Автомобили (Грузия - Тендер #53007947)

შესყიდვის ობიექტს წარმოადგენს სამსახურეობრივი დანიშნულებისთვის - ახალი, ექსპლუატაციაში არ მყოფი, მსუბუქი ჰიბრიდული ავტოსატრანსპორტო საშუალებების შესყიდვა.

1.2.1. შესყიდვის ობიექტის რაოდენობა: 2 (ორი) ერთეული მსუბუქი ჰიბრიდული, ავტოსატრანსპორტო საშუალება;
1.2.2. წინამდებარე ტენდერით მოთხოვნილი მსუბუქი ჰიბრიდული ავტოსატრანსპორტო საშუალებების ტექნიკური მახასიათებლები/სპეციფიკაცია უნდა შეესაბამობოდეს მინიმუმ ქვემოთ მოცემულ მოთხოვნებს:
ა) ძარის ფერი: თეთრი ან ვერცხლისფერი, ან ნაცრისფერი, ან ნახშირისფერი;
ბ) ძრავის მოცულობა - არანაკლებ 1400 სმ³ არაუმეტეს 1800 სმ³;
გ) გადაცემათა კოლოფი - ავტომატური ან გაუმჯობესებული, (არანაკლებ 6 სიჩქარიანი);
დ) საჭე - მარცხენივ ქარხნული;
ე) საწვავის ტიპი - ბენზინი (ჰიბრიდული ტიპის ძრავი);
ვ) საწვავის ავზის მოცულობა - არანაკლებ 35 ლიტრი;
ზ) საწვავის ხარჯი - (კომბინირებული) არაუმეტეს 6 ლიტრი 100 კილომეტრზე;
თ) ცხენის ძალა - არანაკლებ (კომბინირებული) 125;
ი) სიგრძე - არანაკლებ 4200 მმ, არაუმეტეს 4600 მმ;
კ) სიგანე სარკეებით - არანაკლებ 1700 მმ, არაუმეტეს 2400 მმ;
ლ) სიმაღლე - არანაკლებ 1430 მმ, არაუმეტეს 1650 მმ;
მ) ცენტრალური გასაღების სისტემა - დიახ;
ნ) ელექტრო რეგულირებადი წინა/უკანა სარკეები - დიახ;
ო) აუცილებელი მოთხოვნა - მინიმუმ 4 უსაფრთხოების ბალიში
(მძღოლის, წინა მგზავრის და გვერდითა უსაფრთხოების ბალიშები);
პ) აუცილებელი მოთხოვნა - სალონის საფენები;
ჟ) აუცილებელი მოთხოვნა - კონდინციონერი (კლიმატკონტროლი);
რ) აუცილებელი მოთხოვნა - ABS;
ს) აუცილებელი მოთხოვნა - საჭის მარეგულირებელი;

1.2.3. შემოთავაზებული ავტოსატრანსპორტო საშუალებები უნდა იყოს ახალი, ექსპლუატაციაში არ მყოფი, გარბენი არაუმეტეს 200კმ;
1.2.4. შემოთავაზებული ავტოსატრანსპორტო საშუალებები უნდა იყოს ნაწარმოები არაუადრეს 2023 წლისა;
1.2.5.ავტოსატრანსპორტო საშუალებები უნდა იყოს ნივთობრივად და უფლებრივად უნაკლო;
1.2.6. ქარხნული წარმოების ავტოსატრანსპორტო საშუალებებზე არ უნდა იყოს განხორციელებული არაქარხნული ცვლილება (შეკეთება/აღდგენა, გადაკეთება, ნაწილის გამოცვლა და ა.შ.);
1.2.7. მიმწოდებელი ვალდებულია უზრუნველყოს სატრანსპორტო საშუალებების უკან გაწვევა იმ შემთხვევაში თუ სატრანსპორტო საშუალებების მწარმოებელი ქარხანა საწარმოო დეფექტის აღმოჩენის შემთხვევაში განახორციელებს შესაბამის ღონისძიებებს სატრანსპორტო საშუალებების უკან გაწვევის მიზნით;

1.4.1. მიმწოდებელმა უნდა უზრუნველყოს შესყიდვის ობიექტის მიწოდება ხელშეკრულების დადებიდან არაუგვიანეს 2024 წლის 20 დეკემბრისა.
1.4.2. მიმწოდებლის მიერ ავტოსატრანსპორტო საშუალების საგარანტიო - სერვისული მომსახურების გაწევა უნდა განხორციელდეს საგარანტიო პერიოდის განმავლობაში.

1.5.1. მიმწოდებელი ვალდებულია სატრანსპორტო საშუალებების მიწოდება განახორციელოს ერთიანად ან ეტაპობრივად;
1.5.2. სატენდერო განცხადების 1.4 პუნქტში განსაზღვრულ ვადაში, შესყიდვის ობიექტის მიწოდებას უზრუნველყოფს მიმწოდებელი საკუთარი ხარჯებით, საქართველოს კანონმდებლობით განსაზღვრული ყველა სახის გადასახადის და სახელმწიფო რეგისტრაციის (შემსყიდველზე გადაფორმება, სტანდარტული ფასის სახელმწიფო სანომრე ნიშნები) ხარჯების ჩათვლით;
1.5.3. მიმწოდებელი ვალდებულია სატრანსპორტო საშუალებების მიწოდება განახორციელოს ქ. თბილისში, შემსყიდველის მისამართზე (მის: ქ. თბილისი, გურამიშვილის ჩიხი N5).
1.5.4. მიმწოდებელმა, ავტოსატრანსპორტო საშუალების თანმდევი საგარანტიო (გეგმიური) მომსახურების გაწევა უნდა განახორციელოს ქ. თბილისში მდებარე სერვის-ცენტრ(ებ)ში. საჭიროების შემთხვევაში, სერვის-ცენტრამდე ტრანსპორტირების ხარჯებს (გადატანის ხარჯებს) აანაზღაურებს მიმწოდებელი.

1.7.1.1. ავტოსატრანსპორტო საშუალებებზე უნდა ვრცელდებოდეს გარანტია მიღება-ჩაბარების აქტის გაფორმებიდან არანაკლებ 3 (სამი) წლის განმავლობაში, ან არანაკლებ 150 000 კმ. გარბენზე, რომელიც უფრო ადრე შესრულდება, სრულ ავტომანქანაზე, გარდა სწრაფცვეთადი ნაწილებისა და მასალებისა;
1.7.1.2. საგარანტიო პერიოდის განმავლობაში მიმწოდებელი ვალდებულია, ავტომობილზე გამოვლენილი ნებისმიერი საწარმოო დეფექტის აღმოფხვრა, შეკეთება განახორციელოს საკუთარი სახსრებით, შემსყიდველის მიერ წერილობითი მოთხოვნიდან არაუმეტეს 5 (ხუთი) სამუშაო დღის ვადაში. აღნიშნული ვადა, მხარეთა შეთანხმებით შესაძლებელია განისაზღვროს არაუმეტეს 30 კალენდარული დღით, თუ საჭირო გახდა დეფიციტური ნაწილ(ებ)ის (რომელიც მოცემული მომენტისთვის შეუძლებელია მოძიებულ იქნას საქართველოს ტერიტორიაზე) შეცვლა ახლით.
1.7.1.3. საგარანტიო პერიოდში, ავტოსატრანსპორტო საშუალების ტექ-მომსახურების გაწევისას, გამოყენებული სათადარიგო ნაწილები და მასალები უნდა იყოს ახალი (ექსპლუატაციაში არმყოფი) და მწარმოებლის მიერ რეკომენდირებული.
1.7.1.4. საგარანტიო პირობებით განსაზღვრული მოთხოვნები, ძალაშია მთელი საგარანტიო ვადის განმავლობაში, მიუხედავად ხელშეკრულების მოქმედების ვადის ამოწურვისა.

2.1.1.1 პრეტენდენტი ვალდებულია "ფასების ცხრილში" მოცემულ შესაბამის გრაფაში მიუთითოს ინფორმაცია შესყიდვის ობიექტის მწარმოებელი ქვეყნისა და ავტომანქანის მარკა/მოდელის შესახებ.

2.1.1.2 იმ შემთხვევაში თუ სატენდერო წინადადებით წარმოდგენილი არ იქნება მითითებული შემოთავაზებული სატრანსპორტო საშუალების მწარმობელი ქვეყნის ან/და მარკა-მოდელის შესახებ ინფორმაცია პრეტენდენტი დაექვემდებარება დისკვალიფიკაციას, შემოთავაზებული სატრანსპორტო საშუალების წარმოების ქვეყნის და მარკა-მოდელის შესახებ ინფორმაცია არ ექვემდებარება ცვლილებას და უნდა იყოს საბოლოო, გამონაკლისს წარმოადგენს და დაზუსტებას დაექვემდებარება დოკუმენტაცია, თუ შესყიდვის შესყიდვის ობიექტის სავაჭრო დასახელების, წარმოშობის წყაროს ან მწარმოებლის შესახებ წარდგენილი ინფორმაცია არასრულყოფილია, ან შეიცავს უზუსტობებს.

2.3.1.1. პრეტენდენტს უნდა გააჩნდეს შემოთავაზებული სატრანსპორტო საშუალების მწარმოებელი კომპანიის არანაკლებ 1 (ერთი) ავტორიზებული სერვის ცენტრი ქ. თბილისში;
2.3.1.2. პრეტენდენტმა, 2.3.1.1 პუნქტში აღნიშნული მოთხოვნის დადასტურების მიზნით, ერთიანი ელექტრონული სისტემის მეშვეობით უნდა წარმოადგინოს ინფორმაცია სერვის ცენტრ(ებ)ის შესახებ, მისამართ(ებ)ის და სამუშაო საათების მითითებით.

პრეტენდენტი უნდა იყოს, შემოთავაზებული სატრანსპორტო საშუალების ოფიციალური დილერი (იმპორტიორი) საქართველოს ტერიტორიაზე. ზემოაღნიშნულის დადასტურების მიზნით პრეტენდენტმა უნდა წარმოადგინოს ინფორმაცია ერთიანი ელექტრონული სისტემის მეშვეობით.

2.9.1. პრეტენდენტის მიერ ერთიან ელექტრონულ სისტემაში ასატვირთი დოკუმენტებია:
ა) ფასების ცხრილი, სატენდერო დოკუმენტაციის 1.3. პუნქტის მოთხოვნის შესაბამისად;
ბ) შემოთავაზებული შესყიდვის ობიექტის ტექნიკური მახასიათებლები/სპეციფიკაცია, სატენდერო დოკუმენტაციის 1.2. პუნქტის მოთხოვნების გათვალისწინებით;
გ) საგარანტიო ვადასთან დაკავშირებული მოთხოვნების შესახებ ინფორმაცია სატენდერო დოკუმენტაციის 1.7.1 პუნქტის მოთხოვნების შესაბამისად;
დ) მატერიალურ-ტექნიკურ ბაზასთან დაკავშირებული ინფორმაცია - სატენდერო დოკუმენტაციის 2.3.1 პუნქტის მოთხოვნების შესაბამისად;
ე) შემოთავაზებული სატრანსპორტო საშუალების, საქართველოს ტერიტორიაზე ოფიციალური დილერის (იმპორტიორი) შესახებ ინფორმაცია - სატენდერო დოკუმენტაციის 2.7.1 პუნქტის მოთხოვნების შესაბამისად.
ვ) პრეტენდეტმა უნდა წარმოადგინოს შემოთავაზებული სატრანსპორტო საშუალების ფოტოსურათ(ებ)ი.


2.9.2. „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების გათვალისწინებით, სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და/ან ინფორმაცია დადასტურებული/დამოწმებული უნდა იყოს უფლებამოსილი პირის მიერ (მინდობილი პირის შემთხვევაში, ატვირთული უნდა იქნეს მინდობილობა ან რწმუნებულება) კვალიფიციური ელექტრონული ხელმოწერით და/ან დამოწმებული უნდა იყოს კვალიფიციური ელექტრონული შტამპით.
2.9.3. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, უპირატესობის მინიჭების საკითხს გადაწყვეტს სატენდერო კომისია.

4.1.1.1. იმ შემთხვევაში, თუ ტენდერში მონაწილე პრეტენდენტის მიერ სისტემაში დაფიქსირებული საბოლოო ფასი 20%-ით, ან მეტით დაბალია შესყიდვის ობიექტის სავარაუდო ღირებულებაზე პრეტენდენტი ვალდებულია, დაასაბუთოს ფასწარმოქმნის ადეკვატურობა.
4.1.1.2. პრეტენდენტის მიერ ფასწარმოქმნის ადეკვატურობა შესაძლებელია დასაბუთდეს ექსპერტიზის დასკვნით ან/და აუდიტორული, ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას, როგორც პრეტენდენტის მიერ დაფიქსირებული წინადადების ფასთან (ფასების ცხრილის ჯამურ ღირებულებასთან), ასევე მომსახურების ერთეულის ფასთან მიმართებაში.
4.1.1.3. ფასწარმოქმნის ადეკვატურობა შესაძლებელია ასევე დასაბუთდეს წინამდებარე ტენდერით განსაზღვრული შესყიდვის ობიექტის ანალოგიური საქონლის 2022 ან/და 2023 წლის განმავლობაში მიწოდებასთან დაკავშირებით პრეტენდენტის მიერ გაფორმებული ხელშეკრულებით და მიღება-ჩაბარების აქტით.

7.2.1. ანგარიშსწორება განხორციელდება ეტაპობრივად ან მთლიანად საქონლის მიწოდების შემდეგ, შესაბამისი "მიღება-ჩაბარების" აქტ(ებ)ის გაფორმებისა და საქართველოს კანონმდებლობით დადგენილი შესაბამისი დოკუმენტების წარმოდგენის შემდეგ;

7.2.2.ანგარიშსწორების ვალუტა - ლარი;

7.2.3. გადახდის ფორმა იქნება უნაღდო, გადარიცხვა მოხდება მიმწოდებლის საბანკო ანგარიშზე.

ანგარიშსწორება განხორციელდება სატენდერო დოკუმენტაციის 7.2.1. პუნქტში მითითებული დოკუმენტაციის წარმოდგენიდან არაუგვიანეს 10 (ათი) სამუშაო დღის განმავლობაში.

მაკა ლეშკაშელი, 577187070, makaleshkashelii@gmail.com

10.1.1. პრეტენდენტს არ აქვს უფლება წარმოადგინოს ალტერნატიული სატენდერო წინადადება;
10.1.2. სატენდერო წინადადებაში პრეტენდეტის მიერ შემოთავაზებული ფასი უნდა მოიცავდეს ყველა ხარჯს, კანონმდებლობით გათვალისწინებულ ყველა გადასახადს (მათ შორის ავტომანქანის შემსყიდველ ორგანიზაციაზე რეგისტრაციისათვის საჭირო, სსიპ „შსს მომსახურების სააგენტოს” მომსახურების ყველა საფასურს), ასევე ტრანსპორტირების ხარჯებს. ხარჯები, რომლებიც სატენდერო წინადადების ფასში არ იქნება გათვალისწინებული, არ დაექვემდებარება ანაზღაურებას. შემოთავაზებული ფასის წარმოდგენა დასაშვებია მხოლოდ ლარებში.
10.1.3. სატენდერო წინადადების ფასის წარმოდგენა დასაშვებია მხოლოდ ეროვნულ ვალუტაში - ლარი.