Ремонт и техническое обслуживание транспортных средств и оборудования и сопутствующие услуги (Грузия - Тендер #53259804)

საქართველოს იუსტიციის უმაღლესი საბჭოს ბალანსზე რიცხული (იხ. დანართი №1) ავტომობილების შეკეთება და ტექნიკური მომსახურება.

იხილეთ ტექნიკური დავალება და საქართველოს იუსტიციის უმაღლესი საბჭოს ბალანსზე რიცხული ავტომობილები (იხ. დანართი №1) თანდართულ ფაილებში:

ხელშეკრულების გაფორმებიდან 2024 წლის 31 დეკემბრის ჩათვლით.

მომსახურების გაწევა უნდა განხორციელდეს მიმწოდებლის საკუთრებაში ან სარგებლობის უფლებით არსებულ სერვის-ცენტრში.

გაწეული მომსახურება უნდა აკმაყოფილებდეს შემდეგ საგარანტიო პირობებს:
1.7.1.1 საგარანტიო ვადა შეცვლილ სავალ ნაწილებზე უნდა შეადგენდეს მიღება-ჩაბარების აქტის გაფორმებიდან 6 (ექვსი) თვეს;
1.7.1.2 საგარანტიო ვადა საცხებ-საპოხ საშუალებებში მომუშავე შეცვლილ აგრეგატებზე 1 (ერთი) წელს ან 50 000 კმ-ს, რომელიც უფრო ადრე შესრულდება;
1.7.1.3 საგარანტიო პერიოდში დაზიანებული ან/და შესაკეთებელი ნაწილის შეცვლა ან/და შეკეთება მიმწოდებლის მიერ უნდა განხორციელდეს დაუყოვნებლივ.
1.7.1.4 პრეტენდენტმა უნდა წარმოადგინოს საგარანტიო ვადებისა და პირობების შესახებ ინფორმაცია, რომელიც არ უნდა ეწინააღმდეგებოდეს 1.7.1 პუნქტის მოთხოვნებს.

პრეტენდენტს უნდა გააჩნდეს ანალოგიური მომსახურების არანაკლებ 5 წლიანი გამოცდილება. იმ შემთხვევაში, თუ პრეტენდენტის ანალოგიური მომსახურების გამოცდილების შესახებ ინფორმაცია არ იძებნება სახელმწიფო შესყიდვების ერთიან ელექტრონულ სისტემაში, პრეტენდენტი ვალდებულია წარმოადგინოს ანალოგიური მომსახურების 5 წლიანი გამოცდილების დამადასტურებელი ინფორმაცია ან/და დოკუმენტაცია. აღნიშნული ინფორმაციის ან/და დოკუმენტაციის წარმოუდგენლობა ავტომატურად გამოიწვევს პრეტენდენტის დისკვალიფიკაციას.

2.3.1.1 პრეტენდენტს ქ. თბილისში უნდა გააჩნდეს არანაკლებ ერთი სერვისცენტრი, რომელიც აუცილებლად უნდა აკმაყოფილებდეს შემდეგ მოთხოვნებს:
(ა) სერვისცენტრში უნდა მოქმედებდეს არანაკლებ 6 (ექვსი) ამწევი ლიფტი, საჭიროების შემთხვევაში, ერთდროულად შემსყიდველის არანაკლებ 3 (სამი) ავტოსატრანსპორტო საშუალების მომსახურების მიზნით;
(ბ) სერვისცენტრი აღჭურვილი უნდა იყოს 6 (ექვსი) ამწევი ლიფტის ერთდროულად მუშაობისთვის საკმარისი სიმძლავრის ელექტრო ენერგიის ალტერნატიული წყაროთი (გენერატორით);
(გ) სერვისცენტრს, საჭიროების შემთხვევაში, უნდა შეეძლოს ერთდროულად შემსყიდველის: არანაკლებ 3 (სამი) ავტოსატრანსპორტო საშუალების სავალი ნაწილის შეკეთება, არანაკლებ 2 (ორი) ავტოსატრანსპორტო საშუალების ძრავის შეკეთება, არანაკლებ 2 (ორი) ავტოსატრანსპორტო საშუალების ელექტროობის შეკეთება;
(დ) სერვისცენტრი სრულად უნდა იყოს აღჭურვილი მომსახურების გაწევისათვის ყველა საჭირო თანამედროვე აპარატურითა და დანადგარით, მათ შორის:დიაგნოსტიკის და პროგრამული უზრუნველყოფის აპარატით; საყრდენი დისკების მოსახეხი აპარატით (დისკის მოუხსნელად); საბურავის დაშლა აწყობის და ბალანსირების დანადგარით; თვლების შეყრის კომპიუტერული (რაზვალი) დანადგარით; კონდეციონერის დასატუმბი/ამოსატუმბი ელექტრო აპარატურით; ავტომატურ გადაცემათა კოლოფში ზეთის შეცვლის აპარატით; ძრავში ზეთის შესაცვლელი აპარატით; ზეთის შემცვლელი ბალონით; ვულკანიზაციის აპარატით; ძრავის ამომღები ამწეთი; სამღებრო კამერით (საშრობით); ელექტრო მომარაგების სარეზერვო წყაროთი (გენერატორი); სერვისცენტრში სამუშაო ფართობი დაფარული უნდა იყოს ბეტონის ან მსგავსი ზედაპირით; დაცული უნდა იყოს ჰიგიენური, სახანძრო და უსაფრთხოების ნორმები).
2.3.1.2 შემსყიდველი უფლებამოსილია, ხოლო პრეტენდენტი ვალდებულია უზრუნველყოს შესყიდველის წარმომადგენლების იმ სერვის ცენტრ(ებ)ში დაშვება და დათვალიერების უზრუნველყოფა, რომელიც პრეტენდენტის მიერ წარმოდგენილი იქნება სატენდერო წინადადებით, ტექნიკური დავალებით გათვალისწინებულ მოთხოვნებთან შესაბამისობის დადგენის მიზნით.
2.3.1.3 პრეტენდენტმა უნდა წარმოადგინოს ინფორმაცია ქსელში არსებული სერვისცენტრების შესახებ შესაბამისი მისამართებისა და მატერიალურ-ტექნიკური ბაზის შესახებ ინფორმაციის მითითებით (რომელიც არ უნდა ეწინააღმდეგებოდეს 2.3.1 პუნქტის მოთხოვნებს), ასევე, პრეტენდენტმა უნდა წარმოადგინოს საკუთრების ან/და სარგებლობის უფლების დამადასტურებელი დოკუმენტების ასლები. იმ შემთხვევაში, თუ პრეტენდენტს სერვისცენტრი აღებული აქვს დროებით სარგებლობაში (ქირავნობა, იჯარა, ლიზინგი, უზუფრუქტი და/ან სხვა) სისტემაში უნდა ატვირთოს შესაბამისი ხელშეკრულების ან/და აღნიშნული ინფორმაციის დამადასტურებელი დოკუმენტის ასლი, რომელის მიხედვით სერვისცენტრის დროებითი სარგებლობა ძალაში უნდა იყოს მინიმუმ 2024 წლის 31 დეკემბრის ჩათვლით.

პრეტენდენტმა მომსახურების გაწევა უნდა უზრუნველყოს გამოცდილი, მაღალკვალიფიციური და სერტიფიცირებული ტექნიკური პერსონალით და უნდა წარმოადგინოს სერთიფიკატები პერსონალის კვალიფიკაციის შესახებ.

ქვეკონტრაქტორზე ხელშეკრულებით გათვალისწინებული ვალდებულებების გადაცემის შემთხვევაში, პრეტენდენტის მხრიდან წარმოდგენილი უნდა იქნას ქვეკონტრაქტორის შესახებ ანალოგიური მომსახურების გაწევის 5 (ხუთი) წლიანი გამოცდილების დამადასტურებელი ინფორმაცია ან/და დოკუმენტაცია.

• პრეტენდენტის მიერ სისტემის მეშვეობით წარდგენილი წინადადების ფასი არ უნდა აღემატებოდეს პრეისკურანტის სავარაუდო ღირებულებას და ელექტრონული ვაჭრობის შედეგად წინადადების ფასის კლება შესაძლებელია განხორციელდეს მხოლოდ პრეისკურანტის სავარაუდო ღირებულებასთან მიმართებაში.
• ავტოსატრანსპორტო საშუალებების მომსახურების და ასეთი მომსახურებისათვის საჭირო საქონლის ერთეულის ღირებულებები პოზიციების შესაბამისად პრეტენდენტის მიერ მითითებული უნდა იქნას პრეისკურანტში (დანართი №2) და არ უნდა აღემატებოდეს პრეისკურანტში შესაბამის პოზიციებზე დაფიქსირებულ ზღვრულ ერთეულის ფასებს. ერთეულის ღირებულებების ჯამურმა ოდენობამ არ უნდა გადააჭარბოს პრეისკურანტის ღირებულებას.
• პრეისკურანტით განსაზღვრული ავტოსატრანსპორტო საშუალებების მომსახურების და ასეთი მომსახურებისათვის საჭირო საქონლის რომელიმე ერთეულის არარსებობისას, აღნიშნულის ერთეულის ფასი მისი შესყიდვის აუცილებლობისას, დადგინდება შემსყიდველი ორგანიზაციისა და მიმწოდებლის შეთანხმებით საბაზრო ფასის გათვალისწინებით. ასეთ შემთხვევაში პრეისკურანტში ავტოსატრანსპორტო საშუალებების მომსახურების და ასეთი მომსახურებისათვის საჭირო საქონლის რომელიმე ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს პრეისკურანტის საბოლოო ჯამური ღირებულების 10%-ს.
• გამარჯვებული პრეტენდენტის მიერ სისტემის მეშვეობით წარმოდგენილ პირვანდელ და ელექტრონული ვაჭრობის შედეგად დაფიქსირებულ საბოლოო პრეისკურანტის ღირებულების სხვაობის არსებობის შემთხვევაში, პრეისკურანტით განსაზღვრული ერთეულის ღირებულებების დაანგარიშება მოხდება არსებული სხვაობის პროცენტული მაჩვენებლის პრეისკურანტის ყველა პოზიციაზე თანაბრად დაკლების პრინციპით. აღნიშნულ შემთხვევაში ტენდერში გამარჯვებულმა პრეტენდენტმა კორექტირებული პრეისკურანტი უნდა წარმოადგინოს აღნიშნული პრინციპით დაანგარიშებული ერთეულის ფასების მიხედვით.

ფასწარმოქმნის ადეკვატურობის დასასაბუთებლად პრეტენდენტის მიერ წარმოდგენილი უნდა იქნას სსიპ "ლევან სამხარაულის ექსპერტიზის ეროვნული ბიუროს" ან/და სხვა აკრედიტირებული პირის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს ტენდერში პრეტენდენტის მიერ ატვირთულ საბოლოო პრეისკურანტში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე პრეისკურანტით განსაზღვრული შესყიდვის ობიექტის მიწოდების შესაძლებლობა. იმ შემთხვევაში, თუ პრეტენდენტის მიერ არ იქნა წარმოდგენილი ფასწარმოქმნის ადეკვატურობის დამადასტურებელი დოკუმენტაცია, მოხდება პრეტენდენტის დისკვალიფიკაცია.

ანგარიშსწორება განხორციელდება მიმწოდებლის საბანკო ანგარიშზე ეტაპობრივად, გაწეული მომსახურების შესაბამისად მ/ჩ აქტებზე ორმხრივი ხელმოწერის და მიმწოდებლის მიერ ანგარიშ-ფაქტურის წარმოდგენის შემდგომ.

მ/ჩ აქტებზე ორმხრივი ხელმოწერისა და ანგარიშ-ფაქტურის წარმოდგენიდან 10 სამუშაო დღის განმავლობაში.

ლაშა სულთანიშვილი, 577285335, l.sultanishvili@hcoj.gov.ge