Цистерны, резервуары и контейнеры, радиаторы центрального отопления и котлы (Грузия - Тендер #53408959)

1. 1100 ლიტრიანი ლითონის ნაგავშემკრები კონტეინერი ;
2. 1100 ლიტრიანი პლასტმასის ნაგავშემკრები კონტეინერი.

საქონლის ტექნიკური მახასიათებლები:

1100 ლიტრიანი ლითონის ნაგავშემკრები კონტეინერი- 56 ცალი.

• ტევადობა 1100 ლიტრი.
• სიგრძე: 1300-1400 მმ.
• სიმაღლე: 1330-1500 მმ.
• სიგანე: 950 – 1100 მმ.
• კონტეინერის კოროზიისადმი მდგრადობა განპირობებულია ცხლად მოთუთიების ტექნოლოგიით EN ISO 1461 სტანდარტის შესაბამისად.
• კონტეინერი დამზადებულია EN840 სტანდარტით გათვალისწინებული მოთხოვნების შესაბამისად.
• კონტეინერი დამზადებულია ცივი ტექნოლოგიით მაღალხარისხიანი დაპრესილი მეტალისგან EN 10204: 2004 სტანდარტით გათვალისწინებული მოთხოვნების შესაბამისად.
• კონტეინერს უნდა ჰქონდეს კუთხის გამაგრებები არანაკლებ 2 მმ ფოლადისგან.
• კონტეინერის მდგრადობას განაპირობებს მის ზედაპირზე არსებული სიხისტის ჩაღრმავებები.
• კონტეინერის ქვედა მხარე უნდა იყოს წარმოებული ღრმად დაპრესილი ერთიანი ნაწილისგან, შედუღების გარეშე.
• ქვედა ნაწილი/ძირი კონტეინერის კორპუსთან უნდა იყოს შედუღებული უწყვეტი ხაზით. შედუღების ხაზი უნდა იწყებოდეს კონტეინერის ქვედა/ნაწილიდან ძირიდან მინიმუმ 45 მმ-ის სიმაღლეზე.
• კონტეინერის ძირს უნდა ჰქონდეს ტრაპეციის ფორმა არანაკლებ 20მმ ჩაღრმავებით,რათა უზრუნველყოფილ იყოს მასში დაგროვილი სითხის და სიმძიმის ცენტრის დრენაჟისკენ გადატანა.
•კონტეინერს უნდა ჰქონდეს 6-8მმ სიღრმის დაპრესილი სამაგრები, იმისათვის რომ თავიდან აცილებული იქნეს ზედაპირების დეფორმაცია, გადამტვირთავი და ამწევი მოწყობილობების ზემოქმედების შედეგად.
• კონტეინერი უნდა იყოს სრული და უწყვეტი ხაზით შედუღებული (სერტიფიცირებული შემდუღებლის მიერ).
• ფოლადის სისქე, რომლისგანაც წარმოებულია კონტეინერი უნდა იყოს: კორპუსი ოთხივე მხარეს არანაკლებ 1.25მმ, ძირი არანაკლებ 1.5მმ.
• კონეინერს გვერდებზე უნდა გააჩნდეს სტანდარტული ნაგავმზიდის დამცლელ სისტემასთან თავსებადი ყურები, რომლებიც განთავსებულია მიწის ზედაპირიდან 1000-1100 მმ სიმაღლეზე.
• კონტეინერის ძირი აღჭურვილია საწრეტი ხვრელის (არანაკლებ 40მმ) დამხშობი საცობით.
• კონტეინერი აღჭურვილია 4 სახელურით.
• ღერძის გარშემო, საკისარზე თავისუფლად მბრუნავი მეტალის გულიანი რეზინის 4 ცალი გორგოლაჭით, აქედან ორი მუხრუჭიანი - დიამეტრით 200მმ, მაქსიმალური დატვირთვა გორგოლაჭზე არაუმცირეს 200 კგ.
• კონტეინერის თავსახური უნდა იყოს პლასტმასის, მარტივად შეცვლადი.
• თავსახურის გუმბათის სიმაღლე (თავსახურის ფუძიდან) უნდა იყოს არანაკლებ 125მმ.
• კონტეინერი უნდა მოერგოს შპს "კომუნალური მეურნეობ"-ის საკუთრებაში არსებული ნაგავმზიდ სპეც-ავტომანქანებს.

1100 ლიტრიანი პლასტმასის ნაგავშემკრები კონტეინერი-115 ცალი.
• ტევადობა 1100 ლიტრი
• სიგრძე: 1300-1400 მმ
• სიმაღლე: 1320-1450 მმ
• სიგანე: 1000 – 1100 მმ
• ცარიელის წონა: არანაკლებ 46 კგ.
• მაქსიმალური ტვირთამწეობა: არანაკლებ 440კგ
• ბორბლების დიამეტრი 180-200 მმ.
• წინა მხარეს განთავსებულ 2 ბორბალს უნდა გააჩნდეს ორმაგი სამუხრუჭე სისტემა. პედალზე ფეხის დაჭერით უნდა იბლოკებოდეს როგორც ბორბალი, ასევე მოტრიალების გორგოლაჭიც.
• სახურავის ტიპი: ბრტყელი.
• გამოყენებული უნდა იყოს შემდეგი მასალა: HDPE ( მაღალი სიმკრივის პოლიეთილენი), რომელიც მდგრადია მაღალი და დაბალი ატმოსფერული
ტემპერატურის, ქიმიური და ბიოლოგიური ზემოქმედების მიმართ. არ უნდა შეიცავდეს კადმიუმს.
• კონტეინერს ე.წ. „DIN“ მიმღების ქვედა ნაწილში უნდა გააჩნდეს ფიჭური სტრუქტურა, კონტეინერის დამატებითი სიმტკიცისათვის.
• კონტეინერს წინა მხარეს სავალდებულოა ჰქონდეს სავარცხლისებური სარტყელი მეტი სიმყარისთვის.
• კონტეინერს სახურავზე უნდა ახლდეს ერთი ცალი დამატებითი ხუფი, მცირე
ზომის ნარჩენების განსათავსებლად, თავსახურის წინა (ფასადის) მხარეს.
• დამატებითი ხუფი უნდა იყოს სიგანით არანაკლებ 30 და სიგრძით არანაკლებ 100 სმ.
• დამატებით ხუფს უნდა გააჩნდეს სახელური (ერთი ან ორი) მარტივად ასახდელად.
• კონტეინერს გვერდებზე უნდა გააჩნდეს სახელურები და სტანდარტული ნაგავმზიდის დამცლელ სისტემასთან თავსებადი ყურები, რომლებიც განთავსებულია მიწის ზედაპირიდან 1000-1100 მმ სიმაღლეზე.
• „ყურის“ სიგრძე (შედუღების ადგილიდან) არანაკლებ 5სმ
• „ყურები“შიგნიდან გამაგრებული უნდა იყოს შესაბამისი ზომის მეტალის ღერძით.
• კონტეინერს წინა და უკანა კედელზე უნდა გააჩნდეს სიხისტის ჩაღრმავებები, დეფორმაციის თავიდან აცილების მიზნით.
• მეტალის ყველა დეტალი დამზადებული უნდა იყოს კოროზია გამძლე მეტალისგან.
• კონტეინერი უნდა მოერგოს შპს "კომუნალური მეურნეობ"-ის საკუთრებაში არსებული
ნაგავმზიდ სპეც-ავტომანქანებს.
• კონტეინერზე ქარხნული წესით უნდა იყოს დატანილი ნუმერაცია, ორი ამრეკლი წინა მხარეს ორივე კუთხეზე და აგრეთვე თერმულად უნდა იქნას დატანილი საინფორმაციო სტიკერები.
• კორპუსის ფერი - მუქი ნაცრისფერი ან/და შავი.
• კორპუსის და დამატებითი ხუფის ფერები საბოლოოდ შეთანხმდება შემსყიდველთან ნიმუშის წარმოდგენის დროს.
საორიენტაციო საილუსტრაციო სურათები:

შესყიდვის ობიექტის მიწოდება განხორციელდება ხელშეკრულების გაფორმებიდან არაუგვიანეს 90 (ოთხმოცდაათი) კალენდარული დღის ვადაში.

მიწოდების ადგილი: ქ. ბოლნისი, ს-ს ორბელიანის ქუჩა N 106.

საგარანტიო ვადა სწორი ექსპლოატაციის შემთხვევაში არანაკლებ 1 წელი.
საგარანტიო პერიოდში საქონლის ექსპლოატაციისას, გარე ზემოქმედების გარეშე გამოვლენილი ქარხნული დეფექტის ან/და წუნის შემთხვევაში, მიმწოდებელი ვალდებულია შემსყიდველის შეტყობინების მიღებიდან 20 კალენდარული დღის ვადაში განახორციელოს წუნდებული საქონლის შეცვლა ან შეკეთება, შემსყიდველის მხრიდან რაიმე დამატებითი დანახარჯის გარეშე.

შესყიდვის ობიექტის წარმოშობის ქვეყანა, მწარმოებელი კომპანია, მოდელი (მოდელის არ არსებობის შემთხვევაში, პრეტენდენტმა ფასების ცხრილში უნდა მიუთითოს - "არ გააჩნია").

აღნიშნული ინფორმაციის წარმოუდგენლობის შემთხვევაში პრეტენდენტი ექვემდებარება დისკვალიფიკაციას.

პრეტენდენტმა (ლითონის კონტეინერი) უნდა წარმოადგინოს EN 840-2; EN 840-5 და EN 840-6, გაცემული სერიულ წარმოებაზე;
• EN 1461, გაცემული მაგალვანიზირებელი ქარხნის მიერ, რომელსაც უნდა გააჩნდეს მოქმედი ISO 9001 სერტიფიკატი, აღნიშნულის წარმოდგენა ასევე სავალდებულოა;
• EN ISO 9606-1;
• EN ISO 3834;
• EN 10204 გაცემული მეტალის მწარმოებელი ქარხნის მიერ, რომელსაც უნდა გააჩნდეს ISO 9001 სერტიფიკატი.
• ISO 14001;
• ISO 9001.
• სტანდარტებით გათვალისწინებული მოთხოვნებთან შესაბამისობის დამადასტურებელი
სერტიფიკატები/დოკუმენტები, რომელიც გაცემული იქნება სერთიფიცირებული ორგანოს მიერ და
დაადასტურებს კონტეინერის შესაბამისობას მოთხოვნილ/ზემოაღნიშნულ სტანდარტებთან.

პრეტენდენტმა (პლასტმასის კონტეინერი) უნდა წარმოადგინოს
• პრეტენდენტმა უნდა წარმოადგინოს EN 840 და RAL-GZ 951/1 სტანდარტით გათვალისწინებული ხარისხის მოთხოვნებთან შესაბამისობის დამადასტურებელი
მოქმედი სერტიფიკატი/დოკუმენტი, რომელიც გაცემული იქნება უფლებამოსილი
(აკრედიტირებული) ორგანოს მიერ მწარმოებელზე და დაადასტურებს შესასყიდი
კონტეინერის შესაბამისობას მოთხოვნილ/ზემოაღნიშნულ სტანდარტებთან.
• სერთიფიკატებთან ერთად წარმოდგენილ უნდა იქნას სერთიფიკატის გამცემი პირის DIN EN ISO/IEC 17025 აკრედიტაციის დამადასტურებელი დოკუმენტის ასლი შესაბამისი დანართით.

1. პრეტენდენტის მიერ ერთიან ელექტრონულ სისტემაში ტექნიკური დოკუმენტაციის სახით წარმოსადგენი დოკუმენტაცია:
1.1 დანართი N1 -- ფასების ცხრილი.


2. სატენდერო წინადადებაში საერთო ფასი გამოსახული უნდა იყოს შესყიდვის ობიექტის მიწოდებასთან დაკავშირებული ყველა ხარჯისა და საქართველოს კანონმდებლობით გათვალისწინებული ყველა გადასახადის გათვალისწინებით, დღგ-ს ჩათვლით.

3. პრედენდენტს არა აქვს უფლება წარმოადგინოს ალტერნატიული სატენდერო წინადადება.

4. პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები (მაგ., ფასების ცხრილი). დაამოწმოს/დაადასტუროს კვალიფიციური ხელმოწერით/კვალიფიციური შტამპით.
აღნიშნულისთვის პრეტენდენტს აქვს ორი შესაძლო გზა:
• ყველა PDF დოკუმენტი სათითაოდ დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით;
• გააერთიანოს წარსადგენი დოკუმენტები ერთ PDF ფაილად, ხოლო თუ ერთი ფაილის ზომა აღემატება 20 მეგაბაიტს – რამდენიმე PDF ფაილად და ის/ისინი დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით.

პრეტენდენტი ვალდებულია შემსყიდველ ორგანიზაციაში წარმოადგინოს შემოთავაზებული საქონლის ნიმუში. წარმოდგენილი ნიმუში სრულად უნდა აკმაყოფილებდეს ტექნიკურ მოთხოვნებს.

ქ. ბოლნისი, ს-ს ორბელიანის ქ.№106.

ფასწარმოქმნის ადეკვატურობა, შესაძლებელია დასაბუთდეს ექსპერტიზის დასკვნით, ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას, როგორც მის მიერ დაფიქსირებულ წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებაში.

1. ანგარიშსწორება მოხდება უნაღდო ანგარიშსწორებით.
2. ანგარიშსწორება განხორციელდება ეროვნულ ვალუტაში (ლარში).
3. ანგარიშწორება განხორციელდება გაწეული მომსახურების შესაბამისად, მიღება-ჩაბარების აქტისა და შესაბამისი ფინანსური დოკუმენტის საფუძველზე.

მოთხოვნილი დოკუმენტების წარმოდგენიდან 10 სამუშაო დღის ვადაში.

შმაგი სვანიძე, 599859696, komunalurimeurneoba@yahoo.com სატენდერო კომისიის აპარატი:
მის. ქ. ბოლნისი, ს-ს ორბელიანის ქ. #106, პირველი სართული,
საკონტაქტო პირი: რუსუდან ჩუმაშვილი ტელ: 599 859707.

1. სახელმწიფო შესყიდვების ერთიან ელექტრონულ სისტემაში (შემდგომში – „სისტემა“) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესის“ შესაბამისად.
2. ტექნიკური და სარეგისტრაციო/უფლებრივი მონაცემების ამსახველი დოკუმენტ(ებ)ი წარდგენა შესაძლებელია განხორციელდეს როგორც ქართულ, ისე უცხოურ ენებზე. დოკუმენტების უცხოურ ენაზე წარმოდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. დოკუმენტაციასთან დაკავშირებული სადავო საკითხების გადაწყვეტისას უცხოურენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს გადაწყვეტს სატენდერო კომისია.
3. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
4. პრეტენდენტის მიერ წარდგენილი სატენდერო წინადადება ძალაშია კონკრეტულ ელექტრონულ ტენდერში ”ხელშეკრულება დადებულია”, ”დასრულებულია უარყოფითი შედეგით” და ”ტენდერი შეწყვეტილია” სტატუსებიდან -- ერთ-ერთის მინიჭებამდე.
5. სახელმწიფო შესყიდვების ერთიან ელექტრონულ სისტემაში სატენდერო წინადადების წარდგენით პრეტენდენტი ავტომატურად გამოხატავს თანხმობას სატენდერო განცხადებითა და სატენდერო დოკუმენტაციით განსაზღვრულ მოთხოვნებზე.