Приемники телевизионной и радио-сигнала и оборудование для записи и воспроизведения звука или изображения (Грузия - Тендер #53259826)

ქალაქ თბილისის მუნიციპალიტეტის მერიის ადმინისტრაციისთვის გახმოვანების აპარატურის (თანმდევი მომსახურებით - მონტაჟი) სახელმწიფო შესყიდვა.

1.2.1 პრეტენდენტის მიერ შემოთავაზებული მიკროფონები, მიკროფონის სადგამები და საკონფერენციო სისტემის სამართავი ბაზა (ფასების ცხრილის მე-10, მე-11, მე-12, მე-13, მე-14 და მე-15 პოზიცია) უნდა იყოს ერთი და იგივე მწარმოებლის.
1.2.2 იმ შემთხვევაში თუ მიკროფონის სადგამიდან გამომავალი სადენი არ გამოდის მიკროფონის სადგამის ძირიდან, მაშინ სადენის დამალვის მიზნით, მიმწოდებელი ვალდებულია უზრუნველყოს საჭირო რაოდენობის კონექტორების მიწოდება და დამონტაჟება.
1.2.3 შემსყიდველი ორგანიზაცია უფლებამოსილია ელექტრონული ტენდერის შერჩევა-შეფასების ეტაპზე გადაამოწმოს პრეტენდენტის მიერ შემოთავაზებული საქონლის ტექნიკური მახასიათებლები მწარმოებლის ოფიციალურ ვებ-გვერდზე (არსებობის შემთხვევაში).
1.2.4 იმ შემთხვევაში, თუ წარმოდგენილი ინფორმაცია შეუსაბამოა ან/და სრულად არაა ასახული მწარმოებლის ოფიციალურ ვებ-გვერდზე, შემსყიდველი უფლებამოსილია მოსთხოვოს პრეტენდენტს დამატებითი ინფორმაცია/დოკუმენტი ტექნიკური მახასიათებლების დასადასტურებლად.
1.2.5 მიმწოდებელმა შესყიდვის ობიექტის ღირებულებაში უნდა გაითვალისწინოს მონტაჟისათვის საჭირო სადენების, სამაგრებისა და აქსესუარების ღირებულება.
1.2.6 მიმწოდებელი ვალდებულია უზრუნველყოს საქონლის ისეთი შეფუთვა, რომელიც დაიცავს მას დაზიანების ან გაფუჭებისაგან დანიშნულების ადგილამდე ტრანსპორტირების პროცესში.

1.2.7 შესყიდვის ობიექტის დასახელება, მახასიათებლები და ტექნიკური პარამეტრები და რაოდენობები მითითებულია შესყიდვის ობიექტის ტექნიკურ დავალებაში, რომელიც ატვირთულია სატენდერო დოკუმენტაციის 1.2 პუნქტში.

შესყიდვის ობიექტის მიწოდება (თანმდევი მომსახურებით - მონტაჟი) უნდა განხორციელდეს შემსყიდველის მოთხოვნიდან არაუგვიანეს 55 (ორმოცდათხუთმეტი) კალენდარული დღისა, მაგრამ არაუგვიანეს 2024 წლის 31 დეკემბრისა.

ქ. თბილისი, ჟ. შარტავას ქუჩა N7.

1.7.1.1 მიმწოდებელი იღებს ვალდებულებას, რომ მიწოდებული საქონლის ხარისხი უპასუხებს ხელშეკრულებით გათვალისწინებულ პირობებს და დააკმაყოფილებს შემსყიდველის მოთხოვნებს.
1.7.1.2 შემოთავაზებული საქონელი უნდა იყოს ახალი და უნაკლო.
1.7.1.3 საგარანტიო ვადა შეადგენს მიღება-ჩაბარების აქტის გაფორმებიდან 1 (ერთი) წელს.
1.7.1.4 საგარანტიო პერიოდში მოწოდებული საქონლის მიერ წუნის/დეფექტის/ხარვეზის გამოვლენის შემთხვევაში, მიმწოდებელი ვალდებულია შემსყიდველის დავალებიდან არაუგვიანეს 30 (ოცდაათი) კალენდარული დღის განმავლობაში შეაკეთოს ან შეცვალოს ახლით წუნის/დეფექტის/ხარვეზის მქონე საქონელი.
1.7.1.5 წუნის/დეფექტის/ხარვეზის გამო შეკეთების ან ახლით შეცვლის შემთხვევაში, შესყიდვის ობიექტის ტრანსპორტირება უნდა უზრუნველყოს მიმწოდებელმა.

2.1.1.1 პრეტენდენტი ვალდებულია ფასების ცხრილში (დანართი N1) პირველ (კედელზე დასაკიდებელი დინამიკი), მე-2 (მიქშერ გამაძლიერებელი), მე-3 (აუდიო სიგნალის გამანაწილებელი), მე-5 (ხმის სამართავი პულტი), მე-6 (ხელის რადიომიკროფონი), მე-10 (ტრიბუნის მიკროფონი), მე-11 (საკონფერენციო სისტემის სამართავი ბაზა), მე-12 (საკონფერენციო მიკროფონი), მე-13 (მიკროფონის სადგამი - თავმჯდომარის ბაზით), მე-14 (დელეგატის მიკროფონი) და მე-15 (დელეგატის მიკროფონის სადგამი) პოზიციებზე მიუთითოს შემოთავაზებული შესყიდვის ობიექტის მწარმოებელი ან/და სავაჭრო ნიშანი და მარკა ან/და მოდელი.
2.1.1.2 პრეტენდენტის მიერ შემოთავაზებული მიკროფონები, მიკროფონის სადგამები და საკონფერენციო სისტემის სამართავი ბაზა (ფასების ცხრილის მე-10, მე-11, მე-12, მე-13, მე-14 და მე-15 პოზიცია) უნდა იყოს ერთი და იგივე მწარმოებლის.
2.1.1.3 პრეტენდენტის მიერ 2.1.1.1 პუნქტით გათვალისწინებული ინფორმაციის წარმოუდგენლობა დაზუსტებას არ დაექვემდებარება და გამოიწვევს მის დისკვალიფიკაციას.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტის ასლი), რომლებშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული შესყიდვის ობიექტის მიწოდების შესაძლებლობა.
დასკვნის წარმოუდგენლობა ან უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული წესის მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

ანგარიშსწორება მოხდება უნაღდო ანგარიშსწორებით ლარში, 2024 წლის ადგილობრივი ბიუჯეტის სახსრებიდან.

ფაქტიურად მიწოდებული შესყიდვის ობიექტის შესაბამისად, მიღება–ჩაბარების აქტის გაფორმებიდან 10 (ათი) სამუშაო დღის განმავლობაში.

ლელა ჭინჭარაძე, 598131119, l.chincharadze@yahoo.com ტექნიკურ საკითხებთან დაკავშირებით საკონტაქტო პირი - სანდრო კიკაბიძე, მობილური ტელეფონის ნომერი - 595 55 65 87; ელ-ფოსტა: s.kikabidze@tbilisi.gov.ge.

10.1.1 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3 სახელმწიფო შესყიდვების ერთიან ელექტრონულ სისტემაში (შემდგომში – სისტემა) ატვირთული ყველა დოკუმენტი ან/და ინფორმაცია ხელმოწერილი უნდა იყოს უფლებამოსილი პირის მიერ (საჭიროების შემთხვევაში ატვირთულ უნდა იქნას მინდობილობა ან რწმუნებულება). პრეტენდენტის მიერ სახელმწიფო შესყიდვების ერთიან ელექტრონულ სისტემაში ატვირთული სატენდერო დოკუმენტაციის დანართ N1-ის (ფასების ცხრილი/მომსახურების ხარჯთაღრიცხვა/პრეისკურანტი) შესაბამისი ინფორმაცია წარმოდგენილ უნდა იქნეს MS Excel-ის ფორმატის ფაილის სახით, რომელიც არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს), ხოლო პრეტენდენტის მიერ ტენდერის ფარგლებში შედგენილ სხვა დოკუმენტაციაზე სავალდებულოა კვალიფიციური ელექტრონული ხელმოწერის შესრულება ან კვალიფიციური ელექტრონული შტამპის დასმა.
10.1.4 იმ შემთხვევაში თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით და პრეტენდენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი/მომსახურება. ამასთან, ტექნიკურ დავალებაში მოცემული პარამეტრები არის შემსყიდველის მიერ დადგენილი მინიმალური მოთხოვნები, რომელსაც უნდა აკმაყოფილებდეს პრეტენდენტის მიერ შემოთავაზებული შესყიდვის ობიექტი.
10.1.5 სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის და შესყიდვის ობიექტის მიწოდებასთან დაკავშირებული ხარჯის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.6 პრეტენდენტს არ აქვს უფლება წარმოადგინოს ალტერნატიული სატენდერო წინადადება.

10.1.7 პრეტენდენტის მიერ ერთიან ელექტრონულ სისტემაში ასატვირთი მონაცემები:
10.1.7.1 ფასების ცხრილი (დანართი N1) MS Excel-ის ფორმატის ფაილის სახით, სატენდერო დოკუმენტაციის 2.1.1 პუნქტით მოთხოვნილი ინფორმაციის გათვალისწინებით.