Автомобили (Грузия - Тендер #53335482)

მეორადი სატრანსპორტო საშუალების (ფურგონიანი მსუბუქი ავტომანქანები) შესყიდვა.

• ტექნიკური აღწერილობა იხილეთ დანართი 1-ში.
- ავტოსატრანსპორტო საშუალება უნდა იყოს ვიზუალურად და ტექნიკურად კარგ მდგომარეობაში შესაბამისი ან არანაკლები დანართი 1-ში მოცემული მონაცემებისა.
- ძრავი უნდა იყოს ტექნიკურად გამართული, ზეთის კლება-ქარხნული ნორმის ფარგლებში, ძარა- კოროზიის და მექანიკური დაზიანების გარეშე, არ უნდა იყოს ნაავარიები. მინები- დაზიანების გარეშე.
• პრეტენდენტმა უნდა წარმოადგინოს ინფორმაცია შესყიდვის ობიექტის ტექნიკური მახასიათებლების და სპეციფიკაციების შესახებ (დანართი 1). დანართი 1 უნდა იქნას წარმოდგენილი სატენდერო წინადადებასთან ერთად.
• დანართი 1-ში პრეტენდენტმა უნდა მიუთითოს შესყიდვის ობიექტის ზუსტი, კონკრეტული ტექნიკური მახასიათებლები და სპეციფიკაციები (გარდა მწარმოებლის მიერ დაშვებული მარჟისა).
• იმ შემთხვევაში, თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით და პრეტენდენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი/მომსახურება.

ხელშეკრულების გაფორმებიდან 1 თვის ვადაში.

მიწოდების ადგილი წყალტუბო რუსთაველის ქ. #25

• სატრანსპორტო საშუალების ძირითად აგრეგატებზე (ძრავა, გადაცემათა კოლოფი, ხიდები) უნდა ვრცელდებოდეს 1 წლიანი გარანტია. საგარანტიო ვადა აითვლება სატრანსპორტო საშუალების შემსყიდველი ორგანიზაციის სახელზე გადაფორმებიდან.
• საგარანტიო პერიოდში გამოვლენილი წუნის/ხარვეზის აღმოფხვრა მიმწოდებელმა უნდა უზრუნველყოს საკუთარი ხარჯებით შეტყობინებიდან არა უგვიანეს 10 (ათი) კალენდარული დღის განმავლობაში.
• აღნიშნულთან დაკავშირებული ხარჯები სრულად უნდა გაიწიოს პრეტენდენტის მიერ.

• ფასების ცხრილში მითითებული უნდა იქნას საქონლის მწარმოებელის/ბრენდის, მწარმოებელი ქვეყნის და მოდელის დასახელება. ტენდერში პრეტენდენტის მიერ წარდგენილი სატენდერო წინადადების ან/და სხვა დოკუმენტების სატენდერო განცხადებასთან ან/და სატენდერო დოკუმენტაციის მოთხოვნებთან შეუსაბამობის შემთხვევაში (ყველა დოკუმენტაცია სრულად უნდა იქნას შევსებული, დაკონკრეტებული უნდა იქნას, როგორც მწარმოებელი ქვეყანა, ასევე კონკრეტული მწარმოებელი/ბრენდი და მოდელი. მაგ. მითითება მწარმოებელ ქვეყანაზე ან მწარმოებელზე/ბრენდზე ან მოდელზე "უცნობი" არ ჩაითვლება სრულყოფილ დოკუმენტაციად) პრეტენდენტი დაექვემდებარება დისკვალიფიკაციას.
• დაკონკრეტებული უნდა იქნას, როგორც საქონლის მწარმოებელი ქვეყანა, ასევე კონკრეტული საქონლის მწარმოებელი/ბრენდი, მოდელი და არა ის, რომელიც ახორციელებს საქონლის რეალიზებას/დისტრიბუციას.
• დისკვალიფიკაციას დაექვემდებარება პრეტენდენტი, თუ სატენდერო დოკუმენტაციის დაზუსტებისას, ასევე, ელექტრონული ვაჭრობის შედეგად დაფიქსირებული საბოლოო ფასის შესაბამისად დაზუსტებული ფასების ცხრილის წარმოდგენისას განახორციელებს თავდაპირველად შემოთავაზებული საქონლის მწარმოებელი ქვეყნის ან/და საქონლის მწარმოებლის/ბრენდის ან/და მოდელის შეცვლას.

• შემოთავაზებული ფასი უნდა მოიცავდეს ყველა ხარჯს, მათ შორის კანონმდებლობით გათვალისწინებულ ყველა გადასახადს (დღგ-ს ჩათვლით) და სხვა ხარჯებს. ხარჯები, რომლებიც სატენდერო წინადადების ფასში არ იქნება გათვალისწინებული, არ დაექვემდებარება ანაზღაურებას.
• მიმწოდებელმა თავისი ხარჯით უნდა უზრუნველყოს სატრანსპორტო საშუალების შემსყიდველის სახელზე რეგისტრაცია.
• გამარჯვებულმა პრეტენდენტმა უნდა უზრუნველყოს ავტოსატრანსპორტო საშუალების ტექდათვალიერების გატარება სახელმწიფო შესყიდვის შესახებ ხელშეკრულების გაფორმების შემდგომ საქონლის მიღება-ჩაბარების აქტის გაფორმებამდე დროის პერიოდში. აღნიშნული ხარჯი უნდა გაწიოს მიმწოდებელმა სრულად.
• პრეტედენტს არ აქვს უფლება წარმოადგინოს ალტერნატიული წინადადება.

სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „გამარტივებული ელექტრონული ტენდერისა და ელექტრონული ტენდერის ჩატარების წესის“ მე-18 მუხლის მე-6, მე-7 პუნქტის საფუძველზე თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, წარმოდგენილი უნდა იქნეს ფასწარმოქმნის ადეკვატურობის დასაბუთება ექსპერტიზის დასკვნა, რითაც დადასტურდება დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობა.

ანგარიშსწორება განხორციელდება ფაქტიურად მიწოდებული საქონლის შესაბამისად შესაბამისი მიღება-ჩაბარების აქტის გაფორმების შემდეგ.

ანგარიშსწორება განხორციელდება უნაღდო ანგარიშსწორების წესით, ფაქტიურად მიწოდებული საქონლის შესაბამისად გაფორმებული მიღება-ჩაბარების აქტის გაფორმებიდან არაუმეტეს 10 (ათი) სამუშაო დღის ვადაში.

თინა ჟვანია, 599343044, tinajvania@gmail.com

• ტენდერში მონაწილეთა მხრიდან სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება „სახელმწიფო შესყიდვების შესახებ” საქართველოს კანონისა და "ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების შესაბამისად. http://procurement.gov.ge.
• განფასებაში თუ ერთეულის ფასები დაჯდება მრავალნიშნა ათწილადად, პრეტენდენტი ვალდებულია აღნიშნული ფასები შეამციროს და კლებადობით დაამრგვალოს მეასედამდე, საერთო და ერთეულის ფასთან მიმართ, წინააღმდეგ შემთხვევაში პრეტედენტი დისკვალიფიცირებული იქნება ტენდერიდან.
• ტენდერში მონაწილეობით პრეტენდენტი ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.
• სატენდერო დოკუმენტაციასთან დაკავშირებული განმარტებების მიღება პრეტენდენტს შეუძლია ერთიანი ელექტრონული სისტემის შესაბამისი მოდულის მეშვეობით.
• პრეტენდენტის მიერ წარმოდგენილი სატენდერო წინადადება „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების მოთხოვნათა შესაბამისად დამოწმებული უნდა იყოს უფლებამოსილი ან მისი ნდობით აღჭურვილი (სათანადო წესით დამოწმებული მინდობილობის საფუძველზე) პირის კვალიფიციური ელექტრონული ხელმოწერით ან/და კვალიფიციური ელექტრონული შტამპით.
• ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე.