Страховые и пенсионные услуги (Грузия - Тендер #53122003)

საქართველოს იუსტიციის სამინისტროს, გენერალური ინსპექციისა და სსიპ „აღსრულების ეროვნული ბიუროს“ თანამშრომელთა სიცოცხლისა და ჯანმრთელობის დაზღვევის მომსახურების ერთობლივი სახელმწიფო შესყიდვა.

იხილეთ თანდართული დანართი N1 (ტექნიკური დავალება).

მიმწოდებელი მომსახურების გაწევას განახორციელებს, ხელშეკრულების გაფორმების თარიღიდან - 2024 წლის 31 დეკემბრის ჩათვლით პერიოდში.

დაზღვევის მომსახურება უნდა განხორციელდეს საქართველოს ტერიტორიაზე (გარდა ოკუპირებული ტერიტორიებისა) ტექნიკური დავალების (დანართი N1) შესაბამისად.

პრეტენდენტს უნდა გააჩნდეს შესაბამისი საქმიანობის მოქმედი ლიცენზია, რომელიც უნდა წარმოადგინოს ერთიანი ელექტრონული სისტემის საშუალებით.

2.9.1. ელექტრონული ვაჭრობა უნდა განხორციელდეს I პაკეტის (დანართი N2) ღირებულებაზე. სატენდერო წინადადებაში წარმოდგენილი უნდა იქნას თანამშრომელის (ერთი პირის) დაზღვევის ფასი, სატენდერო დოკუმენტაციის პრეისკურანტის დანართი N2-ის შესაბამისად.
2.9.2. სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით. სატენდერო წინადადების ფასის წარმოდგენა დასაშვებია მხოლოდ ლარში.
2.9.3. პრეტენდენტის მიერ პრეისკურანტის სავარაუდო ღირებულების ფასის შემცირების შემთხვევაში, თუ ერთეულის ფასი დაჯდება მრავალნიშნა ათწილადად, პრეტენდენტი ვალდებულია აღნიშნული ფასი შეამციროს და დაამრგვალოს მეასედამდე, შესაბამისად შეამციროს პრეისკურანტის ჯამური ღირებულებაც.
2.9.4. პრეტენდენტის მიერ წარმოდგენილ საბოლოო ფასის შესაბამის პრეისკურანტში მოცემული ერთეულის ღირებულება არ უნდა აღემატებოდეს სატენდერო დოკუმენტაციის პრეისკურანტის შესაბამის გრაფაში მითითებულ ერთეულის ზღვრულ ღირებულებას, წინააღმდეგ შემთხვევაში მოხდება პრეტენდენტის დისკვალიფიკაცია.
2.9.5. შემსყიდველის მიერ წარმოდგენილი დანართი N2 პრეისკურანტის სავარაუდო ღირებულებასა და პრეტენდენტის მიერ დაფიქსირებულ ფასს შორის სხვაობის არსებობის შემთხვევაში, სხვაობა გამოანგარიშდება პროცენტულად, რომლის მიხედვითაც ფასთა კლება პრეტენდენტმა პროცენტულად და პროპორციულად უნდა ასახოს პრეისკურანტში მოცემულ ყველა პოზიციაზე (გაუმჯობესებულ/საოჯახო პაკეტზე) დანართ N3 - ში.
2.9.6. პრეტენდენტის მიერ სატენდერო წინადადების ან მისი შემადგენელი დოკუმენტის უცხოურ ენაზე წარდგენის შემთხვევაში, მას უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე. დოკუმენტთან დაკავშირებული სადავო საკითხ(ებ)ის გადაწყვეტისას უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია. სატენდერო კომისიის მოთხოვნის შემთხვევაში პრეტენდენტმა უნდა წარმოადგინოს შესაბამისი დოკუმენტის ორიგინალი ან/და ნოტარიულად დამოწმებული ასლი, რომლითაც შესაძლებელი იქნება წარმოდგენილი დოკუმენტების ნამდვილობის დადასტურება.
2.9.7. სახელმწიფო შესყიდვების ერთიან ელექტრონულ სისტემაში წარმოდგენილ უცხო ქვეყანაში შედგენილ დოკუმენტზე უნდა იყოს ლეგალიზებული ან აპოსტილით დამოწმებული ხელმოწერები, რომელიც ასევე დამოწმებული უნდა იყოს ნოტარიუსის ან შესაბამისი საჯაროსამართლებრივი უფლებამოსილების მქონე პირის მიერ. სატენდერო კომისიის მოთხოვნის შემთხვევაში პრეტენდენტმა უნდა წარმოადგინოს შესაბამისი დოკუმენტის ორიგინალი ან/და ნოტარიულად დამოწმებული ასლი, რომლითაც შესაძლებელი იქნება წარმოდგენილი დოკუმენტების ნამდვილობის დადასტურება.
2.9.8. პრეტენდენტის მიერ ერთიან ელექტრონულ სისტემაში ატვირთული შესაბამისი დოკუმენტები უნდა იყოს უფლებამოსილი პირის მიერ კვალიფიციური ელექტრონული შტამპით ან კვალიფიციური ელექტრონული ხელმოწერით დამოწმებული, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის შესაბამისად.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, მიმწოდებელი ვალდებულია დაასაბუთოს ფასწარმოქმნის ადეკვატურობა.

ფასწარმოქმნის ადეკვატურობა, შესაძლებელია დასაბუთდეს ექსპერტიზის დასკვნით, ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას, როგორც მის მიერ დაფიქსირებულ წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებაში.

2 Процентов

5 Процентов

ხელშეკრულების შესრულების უზრუნველყოფის გარანტიის მოქმედების ვადა არანაკლებ 60 (სამოცი) დღით უნდა აღემატებოდეს ხელშეკრულებით გათვალისწინებულ მომსახურების გაწევის ვადას.

6.4.1 პრეტენდენტი ვალდებულია სახელმწიფო შესყიდვების მარეგულირებელი კანონმდებლობის მოთხოვნათა გათვალისწინებით, ხელშეკრულების გაფორმებამდე უზრუნველყოს საბანკო გარანტიების წარმოდგენა, სატენდერო პირობებით გათვალისწინებული იმ შემსყიდველისათვის, რომელთანაც გასაფორმებელი ხელშეკრულების ღირებულება შეადგენს ან აღემატება 200 000 ლარს. (წილის ღირებულების 2%-ის ოდენობით, ხოლო თეთრ სიაში რეგისტრირებული მიმწოდებლის შემთხვევაში − ხელშეკრულების ღირებულების 1%-ის ოდენობით).
6.4.2 იმ შემთხვევაში, თუ გამარჯვებული პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, მაშინ გამარჯვებულმა პრეტენდენტმა უნდა წარადგინოს ხელშეკრულების შესრულების უზრუნველყოფის საბანკო გარანტიები, სატენდერო პირობებით გათვალისწინებული იმ შემსყიდველისათვის, რომელთანაც გასაფორმებელი ხელშეკრულების ღირებულება შეადგენს ან აღემატება 200 000 ლარს, მათი წილის ღირებულების 5%-ის ოდენობით, ხოლო თეთრ სიაში რეგისტრირებული მიმწოდებლის შემთხვევაში − ხელშეკრულების ღირებულების 2.5%-ის ოდენობით.
6.4.3 ხელშეკრულების შესრულების უზრუნველყოფის საბანკო გარანტიები უნდა იყოს უპირობო და გამოუთხოვადი. საბანკო გარანტია წარმოდგენილი უნდა იქნას საქართველოში მოქმედი საბანკო დაწესებულების ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან;
6.4.4 პრეტენდენტის მიერ წარმოდგენილ ხელშეკრულების შესრულების უზრუნველყოფის გარანტიებში არ უნდა იყოს მითითებული, რომ გარანტია მცირდება შესრულების პროპორციულად.
6.4.5 პრეტენდენტის მიერ ხელშეკრულებით ნაკისრი ვალდებულებების შეუსრულებლობის, აგრეთვე ნაწილობრივი ან არაჯეროვანი შესრულების მიზეზით ხელშეკრულების შეწყვეტის შემთხვევაში, შემსყიდველი უფლებამოსილია განახორციელოს საბანკო გარანტიის სრული ოდენობით გამოყენება;
6.4.6 მიმწოდებელს ხელშეკრულების შესრულების უზრუნველსაყოფად გაცემული საბანკო გარანტია, ხელშეკრულებით გათვალისწინებული ვალდებულებების სრული და ჯეროვანი შესრულების შემთხვევაში, დაუბრუნდება მხარეთა შორის შესყიდვის ობიექტის საბოლოო მიღება-ჩაბარების აქტის გაფორმების შემდეგ, მიმწოდებლის წერილობითი მოთხოვნიდან 5 სამუშაო დღის ვადაში.

7.2.1 ანგარიშსწორება განხორციელდება უნაღდო ანგარიშსწორების წესით ეროვნულ ვალუტაში - ლარში.
7.2.2. მომსახურების ანაზღაურება განხორციელდება ეტაპობრივად. ასანაზღაურებელი თანხა დაანგარიშდება ერთი თვის განმავლობაში ფაქტიურად დაზღვეული თანამშრომელთა რაოდენობის შესაბამისად, რომლის სრულად გადახდას უზრუნველყოფს შემსყიდველი. ამასთან თანამშრომლის მიერ გაუმჯობესებული სადაზღვევო პაკეტის/საოჯახო პაკეტის არჩევის შემთხვევაში, სადაზღვევო პაკეტების ღირებულებას შორის სხვაობას იხდის თანამშრომელი, რომლის ასანაზღაურებელი თანხის შრომითი ანაზღაურებიდან მიმწოდებლისთვის გადარიცხვის ორგანიზებას უზრუნველყოფს შემსყიდველი.
7.2.3. ანგარიშსწორება განახორციელდება:
7.2.3.1 საქართველოს იუსტიციის სამინისტროს, გენერალური ინსპექცია - 2024 წლის სახელმწიფო ბიუჯეტიდან არაუმეტეს - 43’200.00 (ორმოცდასამი ათას ორასი ლარი და 00 თეთრი) ლარის ფარგლებში.
7.2.3.2 სსიპ „აღსრულების ეროვნული ბიურო“ - 2024 წლის საკუთარი შემოსავლებიდან არაუმეტეს - 580’800.00 (ხუთას ოთხმოცი ათას რვაასი ლარი და 00 თეთრი) ლარის ფარგლებში.
7.2.4. დაფინანსების წყარო:
• საქართველოს იუსტიციის სამინისტროს, გენერალური ინსპექცია - 2024 წლის სახელმწიფო ბიუჯეტი.
• სსიპ აღსრულების ეროვნული ბიურო - 2024 წლის საკუთარი შემოსავლები.
7.2.4 იმ შემთხვევაში თუ, მიმწოდებელი თვის მომსახურების გაწევას დაიწყებს 2, 3, 4 და ა.შ რიცხვიდან (ხელშეკრულების პირობების შესაბამისად), ანაზღაურება განხორციელდება თვიური გადასახადის პროპორციულად, დღეების მიხედვით.

ანგარიშსწორება განხორციელდება 10 (ათი) სამუშაო დღის განმავლობაში, ხელშეკრულების შესაბამისად გაფორმებული მიღება-ჩაბარების აქტისა და კანონმდებლობით დადგენილი საგადასახადო დოკუმენტაციის წარდგენის საფუძველზე. თუკი ანგარიშსწორების განხორციელების ვადის ბოლო დღე ემთხვევა არა სამუშაო დღეს, მაშინ ანგარიშსწორება განხორციელდება მომდევნო სამუშაო დღეს.

თამარ კაპანაძე, 577116121, takapanadze@nbe.gov.ge

10.1.1 პრეტენდენტის მიერ წარმოდგენილ პრეისკურანტში დაფიქსირებული მომსახურების ერთეულის ღირებულება არ უნდა აღემატებოდეს სატენდერო დოკუმენტაციით განსაზღვრული პრეისკურანტის შესაბამის პოზიციაზე დაფიქსირებულ ზღვრული ერთეულის სავარაუდო ღირებულებას.
10.1.2 პრეისკურანტის დაზუსტების შემთხვევაში, დაუშვებელია თავდაპირველად წარმოდგენილი ერთეულის ფასის გაზრდილი ღირებულებით წარმოდგენა.
10.1.3 ტექნიკური დოკუმენტაცია დაზუსტებას არ დაექვემდებარება, თუ პრეისკურანტი არ იქნება წარმოდგენილი, ან იქნება წარმოდგენილი განუფასებლად, ან თუ განუფასებელი პოზიცი(ებ)ის რაოდენობა აღემატება განფასებულის - 1 %, ან იქნება არსებითად შეუსაბამო (ერთეულის ფას(ებ)ი აღემატება შემსყიდველის მიერ მომსახურების პრეისკურანტის შესაბამის გრაფაში მითითებულ ერთეულის სავარაუდო ფას(ებ)ს), აღნიშნულ შემთხვევაში მოხდება პრეტენდენტის დისკვალიფიკაცია შესყიდვის პროცედურიდან.
10.1.4 ტექნიკურ დავალებაში მითითებულია მინიმალური მოთხოვნები, რომელსაც უნდა აკმაყოფილებდეს გაწეული მომსახურება, პრეტენდენტს შეუძლია შემოგვთავაზოს გაუმჯობესუბელი მომსახურების პირობები.
10.1.5 ელექტრონულ ტენდერთან დაკავშირებული დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული ქართული თარგმანი. დოკუმენტაციასთან დაკავშირებული სადავო საკითხების გადაწყვეტისას, უცხოურენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს შემსყიდველი ორგანიზაცია.
10.1.6 სახელმწიფო შესყიდვების ერთიან ელექტრონულ სისტემაში (შემდგომში – სისტემა), ატვირთული ყველა დოკუმენტი (მათ შორის დანართები) ან/და ინფორმაცია, უფლებამოსილი პირის მიერ (საჭიროების შემთხვევაში ატვირთულ უნდა იქნას უფლებამოსილი პირის მინდობილობა ან რწმუნებულება) დამოწმებული უნდა იყოს ელექტრონული ხელმოწერით ან/და კვალიფიციური ელექტრონული შტამპით, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების გათვალისწინებით.
10.1.7 სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესის“ მე-8 მუხლით დადგენილი წესის შესაბამისად.
10.1.8 სატენდერო წინადადების წარდგენა გულისხმობს, რომ პრეტენდენტი ეთანხმება სატენდერო პირობებს.
10.1.9 პრეტენდენტს არა აქვს უფლება წარმოადგინოს ალტერნატიული სატენდერო წინადადება.
10.1.10 ტექნიკური დავალების პირობების შესაბამისი პროვაიდერი კლინიკების, ასევე იმ კლინიკების ჩამონათვალი, სადაც განხორციელდება შესაბამისი პაკეტით გათვალისწინებული ფასდაკლება და სააფთიაქო ქსელის შესახებ ინფორმაცია, შემსყიდველს უნდა წარედგინოს არაუგვიანეს ხელშეკრულების გაფორმების თარიღის მდგომარეობით, წერილობითი ფორმით ან/და ელექტრონული ფოსტის მეშვეობით.
10.1.11. სატენდერო დოკუმენტაციის 1.1 პუნქტში მითითებული შემსყიდველი ორგანიზაციები გამარჯვებულ პრეტენდენტთან ხელშეკრულებებს გააფორმებენ ინდივიდუალურად, სახელშეკრულებო ღირებულების წილის შესაბამისად.
10.1.12 პრეტენდენტის მიერ სისტემაში სავალდებულოდ ასატვირთი დოკუმენტებია:
• დანართი №1 (ტექნიკური დავალება);
• დანართი N2 (მომსახურების პრეისკურანტი);
• დანართი N3 (მომსახურების პრეისკურანტი);
• დანართი №4 (რეკვიზიტები) იმ შემთხვევაში, თუ პრეტენდენტს ერთიან ელექტრონულ სისტემაში მითითებული არ აქვს ინფორმაცია რეკვიზიტების შესახებ;
• პრეტენდენტის შესაბამისი საქმიანობის მოქმედი ლიცენზია, სატენდერო დოკუმენტაციის 2.7.1 პუნქტის შესაბამისად;

10.1.13 ინფორმაცია დაზღვეულთა რაოდენობები 31.03.24 , იხილეთ თანდართულ ფაილი.