Отделочные строительные работы (Грузия - Тендер #53122337)

სახელმწიფო აუდიტის სამსახურის ქ.ბათუმის ოფისში (მისამართი: ბათუმის იუსტიციის სახლი, შ.ხიმშიაშვილის N7), მე-11 სართულის ფასადზე არსებული მინაპაკეტების (სულ 2 (ორი) ერთეულის) შეცვლის სამუშაოები

ტექნიკური დავალება

1. სახელმწიფო აუდიტის სამსახურის ქ.ბათუმის ოფისში (მისამართი: ბათუმის იუსტიციის სახლი, შ.ხიმშიაშვილის N7), მე-11 სართულის ფასადზე ჩასატარებელი სამუშაოები - ფასადზე არსებული მინაპაკეტების (სულ 2 (ორი) ერთეულის) შეცვლა.
2. უნდა მოხდეს არსებული მინაპაკეტების (ორი ერთეული, თითოეულის ზომა 3.615 კვ/მ (მინის ზომა 3,875*0,932)) დემონტაჟი და დასაწყობება შენობის სარდაფში.
3. არსებული სივრცე (მინაპაკეტი) უნდა გაიყოს სამ ნაწილად, სადაც მოეწყობა (შუა ნაწილში) გარეთ გასაღები ფანჯარა, გასაღები პროფილით (კასეტური სისტემა) ორმაგი მინით, რომელიც გაიღება 30-40 გრადუსამდე, ასევე დამონტაჟდება მინაპაკეტები 2 ცალი - ზომით (0,96*0,96) და 2 ცალი - ზომით (0,975*0,96).
4. იხილეთ დანართი N1 (ხარჯთაღრიცხვა), ასევე იხილეთ დანართად წარმოდგენილი ფოტო მასალა - N3 და N4.
5. საგარანტიო ვადა (გარდა მექანიკური დაზიანებისა) უნდა შეადგენდეს მიღება-ჩაბარების გაფორმებიდან არანაკლებ 2 წელს.
6. სამუშაოების დასრულების შემდეგ საგარანტიო ვადის განმავლობაში რაიმე წუნის ნაკლოვანებები, დეფექტი) აღმოჩენის შემთხვევაში (მინაპაკეტების გერმეტიულობის დარღვევა, ასევე სამართავი მექანიზმის სრულფასოვანი ფუნქციონირება) თუ დადგინდება რომ აღნიშნული წუნი (ნაკლოვანებები, დეფექტი) გამოწვეულია უხარისხო ან/და არაჯეროვანი შესრულებით, მიმწოდებელი ვალდებულია აღმოფხვრას უხარისხოდ შესრულებული სამუშაოები საკუთარი ხარჯებით.
7. მიმწოდებელმა უნდა უზრუნველყოს სამუშაოების შესრულება სამშენებლო სფეროში მოქმედი რეგულაციების და ხარისხის სტანდარტების სრული გათვალისწინებით. სამუშაოები უნდა შესრულდეს „შრომის უსაფრთხოების შესახებ“ საქართველოს კანონის ნორმების სრული დაცვით.
8. მიმწოდებელმა სამუშაოების მიმდინარეობის პროცესში უნდა უზრუნველყოს ადგილზე და მის მიმდებარე
ტერიტორიაზე დამცავი გამაფრთხილებელი ნიშნების დაყენება;
9. მიმწოდებლის მიერ სამუშაოს შესრულების ადგილზე და მის მიმდებარე ტერიტორიაზე დაცული უნდა იყოს უსაფრთხოების წესები, შესაბამისი მაღალი სტანდარტების დაცვით;
10. მიმწოდებელი ვალდებულია სამუშაოები შეასრულოს იმგვარად, რომ არ შეფერხდეს შემსყიდველი ორგანიზაციის ნორმალური ფუნქციონირება;
11. მიმწოდებელმა უნდა განახორციელოს სამუშაოს შესრულება ტექნიკური დავალებით დადგენილი პირობებისა და წესების დაცვით;
12. მიმწოდებელმა სამუშაოების დაწყებამდე უნდა გადაამოწმოს ადგილზე არსებული მდგომარეობა და ნებისმიერი უზუსტობის შემთხვევაში აცნობოს შემსყიდველ ორგანიზაციას;
13. სამუშაოს მასშტაბის შესაბამისად, მიმწოდებელმა სამუშაოს შესრულება უნდა უზრუნველყოს უსაფრთხოების ნორმების სრული დაცვით, თანამედროვე უსაფრთხო ტექნიკური საშუალებების/აქსესუარების გამოყენებით, აღჭურვილობის, სანდო და სათანადო უნარ-ჩვევების მქონე პერსონალით, ამასთან მომსახურების გაწევისას დაცული უნდა იყოს საქართველოს ორგანული კანონით ,,შრომის უსაფრთხოების შესახებ“ და საქართველოს მთავრობის 2017 წლის 27 ოქტომბრის N477 დადგენილებით - ,,სიმაღლეზე მუშაობის უსაფრთხოების მოთხოვნების შესახებ ტექნიკური რეგლამენტის დამტკიცების თაობაზე“ - განსაზღვრული მოთხოვნები.
14. სამუშაოს შესრულების პროცესში გამოყენებული ყველა ტექნიკური აღჭურვილობა და ინსტრუმენტი უნდა იყოს მუშა მდგომარეობაში, მათი ექსპლუატაცია უნდა ხდებოდეს მწარმოებლის მიერ განსაზღვრული წესით.
ტექნიკური აღჭურვილობის და ინსტრუმენტის ექსპლუატაციისას, დაუშვებელია არაქარხნული (კუსტარული) წესით დამზადებული დეტალის ან/და სათადარიგო ნაწილის გამოყენება;
15. სამუშაოს შესრულების პროცესში მიმწოდებელმა უნდა უზრუნველყოს ხარისხისა და სამუშაოების
მიმდინარეობის ზედამხედველობისა და კონტროლის განმახორციელებელი პირის მიერ გაცემული როგორც ზეპირი, ასევე წერილობითი რეკომენდაციების და მითითებების შესრულება;
16. ტექნიკური დავალებით გათვალისწინებული რომელიმე ვალდებულების დარღვევის შემთხვევაში, აღნიშნულის შედეგად წარმოშობილ ზიანზე სრული პასუხისმგებლობა დაეკისრება მიმწოდებელს. მიმწოდებელმა უნდა უზრუნველყოს, მომსახურების გაწევის პროცესში, მიმწოდებლის მიზეზით (მათ შორის, გაუფრთხილებლობით), შემსყიდველისთვის ან/და მესამე პირისთვის მიყენებული ზიანის სრული ანაზღაურება საკუთარი ხარჯით;
17. აუცილებლობის/საჭიროების შემთხვევაში, დაზიანებების თავიდან აცილების მიზნით, უზრუნველყოს
გაწმენდის სამუშაოების ტერიტორიაზე არსებული ინვენტარის გადაადგილება ან/და შეფუთვა, ხოლო სამუშაოების დასრულების შემდგომ საწყის მდებარეობის ადგილზე დაბრუნება. მიმწოდებელი სრულად აგებს პასუხს მათი დაზიანების შემთხვევაში.
18. სამუშაოების შესრულების პროცესში გამოყენებული მასალების, მოწყობილობების და ა.შ. ხარისხი, ტექნიკური აღწერილობა, ფერები და სხვა მახასიათებლები სრულად უნდა შეესაბამებოდეს განსაფასებელ ხარჯთაღრიცხვაში მითითებულ მოთხოვნებს. ასევე, აღნიშნული მასალების, მოწყობილობების და ა.შ. ხარისხი, ტექნიკური აღწერილობა, ფერები და სხვა მახასიათებლები თანხმდება შემსყიდველთან და შესაბამისი შეთანხმება შეიძლება განხორციელდეს როგორც წერილობით, ისევე მის გარეშე.
19. იმ შემთხვევაში, თუ მიმწოდებლის მიერ წარმოდგენილი მასალების, მოწყობილობების და ა.შ. ხარისხი, ტექნიკური აღწერილობა და სხვა მახასიათებლები ან/და შესრულებული სამუშაო სრულად არ შეესაბამება განსაფასებელი ხარჯთაღრიცხვის მოთხოვნებს, მიმწოდებელი ვალდებულია თავისი ხარჯებით გამოასწოროს წუნდებული მასალა, მოწყობილობა და ა.შ. ან/და სამუშაო.
20. მიმწოდებელმა მინიმუმამდე დაიყვანოს მუშაობით გამოწვეული ხმაურის, ვიბრაციის და მტვერის გავლენა.
21. სარემონტო სამუშაოების დასრულების შემდგომ მიმწოდებელი ვალდებულია გაათავისუფლოს მიმდებარე ტერიტორია სამშენებლო ნარჩენებისაგან.
22. მიმწოდებელი ვალდებულია სამუშაოების მიმდინარეობის პროცესი უზრუნველყოს შესაბამისი რესურსით (მათ შორის ადამიანური რესურსით, მოწყობილობებით და მასალით).

სამუშაოების შესრულების ვადა შეადგენს ხელშეკრულების გაფორმებიდან 30 კალენდარულ დღეს.

სამუშაოს შესრულება უნდა განხორციელდეს შემდეგ მისამართზე: ქ. ბათუმი, შერიფ ხიმშიაშვილის N7 (ბათუმის იუსტიციის სახლი).

საგარანტიო ვადა (გარდა მექანიკური დაზიანებისა) უნდა შეადგენდეს მიღება-ჩაბარების გაფორმებიდან არანაკლებ 2 წელს.

1. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, გარდა Excel-ის ცხრილის სახით წარსადგენი დოკუმენტისა, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის საფუძველზე ვალდებულია, სახელმწიფო შესყიდვების ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;

2. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია;

3. პრეტენდენტს არ აქვს უფლება წარმოადგინოს ალტერნატიული წინადადება;

4. ტენდერში მონაწილეობით პრეტენდენტი ეთანხმება სატენდერო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო;

5. სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესის“ მე-8 მუხლით დადგენილი წესის შესაბამისად;

6. სატენდერო წინადადების ფასი გამოსახული უნდა იყოს ეროვნულ ვალუტაში - ლარში, სატენდერო წინადადების ფასი მოიცავს შესყიდვის ობიექტის მიწოდებასთან დაკავშირებით მიმწოდებლის ყველა ხარჯს და საქართველოს კანონმდებლობით გათვალისწინებულ გადასახადებს;

7. პრეტენდენტი დაექვემდებარება დისკვალიფიკაციას, თუ მის მიერ, არ იქნება წარმოდგენილი ფასების ცხრილი (ხარჯთაღრიცხვა) ან წარდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.

8. პრეტენდენტი წინადადების ფასში არ ითვალისწინებს დღგ-ს, მიუხედავად იმისა, არის თუ არა იგი დღგ-ს გადამხდელი საქართველოს კანონმდებლობის შესაბამისად. შერჩევა-შეფასება განხორციელდება წარმოდგენილი წინადადების ფასების მიხედვით. შემსყიდველი ორგანიზაცია ხელშეკრულების ღირებულებაში გაითვალისწინებს სატენდერო წინადადების ფასის შესაბამის დღგ-ს ოდენობას, თუ ხელშეკრულების დადების მომენტისთვის პრეტენდენტი არის დღგ-ს გადამხდელი საქართველოს კანონმდებლობის მოთხოვნათა შესაბამისად.

იმ შემთხვევაში თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, პრეტენდენტი ვალდებულია წარმოადგინოს (სისტემაში ატვირთოს) ფასწარმოქმნის ადეკვატურობის დამადასტურებელი აკრედიტირებული პირის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის აკრედიტაციის დამადასტურებელი დოკუმენტის ასლი), რომელიც დაადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას და შედგენილი იქნება საქართველოს მთავრობის 2017 წლის 26 სექტემბრის №439 დადგენილებით დამტკიცებული „ტექნიკური რეგლამენტის - „სამშენებლო სამუშაოების ხარჯთაღრიცხვის ფასწარმოქმნის ადეკვატურობის დადგენის მეთოდიკის“ შესაბამისად;

წარმოდგენილი დასკვნით უნდა დასტურდებოდეს პრეტენდენტის მიერ ატვირთულ სატენდერო ხარჯთაღრიცხვაში (სატენდერო წინადადების საბოლოო ფასის შესაბამისი ხარჯთაღრიცხვა) დაფიქსირებული ერთეულის ფასებით (თითოეულ ერთეულთან მიმართებით) და აგრეთვე ჯამური ღირებულებით ამავე ხარჯთაღრიცხვით განსაზღვრული სამუშაოების შესრულების შესაძლებლობა.

ექსპერტიზის დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას.

ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული პირობები.

1. ანგარიშსწორება განხორციელდება სამუშაოების დასრულების შემდგომ, ფაქტობრივად შესრულებული სამუშაოების შესახებ გაფორმებული შესრულებული სამუშოების აქტის (ფორმა N2), მიღება - ჩაბარების აქტის და საგადასახადო ანგარიშ-ფაქტურის წარდგენის (კანონით დადგენილ შემთხვევაში) შემდგომ.

ანგარიშსწორება განხორციელდება შესაბამისი დოკუმენტაციის წარმოდგენის შემდეგ 10 (ათი) სამუშაო დღის განმავლობაში.

ლანა ვარდოსანიძე, 571944441, Lvardosanidze@sao.ge

პრეტენდენტმა უნდა წარმოადგინოს:
1. ფასების ცხრილი (დანართი N1-ის შესაბამისად, Excel-ის ცხრილის სახით).