რომ პრეტენდენტს ზემოაღნიშნული პერიოდის განმავლობაში გააჩნია მოთხოვნილი ღირებულების და შინაარსის სამშენებლო-სარეაბილიტაციო სამუშაოების შესრულების გამოცდილება. ახალი მშენებლობის ან/და რეკონსტრუქციის შემთხვევაში, ასევე წარმოდგენილი უნდა იქნეს ექსპლოატაციაში მიღების დოკუმენტი.

თ) იმ შემთხვევაში, თუ პრეტენდნეტს გამოცდილება მიღებული აქვს სახელმწიფო საიდუმლეობასთან დაკავშირებული სამუშაოების შესრულებით (,,გრიფით საიდუმლო), საკმარისია შესრულებული სამუშაოების შესახებ დამკვეთის მიერ გაცემული ცნობის (წერილის) წარმოდგენა. ამ დოკუმენტის მეშვეობით უნდა დგინდებოდეს 2.2.1.1 პუნქტით განსაზღრულ მოთხოვნასთან შესაბამისობა.

ი) ყველა ზემოაღნიშნულ შემთხვევაში, თუ ხელშეკრულება დადებულია ან/და სამუშაოები დაწყებულია 2020 წლის 01 იანვრამდე, გამოცდილებაში ჩაითვლება მხოლოდ ის სამუშაოები, რომელიც შემსყიდველს/დამკვეთს მიღებული აქვს 2020 წლის 01 იანვრის შემდეგ, ხოლო წინამდებარე მუხლის ,,ზ პუნქტის შემთხვევაში - ის სამუშაოები, რომელთა შესრულებაც, წარმოდგენილი დოკუმენტაციის მიხედვით დასტურდება 2020 წლის 01 იანვრის შემდგომ პერიოდში.

კ) არარეზიდენტი პირის ან წარმომადგენლობა/ფილიალის, მათ შორის ამხანაგობის წევრი არარეზიდენტი პირის ან არარეზიდენტი პირის წარმომადგენლობა/ფილიალის შემთხვევაში, 2.2.1 პუნქტის განსაზღვრული გამოცდილების დამადასტურებელი დოკუმენტები დადასტურებული უნდა იყოს სათანადო წესით: ლეგალიზებული ან/და აპოსტილით დამოწმებული;

1. მიმწოდებელმა წერილობით უნდა აცნობოს შემსყიდველს ხელშეკრულების ფარგლებში ქვეკონტრაქტორის აყვანის შესახებ. მიმწოდებელი ვალდებულია შემსყიდველს ასევე აცნობოს თუ რა მოცულობის სამუშაოები გადაეცემა ქვეკონტრაქტორს.
2. მუშაობის პროცესში ქვეკონტრაქტორის შეცვლა, ან დამატებითი ქვეკონტრაქტორის აყვანა ასევე უნდა ეცნობოს შემსყიდველს. მიმწოდებელი ვალდებულია აცნობოს შემსყიდველს მოცულობის რა ნაწილი გადაეცემა ქვეკონტრაქტორს.
3. იმ შემთხვევაში, თუ კონკრეტული ქვეკონტრაქტორისათვის გადასაცემი სამუშაოების საერთო ღირებულება (ერთი ან რამდენიმე ხელშეკრულების ფარგლებში) აღემატება წინამდებარე ხელშეკრულების 30%-ს, მაშინ ქვეკონტრაქტორი უნდა აკმაყოფილებდეს სატენდერო დოკუმენტაციით პრეტენენტისათვის წაყენებულ გამოცდილების მოთხოვნებს, რის თაობაზეც პრეტენდენტმა უნდა წარმოადგინოს შესაბამისი დოკუმენტაცია.
4. ქვეკონტრაქტორი არ უნდა იყოს რეგისტრირებული შესყიდვებში მონაწილე არაკეთილსინდისიერ პირთა რეესტრში – „შავი სია“.
5. სამუშაოების ქვეკონტრაქტორზე გადაცემით მიმწოდებელი არ თავისუფლდება ხელშეკრულებით ნაკისრი ვალდებულებებიდან.
6. წინამდებარე მუხლში მითითებული მოთხოვნების დარღვევის შემთხვევაში ხელშეკრულება ცალმხრივად შეწყდება და ამოქმედდება ხელშეკრულების უზრუნველყოფის გარანტია

სავარაუდო ღირებულებასთან შედარებით საბოლოო ფასის 20 %-ით ან მეტით კლების შემთხვევაში ფასწარმოქმნის ადეკვატურობის დასადასტურებლად პრეტენდენტმა უნდა წარმოადგინოს: სსიპ „ლევან სამხარაულის სახელობის სასამართლო ექსპერტიზის ეროვნული ბიუროს“ ან სხვა აკრედიტებული პირის დასკვნა (აკრედიტებული პირის მიერ გაცემულ დასკვნასთან ერთად წარმოდგენილ უნდა იქნას დასკვნის გამცემი პირის აკრედიტაციის დამადასტურებელი დოკუმენტის ასლი), რომელშიც ტექსტობრივად მკაფიოდ უნდა იკვეთებოდეს, 2017 წლის 26 სექტემბრის საქართველოს მთავრობის N439 დადგენილებით განსაზღვრული ტექნიკური რეგლამენტის - "სამშენებლო სამუშაოების ხარჯთაღრიცხვის ფასწარმოქმნის ადეკვატურობის დადგენის მეთოდის" მოთხოვნებთან დასკვნის შესაბამისობა. წარმოდგენილი დასკვნით უნდა დასტურდებოდეს პრეტენდენტის მიერ ატვირთულ სატენდერო ხარჯთაღრიცხვაში (სატენდერო წინადადების საბოლოო ფასის შესაბამისი ხარჯთაღრიცხვა) დაფიქსირებული ერთეულის ფასებით (თითოეულ ერთეულთან მიმართებით) და აგრეთვე ჯამური ღირებულებით ამავე ხარჯთაღრიცხვით განსაზღვრული სამუშაოების შესრულების შესაძლებლობა. ექსპერტიზის დასკვნას თან უნდა ერთვოდეს სატენდერო ხარჯთაღრიცხვა და რესურსული მეთოდით შედგენილი ხარჯთაღრიცხვა. საექსპერტო შეფასება უნდა შეიცავდეს ექსპერტიზის ჩატარების მეთოდს, შენიშვნებისა და დადებითი შეფასების დასაბუთებას. საბოლოო შეფასება უნდა იყოს ერთმნიშვნელოვნად დადებითი ან უარყოფითი და შეიცავდეს ჩანაწერს, შეესაბამება თუ არა წარდგენილი ხარჯთაღრიცხვა „სამშენებლო სამუშაოების ხარჯთაღრიცხვის ფასწარმოქმნის ადეკვატურობის დადგენის მეთოდიკის“ მოთხოვნებს.

საავანსო ანგარიშსწორება შესაძლებელია მაქსიმუმ ხელშეკრულების ღირებულის 50%-ის ფარგლებში მიმწოდებლის მიერ ამავე თანხაზე ხელშეკრულების მე-10 მუხლით გათვალისწინებული საბანკო გარანტიის წარმოდგენის შემთხვევაში და მხოლოდ მას შემდეგ, რაც მიმწოდებელსა და შემსყიდველს შორის გაფორმდება ხელშეკრულების ღირებულების არანაკლებ 50%-ს ღირებულების სამუშაოებზე შუალედური მიღება-ჩაბარების აქტი, რომელიც დადასტურებული იქნება ფორმა 2-თა და მიღება-ჩაბარების აქტით. ავანსის გაცემა განმეორებით შესაძლებელია იმის გათვალისწინებით, რომ საავანსო ანგარიშსწორებით გადახდილი თანხა, რომელიც არ არის გამოქვითული, არ უნდა აღემატებოდეს სახელშეკრულებო ღირებულების 50 (ორმოცდაათი) პროცენტს.

საავანსო ანგარიშსწორების შემთხვევაში, ავანსად გაცემული თანხა ჩაითვლება საბოლოო ანგარიშსწორებისას. ამასთან, შესაძლებელია შემსყიდველის მიერ სამუშაოების ნაწილის შესრულებისა და მისი მოთხოვნის შემთხვევაში (იმ შემთხვევაში თუ წარმოდგენილი საავანსო ანგარიშსწორების საბანკო გარანტია არ მცირდება შესრულებული სამუშაოების ღირებულების პროპორციულად), წინამდებარე ხელშეკრულების მე–5 მუხლით გათვალისწინებული წესით გაფორმებული მიღება-ჩაბარების აქტისა და შესაბამისი საგადასახადო დოკუმენტაციის საფუძველზე, გადახდილი იქნას ფაქტიურად შესრულებული სამუშაოების ღირებულება, არანაკლებ ავანსად გადახდილი თანხის ნაწილის (შესრულებული სამუშაოების ღირებულების არანაკლებ 50 (ორმოცდაათი) პროცენტის გამოქვითვით.

1. მიმწოდებელთან ანგარიშსწორება განხორციელდება უნაღდო ანგარიშსწორების ფორმით, საქართველოს ეროვნულ ვალუტაში 2024 წლის რესპუბლიკური ბიუჯეტით გამოყოფილი ასიგნებების ფარგლებში.
2. შემსყიდველი ანგარიშსწორებას ახორციელებს შემდეგი წესის შესაბამისად:
ა) ეტაპობრივად, ფაქტიურად შესრულებული სამუშაოების ხელშეკრულების მე-5 მუხლით განსაზღვრული წესით;
ბ) საბოლოო ანგარიშსწორება განხორციელდება, წინამდებარე ხელშეკრულებით გათვალისწინებული წესით, შესრულებული სამუშაოების საბოლოო მიღება-ჩაბარების აქტის საფუძველზე.
3. შესრულებული სამუშაოების მოცულობა, რაოდენობა და ღირებულება შუალედური/საბოლოო მიღება-ჩაბარების აქტის შედგენამდე შემსყიდველის მიმართვით და ხარჯით უნდა დადასტურდეს სსიპ ,,ლევან სამხარაულის სახელობის ექსპერტიზის ეროვნული ბიურო“-ს საექსპერტო დასკვნით ან სხვა აკრედიტებული პირის დასკვნით. დასკვნებს შორის უპირატესობა მიენიჭება საბოლოო დასკვნას, რომელიც ჩატარდება მთლიან შესრულებულ სამუშაოებზე.
4. ხელშეკრულების საგნის მიღება ფორმდება (როგორც სრული, ასევე ნაწილობრივი) შესაბამისი მიღება-ჩაბარების აქტის გაფორმებით. შესრულებული სამუშაოების (როგორც სრულად, ასევე ნაწილობრივ) მიღება-ჩაბარების აქტის შედგენამდე, მიმწოდებელმა უნდა უზრუნველყოს ტექნიკური ზედამხედველობის განმახორციელებელი პირის მიერ დამოწმებული შესრულებული სამუშაოების მოცულობების აქტის (ფორმა N2) წარმოდგენა, რომლითაც დასტურდება შესრულებული სამუშაოების ხარისხი, მოცულობა, ღირებულება და მათი შესაბამისობა საპროექტო-სახარჯთაღრიცხვო დოკუმენტაციასთან. საბოლოო ინფორმაციის წარმოდგენისას უკანასკნელი მიღება-ჩაბარების (ასეთის არსებობის შემთხვევაში) შემდეგ შესრულებულ სამუშაოებზე ცალკე მიღება-ჩაბარება არ დგება.
5.შუალედური მიღება-ჩაბარების აქტებში მხარეთა შეთანხმებით მითითებული იქნება ასანაზღაურებელი და შესაჩერებელი (არანაკლებ 5%) თანხების ოდენობა. შეჩერებული თანხების ანაზღაურება მოხდება საბოლოო ანგარიშსწორებისას ან/და ხელშეკრულების შეწყვეტისას. შუალედური ანგარიშსწორება, ჯამში შესაძლებელია, ხელშეკრულებით გათვალისწინებულ არაუმეტეს 90% სამუშაოების ღირებულებაზე.
6. მიმწოდებელი ვალდებულია საბოლოო ანგარიშსწორებმდე შემსყიდველის მოთხოვნიდან 5 (ხუთი) კალენდარული ვადაში წარმოადგინოს საგარანტიო პერიოდში ნაკისრი ვალდებულების შესრულების უზრუნველყოფის საბანკო გარანტია 2 000 (ორი ათასი), რომლის მოქმედების ვადა უნდა იყოს მინიმუმ ერთი წელი საბოლოო მიღება-ჩაბარების აქტის გაფორმების დღიდან. წინააღმდეგ შემთხვევაში მიმწოდებელთან ხელშეკრულების მოქმედება ცალმხრივად შეწყდება და დარჩენილი ნაწილის (არაუმეტეს 5 000 ლარის) ანგარიშსწორება აღარ განხორციელდება, რაზედაც მომწოდებელს შემდგომში არ ექნება პრეტენზია.

მიღება-ჩაბარების აქტის გაფორმებიდან 10 (ათი) სამუშაო დღის განმავლობაში.

საბოლოო ანგარიშსწორებისას, აღნიშნულ ვადაში არ შედის მიმწოდებლის მიერ საგარანტიო პერიოდში ნაკისრი ვალდებულების შესრულების უზრუნველყოფის საბანკო გარანტიის წარმოდგენისათვის გახარჯული დრო

თამილა დუმბაძე, 577304010, sheskidvebimoecs@gmail.com

დამატებითი ინფორმაცია/დოკუმენტები

პრეტენდენტმა უნდა უზრუნველყოს:

ა) სატენდერო დოკუმენტაციით განსაზღვრული დოკუმენტების ატვირთვა სახელმწიფო შესყიდვების ერთიან ელექტრონულ სისტემაში, კერძოდ:

- ხარჯთაღრიცხვა (წარმოდგენილი უნდა იქნეს ექსელის ფორმატში);

- ინფორმაცია პრეტენდენტის გამოცდილების შესახებ;

ბ) დოკუმენტაციის უცხო ენაზე წარმოდგენის შემთხვევაში თან უნდა დაერთოს ნოტარიულად დამოწმებული თარგმანი ქართულ ენაზე.

შენიშვნა 1: სატენდერო დოკუმენტაციის იმ ნაწილში (ტექნიკური პირობები, ხარჯთაღრიცხვა, დანართი და სხვა) სადაც მოცემული იქნება შესასყიდი მასალებისა და მოწყობილობის სასაქონლო ნიშანი, მოდელი, წარმოშობის წყარო ან მწარმოებელი, იგულისხმება „მსგავსი“ ან „ეკვივალენტური“. იმ შემთხვევაში, თუ საპროექტო დოკუმენტაციაში მითითებული იქნება შესასყიდი მასალებისა და მოწყობილობის სასაქონლო ნიშანი, მოდელი, წარმოშობის წყარო ან მწარმოებელი, უპირატესობა ენიჭება ხარჯთაღრიცხვას, სადაც მითითებულია საქონლის დასახელება და მახასიათებლები. აღნიშნული პირობა ვრცელდება ხელშეკრულების დადების შემდგომაც.

შენიშვნა 2: ხარჯთაღრიცხვაში აუცილებელია როგორც ძირითადი სამუშაოების ისე ჩაშლილი პუნქტებს (შრომითი დანახარჯები, მასალები და ა.შ.) განფასება და შესაბამისად მათი განუფასებლობა ჩაითვლება ხარჯთაღრიცხვის პოზიციის განუფასებლობად. ხარჯთაღრიცხვაში დაუშვებელია სამუშაოს მოცულობების შეცვლა ძირითად სამუშაოებზე. დასაშვებია მხოლოდ სამშენებლო ნორმების დაზუსტება იმ შემთხვევაში, თუ ფასწარმოქმნის ადეკვატურობის დადგენის დროს საჭირო გახდა მისი გასწორება არსებულ ნორმებთან მიმართებაში.

შენიშვნა 3: ხარჯთაღრიცხვაში გაუთვალიწინებელი ხარჯის პროცენტული მაჩვენებლის შეცვლა დაუშვებელია. ასევე დაუშვებელია ფიქსირებული თანხის შეცვლა, რაც პირდაპირაა მითითებული მაგ; ქსელზე მიერთების საფასური. ასევე არ შეიძლება მაქსიმალურ ღირებულებაზე (ასეთის არსებობის შემთხვევაში) მეტი თანხის მითითება.

შენიშვნა 4: 2019 წლის 1 იანვრიდან, შემსყიდველი ორგანიზაციები და შესყიდვებში მონაწილეობის მსურველები/პრეტენდენტები/მიმწოდებლები „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულები არიან, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულონ კვალიფიციური ელექტრონული ხელმოწერა ან/და ეს დოკუმენტები დაამოწმონ კვალიფიციური ელექტრონული შტამპით.
შეგიძლიათ ისარგებლოთ სახელმწიფო შესყიდვების სააგენტოს ელექტრონულ გვერდზე არსებული ახელმძღვანელო ინსტრუქციით http://procurement.gov.ge/getattachment/News/news-(50)/eSignature_25-Dec-18.pdf.aspx