Ресторан и подача блюд (Грузия - Тендер #53122128)

1.1.1. შესყიდვის ობიექტს წარმოადგენს: ზუგდიდის მუნიციპალიტეტის მერიის განათლების, ძეგლთა დაცვის, კულტურის, სპორტისა და ახალგაზრდულ საქმეთა სამსახურის მიერ დაგეგმილი ღონისძიებებისათვის კვებითი (ფურშეტების ორგანიზების) მომსახურების შესყიდვა.

1.2.1. გასაწევი მომსახურების (მენიუს) აღწერილობა და რაოდენობა/მოცულობა ასახულია თანდართულ დოკუმენტში (იხ. მიბმული ფაილი).

1.2.2. ტექნიკური დავალება

შესასყიდი მომსახურების მიმართ წაყენებული მოთხოვნები

ა) ყველა კერძი უნდა იყოს ახლად მომზადებული, წინასწარ შეთანხმებული მენიუს შესაბამისად. საკვები უნდა იყოს ეკოლოგიურად სუფთა და ვიზუალურად გაფორმებული, მიღებული სტანდარტების შესაბამისად, შესაბამისი ტემპერატურის დაცვით, მომსახურების გაწევის დროს დაცული უნდა იყოს სანიტარული და ჰიგიენური ნორმები;
ბ) საკვების მიწოდებასთან ერთად ტენდერში გამარჯვებული ვალდებულია შემსყიდველი უზრუნველყოს შესაბამისი ინვენტარით; ხელსახოცებით, მაგიდებით (საჭიროების შემთხვევაში), მაგიდის გადასაფარებლებითა და სხვ. ასევე, ჭურჭელით, მოთხოვნის შემთხვევაში ერთჯერადი თეფშით, ჭიქით, კოვზით, ჩანგალით (უნდა იყოს მყარი ფაქტურის _ მუყაოს ან პლასტიკის).
გ) მაგიდის სერვირება უნდა მოხდეს ამ სფეროში არსებული და მიღებული სტანდარტების შესაბამისად;
დ) ტრანსპორტირება უნდა განხორციელდეს ღონისძიების ადგილამდე, ჰიგიენური ნორმების გათვალისწინებით, შესაბამისი სატრანსპორტო საშუალებებით;
ე) საკვები და ჭურჭელი მიწოდებული უნდა იქნეს შესაბამისი კონტეინერებითა და ამ სფეროში არსებული სხვა ჭურჭელით. დაუშვებელია, პოლიეთილენის პარკებითა და სხვა არასათანადო საშუალებებით მიწოდება;
ვ) საკვების საგემოვნო თვისებები, კვებითი ღირებულება და ვიზუალური მხარე უნდა შეესაბამებოდეს ამ სფეროში არსებულ სტანდარტებსა და ნორმებს;
ზ) ჩაი, ყავა და კერძები უნდა იყოს ცხელი, ხოლო სალათები და სასმელები უნდა იყოს შესაბამის ტემპერატურაზე გაგრილებული;
თ) მომსახურების მიწოდება, ასევე, უნდა მოიცავდეს შესაბამისი რაოდენობის დამხმარე პროდუქტებს, როგორიცაა: შაქარი, მარილი და სხვ.;
ი) დაუშვებელია ვადაგასული და საკვებად უვარგისი პროდუქტების მიწოდება. მიწოდებული საკვები სრულად რჩება შემსყიდველთან. საკვების მიწოდების ადგილისა და ამავე საკვების მოხმარების შემდეგ ნარჩენების გატანის ვალდებულება ეკისრება ტენდერში გამარჯვებულს.
კ) შემსყიდველი იტოვებს უფლებას სრულად არ აითვისოს სატენდერო დოკუმენტაციაში მოცემული შესყიდვის ობიექტის რაოდენობა და შესაბამისად სახელშეკრულებო ღირებულების სრული ანაზღაურება.

1.4.1. ტენდერში გამარჯვებულმა მომსახურება გაწევა უნდა უზრუნველყოს ეტაპობრივად, მოთხოვნის შესაბამისად, ხელშეკრულების დადებიდან 2024 წლის 31 დეკემბრის ჩათვლით.

1.5.1. მომსახურების გაწევის დაწყება-დამთავრების დროისა და ადგილის შესახებ ტენდერში გამარჯვებულს ეცნობება, მომსახურების გაწევამდე, 3 (სამი) კალენდარული დღით ადრე (მომსახურების გაწევა უნდა განხორციელდეს როგორც სამუშაო დღეებში, ისე უქმე დღეებში, შემსყიდველის საჭიროების შესაბამისად).
1.5.2. მომსახურების გაწევის ადგილია: ზუგდიდის მუნიციპალიტეტის ტერიტორია.
1.5.3. საკვების მიწოდება უნდა განხორციელდეს ტენდერში გამარჯვებულის მიერ, მისივე ხარჯებით (ტრანსპორტირება, შენობის შესაბამის სართულზე ატანა და სხვ).

2.9.1. სატენდერო წინადადების ღირებულება წარმოდგენილი უნდა იყოს მომსახურების სრულყოფილად გაწევასთან დაკავშირებული ყველა ხარჯის, მიწოდების ადგილამდე ტრანსპორტირებისა და საქართველოს კანონმდებლობით დადგენილი გადასახადების გათვალისწინებით.

1) თუ ტენდერში, ელექტრონული ვაჭრობის შედეგად, ყველაზე დაბალი ფასის წინადადების მქონე პრეტენდენტის მიერ დაფიქსირებული საბოლოო ფასი 20%-ით ან მეტით ნაკლებია შესყიდვის სავარაუდო ღირებულებაზე, პრეტენდენტს, დადგენილ ვადაში, მოეთხოვება ფასწარმოქმნის ადეკვატურობის დასაბუთება. ფასწარმოქმნის ადეკვატურობა უნდა დასაბუთდეს სსიპ „ლევან სამხარაულის ექსპერტიზის ეროვნული ბიუროს“ ან სხვა აკრედიტირებული პირის ან აუდიტორის/აუდიტორული ფირმის დასკვნით (დასკვნასთან ერთად ასევე, წარმოდგენილი უნდა იქნეს დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტაცია), რომელიც დაადასტურებს დაფიქსირებულ ფასად სატენდერო დოკუმენტაციით განსაზღვრული შესყიდვის ობიექტის მიწოდების შესაძლებლობას.
2) ფასწარმოქმნის ადეკვატურობის დამადასტურებელი დოკუმენტ(ებ)ით შესყიდვის ობიექტის მიწოდების შესაძლებლობა უნდა დასტურდებოდეს, როგორც, პრეტენდენტის მიერ დაფიქსირებული წინადადების ფასთან (ხარჯთაღრიცხვის მთლიან ღირებულებასთან), ასევე, ხარჯთაღრიცხვის ერთეულის ფასებთან მიმართებაში.
3) ფასწარმოქმნის ადეკვატურობის დამადასტურებელი დოკუმენტ(ებ)ის დადგენილ ვადაში წარუდგენლობა ან სატენდერო პირობებთან ან/და ტექნიკურ დოკუმენტაციასთან შეუსაბამობა გამოიწვევს პრეტენდენტის დისკვალიფიკაციას, სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული „ელექტრონული ტენდერის ჩატარების წესის“ 32-ე მუხლის პირველი პუნქტის „დ“ ქვეპუნქტის საფუძველზე.

7.2.1. ანგარიშსწორება განხორციელდება უნაღდო ანგარიშსწორების წესით, თანხის გადარიცხვის ფორმით, ეროვნულ ვალუტაში _ ლარში.
7.2.2. ანგარიშსწორება იწარმოებს, ფაქტობრივად მიწოდებული შესყიდვის ობიექტის გათვალისწინებით, შესაბამისი მიღება-ჩაბარების აქტის საფუძველზე.

7.3.1. ანგარიშსწორება განხორციელდება ფაქტობრივად მიწოდებული შესყიდვის ობიექტის გათვალისწინებით შესაბამისი მიღება-ჩაბარების აქტის ხელმოწერიდან 10 (ათი) სამუშაო დღის განმავლობაში.

ბესიკ ქარდავა, 595222788, kardava.b@gmail.com

1) სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება „სახელმწიფო შესყიდვების შესახებ“ საქართველოს კანონისა და „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების საფუძველზე.
2) ტენდერში მონაწილე პრეტენდენტის სატენდერო წინადადება, აგრეთვე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია და დოკუმენტაცია შედგენილ უნდა იქნეს ქართულ ენაზე. დოკუმენტის ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. ამ შემთხვევაში მოცემული სატენდერო წინადადების ინტერპრეტაციის დროს, უცხოენოვან დოკუმენტსა და მის ქართულ ენაზე შესრულებულ თარგმანს შორის უპირატესობის მინიჭების საკითხს წყვეტს სატენდერო კომისია.
3) პრედენტენტის მიერ წარმოდგენილი სატენდერო წინადადება და მასში შემავალი დოკუმენტაცია დამოწმებული უნდა იყოს კვალიფიციური ელექტრონული ხელმოწერით ან/და კვალიფიციური ელექტრონული შტამპით.
4) პრეტენდენტს უფლება არა აქვს წარმოადგინოს ალტერნატიული სატენდერო წინადადება.
5) სატენდერო წინადადების წარდგენით პრეტენდენტი ეთანხმება სატენდერო დოკუმენტაციით დადგენილ მოთხოვნებს.