Образовательные услуги (Грузия - Тендер #53121996)

სსიპ „აღსრულების ეროვნული ბიუროს“ შემფასებელთა, პროფესიული სერტიფიცირებისა და რესერტიფიცირების მომსახურების სახელმწიფო შესყიდვა.

1.2.1. მიმწოდებელმა უნდა უზრუნველყოს:

 15 (თხუთმეტი) თანამშრომლის პროფესიული მომზადება მოძრავი ქონების შეფასებაში, სერტიფიცირება - I ეტაპი - თეორიული გამოცდა მოძრავი ქონების შეფასებაში, სერტიფიცირება - II ეტაპი - პრაქტიკული გამოცდა მოძრავი ქონების შეფასებაში;

 1 (ერთი) თანამშრომლის პროფესიული მომზადება ბიზნესის და არამატერიალური აქტივების შეფასებაში, სერტიფიცირება - I ეტაპი - თეორიული გამოცდა ბიზნესის და არამატერიალური აქტივების შეფასებაში, სერტიფიცირება - II ეტაპი - პრაქტიკული გამოცდა ბიზნესის და არამატერიალური აქტივების შეფასებაში;

 13 (ცამეტი) თანამშრომელთა რესერტიფიცირება უძრავი ქონების შეფასებაში;

 1 (ერთი) თანამშრომლის რესერტიფიცირება - მოძრავი ქონების შეფასება.

1.2.2.ტრენინგები უნდა დაიგეგმოს მხარეთა ურთიერთშეთანხმების შედეგად;
1.2.3. ტესტირება უნდა ჩატარდეს შესაბამის სფეროში ტრეინინგის დასრულებიდან - 2 (ორი) კვირის შემდგომ;
1.2.4. პრაქტიკული გამოცდა უნდა ჩატარდეს შემსყიდველის თანამშრომლების მიერ, შესაბამის სფეროში ანგარიშების წარმოდგენიდან - 20 (ოცი) სამუშაო დღის ვადაში;
1.2.5. რესერტიფიცირება უნდა ჩატარდეს შემსყიდველის თანამშრომლების მიერ შესაბამის სფეროში ანგარიშების წარმოდგენიდან - 20 (ოცი) სამუშაო დღის ვადაში;
1.2.6. პირი(ებ)ი, რომლებიც წარმატებით გაივლიან სერტიფიცირების ორივე ეტაპს/რესერტიფიცირებას უნდა გაიცეს, არანაკლებ 2 (ორი) წლიანი შესაბამისობის დამადასტურებელი სერტიფიკატი.

მომსახურების გაწევა უნდა განხორციელდეს, ხელშეკრულების გაფორმების შემდგომ, შემსყიდველის მოთხოვნისა და მხარეთა ურთიერთშეთანხმების შესაბამისად, ხელშეკრულების გაფორმებიდან - 2024 წლის 20 დეკემბრის ჩათვლით პერიოდში.

მიმწოდებელმა უნდა უზრუნველყოს მომსახურების გაწევის ადგილი - ქ. თბილისში.

1.7.1.1 ხელშეკრულების მოქმედების ნებისმიერ ეტაპზე და ასევე მისი მოქმედების დასრულების შემდგომ, აღმოჩენილი ხარვეზის ან/და ნაკლის არსებობის შემთხვევაში, მიმწოდებელი ვალდებულია შეტყობინების მიღებიდან არაუმეტეს 1 (ერთი) სამუშაო დღის ვადაში გამოასწოროს ნაკლი, შემსყიდველის მხრიდან დამატებითი დანახარჯების გაწევის გარეშე.

პრეტენდენტი უნდა იყოს აკრედიტაციის ერთიანი ეროვნული ორგანოს - აკრედიტაციის ცენტრის მიერ აკრედიტებული ორგანიზაცია და ახორციელებდეს პერსონალის სერტიფიკაციას უძრავი, მოძრავი ქონების და ბიზნესისა და არამატერიალური აქტივების შეფასების სფეროში საერთაშორისო სტანდარტის ISO/IEK 17024:2012/14 შესაბამისად, რომლის დამადასტურებელი დოკუმენტი პრეტენდენტმა უნდა წარმოადგინოს ელექტრონული სისტემის საშუალებით (საჭიროების შემთხვევაში, ქართულ ენაზე ნათარგმნი და ნოტარიულად დამოწმებული).

შესყიდვის ობიექტის თავისებურებიდან გამომდინარე, რადგან აღნიშნული მომსახურება წარმოადგენს ინტელექტუალურ საქმიანობას, სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების მე-18 მუხლის მე-5 პუნქტის თანახმად, აღნიშნულ ტენდერში ფასწარმოქმნის ადეკვატურობის დამადასტურებელ დოკუმენტები არ მოითხოვება.

7.2.1 ანგარიშსწორება განხორციელდება ეტაპობრივად, უნაღდო ანგარიშსწორების ფორმით ლარში, ფაქტობრივად გაწეული მომსახურების შესაბამისად (მიუხედავად სერტიფიცირება/რესერტიფიკაციის შედეგისა).
7.2.2. ანგარიშსწორება განხორციელდება მიმწოდებლის საბანკო რეკვიზიტებზე.
7.2.3 საავანსო ანგარიშსწორება არ გამოიყენება.

ანგარიშსწორება განხორციელდება ფაქტობრივად გაწეული მომსახურების შესაბამისად გაფორმებული მიღება-ჩაბარების აქტისა და საგადასახადო ანგარიშ-ფაქტურის წარდგენის საფუძველზე, წარმოდგენიდან 10 (ათი) სამუშაო დღის ვადაში.

თამარ კაპანაძე, 577116121, takapanadze@nbe.gov.ge

10.1.1 ტენდერთან დაკავშირებული დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე. დოკუმენტებთან დაკავშირებული სადავო საკითხების გადაწყვეტისას, უცხოურ ენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.2 სახელმწიფო შესყიდვების ერთიან ელექტრონულ სისტემაში (შემდგომში – სისტემა), ატვირთული ყველა დოკუმენტი (მათ შორის დანართები) ან/და ინფორმაცია, უფლებამოსილი პირის მიერ (საჭიროების შემთხვევაში ატვირთულ უნდა იქნას უფლებამოსილი პირის მინდობილობა ან რწმუნებულება) დამოწმებული უნდა იყოს ელექტრონული ხელმოწერით ან/და კვალიფიციური ელექტრონული შტამპით, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების გათვალისწინებით.
10.1.3 სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესის“ მე-8 მუხლით დადგენილი წესის შესაბამისად.
10.1.4 ტექნიკური დოკუმენტაცია დაზუსტებას არ დაექვემდებარება, თუ მომსახურების ხარჯთაღრიცხვა არ იქნება წარმოდგენილი, იქნება წარმოდგენილი განუფასებლად ან თუ განუფასებელი პოზიცი(ებ)ის რაოდენობა აღემატება განფასებულის - 1%, აღნიშნულ შემთხვევაში მოხდება პრეტენდენტის დისკვალიფიკაცია შესყიდვის პროცედურიდან.
10.1.5 სატენდერო წინადადების წარდგენა გულისხმობს, რომ პრეტენდენტი ავტომატურად ეთანხმება სატენდერო პირობებს.
10.1.6 პრეტენდენტს არა აქვს უფლება წარმოადგინოს ალტერნატიული სატენდერო წინადადება.
10.1.7 პრეტენდენტის მიერ სისტემაში სავალდებულოდ ასატვირთი დოკუმენტებია:
 დანართი №1 (ფასების ცხრილი და ტექნიკური დავალება);
 დანართი №2 (რეკვიზიტები) იმ შემთხვევაში, თუ პრეტენდენტს ერთიან ელექტრონულ სისტემაში მითითებული არ აქვს ინფორმაცია რეკვიზიტების შესახებ;
 ორგანიზაციის აკრედიტაციის დამადასტურებელი ISO/IEK 17024:2012/14 სტანდარტთან შესაბამისობის დამადასტურებელი სერტიფიკატი (ნათარგმნი ქართულ ენაზე და დამოწმებული ნოტარიულად (საჭიროების შემთხვევაში)) სატენდერო დოკუმენტაციის 2.7.1 ქვეპუნქტის შესაბამისად.